<title type="main">MS. Georg. d. 1 Paraklitike პარაკლიტონი paraklitikoni JISC Gillian Evison I. Lobzhanidze transcribed from original MS and converted to XML format markup and encoding First publication edition, TEI P5. 11 June 2024 The project Wardrops' Collection Online is carried out within the framework ofJoint Research Programme of the University of Oxford and SRNSFG in Georgian Studies Bodleian Library [Date when first made available]
Department of Special Collections Bodleian Library Broad Street Oxford OX1 3BG Bodleian Library specialcollections.enquiries@bodleian.ox.ac.uk
MS_Wardr_d_1 Georgian United Kingdom Oxfordshire Oxford Oxford University Bodleian Library Oriental Manuscripts Wardrop Collection MS. Wardr. d. 1 ark:29072/x0th83kx24rc ark:29072/x0tm70mt082k Paraklitike [Book of Hours (fragment)] f. 1r Paraklitike [Book of Hours] CWC, 319-320 Georgian ff. 1r-1v Canon CWC, 319-320 Georgian ff. 1r-4v On Wednesday, Hymns of the Cross CWC, 319-320 Georgian ff. 4r-6v Hymns to the Holy Theotokos CWC, 319-320 Georgian ff. 6v-7r On Thursday, Hymns to the Holy Apostles CWC, 319-320 Georgian ff. 7r-9r On Thursday, Hymns to the Apostles CWC, 319-320 Georgian ff. 9r-11r Hymns to the Holy Theotokos CWC, 319-320 Georgian ff. 11r-11v On Friday, Hymns to the Cross of the Lord CWC, 319-320 Georgian ff. 11v-12r Canon CWC, 319-320 Georgian ff. 12r-14r On Friday, Hymns CWC, 319-320 Georgian ff. 14r-15r On Saturday, Hymns to the Saints and Souls of the Lord CWC, 319-320 Georgian ff. 15r-15v Canon of the Souls [...] CWC, 319-320 Georgian ff. 15v-15v On Saturday, Hymns to the Souls CWC, 319-320 Georgian ff. 15v-20r On Saturday, Hymns to the Most Holy Theotokos CWC, 319-320 Georgian ff. 20r-20v Hymns of the Resurrection CWC, 319-320 Georgian ff. 20v-21v Canon CWC, 319-320 Georgian ff. 21v-24v Commemorations CWC, 319-320 Georgian ff. 21v-24v On Monday, Hymns to the Holy Archangels CWC, 319-320 Georgian ff. 25r-25v Canon CWC, 319-320 Georgian ff. 25v-28r Hymns of Repentance CWC, 319-320 Georgian ff. 28r-30r Hymns to the Holy Angels CWC, 319-320 Georgian ff. 30r-30r On Tuesday, Hymns to the Holy Forerunner CWC, 319-320 Georgian ff. 30r-30v Canon CWC, 319-320 Georgian ff. 30v-32v Hymns to the Holy John the Forerunner CWC, 319-320 Georgian ff. 32v-33r On Wednesday, Hymns to the Cross and the Holy Theotokos CWC, 319-320 Georgian ff. 33r-36r Canon CWC, 319-320 Georgian ff. 36r-38r Hymns to the Holy Theotokos CWC, 319-320 Georgian ff. 38r-38v On Thursday, Hymns to the Holy Apostles CWC, 319-320 Georgian ff. 38v-41r Canon CWC, 319-320 Georgian ff. 41r-41v On Friday, Hymns to the Precious Cross CWC, 319-320 Georgian ff. 41v-44v Canon CWC, 319-320 Georgian ff. 44v-46v Hymns to the Most Holy Theotokos CWC, 319-320 Georgian ff. 46v-47r On Saturday, Hymns to the Saints and Souls CWC, 319-320 Georgian ff. 47r-51r Canon CWC, 319-320 Georgian ff. 51r-54r Hymns to the Most Holy Theotokos CWC, 319-320 Georgian ff. 54r-55v Cannon CWC, 319-320 Georgian ff. 55v-57v Commemorations of the Lord CWC, 319-320 Georgian ff. 51r-55v Hymns to the Holy Theotokos CWC, 319-320 Georgian ff. 58v-59v On Monday, Hymns to the Holy Archangels CWC, 319-320 Georgian ff. 59v-62v Canon CWC, 319-320 Georgian ff. 62v-64v On Monday, Hymns to the Heavenly Hosts CWC, 319-320 Georgian ff. 59v-62v On Tuesday, Hymns to the Holy John the Forerunner CWC, 319-320 Georgian ff. 65r-67v Canon CWC, 319-320 Georgian ff. 67v-68r On Wednesday, Hymns to the Holy [Theotokos] CWC, 319-320 Georgian ff. 68r-68r Canon CWC, 319-320 Georgian 68 ff. 25.7 17

There is not any kind of original pagination.

Pencil pagination on recto pages is added probably by the library.

 There is not title page. Several leaves of manuscript are damaged with small holes and dark stains. 11/12th c. Wardrop, J.O. from Haarrassowitz, O. in Leipzig in 1909 1910-10-04 don Wardrop, J.O.

Entry to read in the Library is permitted only on presentation of a valid reader's card (for admissions procedures contact Bodleian Admissions).

 Library of Congress Subject Headings Commentary Supercommentary Indices Translation multipleWorks Abridgement Supplement Papers Documents Extract Gloss Selection Diagrams Notes Letters Versification Georgian literature, Christian Irina Lobzhanidze Transcription of the manuscript James Cummings Up-converted the markup using https://github.com/bodleian/georgian-mss/tree/master/processing/convertGeorgian2Bodley.xsl Nikoloz Aleksidze

და უხრწნელებითა ნ(ა)ყ(ო)ფიერ მყო. ყ(ოვლა)დ ძლ(იე)რო უ(ფალ)ო დ(იდე)ბ(ა)ჲ შ(ე)ნდა ჻

Ⴅნებ(ა)თა შ(ე)ნთა ქ(რისტ)ე ღ(მერთ)ო ვ(ა)დ(ი)დ(ებ)თ. და თ(ა)ყ(ვა)ნისგცემთ შ(ე)ნ. და გქ(ა)დ(ა)გებთ ღ(მრ)თად. გ(ა)ნკ(ა)ცებ(უ)ლ(ა)დ რ(ომელმა)ნ. ს(ა)თნო იჩინე ჴსნაჲ ნ(ა)თეს(ა)ვ(ი)სა ჩ(უენ)ის(ა)ჲ ჻

Ⴑხ(უა)ნი Ⴋ(ა)მისაგ(ა)ნ შობილ ჻

Ⴂ(ი)Ⴞ(აროდე)Ⴌ უქორწინვ(ე)ლო • რ(ომელმა)ნ გამოუთქმელ(ა)დ ჰშევ ღ(მერთ)ი ყ(ოველ)თაჲ • გ(ი)ხ(აროდე)ნ შ(ე)ნ უსძლოო სძალო ზ(ე)ცის(ა)ო • რ(ომელმა)ნ იტჳრთე შემოქმედი • და დამბადებ(ე)ლი ყ(ოველ)თაჲ სიტყჳთა • რ(ომლ)ისათ(ჳ)სცა ს(ა)რწმ(უ)ნ(ო)ებით • გ(ი)ღ(ა)ღ(ა)დებთ ყ(ოვლა)დ წ(მიდა)ო • მეოხო მ(არა)დის მაქებ(ე)ლთა შ(ე)ნთ(ა)ო ჻

Ⴂ(ი)Ⴞ(აროდე)Ⴌ შ(ე)ნ ს(ა)მკჳდრ(ე)ბ(ე)ლო • ც(ა)თა და ქ(უე)ყნის(ა)ო ღ(მრთ)ისმშ(ო)ბ(ე)ლო ქ(ა)ლწ(ულ)ო • ყ(ოველ)თა უმეტესო მორწმ(უ)ნ(ე)თა ზღუდეო • და შესავედრ(ე)ბ(ე)ლო • ითხოვე ჩ(უე)ნთ(ჳ)ს • დაცვაჲ ჩ(უე)ნი ს(ა)ფრჴისაგ(ა)ნ მტ(ე)რთა • დედაო კ(ა)ცთა მ(ო)ყ(უა)რისაო • რ(ამეთუ) შ(ე)ნ ხ(ა)რ ნ(ა)ვთსაყუდელი • ს(ა)სოჲ მფ(ა)რვ(ე)ლი და მ(ეო)ხ()ი ს(უ)ლთა ჩ(უე)ნთ(ა)ჲ :

Ⴂ(ი)Ⴞ(აროდე)Ⴌ ქ(ალ)წ(უ)ლო მ(ა)რ(ია)მ • რ(ომელმა)ნ ჰშ(ე)ვ ჴ(ო)რც(ი)თა სიტყ(უა)ჲ დაუს(ა)ბ(ა)მოჲ • გ(ი)ხ(აროდე)ნ შ(ე)ნ ს(ა)ყდ(ა)რო მ(ეუ)ფის(ა)ო • გ(ი)ხ(აროდე)ნ სამოთხეო შუჱნიერო • გ(ი)ხ(აროდე)ნ ცხ(ო)რ(ე)ბისა ვენ(ა)ჴო • გ(ი)ხ(აროდე)ნ ტევანო სიწმიდის(ა)ო • და წყ(ა)რო დაუწყუჱდ(ე)ლო • მ(ეო)ხო მ(არა)დის მაქებ(ე)ლთა შ(ე)ნთ(ა)ო ჻

Ⴑტიქარონი

Ⴋ(ა)მისაგ(ა)ნ ჻

Ⴗ(ოველ)ი უსჯ(უ)ლ(ოე)ბ(ა)ჲ და ც(ო)დვ(ა)ჲ • ურიდად და წ(ა)რმდებებით • აღვასრულე მედგ(ა)რმ(ა)ნ • და ყ(ოვლ)ისა ტ(ა)ნჯ(ვ)ისა თ(ან)ამდებ ვიქმენ უბადრუკი • სინ(ა)ნ(უ)ლად მომაქციე უსძლო[ო] • რ(აჲთ)ა არა დავისა[ჯო]

ს(აუ)კ(უ)ნესა მ(ა)ს • რ(ამეთუ) შ(ე)ნ გესავ მ(ეო)ხად • და შ(ე)ნ გხა[დი] ჴელის ამპჴრ(ო)ბელ(ა)დ • ნუ მარ[ცხუენ] მოსავსა შ(ე)ნსა სძ(ა)ლო ღ(მრ)თის(ა)ო ჻

ჭირთ[ა] დ[ა] [..]

ა ღელვ(ა)ნი • და ვნებ(ა)თა [...] მძ

ლავრობენ ს(უ)ლსა ჩ(ემს)ა • [...]

ქ(რისტე)ს ღ(მრ)თ(ი)ს(ა)ო • გ(ა)ნმავლე ზღუაჲ[...]

ის(ა)ჲ • და ღელვ(ა)თა მისთა [...]

დე • და ნავთსადგურად სინ(ა)ნ(უ)ლისა • და გ(ა)ნსუჱნებისად მიმიძეღუ • ს(ა)ღ(მრ)თოსა ს(ა)ფ(ა)რვ(ე)ლსა შ(ე)ნსა შეს(ა)ვედრებ(ე)ლსა ჻

Ⴋოჲხილე ჩ(ე)მ ზ(ედ)ა ღ(მრთ)ისმშ(ო)ბ(ე)ლო • სასოწ(ა)რკუჱთილსა ც(ო)დვ(ა)თა სიმრ(ა)ვლითა • და ჴელი სინ(ა)ნულის(ა)ჲ აღმ(ი)პყარ უბიწო[ო] • რ(ამეთუ) უფსკრული ბრ(ა)ლთაჲ დამფარ(ა)ვს • და მნთქ(ა)მს მე წყუდიადი • ბორ(ო)ტთა გ(უ)ლის თქმ(ა)თაჲ • რ(აჲთ)ა გადიდებდე შ(ე)ნ სასოსა • ყ(ოველ)თა ქრისტიანეთ(ა)სა • და ჭ(ეშმარი)ტ(ა)დ უაღრესსა ანგ(ე)ლ(ო)ზთ(ა)სა ჻

Ⴜ(ა)რდგ(ო)მ(ა)ჲ Ⴋ(ა)მისაგ(ა)ნ შობ ჻

Ⴅ(ითარც)ა სახედ წ(ა)რტყუჱნა მტ(ე)რმ(ა)ნ • ადამი ხისა მის მ(იე)რ ცნობადისა უფალო • ეგრეთვე შ(ე)ნცა თ(ა)ვადმ(ა)ნ წ(ა)რმოსტყუჱნე • მტერი ძელისა მ(იე)რ და ჯ(უარ)ისა • და ვნებისა შ(ე)ნისა რ(ამეთუ) ამისთ(ჳ)ს • მოხუჱდ მეორე ადამ რ(აჲთ)ა მოჲძიო • შეცთომილი და გ(ა)ნაცხ(ო)ველო • მომწყდარი ღ(მერთ)ო ჩ(უე)ნო დ(იდე)ბ(ა)ჲ შ(ე)ნდა ჻

უხრწნ(ე)ლსა ხადსა შ(ე)ნსა თ(ა)ყ(უა)ნის ვსცემთ • ქველის მოქმედო და ვითხოვთ მოტ(ე)ვებ(ა)სა ც(ო)დვ(ა)თა ჩ(უე)ნთასა • ქ(რისტ)ე ღ(მერთ)ო გ(ა)ნზრ(ა)ხვით ს(ა)თნო იყ(ა)ვ აღსლვ(ა)ჲ ჯ(უარს)ა ზ(ედ)ა • რ(აჲთ)ა იჴსნნე რ(ომელ)ნი შეჰქმნენ მონების(ა)გ(ა)ნ • მტ(ე)რისა ვინაჲცა მ(ა)დლ(ო)ბით გ(ი)ღ(ა)ღ(ა)დებთ • სიხ(ა)რ(უ)ლითა აღმავსენ ყ(ოველ)ნი • ვ(ითა)რ მ(ა)ცხ(ოვა)რმ(ა)ნ ჩ(უენ)ნმ(ა)ნ • მოსრ(უ)ლმ(ა)ნ ცხ(ოვ)რებ(ა)დ ყ(ოვლ)ისა ს(ო)ფლისა ჻

Ⴅ(ითარც)ა უქროჲსა სასაკუმევლემ(ა)ნ • ც(ე)ცხ(ლი) ღ(მრ)თების(ა)ჲ შეიწყნ(ა)რე მიმ(ა)დლებ(უ)ლო • რ(ომე)ლსა მარწუხ(ი)თა ქერაბინი შიშით • და ძრწოლით მიეახლა • შ(ე)ნ იგი მუცლ(ა)დ

იღე და უშევ ს(ო)ფ(ე)ლსა სულნელებ(ა)ჲ • ქ(ალ)წ(უ)ლო ყ(ოვლა)დ ს(ა)გ(ა)ლობ(ე)ლო • შეიწ(ი)რე ლ(ო)ცვ(ა)ჲ მადიდებ(ე)ლთა • მორწმ(უ)ნეთა მონ(ა)თა შ(ე)ნთ(ა)ჲ ჻

Ⴍთხშ(ა)ბ(ა)თსა გ(ა)ლ(ო)ბ(ა)ნი ჯ(უარ)ის(ა)ნი

Ⴆღჳსა ღე Ⴐ(ა)ჟ(ამ)ს გ[...] ჴდა

[...] და მჴსნელის(ა)სა • პ(ირვე)ლ შექ

[...] ხისაგ(ა)ნ ცნობადისა • მოჲსთ(უ)ლო მწარედ

სიკ(უ)დილისა ს(ა)ს(უ)მელი • ხ(ოლო) შ(ე)ნ ქ(რისტ)ე • რ(ა)ჟ(ამ)ს მოჰკუჱდ ჯ(უარი)თა • მოეც უკდ(ა)ვებ(ა)ჲ კ(ა)ცთა ნ(ა)თეს(ა)ვსა ჻

Ⴀღემ(ა)რთა რ(ა)ჲ • ჯ(უარ)ი ს(ო)ფ(ე)ლსა შ(ინ)ა • დაეცა მძლავრი • ზუაობ(ა)ჲ ეშმ(ა)კისაჲ და გ(ა)ნიბნ(ი)ა • ყ(ოველ)ი ძ(ა)ლი მისი • და სამოთხედ-ვე • კ(უალა)დ-ვეგენით კ(ა)ცნი • დ(იდე)ბ(ა)ჲ ღ(მერთს)ა დ(იდე)ბ(ი)თ დ(იდე)ბ(უ)ლსა ჻

Ⴅ(ითარც)ა კრავნი • და ვირძნი სიტყჳ(ი)ერნი • ნებსით დაკლულნი • და უწყალოდ დაჭრილნი • შეიწირენით • მარტჳლნო ქ(რისტე)ს ღ(მრთ)ისა • და ეკლესიაჲ • პირმშოთაჲ გ(ა)ნაბრწყ(ი)ნვეთ • ყ(ოვლა)დ ქებ(უ)ლნო და სამგზის ს(ა)ნ(ა)ტრ(ე)ლნო ჻

Ⴀხოან იყო • წყ(ო)ბ(ა)ჲ თქ(უე)ნი მ(ა)რტჳლნო • რ(ომლ)ითა მტ(ე)რნი • უხილ(ა)ვნი დასცენით • დაჭრაჲ ძჳრ-ძჳრად • მ(ა)ხჳლითა და დაწუვაჲ • ც(ე)ცხლისა მ(იე)რ • და წყლისა მიითუალეთ • და ს(ა)ნ(ა)ტრელ(ა)დ სრ(უ)ლ ჰყავთ სრბაჲ თქ(უე)ნი ღირსნო ჻

Ⴖირსთა კრებ(უ)ლმ(ა)ნ • ჯეროვნ(ა)დ ს(ა)ხელ გდვეს შ(ე)ნ • ბჭედ გ(ა)ნუვლელ(ა)დ • და ქ(უე)ყნ(ა)დ რჩეულ(ა)დ • ღ(მრ)თისა დედ(ა)ო • და მთად წ(მ)იდად რ(ომე)ლსა • ლოდი უჴ(ე)ლოდ • გამოეკუჱთა ქ(რისტ)ე • რ(ომელმა)ნ ნებსით ჯ(უა)რცუმ(ა)ჲ თ(ა)ვს იდვა ჩ(უე)ნთ(ჳ)ს ჻

Ⴂ(ან)Ⴛ(ლიერდას)Ⴀ ჻

Ⴂ(ა)ნჴსნ(ი)ლნი ძ ჻

Ⴟ(უა)რცმ(ა)სა შ(ე)ნსა • შეარყიენ უფალო • დაბადებ(უ)ლნი ა(რამე)დ დაამტკიცენ • ძლიერებისთა შ(ე)ნისა მგ(ა)ლ(ო)ბ(ე)ლნი და სიმდაბლისა • გ(ა)რდამ(ა)ტებ(უ)ლისა და უს(ა)ზღვროჲსა • მორწმ(უ)ნეთა კრებ(უ)ლნი ჻

Ⴂ(ა)ნუღე კ(ა)ცთა • სამოთხე მ(ეუ)ფ(ე)ო • და შეიყვანე მ(ა)ს შ(ინ)ა ავაზაკი • რ(ომელმა)ნ იცნა • სიმდიდრე წყ(ა)ლ(ო)ბ(ა)თა შ(ე)ნთ(ა)ჲ ს(ა)ღ(მრ)თოჲ • და დაუსრულებ(ე)ლი წყ(ა)ლ(ო)ბ(ა)ჲ შ(ე)ნი • ღ(მერთ)ო ყ(ოვლა)დ ძლ(იე)რ(ო) ჻

Ⴀღყუავ(ილ)ნა გუნდი • მარტჳლთ(ა)ჲ დ(იდე)ბ(უ)ლი • ღელეთა შ(ინ)ა წამების(ა)თა ვრცელთა • ვ(ითარც)ა ვარდი სულნელი შუჱნიერი [...]და სულმყრ(ა)ლო ს(ა)ცთურის(ა)ჲ გ(ა)ნჴადეს და [...] გ(ა)ნასურნელნეს ჻

Ⴃიდნო მნათობნო [...]

ს(ო)ფლისანო • და მ(ო)რწმ(უ)ნეთა მ(ა)ცხ(ო)ვ(ა)რნო წ(მინდა)ნო • ბწყინვ(ა)ლებითა ს(უ)ლისა წ(მიდ)ის(ა)ჲთა • შემსხმელნი თქ(უე)ნნი • გ(ა)ნგუან(ა)თლენით ღირსნო რ(ომელ)ნი გნატრ(ი)თ • და ჯეროვნად გადიდებთ ჻

Ⴘეიწუჱბოდეს • ნაწლევნი ტკივილითა • ძელსა ზ(ედ)ა რ(ა)ჲ გხედვიდა დამსჭუალულსა • ღ(მრ)თისა სიტყჳსა • ყ(ოვლა)დ უბიწოჲ სძ(ა)ლი და სიკდილისა • ნეფსით შემწყნრებ(ე)ლსა ცხ(ო)რებისათ(ჳ)ს • კ(ა)ცთა ნ(ა)თეს(ა)ვისა ჻

Ⴋ(ე)Ⴑ(მას)Ⴀ Ⴑ(ა)ქმენი ჻

Ⴛელსა ზ(ედ)ა რაჲ აჰმ(ა)ღლდი მ(ეუ)ფ(ე)ო • გ(ა)ნაქიქენ შ(ე)ნ მწარენი მთავრობ(ა)ნი • ეშმ(ა)კის(ა)ნი • და წყევ(ა)ჲ უჩინო ჰყავ ამისთ(ჳ)სცა გ(ა)დიდებთ • ჩ(უე)ნ ცხ(ო)ვნებ(უ)ლნი • შ(ე)ნ მხ(ო)ლოო ყ(ოვლ)ისა მპყრობელო ჻

Ⴟ(უარს)ა ზ(ედ)ა რ(ა)ჲ გ(ა)ნიპყრენ ჴ(ე)ლნი შ(ე)ნნი • მზემ(ა)ნ ნ(ა)თელი და ბრწყ(ი)ნვ(ა)ლ(ე)ბ(ა)ჲ თ(ჳ)სი • მყის დაიფარა • კლდენი და მთანი გ(ა)ნსქდეს • და გ(ა)ნიპო ტ(ა)ძრ(ი)სა • ეზოჲ ს(ა)ხ(იე)რ • დ(იდე)ბ(ა)ჲ ძ(ა)ლსა შ(ე)ნსა ყ(ოვლა)დ ძლ(იე)რსა ჻

Ⴋოკლულთა მტ(ე)რი მოაკუდინეთ ს(რულია)დ • და ფუცხჳთა ხუჱტილთა მოკუდ(ა)ვებისა • სიზრქე გ(ა)ნაგდეთ • მ(ა)რტჳლნო დ(იდე)ბ(უ)ლნო • და ს(ა)ღ(მრ)თ(ო)ჲ ნ(ე)ტ(ა)რებ(ა)ჲ • შეიმოსეთ თქ(უე)ნ • და მეოხ ხ(ა)რთ მგ(ა)ლ(ო)ბელთა თქ(უე)ნთათ(ჳ)ს ჻

Ⴘემუსრნეს გ(ა)ნკჳრვებითა • მ(ო)წ(ა)მეთა თ(ა)ვნი [...] • ძლ(იე)რთა მ(ა)თ ყ(ოვლა)დ უკ(ე)თურთ(ა)ნი • თ(ა)ვთა მ(ა)თ მ(ა)თთა • წ(ა)რკუჱთითა • და დ(იდე)ბ(ა)ჲ უუხჭნოჲ • სამ(ა)რ(ა)დისოჲ დაიმკჳდრეს • და წ(ინაშ)ე ღ(მრთ)ისა სუფევენ ჻

Ⴑაშოჲთ შ(ე)ნ(ი)თ აღმოგჳბრწყ(ი)ნდა უბიწოო • მ(ა)მისა ღ(მრ)თისა ბრწყ(ი)ნვ(ა)ლებ(ა)ჲ და ხატი • და გ(ა)ნ(ა)ნ(ა)თლნა • ჯ(უა)რცმითა მ(ი)თ თ(ჳ)სითა • ქ(უე)ყ(ა)ნ(ა)ჲ სავსებითურთ • ღ(მრ)თისა დედ(ა)ო • და ეშმ(ა)კთა ბნელი წყუდიადი წ(ა)რდევნა ჻

Ⴖ(ამით)Ⴂ(ანს)Ⴀ Ⴂ(ა)ნვიბანენით ჻

ძელისა ჯ(უარს)ა • აჰმ(ა)ღლდი მ(ეუ)ფ(ე)ო • და [...] საფუძველნი ქ(უე)ყ(ა)ნის(ა)ნი • ხ(ოლო) ლახურ(ითა რ გ(ა)ნეღო გუ̂ერდი შ(ე)ნი • ვეშაპი იგი გუ-

ლარძნილი მოაკუდინე • და წყ(ა)როჲ ცხ(ო)რებისჲ აღმოგჳც(ე)ნე ჻

Ⴘეცთომილისა • და დამონებულისა • ჴ(ე)ლთა შ(ე)ნთა ქმნულისა ვერ იტჳრთე ხილვად • ამისთ(ჳ)ს გ(ა)ნიპყრენ ჴ(ე)ლნი ჯ(უარს)ა ზ(ედ)ა • სიტყ(უ)ო ღ(მრ)თის(ა)ო და მოაკუდინე მტ(ე)რი • და ძელითა მომკუდარი გ(ა)ნაცხ[ო]უველე ჻

Ⴕ(რისტ)ეს მს(ა)ხურნი • ს(ა)რწმუნონი მონანი • და მჴურვ(ა)ლენი შემწენი მორწმუნეთ(ა)ნი • ყუავ[ილ]ნი მრ(ა)ვ(ა)ლფერნი ნ(ა)ყ(ო)ფიერნი • და სავანენი ს(უ)ლისა წ(მიდ)ის(ა)ნი • ღირსნი მარტჳლნი სამ(ა)რთლად იქებიან ჻

Ⴂუნდმ(ა)ნ წ(მინდამა)ნ • მოწ(ა)მეთა შ(ე)ნთამ(ა)ნ • სჯ(უ)ლიერ(ა)დ მოღ(უა)წებითა უფალ(ო) • სჯ(უ)ლის მდებ(ე)ლო მხ(ო)ლო[ო] ს(ა)ხ(იე)რო • უსჯ(უ)ლ(ო)თა არცხჳნე ძალითა შ(ე)ნითა • დაძლევა შემოსილნი გჳრგჳნოს(ა)ნ იქმნნეს ჻

Ⴕ(ალ)წ(უ)ლად ეგე • უბიწოო ქ(ალ)წ(უ)ლო • შ(ემდგომა)დ შობისა შ(ე)ნისა უბიწოჲსა • რ(ამეთუ) ღ(მერთ)ი და კ(ა)ცი იშვა შ(ე)ნგ(ა)ნ • რ(ომლ)ისა ჯ(უა)რცუმ(ა)ჲ გ(ა)ნიცადე რ(ა)ჲ სძ(ა)ლო • ნაწლევთა ტკვილითა ჰგოდებდი მწარედ ჻

Ⴖ(აღად)Ⴗ(ავს)Ⴀ Ⴜ(ინაჲს)წ(არმეტ)ყ(უე)ლმ(ა)ნ ჻

Ⴇავსა ზ(ედ)ა ყრმ(ა)თ(ა)სა • და სხნა უდესმე ჴ(ე)ლნი • სახედ ჯ(უარ)ისა • დიდმ(ა)ნ იაკობ • და წინაჲთვე გამოსახა ჯ(უარ)ი შ(ე)ნი • ქ(რისტ)ე რ(ომ)ლისა მ(იე)რ • იჴს(ე)ნ ს(ო)ფ(ე)ლი • მტ(ე)რისაგ(ა)ნ გ(ა)-რ(ა)-ჲ-იპყრენ ჴ(ე)ლნი ჯ(უარს)ა ზ(ედ)ა ჻

Ⴗ(ოვე)ლთა მ(ეუ)ფ(ე)ო • ქ(რისტ)ე და რ(ა)ჲ ემსჭუალე • ნეფსით ჴორც(ი)თა • ძელისა ჯ(უარს)ა • მ(ეუ)ფებ(ა)ჲ ც(ო)დვისაჲ გ(ა)ნჰჴადე ჩ(უე)ნგ(ა)ნ • და ადამ გ(ა)ნდევნილი ჻ სამოთხისაგ(ა)ნ • მუნვე კ(უალა)დ-აგე ს(ა)ხ(იე)რებით ჻

Ⴑაწერტელთა მ(ა)თ მ(იე)რ • ს(ა)ღ(მრ)თ(ო)თა შ(ე)მკობილთა • Ⴕ(რისტე)ს მჴედ(ა)რთა • გ(ა)ნშუჱნებ(უ)ლთა • ზ(ე)ცისა ს(ა)მკ(ა)ულთა შუჱნიერთა • ყ(ოვლ)ითურთ სასურველთა ს(ა)რწმ(უ)ნ(ო)ებით • მჴურვალითა გონებითა ვადიდებდეთ Ⴃა უშრეტელად აქ რ[...] სლ[...] ქ(რისტე)ს მ(ო)წ(ა)ფეთა • რ(ამეთუ) მდიდრ[ად] მორწყნეს[...]

და სიხ(ა)რულით შევიდეს • ს(ა)სძლოსა ზ(ე)ც(ა)თ(ა)სა • ს(აუ)კ(უ)ნესა და ქ(რისტე)ს მჴსნელისა თ(ავს)ა იხ(ა)რებენ ჻

Ⴓგ(ა)ლ(ო)ბთ ძესა შ(ე)ნსა • ყ(ოვლა)დ ს(ა)გ(ა)ლობ(ე)ლო • ღ(მრთ)ისა დედაო • რ(ომელმა)ნ იგი • ძელითა მოჰკ(ა)ლ წინა აღმდგომი მტ(ე)რი • და იჴსნნა პატიჟთ(ა)გ(ა)ნ • ვნებ(ა)თა მისთა • პ(ა)ტივის მცემ(ე)ლნი და მგ(ა)ლ(ო)ბ(ე)ლნი ჻

Ⴉ(ურთ)Ⴞ(ეულარს)Ⴀ Ⴐ(ომელმა)ნ პ(ირვე)ლ ალი ჻

Ⴋახჳლი იგი • იქცევისი გზა მცემს მე • ვინჲთაგ(ა)ნ გ(ა)ნეღო ლახურითა გუჱრდი შ(ე)ნი • ტკბილო უ(ფალ)ო • ამისთ(ჳ)სცა გადიდებ • და თ(აყ)ჳნის ვ[ს]ცემ • გ(ა)ნმაცხოვ(ე)ლებელთა • ვნებ(ა)თა შ(ე)ნთა • და ჯ(უარს)ა დამსჭ(უა)ლვ(ა)სა ჻

Ⴎ(ირვე)ლ გუჱლისა • ძელსა ამ(ა)ღლებამ(ა)ნ • მოსეს მ(იე)რ ჯ(უა)რცმაჲ მჴსნელის(ა)ჲ გ(ა)მოს(ა)ხა • რ(ომელმა)ნ გუჱლი • მზ(ა)კვარი მოაკუდინა • და გ(ა)რდასლვითა • მცნების(ა)ჲთა მომწყდ(ა)რნი • გ(ა)ნმაცხოველნა • და მიჴსნნა ხრწნილების(ა)გ(ა)ნ ჻

Ⴆიარებ(ი)თა • ს(ა)ღ(მრ)თ(ო)ჲთა იწოდენით • ძედ ღ(მრთ)ისა მ(ა)მისა დაუსაბამოჲსა • ძისა მხ(ო)ლ(ო)ჲსა ვნებ(ა)თა მსგავსებისა • ქ(რისტე)ს მჴედარნო ვინ(ა)ჲცა ძმ(ა)დ ს(ა)ხელ გ[...]დ-ვა • და თ(ან)ა მკჳდრად სუფევისა თ(ჳ)სისა ჻

Ⴟ(უარს)ა დამსჭულვ(ა)ჲ • და ლახურითა გ(ა)ნგურემ(ა)ჲ • ც(ე)ცხლითა და მ(ა)ხჳლითა გ(ა)ნბრძ(ა)რვ(ა)ჲ • და წყლითა გ(ა)ნცდაჲ და ურმის თ(უა)ლთა დაკრვ(ა)ჲ • მჴნეთა მ(ა)რტჳლთა მ(ა)დლობით მიითუალეს • და ღ(ა)ღ(ა)დებდეს • ღ(მერთ)ო შ(ე)ნ კ(ურთხეულ) ხ(ა)რ ჻

Ⴑ(ა)ღ(მრ)თ(ო)ჲ ტევანი • რ(ომელ)ი უშრომელ(ა)დ • აღმოაცი[ე]ნე ქ(ალ)წ(უ)ლო უბიწო[ო] • რ(ა)ჟ(ამ)ს იხილე ჯ(უარს)ა ზ(ედ)ა ვნებულ(ა)დ • ესრეთ იტყ(ო)დე • Ⴥ, ძეო სასურველო • სისხლსა და წყ(ა)ლსა ცხოვ(ე)ლის მყ(ო)ფელსა მოგუცემ ჻

ႠႩ(ურთხევდითს)Ⴀ ჻

Ⴃაბადებ(უ)ლნი ჻

Ⴑისხლისა მ(იე)რ შ(ე)ნისა ქ(რისტ)ე ღ(მერთ)ო • რ(ომელ)ი გუჱრდით შ(ე)ნით აღმოაცენე • გ(ა)ნწმდა ს(ო)ფ(ე)ლი • და მრ(ა)ვ(ა)ლ...

ღ(მრ)თე[ე]ბისა ჴევნები გან[ჴ]მა • ხ(ოლო) წვმ(ა)ნი ტკბ(ი)ლნი ხორშ(ა)კთ დამჴსნელნი • მდიდრად წ(ა)რმოიჩინნეს ჻

Ⴌ(ა)თელი თ(ჳ)სი დაიფარა მზის თ(უა)ლმ(ა)ნ • რ(ამეთუ) გ(ა)ნჰკრთა ჯ(უა)რცმისაგ(ა)ნ შ(ე)ნისა • და კლდენი გ(ა)ნსქდეს • და ქუჱსკნელი შეძრწუნდა • ხ(ოლო) მ(ა)რთ(ა)ლთა • ს(უ)ლებმ(ა)ნ აღიმღერნეს • ს(ა)სო(ე)ბითა • საუკ(უ)ნოჲდ ჴსნის(ა)ჲთა ჻

Ⴋტუჱრი ნ(ა)წილთა წ(მიდა)თა მ(ო)წ(ა)მეთ(ა)ჲ • კურნებ(ა)სა აღმოდის მორწმ(უ)ნეთათ(ჳ)ს • და წუთხნი მ(ა)თნი • ჰკურნებენ ს(ა)ლმობ(ა)თა • უკურნებ(ე)ლთა • ვინ(ა)ჲცა ვჴმობთ მ(ა)დლობით • ვ(ითა)რ ს(ა)კჳრველ არს ღ(მერთ)ი წ(მიდა)თა შ(ორი)ს ჻

Ⴋჴეცთა შუანი • და სიავთა დუღილი • ყინული ძნელი და სიცხე გ(ა)ნმლეველი • ფრჩხილთა აღმოფხო(უ)რაჲ • და შეწყუდევ(ა)ჲ დილ(ე)გთა • და სიკ(უ)დილისა • სიმწარე მიითუალეთ • მჴნენო მარტჳლნო • და ქ(რისტე)ს თ(ან)ა სუფევთ ჻

Ⴌებსით კ(ა)ცებ(ა)ჲ შ(ე)ნგ(ა)ნ მიიღო სძ(ა)ლო • ჯ(უა)რცმ(ა)ჲ თ(ა)ვს-იდვა და წყევად ს(ა)ხელ ედვა • რ(ომელმა)ნ მ(ი)ჴსნნა • წყევისაგ(ა)ნ სჯ(უ)ლისა • მიმადლებ(უ)ლო • ყ(ოვლა)დ ძლ(იე)რმ(ა)ნ ძემ(ა)ნ • და ღ(მერთმა)ნ შ(ე)ნმ(ა)ნ • და აცხ(ო)ვნა ს(ო)ფელი ჻

Ⴀ(დიდე)Ⴁ(დითს)Ⴀ ჻

Ⴓჳზეშთაესი ჻ Ⴘემუსრვილებ(ა)ჲ • ჩ(ემ)ი და სიგლ(ა)ხ(ა)კე • გ(ა)ნჰკურნე მჴსნელო • წყ(ა)ლ(ო)ბითა შ(ე)ნ(ი)თა • და ხატი შ(ენ)ი • ვნებ(ა)თა დაფარული • გ(ა)ნწ(მი)დე ღ(მერთ)ო ცხ(ო)რებისა ჩ(ე)მ(ი)ს(ა)ო • ვნებ(ა)თა მ(იე)რ • შ(ე)ნთა ცხოველის მყ(ო)ფ(ე)ლთა ჻

Ⴀჰმ(ა)ღლდი ნებსით • საროსა ზ(ედ)ა ჩ(უე)ნთ(ჳ)ს • ფიჭუსა და ნაძუსა • ს(ა)ხიერ მოწყ(ა)ლ(ე)ბით • ერთი წ(მიდ)ისა • ს(ა)მ(ე)ბისაჲ ჴ(ო)რცითა • ორთა ბო[უ]ნებითა და ორ(ი)თა ს(ა)ქმითა • რ(აჲთ)ა აცხოვნო ადამ ნათეს(ა)ვ(ი)თურთ ჻

Ⴟაჭუად შთაგეცუა • საჭურვ(ე)ლი ჯ(უარისა)ჲ მჴნენო

მარტჳლნო • და არა მოჲწყლენით • ისართა მ(ა)თგ(ა)ნ მტ(ე)რის(ა)თა ბორ(ო)ტთა • ვინ(ა)ჲცა იქმნა იგი სამღერელ თქ(უე)ნდა • ვ(ითარც)ა სირი • უნდოჲ და შეურაცხი ჻

Ⴜადიერებით • შეიწყნ(ა)რნა მიწამ(ა)ნ • მჴნენო მარტჳლნო წ(მიდა)ნი სისხლნი თქ(უე)ნი • ხ(ოლო) ზ(ე)ც(ა)თა ს(ა)ღ(მრ)თ(ო)ნი ს(უ)ლნი თქ(უე)ნი • და ც(ე)ცხლის ფერთა გუნდთა თ(ან)ა მდგომარე ხ(ა)რთ • წ(ინაშ)ე ღ(მრ)თისა : ეკლესიისა სუჱტნო ჻

Ⴂ(ა)ნხრწნილი იგი • ბო[უ]ნებ(ა)ჲ ადამისი • გ(ა)ნახლდა შ(ე)ნგ(ა)ნ • ჰშევ რ(ა)ჲ დამბადებ(ე)ლი • უაღრეს წესთა • ბ(უ)ნებისთა სძ(ა)ლო • რ(ომელ)ი იგი იხილე რ(ა)ჲ ვნებული • გოდებით ჰჴმობდი • ქ(ალ)წ(უ)ლო და იგლოვდი ჻

Ⴂ(ა)ლ(ო)ბ(ა)ნი წ(მიდ)ისა ღ(მრთ)ისმშ(ო)ბლის(ა)ნი

Ⴆღჳსა ღე ჻

Ⴌესტუნი საღ(მრ)თ(ო)ნი • წ(ინაჲს)წ(არმეტ)ყ(უე)ლთანი • წინაჲთვე ჴმობდეს • საჲდუმლ(ო)თა შ(ე)ნთა • ღ(მრ)თის მეტყუჱლებით • ღ(მრთ)ისმშ(ო)ბ(ე)ლო ქ(ალ)წ(უ)ლო • და შორითვე გ(ა)ნიცდიდეს შ(ე)ნთა მ(ა)თ • ს(ა)კჳრვ(ე)ლებ(ა)თა და ადიდ(ე)ბდ(ე)ს ჻

Ⴥ, ვით(ა)რმ(ა)ნ მე • გონებამ(ა)ნ გამოთქუას • ანუ ვ(ითა)რმ(ა)ნ ენამ(ა)ნ • ღ(მრ)თის მეტყ(უე)ლოს • ღ(მრ)თისა დედაო • საჲდუმლოთა შ(ე)ნთა ღირსი გ(ა)ლ(ო)ბ(ა)ჲ • ყ(ოვლა)დვე უღონო არს • ს(ა)კჳრვ(ე)ლებ(ა)თა შ(ე)ნთა ჯეროვნ(ა)დ შემკობაჲ ჻

Ⴉარავი იგი წამების(ა)ჲ წინაჲთვე • გ(ა)მოს(ა)ხვიდა • სიჴშოთა დ(იდე)ბისა მისის(ა)თა • საჲდუმლ(ო)თა • შ(ე)ნთა ღ(მრ)თივ ბრწყ(ი)ნვ(ა)ლეთა • ღ(მრ)თისა დედაო ყ(ოვლა)დ უბიწოო ჻

Ⴃ(იდე)ბითა მით • შობისა შ(ე)ნის(ა)ჲთა • ღ(მრ)თისა დედ(ა)ო • ქ(ალ)წ(უ)ლო უბიწოო • ადამიანთა • სიხარ(უ)ლი ეხარა • და კ(უალა)დ ს(უ)ლთა ქუჱსკნელსა შ(ინ)ა დასჯილთა • უკუდ(ა)ვებისა ალაგნი გ(ა)ნეხუნეს ჻

Ⴂ(ან)Ⴛ(ლიერდას)Ⴀ Ⴂ(ა)ნჴსნილ ჻

Ⴐ(ომელმა)ნ [...] შექმნნა დაბადებ(უ)ლნი • და კ(უალა)დ კ(ა)ცი

დაჰბადა მიწისაგ(ა)ნ • ღ(მრ)თისა დედ(ა)ო • შ(ე)ნგ(ა)ნ ჴ(ო)რცნი ივასხნა ს(ა)ხ(იე)რებით • რ(ომე)ლთა მ(იე)რ ღ(მერ)თ ყო ბ(უ)ნ(ე)ბაჲ ჩ(უე)ნი • ამისთ(ჳ)ს გ(ი)გ(ა)ლ(ო)ბთ შ(ე)ნ ჻

Ⴋუცლ(ა)დ-(ი)ღე შ(ე)ნ • ღ(მერთ)ი და გჳშევ სძ(ა)ლო • გ(ა)მოუთქმელ(ა)დ სიტყ(უა)ჲ გ(ა)ნკ(ა)ცებ(უ)ლი • რ(ომე)ლ იგი • იტყოდა ღ(მერთ)ი • წ(ინაჲს)წ(არმ)ეტყ(უე)ლთა პ(ი)რითა პ(ირვე)ლ • და აწ სრ(უ)ლ ყუნა თქმ(უ)ლნი მ(ა)თნი ჭ(ეშმარი)ტ(ე)ბით • და აცხოვნა ს(ო)ფ(ე)ლი ჻

Ⴑიტყჳსა ღ(მრ)თისა • ტაძრად ღ(მრ)თივ შუჱნიერ(ა)დ • გ(ი)გ(ა)ლ(ო)ბთ სძალო ქ(უე)ყ(ან)ისა ნაშობნი • რ(ომელ)ი იგი • ჯერ ჩინებითა ღ(მრ)თისა მ(ა)მის(ა)ჲთა • და მოსლვითა ს(უ)ლის(ა)ჲთა გამოუთქმელად • იშვა შ(ე)ნგ(ა)ნ უხრწნვ(ე)ლო ჻

Ⴁო(უ)ნებ(ა)ჲ კ(ა)ცთაჲ • შეიწყ(ა)ლა შ(ე)ნ მ(იე)რ • და ს(ა)ღ(მრ)თ(ო)ჲთა მით შობითა შ(ე)ნითა • ღ(მრ)თისა დედ(ა)ო • შეერთო გაუამოვნ(ე)ბით სიტყ(უა)სა ღ(მერთს)ა • და იჴსნა დასჯისაგ(ა)ნ და ხრწნილებისა • ამისთ(ჳ)ს გიგ(ა)ლ(ო)ბს შ(ე)ნ ჻

Ⴋ(ე)Ⴑ(მას)Ⴀ Ⴑ(ა)ქმენი შ(ე)ნნი ჻

Ⴋომკუდარი ესე ვნებ(ა)თა მძლ(ა)ვრებითა • და გ(უ)ლის სიტყ(ჳ)თა და გ(უ)ლის თქმ(ა)თა მ(იე)რ • და საწუთოჲსა მ(იე)რ • სამნაკეცთა ღელვათა • აღმაადგინე წყ(ა)ლ(ო)ბით • ღ(მრ)თისა დედ(ა)ო • ბჭეო ს(აუ)კ(უ)ნისა ცხ(ო)რ(ე)ბ(ი)ს(ა)ო ჻

Ⴜყუდიადთა მ(ა)თგ(ა)ნ ქუჱსკნ(ე)ლისა სიღრმეთა • ჴსნილნი შ(ე)ნ მ(იე)რ ქ(ალ)წ(უ)ლო უბიწო • ადამიანნი ვადიდებთ ს(ა)ღ(მრ)თ(ო)სა მ(ა)ს • ს(ა)კჳრვ(ე)ლსა შობ(ა)სა • შ(ე)ნსა და გნ(ა)ტრით • გჳთხოვე ძისა შ(ე)ნისაგ(ა)ნ წყ(ა)ლ(ო)ბ(ა)ჲ ჻

Ⴋ(ა)ცხ(ო)ვრ(ა)დ კ(ა)ცთა • და მჴსნელ(ა)დ გ(ა)ნწირ(უ)ლთა • და ნავთსდგურ(ა)დ ჴსნისა და ცხ(ო)რ(ე)ბისა • მოგიგებთ სძალო • სამწყსონი ესე შ(ე)ნნი • და ვიჴსებით ყ(ოველ)თა • გ(ა)ნსცდელთ(ა)გ(ა)ნ • და წადიერად გ(ა)ქებთ • და თ(ა)ყ(უა)ნის გცემთ ჻

Ⴓგ(ა)ლ(ო)ბთ ძრწოლით ღ(მრთ)ისმშ(ო)ბ(ე)ლო ქ(ალ)წ(უ)ლო • საშოჲსა შ(ე)ნისაგ(ა)ნ გ(ა)ნკ(ა)ცებ(უ)ლსა • ღ[მრთ]ისა სიტყ(უა)სა • და დ(იდე)ბ(ი)ს გმეტყუჱლებთ • მხოლოო კ(ურთ)ხ(ეუ)ლო გვ[ი]ჴსნენ ჭირთაგ(ა)ნ • საეშმ(ა)კ(ო)თა მონ(ა)ნი ესე შენნი

Ⴖ(ამით)Ⴂ(ანს)Ⴀ: Ⴂ(ა)ნვ(ი)ბანენით ჻

Ⴘ(ე)ნ მხ(ო)ლოჲ ეგე • ქ(ალ)წ(უ)ლ(ა)დ გ(ა)ნუხრწნელად • ვ(ითარც)ა იყ(ა)ვ ქ(ალ)წ(უ)ლ პ(ირვე)ლ შობისა • რ(ამეთუ) ღ(მერთ)ი იყო შ(ე)ნგ(ა)ნ შობილი • ვინ(ა)ჲცა დაიცვა შეუხებლად სძ(ა)ლო • ქ(ალ)წ(უ)ლებ(ა)ჲ შ(ე)ნი წ(მიდა)ჲ და უბიწოჲ :

Ⴗ(ოვლა)დ წ(მიდ)ასა • და შესაძრწუნვებ(ე)ლსა • შობ(ა)სა პ(ი)რითა და გ(უ)ლითა • პ(ა)ტ(ი)ვსცემთ ქ(ალ)წ(უ)ლო • და შემსგ(ა)ვსებ(უ)ლსა • დ(იდე)ბისა შ(ე)ნისა პ(ა)ტივსა მიგიძღუანებთ • და ჭ(ეშმარიტა)დ დედად ღ(მრთ)ისა ს(ა)ხელ გდებთ ჻

Ⴋ(ა)მისა თ(ან)ა • დაუსაბამოჲ სიტყ(უა)ჲ • შ(ე)ნგ(ა)ნ უაღრეს ბ(უ)ნებ(ა)თა გ(ა)ნკ(ა)ცნა • ყ(ოვლა)დ წ(მიდა)ო ქ(ალ)წ(უ)ლო ღ(მრთ)ისმშ(ო)ბ(ე)ლო • ამისთ(ჳ)ს დედად მ(ეუ)ფისად გქ(ა)დ(აგე)ებთ • და სასოდ ცხ(ო)რებისად აღგიარებთ ჻

Ⴘეურყეველად • სიმტკიცედ ცხ(ო)რებისად • ჴ(ე)ლის აპყრობ(ა)ჲ შ(ენ)ი უწყით ქ(ალ)წ(უ)ლო • და სნეულებ(ა)თა და გ(ა)ნს(ა)ცდელთაგ(ა)ნ • გ(ა)რე მოცვულნი შ(ე)ნდა მოვივლტით მჴურვ(ა)ლედ • გჳჴსნენ და გ(ი)ცხ(ო)ვნ(ე)ნ მხ(ო)ლოო კ(ურთ)ხ(ეუ)ლო ჻

Ⴖ(აღად)Ⴗ(ავს)Ⴀ: Ⴜ(ინაჲს)წ(არმეტ)ყ(უე)ლმ(ა)ნ მ(ა)ნ ჻

Ⴜ(ინაჲს)წ(არმეტ)ყ(უე)ლთა და • ღ(მრ)თისმეტყ(უე)ლთა კრებ(უ)ლმ(ა)ნ • ცხადად იხილნეს • სიჲდუმლოთა • შ(ე)ნთა სახენი ღ(მრ)თისმშობ(ე)ლო ქ(ალ)წ(უ)ლო • და წინ(ა)ჲთვე იტყ(ო)დეს • და ქ(ა)დ(ა)გებდეს • და ყ(ოველ)თა აუწყებდეს შობ(ა)სა შ(ე)ნსა ჻

Ⴘ(ე)ნდა მომ(ა)რთ მოვივლტი • უხრწნელო ღ(მრ)თისმშ(ო)ბ(ე)ლო • და გევედრები • მ(ა)ცხ(ო)ვნე და მიჴსენ ოხითა შ(ე)ნ(ი)თა • რ(ამეთუ) ყ(ოველ)ივე • ძ(ა)ლ-გიც ვ(ითარც)ა • დედ(ა)სა ღ(მრ)თისა დაუსაბამოჲს(ა)სა ჻

Ⴂ(ა)ნ(ა)ნ(ა)თლე ცხ(ო)რ(ე)ბ(ა)ჲ • ჩ(ემ)ი დაბნელებული • ღ(მრ)თისა დედაო • რ(ომელმა)ნ გჳშევ • ხატი და ბრწყ(ი)ნვ(ა)ლებ(ა)ჲ ღ(მრ)თისა მ(ა)მის(ა)ჲ • და მყუდროდ ნავთსაყუდელად • საუკ(უ)ნოჲსა • ცხ(ო)რებისა წ(ა)რმიძეღუ სძ(ა)ლო ღ(მრ)თის(ა)ო ჻

Ⴉ(ურთ)Ⴞ(ეულარს)Ⴀ Ⴐ(ომელმა)ნ პ(ირვე)ლ ჻

Ⴑ(უ)ლისა მ(იე)რ წ(მიდ)ისა მუცლად-იღე • სიტყ(უა)ჲ ღ(მრთისა)ჲ დაგჳშევ გ(ა)მოუთქმ(ე)ლად •

და ქ(ალ)წ(უ)ლ(ე)ბ(ა)ჲ • უბიწოჲ დაიმ(ა)რხე ამისთ(ჳ)ს ჴ(მას)ა გ(ა)ბრ(იე)ლის(ა)სა ვიტყჳთ • შ(ე)ნდამი და ვჴმობთ • გ(ი)ხ(აროდე)ნ ქ(ალ)წ(უ)ლო ჻

ႡჁწყ(ი)ნვ(ა)ლებისა • და ნ(ა)თლისა ს(ა)ღ(მრ)თ(ო)ჲსა • ოქროჲსა ს(ა)სანთლედ გამოსჩნდი ღ(მრ)თისმშ(ო)ბ(ე)ლო • და ცის კიდეთა ჰნათობ ბრწყინვ(ა)ლებითა • სიწ(მ)იდის(ა)ჲთა • და გ(ა)ნ(ა)ნ(ა)თლებ ს(უ)ლთა რ(ომელ)ნი ჴმონ კ(ურთხეულ) ხ(ა)რ ქ(ალ)წ(უ)ლო ჻

Ⴋოჲკლა ადამ მცნებისა გ(ა)რდასლვითა • ხ(ოლო) შ(ე)ნ ჰშ(ე)ვ რ(ა)ჲ ცხ(ო)რ(ე)ბ(ა)ჲ ს(აუ)კ(უ)ნოჲ • ღ(მრ)თისა დედ(ა)ო • იჴსნენ ხრწ(ნ)ილებისაგ(ა)ნ ადამიანნი • და მ(ა)დლობით უგალობენ შ(ე)ნგ(ა)ნ შობილსა • ღ(მერთ)ო შ(ე)ნ კ(ურთხეულ) ხ(ა)რ ჻

Ⴐ(ომელ)ი ეგე • გ(ა)რეშე მოუწერელ • იყო პ(ირვე)ლ ბ(უ)ნებითა ღ(მრ)თეების(ა)ჲთა • გ(ა)რე შეწერილ • იქმნა ბ(უ)ნებითა მით რ(ომელ)ი შ(ე)ნგ(ა)ნ • მიიღო უცოდვ(ე)ლ(ა)დ • ღ(მრ)თისა დედ(ა)ო • ამისთ(ჳ)ს გ(ა)კ(ურთ)ხ(ე)თ შ(ე)ნ ჻

ႠႩ(ურთხევდითს)Ⴀ: Ⴃაბადებ(უ)ლნი ჻

Ⴘ(ე)ნ ხ(ა)რ მთაჲ ღ(მრთისა)ჲ • საჩინოჲ და ბრწყ(ი)ნვალე • ამ(ა)ღლებ(უ)ლი ბორცუთა ზ(ედ)ა მ(ა)ღ(ა)ლთა • ღ(მრ)თისა დედაო ჻

ქ(ალ)წ(უ)ლო ღ(მრ)თ(ი)ს მშ(ო)ბ(ე)ლო • და შ(ე)ნგ(ა)ნ იშვ(ა) • მზე სიმ(ა)რთლის(ა)ჲ ქ(რისტ)ე დაბადებ(უ)ლთა • ნ(ა)თელი წ(ა)რუვალი ჻

Ⴐ(ომელმა)ნ ჰშ(ე)ვ მ(ეუ)ფე დ(იდე)ბისაჲ • მძლავრობისაგ(ა)ნ ვნებ(ა)თ(ა)ჲსა გჳჴსნ(ე)ნ ჩ(უე)ნ • რ(ომელ)ნი დედად ღ(მრ)თისად აღგიარებენ • ს(ა)რწმ(უ)ნ(ო)ებით • და ღირს მყვენ სამოთხისა ფუფ(უ)ნებ(ა)სა • ვედრებითა შ(ე)ნ(ი)თა ჻

Ⴌელს(ა)ცხებ(ე)ლი • იგი უხრწნელების(ა)ჲ • აღმ(ა)ვსებ(ე)ლი ჩ(უე)ნი ს(უ)ლ(ნ)ელებითა • ს(აუ)კ(უ)ნოჲთა • ქ(რისტ)ე გჳშევ ქ(ალ)წ(უ)ლო • ყ(ოვლა)დ წ(მიდა)ო • ამისთ(ჳ)ს გთ(ი)ღ(ა)ღ(ა)დებთ გ(ი)ხ(აროდე)ნ შ(ე)ნ • მხ(ო)ლოო კ(ურთ)ხ(ეუ)ლო ჻

Ⴅ(ითარც)ა სუჱხი • ნ(ა)თლის(ა)ჲ და ღრუბელი • წინამძღუარ მექმენ ზ(ე)ცად მ(იმა)რთ ქ(ალ)წ(უ)ლო • უვალთა შ(ინ)ა • ვნებ(ა)თა საცთომელსა • და შემიყვანე • ტალავარსა ს(ა)ღ(მრ)თ(ო)თა და სავანეთა • ბრალთა უდაბნოჲსაგ(ა)ნ ჻

Ⴀ(დიდე)Ⴁ(დითს)Ⴀ: Ⴓზეჟშთაეს Ⴅ(ითარც)ა ღ(მრ)თისა • დედ(ა)სა და ქ(ალ)წ(უ)ლსა • ს(ა)რწმ(უ)ნ(ო)ებით გაქე-

ბთ და თ(ა)ყ(უა)ნის გცემთ • ყ(ოვლა)დ წ(მიდა)ო • ქ(ალ)წ(უ)ლო ღ(მრ)თისმშ(ო)ბ(ე)ლო • და შემსგ(ა)ვსებ(უ)ლსა ს(ა)ქმეთ(ა)სა ს(ა)ხელსა • ღ(მრ)თივ შუჱნ(ი)ერსა • მიგ(ი)ძღუანებთ დედ(ო)ფ(ა)ლო ჻

Ⴎ(ირვე)ლ უჴ(ო)რცოჲ სიტყ(უა)ჲ გჳშევ ჴ(ო)რცითა • ღ(მრ)თისა მ(ა)მისა შობილი უწინარესი • ჟ(ა)მთა და წელთა • ღ(მრ)თ(ი)სმშ(ო)ბ(ე)ლო ქ(ალ)წ(უ)ლო • გ(ა)ნახლებ(ა)დ და ცხ(ო)რებ(ა)დ დაბ(ა)დებ(უ)ლთა • ამისთ(ჳ)ს ძრწოლით • გ(ა)ლ(ო)ბით გ(ა)დ(ი)დ(ე)ბთ შ(ე)ნ ჻

Ⴗ(ოვლა)დ წ(მიდა)თა • სისხლთა შ(ე)ნთაგ(ა)ნ სძ(ა)ლო • გ(ა)ნკ(ა)ცებ(უ)ლი • გ(ა)მოგჳჩნდი ჩ(უე)ნ ღ(მერთ)ი • მ(ა)მისა თ(ან)ა • გ(ა)ნმგებ(ე)ლი ყ(ოვლ)ისაჲ • და ს(უ)ლისა წ(მიდ)ისა თ(ან)ა მფლობელი • და გ(ა)ნ(ა)ნ(ა)თლნა თ(ჳ)სნი დაბ(ა)დებ(უ)ლნი ჻

Ⴅედრებ(ა)დ ღ(მრ)თისა • ჩ(უე)ნთ(ჳ)ს ნუ დააცადებ • ღ(მრ)თისა დედ(ა)ო • ს(ა)სოო და ზღუდეო მორწმ(უ)ნეთაო • რ(აჲთ)ა ვედრებ(ი)თა მ(ი)თ • შ(ე)ნ(ი)თა ვიჴსნნეთ ჭირთაგ(ა)ნ და ვნებ(ა)თა • და ს(ა)ლმობ(ა)თა • მადიდებ(ე)ლნი შ(ე)ნნი ჻

Ⴃღე ხუთშ(ა)ბ(ა)თი Ⴜ(მიდა)თა მ(ო)ციქ(უ)ლთ(ა)ჲ

უ(ფალ)ო ღ(ა)ღ(ა)დ Ⴇ( ჳ)თი ჻

Ⴃ(იდე)ბ(უ)ლ ჰყ(ა)ვ მ(ა)ცხ(ო)ვ(ა)რ თ(ა)ვთა მ(ა)თ • მ(ო)ციქ(უ)ლთა ს(ა)ხ(ე)ლები • რ(ამეთუ) ისწავნეს • გამოუთქმელნი ზ(ე)ცის(ა)ნი • და მოსცნეს ქ(უე)ყ(ა)ნის(ა)თა ლხინებ(ა)ნი • და აჩრდილნი ხ(ოლო) მ(ა)თნი ვნებ(ა)თა გ(ა)ნჰკურნებნ • რ(ომელ)ი ეგე • მეთევზურთა მ(იე)რ • ს(ა)კჳრველთ-ჰმოქმედებ • და ჰურიათაგ(ა)ნთა ღ(მრ)თის ჰმეტყუჱლებ • სიტ(ყუა)თა მ(ა)თ მ(ა)დლის(ა)თა • აწცა მ(ა)თ მ(იე)რ მ(ო)წყ(ა)ლ(ე)ო უ(ფალ)ო • მომეც ჩ(უე)ნ დიდი წყ(ა)ლ(ო)ბაჲ • და გ(უ)ეცხ(ო)ვნენ მჴსნ(ე)ლო ჻

Ⴓჯეროთა ს(ა)ქმეთა მ(იე)რ • ყ(ოვლ)ით კერძო შეიწრებულნი • შ(ე)ნდა მოვივლტით • ჭ(ეშმარი)ტისა ღ(მრ)თისა და მ(ო)წ(ა)ფეთა • მ(ა)თ შ(ე)ნთა ჴ(მას)ა შ(ე)ნდა შევსწირავთ • მოძღ(უა)რ გუაცხოვნენ რ(ამეთუ) წ(ა)რვწყმდებით • უჩუჱნე აწ მ(ეუ)ფ(ე)ო • მტ(ე)რთა მ(ა)თ ჩ(უე)ნთა გ(ე)ვედრ(ე)ბით • რ(ამეთუ) ჰფარავ • ერსა შ(ე)ნსა და იჴსნი ჭ(ირთაგა)ნ • ვ(ე)დრებითა • დიდთა მ(ო)ციქ(უ)ლთა შენთაჲთა და უგულებელს-ჰყოფ ც(ო)დვ(ა)თა მ(ა)თ

მბადებ(ე)ლისა თჳსის(ა)ჲ • და უთესლოდ მაწოვნებ(ე)ლი და მზრდელი • ქ(რისტე)ს ღ(მრ)თისა ყ(ოველ)თა მზრდელის(ა)ჲ • ეჰა ს(ა)კჳრველი ს(ა)კჳრვ(ე)ლებ(ა)თ(ა)ჲ • რ(ამეთუ) ს(ა)ყდრ(ა)დ ქერაბინ(ა)დ • გამოჩნდა მუცელი შ(ენ)ი სძალო • მიმ(ა)დლებ(უ)ლო მ(ეო)ხ გ(უე)ყ(ა)ვ ს(უ)ლთა ჩ(უე)ნთათ(ჳ)ს ჻

Ⴞუთშ(ა)ბ(ა)თსავე გ(ა)ლ(ო)ბ(ა)ნი მ(ო)ც(ი)ქ[ულთანი]

Ⴆღჳსა ღელვათა ჻

Ⴂ(ა)ნ(ა)თლებ(უ)ლნო • უფლ(ი)სა მ(ო)ციქ(უ)ლო • ბრწყ(ი)ნვ(ა)ლებ(ა)სა • საუფლოჲსა ელვანო • გ(ა)ნმ(ა)ნ(ა)თლეთ მე • დაბნელებული ესე • გ(უ)ლის თქმ(ა)თაგ(ა)ნ • რ(ომელმა)ნ ყ(ოველ)ივე • ცხ(ო)რ(ე)ბ(ა)ჲ უდებებით გ(ა)რდავჰჴ(ა)დე ჻

Ⴥ, მეგობ(ა)რნო • და ქ(რისტე)ს მ(ო)ციქ(უ)ლნო • საკუთარ ქმნილი • მტ(ე)რისა ვნებ(ა)თაგ(ა)ნ • მიჴსენით მისგ(ა)ნ • და აღძართ ს(უ)ლი ჩ(ემ)ი • რ(აჲთ)ა შევიტკბო სიყ(უა)რული ქ(რისტე)სი • რ(ომელმა)ნ შემიყუ(ა)რნა ს(ა)ხ(იე)რებით ჻

Ⴂლ(ა)ხ(ა)კო ს(უ)ლო • პ(ირვე)ლ აღს(ა)სრულისა • ჰგოდებდი თ(ა)ვსა • შ(ე)ნსა მკ(უ)დ(ა)რსა ც(ო)დვითა • რ(აჲთ)ა რ(ომელმა)ნ ლაზარე აღადგინა • ოთხისა დღის(ა)ჲ • აღგ(ა)დგ(ი)ნოს წყ(ა)ლ(ო)ბით • მ(ეო)ხ(ე)ბითა დიდთა მ(ო)ციქ(უ)ლთ(ა)ჲთა ჻

Ⴐ(ომელმა)ნ გჳშ(ე)ვ ს(ა)ხ(იე)რი უ(ფალ)ი • ღ(მრთ)ისა დედაო • ვნებ(ა)თაგ(ა)ნ ტყუჱ ქმნ(ი)ლთა • ამ(ი)თ გ(ა)მოჴსნ(ა)ჲ • გჳთხოვე უბიწო • მ(ო)ციქ(უ)ლთა და • წ(მიდა)თა მ(ო)წ(ა)მეთა და წ(ინაჲს)წ(არმეტ)ყ(უე)ლთა თ(ან)ა და მ(ა)რთ(ა)ლთა ჻

Ⴂ(ან)Ⴛ(ლიერდას)Ⴀ: Ⴂ(ა)ნჴსნილნი ჻

Ⴖ(მრ)თისა მ(ა)მისა • სიბრძნე მოძღ(უა)რ(ე)დ გქონდა თქ(უე)ნ • რ(ამეთუ) დ(იდე)ბ(უ)ლნო და ს(უ)ლითა წ(მიდ)ითა • წ(ა)რმ(ა)რთთა იგი სიბრძნე • გ(ა)ნაცო[ფ]ეთ თქ(უე)ნ ყ(ოვლა)დ ქებ(უ)ლნო • ღ(მრთ)ისა მხილველნო ნეტ(ა)რნო • და ღ(მრ)თის მეტყჳ(ე)ლნო • თ(ა)ვნო მ(ო)ციქ(უ)ლთ(ა)ნო ჻

Ⴁერწობ(ა)ჲ ესე • უძლურ(ი)სა ს(უ)ლისა • ჩ(ე)მის(ა)ჲ ქ(რისტე)ს მ(ო)ციქ(უ)ლნო დაჰჴსენით • და შვილ მრ(ა)ვ(ა)ლ მყავთ • სათნ(ო)ებ(ა)თა მ(იე)რ ღ(მრ)თისა ს(ა)თნოთა • ვ(ითარც)ა ხ(ა)რთ სიტყჳსა თ(უა)ლით მხილველნი • Ⴥ, სამგზის ს(ა)ნ(ა)ტრელნო ჻

Ⴂესლისა მისგ(ა)ნ • ბორ(ო)ტისა გუჱლისა • მწარედ მოწყლული გ(ა)ნმკურნე ს(ა)ხ(იე)რო • მ(ეო)ხ(ე)ბითა • მ(ო)ციქ(უ)ლთა შ(ე)ნთ(ა)ჲთა • და მოაკუდინე • მტ(ე)რი ჩ(ემ)ი მოშურნე და მ(ა)ცხ(ო)ვნე მე • ქველის მ(ო)ქმედ მ(ო)წყ(ა)ლ(ე)ო ჻

Ⴥ, დედ(ო)ფ(ა)ლო • ევედრე მ(ა)ცხ(ო)ვ(ა)რსა • ყ(ოვლა)დ ძლ(იე)რსა ღ(მერთს)ა დამბ(ა)დებ(ე)ლსა • კრებ(უ)ლსა თ(ან)ა • მ(ო)ციქ(უ)ლთ(ა)სა ქებ(ი)თ შემსხმელთა შ(ე)ნთა • ჴსნად ყ(ოველ)თაგ(ა)ნ ჭირთა და გ(ა)ნსაცდელთა • რ(აჲთ)ა გ(ა)დიდ(ე)ბდეთ შ(ე)ნ ჻

Ⴋ(ე)Ⴑ(მას)Ⴀ Ⴑ(ა)ქმ(ე)ნი შ(ე)ნნი ჻

Ⴃამდნარი ესე დღითი დღე სიყრმილითა • უკდ(ა)ვებისა საზრდელითა გ(ა)ნმაძღე • კ(ა)ცთა მ(ო)ყ(უა)რეო • ს(ა)ღ(მრ)თ(ო)ჲთა ვედრებითა • მ(ო)ციქ(უ)ლთა შ(ე)ნთ(ა)ჲთა • რ(ომე)ლთა იგი • ჴ(მა)ჲ წ(მიდა)ჲ გ(ა)ნჴდა კიდეთა ს(ო)ფლის(ა)თა ჻

Ⴑ(ო)ფლისა ამის ზღ(უა)სა ზ(ედ)ა ივლინენ • მსგ(ა)ვსად ჰონეთა მ(ო)ც(ი)ქ(უ)ლთა ბანაკნი • კ(ა)ცთა მ(ო)ყ(უა)რ(ე)ო • რ(აჲ)თა იგი აღძრნეს • მარილიანნი იგ(ინ)ი • მწარენი წყ(ა)ლნი ურწმუნოების(ა)ნი • და დაატკბნეს ჻

Ⴐ(ომე)ლთა ეგე უქ(ა)დ(ა)გეთ ბნელისა • მყოფთა წ(ა)რმ(ა)რთთა მზე სიმ(ა)რთლის(ა)ჲ ქ(რისტ)ე • ც(ო)დვისა ბნელსა • მდებარე გ(ა)ნმ(ა)ნათლეთ • და უქმ ქმნენით ბორ(ო)ტნი • გ(უ)ლის სიტყ(უა)ნი გ(უ)ლისა ჩ(ე)მის(ა)ნი. Ⴥ, მ(ო)ციქ(უ)ლნო ჻

Ⴖ(მრ)თისა დედ(ა)ო ყ(ოვლა)დ ს(ა)გ(ა)ლობელო • რ(ომელმა)ნ გჳშ(ე)ვ სიტყ(უა)ჲ დამბადებ(ე)ლი • მგ(ა)ლობ(ე)ლთათ(ჳ)ს • შ(ე)ნთა უ[ო]ხაჲ შეწირე • მისსა მ(იმა)რთ წ(მიდა)თა • და დ(იდე)ბ(უ)ლთა • რ(აჲთ)ა გჳჴსნნეს ჭ(ი)რთ(ა)გ(ა)ნ ჻

Ⴖ(ამით)Ⴂ(ანს)Ⴀ ჻

Ⴂ(ა)ნვიბანე ჻

Ⴋწყემსმ(ა)ნ მ(ა)ნ და დიდმ(ა)ნ • ს(ა)ღ(მრ)თ(ო)ნი მ(ო)წ(ა)ფენი • თ(ჳ)სნი ვ(ითარც)ა ცხოვ(ა)რნი შ(ორი)ს მგელთა • წ(ა)რავლინნა ქ(ა)დაგად ხ(ოლო) მ(ა)თ • მგელნი იგი ჭ(ეშმარიტა)დ კრავად შეცვალნეს • ნ(ა)თლისღებისა მ(იე)რ და მოძღ(უ)რებისა ჻

Ⴂ(ა)ნან(ა)თლენით • ს(ა)ღ(მრ)თ(ო)ჲთა მით ნ(ა)თლითა • წყუდიადსა შ(ინ)ა ს(ა)ცთურთ(ა)სა • დანთქმულნი გ(უ)ლნი • Ⴥ, მ(ო)ციქ(უ)ლნო [...] ევედრენით • გ(უ)ლის თქმ(ა)თაგ(ა)ნ გ(ა)ნმხრწნელ-

თა ს(უ)ლის(ა)თა • დაბნელებ(უ)ლი გ(ა)ნმან(ა)თლეთ ნეტ(ა)რნო ჻ Ⴥ, უბადრუკო • ც(ო)დვ(ი)ლო ს(უ)ლო ჩ(ე)მო • პ(ირვე)ლ სიკ(უ)დილისა ისწრ(ა)ფე შეინანე • დაჴმობდი ღ(მრ)თისა მ(იმა)რთ შეგცოდე ს(ა)ხ(იე)რო • შემინდევ მ(ო)ციქულთა ვედრებითა • და მ(ა)ცხ(ო)ვნე, ვ(ითარც)ა კ(ა)ცთა მ(ო)ყ(უა)რე ხ(ა)რ ჻

Ⴁრწყ(ი)ნვ(ა)ლებ(ი)თა • შ(ე)ნითა გ(ა)ნმან(ა)თლე • ს(ა)მკჳდრებ(ე)ლო ს(ა)ღ(მრ)თ(ო)ჲსა ნ(ა)თ(ე)ლის(ა)ო • წყუდიადითა ბრ(ა)ლთაჲთა დაბნელებ(უ)ლი • და მ(ო)ციქ(უ)ლთა თ(ან)ა მეოხ გყ(ა)ვ რ(აჲთ)ა • ყ(ოვლ)ისა ჭირისაგ(ა)ნ ვიჴსნა უბიწოო ჻

Ⴖ(აღად)Ⴗ(ავს)Ⴀ : Ⴜ(ინაჲს)წ(არმეტ)ყ(უე)ლმ(ა)ნ მ(ა)ნ ჻

Ⴋდინარენო ს(ა)ღ(მრ)თ(ო)ნო • წყლისა ცხ(ო)ველისანო • დამწუარი ესე • გ(უ)ლის თქმ(ა)თაგ(ა)ნ • ც(ო)დვის(ა)თა გ(უ)ლი ჩ(ემ)ი გ(ა)ნაგრილეთ • მ(ო)ციქ(უ)ლნო ქ(რისტე)სნო • ყ(ოვლა)დ წ(მიდა)ნო • რ(აჲთ)ა გ(ა)დიდ(ე)ბდე თქ(უე)ნ ღ(მრ)თივ გ(ა)ნგრძნ(ო)ბ(ე)ლნო ჻

Ⴃ(იდე)ბ(ა)სა ღ(მრ)თ(ი)ს(ა)სა • მოუთხრობდით ყ(ოველ)თა • ვ(ითარც)ა ც(ა)ნი • Ⴥ, მ(ო)ციქ(უ)ლნო • გ(ა)ნ(ა)თლებ(უ)ლნო და ღ(მრ)თ(ი)ვ ბრწყ(ი)ნვ(ა)ლენო • რ(ა)ისა მს(ა)ხურებდ • მ(ეო)ხებითა თქ(უე)ნითა ღირს მყ(ო)ფენით ყ(ოვლა)დ ქებ(უ)ლნო ჻

Ⴖელვა გუჱმული ძჳრთა • ც(ო)დვ(ა)თა ზღ(უა)სა შ(ინ)ა • შ(ე)ნდა მოვივლტ(ი) • მმართებელისა • შ(ენი)თა დაბ(ა)დებ(უ)ლთ(ა)ჲსა უ(ფალ)ო • მ(ო)ციქ(უ)ლთა ოხითა • ნავთსაყუდელსა ცხ(ო)რების(ა)სა წარმიძეღუ გ(ე)ვ(ე)დრ ჻

Ⴆ(ე)ცისა ძ(ა)ლთა თ(ან)ა • და წ(ინაჲს)წ(არმე)ტ(ყ)ჳლთა • მ(ო)ციქ(უ)ლთა და მ(ო)წ(ა)მეთა • ჩ(უე)ნთ(ჳ)ს ევედრე ქ(რისტეს)ა ძესა შ(ე)ნსა • ჴსნად ყ(ოვე)ლთა ჭირთაგ(ა)ნ • და გ(ა)ნს(ა)ცდელთა • ყ(ოვლა)დ წ(მიდა)ო ქ(ალ)წ(უ)ლო სძალო ღ(მრ)თის(ა)ო ჻

Ⴉ(ურთ)Ⴞ(ეულარს)Ⴀ Ⴐ(ომელმა)ნ პ(ირვე)ლ ჻

Ⴀღტყინებულთა • ც(ე)ცხლითა ს(უ)ლის(ა)ჲთა • ს(ა)ცთურისა ნაკუჱრცხ(ა)ლნი დაბრიტენით • და სიყუარ(უ)ლი ქ(რისტე)სი • გონებ(ა)სა მორწმ(უ)ნეთ(ა)სა • ს(ა)ჴუმილებრ აღატყ(ი)ნეთ • ამისთ(ჳ)ს გნატრით • და გ(ა)ქებთ მ(ო)ც(ი)ქ(უ)ლნო ჻

Ⴋოჲძულეთ თქ(უე)ნ ს(ო)ფელი მ(ო)ციქ(უ)ლნო • და ს(ო)ფლად მოსრული ქ(რისტ)ე შეიყუარეთ • რ(ომლ)ისა მ(იმა)რთ • ოხაჲ ჩ(უე)ნთ(ჳ)ს შეწირეთ • რ(აჲთ)ა ყ(ოველ)თა • ბორ(ო)ტთა ს(ო)ფლის(ა)თა • უაღრეს

მყოს მე ვედრებითა თქ(უე)ნითა ჻

Ⴥ, მ(ა)რთლ მსაჯულო • და გ(უ)ლთა გ(ა)ნმკ(ი)თხველო • და დაფ(ა)რულთა ბრ(ა)ლთა ჩ(ე)მთა მხილველო • ნუ დამსჯი ჟ(ამს)ა • გ(ა)ნსჯისა შ(ე)ნის(ა)სა • ნუცა წ(ა)რმავლენ ც(ე)ცხლად დაუშრეტელად • მ(ეო)ხ(ე)ბითა მ(ო)ციქ(უ)ლთა შ(ე)ნ ღ(მრთისა)ჲთა ჻

Ⴀრ(ა)ჲ შეიცჳ • ც(ე)ცხლისაგ(ა)ნ ს(ა)ღ(მრ)თ(ო)ჲსა • რ(ომელ)ი იგი გჳშ(ე)ვ გამოუთქმელად • უსძლო სძალო • ქ(ალ)წ(უ)ლო ღ(მრ)თ(ი)სმშ(ო)ბ(ე)ლო • მისგ(ა)ნ მითხოვე • მ(ო)ციქ(უ)ლთა კრებ(უ)ლ(ი)სა • თ(ან)ა ც(ე)ცხლისაგ(ა)ნ ს(აუ)კ(უ)ნოჲსა ჴსნაჲ ჻

ႠႩ(ურთხევდითს)Ⴀ: Ⴃაბადებ(უ)ლნი ჻

Ⴑახედ ც(ე)ცხლისა • გ(ა)რდამოჴდა თქ(უე)ნ ზ(ედ)ა • ს(უ)ლი ცხოველი • ნუგეშინისმცემ(ე)ლი • და აღგატყინნა : შემწუველდ ურწმ(უ)ნოთა • და მორწმ(უ)ნეთა • გ(ა)ნ(ა)თლებ(ა)დ ბრწყ(ი)ნვ(ა)ლედ სიტყჳსა ღ(მრ)თისა • ს(ა)ღ(მრ)თ(ო)ნო მ(ო)ც(ი)ქ(უ)ლნო ჻

Ⴖელვა გუჱმული • ვნებ(ა)თა ბორ(ო)ტთაგ(ა)ნ • უკურნებ(ე)ლი ს(უ)ლი ჩ(ემ)ი გ(ა)ნკურნე • და გ(ა)ნმინ(ა)თე • გ(უ)ლი დაბნელებ(უ)ლი • და გ(ა)ნმიბრწყ(ი)ნვე • მედგრობითა დაჴსნითი გონებ(ა)ჲ ჩ(ემ)ი • მ(ო)ციქ(უ)ლთა ოხითა ჻

Ⴑ(უ)ლთ ითქუჱმდ ს(უ)ლო • და მჴურვალედ ტიროდი • და თ(ა)ვი შ(ე)ნი იგლოვე გ(უ)ლსმოდგინედ • ვ(იდრ)ე მოსლვამდე • გლოჲსა მის მწარისა • და უღ(ა)ღ(ა)დებდ • დამბადებ(ე)ლსა ღ(მერთს)ა შ(ემიწყალ)ე მე • მ(ო)ციქ(უ)ლთა ოხითა ჻

Ⴚ(ე)ცხლმ(ა)ნ რ(ომელმა)ნ • არა გ(ა)ნლინა ყრმ(ა)ნი • უხრწელი შობ(ა)ჲ შ(ე)ნი მოასწავა სძ(ა)ლო • ს(ა)გ(ა)ლობ(ე)ლო • ამისთ(ჳ)ს გევ(ე)დრები • მეოხ მეყ(ა)ვ მე • მ(ო)ციქ(უ)ლთა და წ(ინაჲს)წ(არმეტ)ყ(უე)ლთა • თა ჴსნად ც(ე)ცხლისაგ(ა)ნ ჻

Ⴀ(დიდე)Ⴁ(დითს)Ⴀ: Ⴍზეშთაესი ჻

Ⴃასჯილი ესე • და უცხოჲ კ(ე)თილთაგ(ა)ნ • და ბრძ(ა)ნებ(ა)თა შ(ე)ნთა გ(ა)რდამ(ა)ვ(ა)ლი • და ს(ა)ცთურითა ეშმ(ა)კის(ა)ჲთა გ(ა)ნფრდილი • მომ(ა)ქციე მე ქ(რისტ)ე ყ(ოვლა)დ ძლიერო • მეოხებითა მ(ო)ც(ი)ქ(უ)ლთა შ(ე)ნთ(ა)ჲთა ჻

Ⴥ, მ(ო)ციქ(უ)ლნო დიდნო და ს(ა)ნ(ა)ტრელნო • და მ(ო)წ(ა)მენო • და ქ(ა)დაგნო ქ(რისტე)სნო • გ(ა)ნმარინეთ მე • ყ(ოველ)თა ვნებ(ა)თაგ(ა)ნ • და ყ(ოვლ)ისა

რისხვისა • და ყ(ოვლ)ისა ც(ო)დვისა • და ურჩებისა • და ყ(ოვ)ლ(ი)თა ძჳრთაგ(ა)ნ ჻

Ⴑ(უ)ლი მაქუს ურჩი • და გონებ(ა)ჲ დასჯილი • და სჳნდისი • ვნებ(ა)თაგ(ა)ნ • და ტყუჱ ქმნილი • და ც(ო)დვ(ა)თაგ(ა)ნ • მწარედ შეშინებ(უ)ლი • და გ(უ)ლი გ(უ)ლის თქმ(ა)თაგ(ა)ნ დაბნელებ(უ)ლი. • Ⴥ, მ(ო)წყ(ა)ლეო • წყ(ა)ლ(ო)ბით შ(ემიწყალ)ე ჻

Ⴂუნდმ(ა)ნ წ(მიდა)თა • მ(ო)ც(ი)ქ(უ)ლთამ(ა)ნ სძ(ა)ლო • გ(ა)ნთქუჱს კიდეთა ს(ო)ფლის(ა)თა დ(იდე)ბ(ა)ჲ • ძისა შ(ე)ნის(ა)ჲ • და ჴმა მ(ა)ღლად ქ(ა)დაგეს • მ(ა)თ თ(ან)ა მ(ეო)ხ გ(უე)ყ(ა)ვ რ(აჲთ)ა გ(ა)ნვერნეთ • ს(ა)ტ(ა)ნჯველთაგ(ა)ნ • მადიდებ(ე)ლნი შ(ე)ნნი ჻

Ⴂ(ა)ლ(ო)ბ(ა)ნი წ(მიდ)ისა ღ(მრთ)ისმშ(ო)ბლის(ა)ნი

Ⴋ(ოვე)დით ერნო ჻ Ⴐ(ომელ)ნი ღირს(ა)დ • ღ(მრ)თ(ი)სმშობლ(ა)დ უბიწოდ აღგიარებენ • ს(უ)ლ(იე)რთა და ჴ(ო)რციელთა • ჭირთა და ს(ა)ლმობთა და გ(ა)ნსცდელთ(ა)გ(ა)ნ იჴსნენ • რ(ომელ)ნი გ(ი)გ(ა)ლობენ ღ(მრ)თ(ი)სმშ(ო)ბ(ე)ლო ქ(ალ)წ(უ)ლო ჻

Ⴓ(ფლ)ისა დედად • შ(ე)ნ გიცნობთ მომცემელ(ა)დ ჩ(უე)ნდა მ(ა)დლისა • ამისთ(ჳ)ს შ(ე)ნდა მოვივლტით • დაგჳფარენ ღ(მრ)თ(ი)სმშ(ო)ბ(ე)ლო • ს(ა)ფ(ა)რველითა მ(ა)გით • მ(ა)დლისა შ(ე)ნის(ა)ჲთა • რ(ომელ)ნი გიგ(ა)ლ(ო)ბთ შ(ე)ნ ჻

Ⴋგ(ა)ლ(ო)ბ(ე)ლთათ(ჳ)ს • ევედრე შ(ე)ნგ(ა)ნ შობილსა ქ(რისტეს)ა • რ(ომელ)ი გ(ა)ნჴ(ო)რციელდა ყ(ოვლა)დ უბიწოჲსა საშოჲსა შ(ე)ნისაგან • წ(მ)იდა მყვენ ც(ო)დვ(ა)თაგ(ა)ნ • და ყ(ოვლ)ისა ვნებისა ჻

Ⴄრი მორწ(მუ)ნე: აღგიარებს შეს(ა)ვედრებლ(ა)დ • და ზღუდედ მტკიცედ ქ(ალ)წ(უ)ლო • მჴსნელ(ა)დ ჭირვეულთა • მოგიგებთ ღ(მრ)თისა მ(იმა)რთ • შ(ე)ნ დ(იდე)ბ(უ)ლო ღირსო • მშობ(ე)ლო მ(ეუ)ფისაო ჻

Ⴂ(ან)Ⴛ(ლიერდას)Ⴀ: Ⴂ(ა)ნმაძლ(იე)რ ჻

Ⴊ(ო)ცვითა და ვედრებითა შ(ე)ნითა ქ(ალ)წ(უ)ლო გჳთხოვე • ქ(რისტე)ს(ა)გ(ა)ნ შ(ე)ნგ(ა)ნ შობილისა • მოტე[ვე]ბ(ა)ჲ ბრ(ა)ლთა ჩ(უე)ნთაჲ • და დაგჳფარეს ჩ(უე)ნ გ(ა)ნს(ა)ცდელთაგ(ა)ნ ჻

Ⴌუ უგ(უ)ლებ(ე)ლს მყოფ მვედრებ(ე)ლთა შ(ე)ნთა • ქ(ალ)წ(უ)ლო რ(ომელ)ნი გიგ(ა)ლ(ო)ბთ • ს(ი)ღრმით გ(უ)ლის(ა)ჲთა • და ს(ა)ფ(ა)რველსა შ(ე)ნსა • ყ(ოვლა)დ უბიწო დამ(ი)ფარენ ჩ(უე)ნ ჻

Ⴄთხოვე ჩ(უე)ნთ(ჳ)ს წ(ა)რმ(ა)რთ

ებ(ა)ჲ ცხ(ო)რებისჲ ღ(მრ)თის(ა)გ(ა)ნ • ქ(ალ)წ(უ)ლო სასო დამფ(ა)რველო • და შესავედრ(ე)ბ(ე)ლო ჩ(უე)ნო • მიჴსნენ ჭირისაგ(ა)ნ სძ(ა)ლო ღ(მრ)თის(ა)ო ჻

Ⴋ(ა)მისაგ(ა)ნ გამოსრ(უ)ლი სიტყ(უა)ჲ და სიბრძნე რ(ომელ)ი • იტჳრთე წიაღთა ქ(ალ)წ(უ)ლო • სახურთაგ(ა)ნ მტერის(ა)თა • ითხოვე მისგ(ა)ნ დღეს • მოს(ა)ვთა შ(ე)ნთა ჻

Ⴋ(ე)Ⴑ(მას)Ⴀ: Ⴋესმა უ(ფალ)ო ჻

Ⴓძლურებ(ა)თა და ჭირთა • ს(უ)ლ(იე)რთა და ჴ(ო)რც(ი)ელთა • კურნებ(ა)ჲ გჳთხოვე ძისა შ(ე)ნისაგ(ა)ნ ქ(ალ)წ(უ)ლო ჻

Ⴈჴსნენ ქ(ალ)წულო წ(მიდა)ო • ღელვა გუჱმულნი ს(ა)ცთურთაგ(ა)ნ მტ(ე)რის(ა)თა • და დაგუამტკიცენ ქ(რისტე)ს სიყუარ(უ)ლსა ჻

Ⴅნებანი ჩ(უე)ნნი აღძრულნი • მტერისაგ(ა)ნ დააცხრენ ყ(ოვლა)დ წ(მიდა)ო • და გჳძღოდე ჭ(ეშმარი)ტ(ე)ბისა გზ(ა)სა ჻

Ⴊხინება ყ(ა)ვ, Ⴥ, ღ(მრ)თისა დედ(ა)ო • აღძრვ(ი)თა და გ(ა)ნს(ა)ცდელთაგ(ა)ნ • მოს(ა)ვთა შ(ე)ნთათ(ჳ)ს ს(ა)გ(ა)ლობელო ჻

Ⴒყუჱობისაგ(ა)ნ მტ(ე)რთ(ა)ჲსა • იჴსნენ ს(უ)ლნი ჩ(უე)ნნი ღ(მრ)თისა დედ(ა)ო • და წ(ა)რმ(ი)ძეღუ ჩ(უე)ნ გზ(ა)სა ს(აუ)კ(უ)ნესა ჻

Ⴖ(ამით)Ⴂ(ანს)Ⴀ Ⴌ(ა)თლისა მო ჻

Ⴈსართა და ს(ა)ცთურთა • პირად პირ(ა)დთაგ(ა)ნ მტ(ე)რის(ა)თა გუჱმულნი • შ(ე)ნდა მოვივლტით გ(ა)ნს(ა)ცდელთაგ(ა)ნ • გჳჴსნენ ვ(ითარც)ა ხ(ა)რ დედაჲ ღ(მრთისა)ჲ • რ(ომელ)ნი გესავთ შ(ე)ნ ღ(მრ)თ(ი)სმშ(ო)ბ(ე)ლო ქ(ალ)წ(უ)ლო ჻

Ⴀღს(ა)სრულსა ჟ(ა)მთ(ა)სა • იტჳრთე ძე ღ(მრთისა)ჲ მხ(ო)ლ(ო)დ შობ(ი)ლი ღირსო • და უზეშთაეს იქმენ ქერაბ(ი)ნთა • რ(ამეთუ) შ(ე)ნგ(ა)ნ კ(ა)ც იქმნა • ღ(მერთ)ი მ(ა)ს ევედრე ჴსნად ს(უ)ლთა ჩ(უე)ნ[თა]თ(ჳ)ს ჻

Ⴌ(ა)თ(ე)ლისა მომცემ(ე)ლი • და ს(აუ)კ(უ)ნეთა შემ(ო)ქმედი იტჳ(ი)რთე • წიაღთა ქ(ალ)წ(უ)ლო რ(ომელ)ი მოვიდა მ(ა)ცხ(ოვ)რად • ყ(ოველ)თა რ(ომელ)ნი აღგიარებ(ე)ნ შ(ე)ნ ყ(ოვლა)დ წ(მიდა)ო ჻

Ⴘემუსრვილნი გ(უ)ლითა • და დამდ(ა)ბლებ(უ)ლნი ს(უ)ლითა შეგივრდებით • ქ(ალ)წ(უ)ლო რ(ამეთუ) იტჳრ[თ]ე მჴსნელი ყ(ოველ)თა დაბ(ა)დებ(უ)ლთაჲ • მისსა მ(იმა)რთ მ(ეო)ხ გ(უე)ყ(ა)ვ ჴსნად ს(უ)ლთა ჩ(უე)ნთათ(ჳ)ს ჻

Ⴖ(აღად)Ⴗ(ავს)Ⴀ: Ⴖელვამ(ა)ნ ჻

Ⴈქმენ ნავთს(ა)ყუდელ ცხ(ო)რებისა • ღელვა გუჱმ(უ)ლთა ს(ა)ცთურთა მ(ა)თგ(ა)ნ მტ(ე)რის(ა)თა • გ(ა)დიდებთ დედ(ო)ფ(ა)ლო • წინამძღუარ ექმენ ს(უ)ლ(ი)თა ჩ(უე)ნთა ღ(მრთ)ისა მ(იმა)რთ ჻

Ⴌ(ე)ტ(ა)რ(ე)ბი[სა] ჴ(მას)ა მ(ა)რთ(ა)ლთ(ა)სა • და ვაკლდი და სამოსელი საქორწინე გამეძარცუა • ა(რამე)დ შ(ე)ნ ღ(მრ)თისმშ(ო)ბელო • შემამკვე ნიჭითა და მ(ა)დლითა ს(ა)ღ(მრ)თ(ო)ჲთა ჻

Ⴃაკლებულ ვიქმენ ზ(ე)ცისა ნიჭთაგ(ა)ნ • და შეძრწუნვებ(უ)ლი უნდოდ დავეცი, ა(რამე)დ შ(ე)ნ • აწ აღმადგინე ქ(ალ)წ(უ)ლო • ღ(მრ)თ(ი)სმშ(ო)ბ(ე)ლო სძ(ა)ლო ყ(ოვლა)დ უბიწო ჻

Ⴀღმომ(ა)ცენებ(ე)ლო ცხ(ო)რების(ა)ო • მოღუაწებსა შ(ე)ნსა ღირს მყ(ა)ვ არა ღირსი ესე • მშობელო მ(ეუ)ფის(ა)ო • რ(ომელმა)ნ იჴსენ ს(ო)ფელი ს(ა)ცთ(უ)რისაგ(ა)ნ ჻

Ⴉ(ურთ)Ⴞ(ეულარს)Ⴀ Ⴞ(ა)ტისა მის ჻

Ⴈვნე ჴ(ო)რცითა რ(ომელ)ი გ(ა)ნჰჴ(ო)რციელდი ქ(ალ)წ(უ)ლ(ი)საგ(ა)ნ • და გ(ა)ნხეთქე შ(ე)ნ ჴ(ე)ლით წერილი ადამის მ(ა)მისა ჩ(უე)ნის(ა)ჲ • აწ ვედრებითა მშობლისა • შ(ე)ნის(ა)ჲთა გჳჴსნენ რ(ომელ)ნი ვღ(ა)ღ(ა)დებთ და ვიტყჳთ • კ(ურთხეულ) ხ(ა)რ შ(ე)ნ უ(ფალ)ო ღ(მერთ)ო მ(ა)მათა ჩ(უე)ნთაო ჻

Ⴤსნისა მომატყუჱბ(ე)ლი და სასოჲ კ(ე)თილთა მოსალოდებ(ე)ლთაჲ • შ(ე)ნ ხ(ა)რ ქ(ალ)წ(უ)ლო • და აწ გ(ე)ვ(ე)დრ(ე)ბით თ(ან)ამზრუნველ გუჱქმენ ჩ(უე)ნ • ჭირთა და გ(ა)ნს(ა)ცდელთა რ(ომელ)ნი • უგ(ა)ლ(ო)ბთ ძესა შ(ე)ნსა და ვღ(ა)ღადებთ • კ(ურთხეულ) ხ(ა)რ ჻

Ⴑ(ა)ცთ(უ)რისა ბნელსა და წყუდიადსა ს(ო)ფლის(ა)სა შთავრდომილი • და გ(ა)ნწირული • აღმომიყვ(ა)ნე რ(აჲთ)ა არა მეწიოს ბნელი • მომფინე ნ(ა)თ(ე)ლი შ(ე)ნი • რ(აჲთ)ა გ(ა)ნ(ა)თლებ(უ)ლმ(ა)ნ ღ(ა)ღ(ა)დვყო და ვთქ(უ)ა • კ(ურთხეულ) ჻

Ⴌ(ა)თლის ღებ(ა)ჲ უბიწოჲ შევაგინე უდებობითა ჩ(ე)მითა • და სამოსელი • ნ(ა)თლის(ა)ჲ მცნებ(ა)თა გ(ა)რდასლვითა გ(ა)ნმ[ე]ძარცუა • ა(რამე)დ აწ მოვივლტი შ(ე)ნდა • ქ(ალ)წ(უ)ლო და ვითხოვ სამოსელსა მ(ა)ს გონიერების(ა)სა • მოღ(უა)წე მექმენ სძ(ა)ლო ღ(მრთ)ის(ა)ო ჻

ႠႩ(ურთხევდითს)Ⴀ : Ⴑ(ა)ჴუმ(ი)ლ(ა)დ გ(ა)რ[...] ჻

Ⴌებამ(ა)ნ გ(უ)ლის თქ(უ)მ(ა)თამ(ა)ნ • შთამაგო ბნელსა წყუდიადსა ა(რამე)დ • შ(ე)ნ ქ(ალ)წ(უ)ლო ნუგეშინის მცემელ მექმენ მე • და გ(ა)ნ(ა)ნ(ა)თლე ს(უ)ლი ჩ(ემ)ი • რ(აჲთ)ა გ(ა)კ(ურთ)ხ(ევ)დე და აღგ(ა)მ(ა)ღლ ჻

Ⴕ(ალ)წ(უ)ლო ზღუდე მექმენ მე • ს(ა)ფ(ა)რველ სიმტკი[ცი]სა • და ძ(ა)ლმწე ჭირთა შ(ინ)ა • რ(ომელ)ნი გ(ე)ვედრ(ე)ბით გჳჴსნენ ვნებ(ა)თაგ(ა)ნ • ს(უ)ლი(ე)რთა და ჴ(ო)რციელთა • რ(აჲთ)ა უგ(ა)ლ(ო)ბდე ქ(რისტეს)ა ღ(მერთს)ა ჻

Ⴀღგიარებთ შ(ე)ნ წყაროდ უკდ(ა)ვებისად ღ(მრ)თ(ი)სმშ(ო)ბ(ე)ლო ქ(ალ)წ(უ)ლო • რ(ომელმა)ნ გჳშ(ე)ვ სიტყ(უა)ჲ მ(ა)მის(ა)ჲ • და მ(ა)ნ გჳჴსნნა ჩ(უე)ნ • სიკ(უ)დილისაგ(ა)ნ რ(ომე)ლსა უგ(ა)ლ(ო)ბთ• და აღვ(ა)მ(ა)ღლ(ე)ბთ აწ და უკ(უნისამდ)ე ჻

Ⴊხინებისა მდინარე გუჱქმენ • ღ(მრ)თისმშ(ო)ბ(ე)ლო წყ(ა)როო უკდ(ა)ვების(ა)ო • და გჳთხოვე მოტ(ე)ვებ(ა)ჲ ც(ო)დვ(ა)თ(ა)ჲ რ(ომელ)ნი • უგ(ა)ლ(ო)ბთ შ(ე)ნგ(ა)ნ შობ(ი)ლსა ქ(რისტეს)ა • და ავამ(ა)ღლ(ე)ბთ ჻

Ⴀ(დიდე)Ⴁ(დითს)Ⴀ ჻

Ⴑიტყ(ჳ)სა ზ(ე)ცით ჻

Ⴜ(მიდა)ო ღ(მრ)თ(ი)სა დედ(ა)ო • ყ(ოველ)ი ს(ა)სო(ე)ბ(ა)ჲ ჩ(უე)ნი შ(ე)ნ ხ(ა)რ და შ(ე)ნდა მოვივლტით • გ(უა)ცხ(ო)ვნ(ე)ნ ჩ(უე)ნ • ქ(ალ)წ(უ)ლო უსძლოო • და აწ ევ(ე)დრე მოცემ(ა)დ • ს(უ)ლთა ჩ(უე)ნთათ(ჳ)ს წყ(ა)ლ(ო)ბ(ა)ჲ • რ(ომელ)ნი დაუცხრომელ(ა)დ • გ(ა)ლ(ო)ბით გ(ა)დი(დე)ბთ შ(ე)ნ ჻

Ⴓბიწოო ღ(მრ)თისმშ(ო)ბ(ე)ლო • გ(ა)მოსჩნდი ს(უ)ლთა ჩ(უე)ნთა • დაბნელებულთა გ(ა)ნმ(ა)ნ(ა)თლებლად • ნ(ა)თ(ე)ლითა მით • მიუწდომელითა • რ(ომელ)ი გ(ა)მობრწყ(ი)ნდა • საშოჲსა შ(ე)ნისაგ(ა)ნ წ(მიდ)ისა • რ(ა)ისა თ(ან)ა შ(ე)ნ დღეს • ჩ(უე)ნ ყ(ოველ)ნი გ(ა)დ(იდე)ბთ ჻

Ⴊოდი მთისაგ(ა)ნ უჴელოდ • გამოეკუჱთა შ(ე)ნგ(ა)ნ • პ(ირვე)ლ ს(აუ)კ(უ)ნეთა მ(ა)მ(ი)საგ(ა)ნ • შობილი ძე • კ(ა)ც იქმნა შ(ე)ნ მ(იე)რ • და წყაროდ კურნებისად • გამოგაჩინა მორწმ(უ)ნეთათ(ჳ)ს • რ(ომელ)ნი სიხ(ა)რ(უ)ლით • ვადიდებთ შობ(ა)სა შ(ე)ნსა ჻

Ⴓზეშთაეს არს ყ(ოველ)თა • ბო[უ]ნებ(ა)თა ცნობისა • საჲდუმლოჲ იგი ს(ა)კჳრველი • უცხოჲ შობ(ა)ჲ შ(ენ)ი უბიწო •

რ(ა)ჟ(ამ)ს იგი ჴ(ო)რცთა • ს(ო)ფელსა უშ(ე)ვ თ(ან)ასწორი მ(ა)მის(ა)ჲ • რ(ომ)ლისა თ(ან)ა შ(ე)ნ დღეს • ჩ(უე)ნ ყ(ოველ)ნი გ(ა)დი(დე)ბთ ჻

Ⴃღე პ(ა)რ(ა)სკ(ე)ვი ჯ(უარისა)ჲ უ(ფალ)ო ღ(ა)ღ(ა)დ-ყ(ა)ვსა

Ⴋ(ა)მისაგ(ა)ნ ჻

Ⴟ(უა)რცუმ(ა)სა ღ(ა)ღ(ა)დებდეს რ(ომელ)ნი • შ(ე)ნთა კ(ე)თლთ(ა)გ(ა)ნ მ(არა)დის იშუჱბდეს • და ძჳრის მ(ო)ქმედისა მ(ა)ს გამოითხოვდეს • შ(ე)ნ კ(ე)თილის მ(ო)ქმედისა წილ • მკლველნი იგი მ(ა)რთ(ა)ლთ(ა)ნი ხ(ოლო) შ(ე)ნ • სდუმენ • ქ(რისტ)ე და თ(ა)ვს იდებდ მ(ა)თსა მ(ა)ს • წ(ა)რმდებებ(ა)სა რ(აჲთ)ა მცა ივნე • და გ(უა)ცხ(ო)ვნ(ე)ნ ჩ(უე)ნ ვ(ითარც)ა კ(ა)ცთმ(ო)ყ(უა)რე ხ(ა)რ ჻

Ⴛელი ჯ(უარ)ისა შ(ე)ნის(ა)ჲ ქ(რისტ)ე ღ(მერთ)ო • ძელ(ა)დ ცხ(ო)რების(ა)დ მომანიჭე ჩ(უე)ნ მორწმ(უ)ნეთა • შ(ე)ნთა და მის მ(იე)რ გ(ა)ნაქ(ა)რვე • რ(ომე)ლსა იგი აქონდა სიმტკიცე • სიკ(უ)დილის(ა)ჲ და გ(ა)ნმაცხ(ო)ველენ ჩ(უე)ნ • მომწყდ(ა)რნი ც(ო)დვითა ამისთ(ჳ)ს • გ(ი)ღ(ა)ღ(ა)დებთ შ(ე)ნ კ(ე)თილის მყოფელო • ყ(ოველ)თაო უ(ფალ)ო დ(იდე)ბ(ა)ჲ შ(ე)ნდა ჻

Ⴌებფსით თ(ჳ)სით დაჰგლ(ა)ხ(ა)კენ ადამის • სიგლ(ა)ხ(ა)კ(ი)თა ქ(რისტ)ე ღ(მერთ)ო ჩ(უე)ნო ჻

გ(ა)რდამოჰჴედ რ(ა)ჲ ქ(უე)ყ(ა)ნ(ა)დ და გ(ა)ნჰკ(ა)ცენ • ქ(ალ)წ(უ)ლისაგ(ა)ნ და ჯ(უა)რცმაჲ და ითმინე • კ(აც)თა მ(ო)ყ(უა)რე რ(აჲთ)ა ჩ(უე)ნ გ(ა)ნმ(ა)თვისუფლნე • და გ(ა)მომიჴსნნე მონებისაგ(ა)ნ • მტერისა ს(უ)ლთა მომსრველისა • მრ(ა)ვ(ა)ლ მ(ო)წყ(ა)ლე უ(ფალ)ო დ(იდე)ბ(ა)ჲ შ(ე)ნდა ჻

Ⴑხ(უა)ნი Ⴐ(ომელ)ი იქები ჻

Ⴃაუცხრომელითა • ჴ(მ)ითა გ(ა)ლ(ო)ბის(ა)ჲთა • ვევ(ე)დრებოდით მჴსნელსა • ქ(რისტეს)ა ღ(მერთს)ა ჩ(უე)ნსა • რ(აჲთ)ა დღესა მ(ა)ს ს(ა)შ(ი)ნელსა • დიდ(ე)ბით მოსლვ(ა)სა მისსა • მოგუანიჭოს ჩ(უე)ნ შენდობ(ა)ჲ ც(ო)დვ(ა)თ(ა)ჲ ჻

Ⴐ(ა)ჟ(ამ)ს აჰმ(ა)ღლდი შ(ე)ნ • მ(ა)ცხ(ოვა)რ ძელსა ზ(ედ)ა • აღამ(ა)ღლე შ(ე)ნთანა • ბო[უ]ნ(ე)ბ(ა)ჲ კ(ა)ცობრივი • რ(ომელ)ი დაცემულიყო • გემოჲს ხ(ი)ლვითა ხის(ა)ჲთა • კ(უალა)დ ძელითა გ(ა)ნმაცხოველე ჻

Ⴟ(უა)რო დ(იდე)ბ(უ)ლო გ(ა)ნგუწმიდენ ც(ო)დვ(ა)თაგ(ა)ნ • რ(ომელ)ნი ს(ა)ფ(ა)რვ(ე)ლსა • ფრთეთა • შ(ე)ნთ(ა)სა ვესავთ • დამიფ(ა)რენ ყ(ოველ)თაგ(ა)ნ • გ(ა)ნს(ა)ცდელ-

თა მტ(ე)რის(ა)თა • რ(აჲთ)ა სიხ(ა)რულით თ(ა)ყ(უა)ნის გცემდეთ ჻

Ⴑტიქარონი

Ⴋ(ა)მისაგ(ა)ნ ჻

Ⴑ(ა)ქმეთა ბნელის(ა)თა შეუდეგ • და დავაბნელე სიკეთე ნ(ა)თლისღების(ა)ჲ • ნეფსით ყ(ოვლა)დ უბადრუკმ(ა)ნ და შევიმოსე • კუართი დასჯის(ა)ჲ დაბნელებ(უ)ლმ(ა)ნ • ამისთ(ჳ)ს გ(ე)ვ(ე)დრები ყ(ოვლა)დ ს(ა)გ(ა)ლობელო • ძ(ა)ლითა • შ(ე)ნითა გ(ა)ნხეთქე • სიმტკ(ი)ცე ვნებ(ა)თა ჩ(ე)მთაჲ და მ(ა)დლითა ს(ა)ღ(მრ)თ(ო)ჲთა შემმოსე და მ(ა)ცხ(ო)ვნე ჻

Ⴋოჲხილე ჩ(უე)ნ ზ(ედ)ა ქ(ალ)წ(უ)ლო • მვედრებ(ე)ლთა შ(ე)ნთა და ისმინე ვედრებ(ა)ჲ ჩ(უე)ნი • რ(ამეთუ) ყ(ოვლ)ით კერძო მოგჳწვნეს მბრძუ[ო]ლთა ჩ(უე)ნთა • დაკლვად მივეცენით წინა აღმდგომთა • და სხ(უა)ჲ შესავედრებ(ე)ლი არ(ა)ჲ ვინ გუაქუს • შ(ე)ნსა გარეშე მსთუად მეწიე • და მბრძოლთა ჩ(უე)ნთა სიქადული • ძლ(იე)რებითა შ(ე)ნითა დაამჴუ დედ(ო)ფ(ა)ლო ჻

Ⴁორ(ო)ტთა ვნებ(ა)თა სიმძლავრითა • და უძღებებითა ცხ(ო)რ(ე)ბ(ა)ჲ ჩ(ემ)ი აღვავსე • და ჴ(ო)რცთა ნაგუჱმითა მ(არა)დის ვიწერტები • ხ(ოლო) კ(ე)თილთა ს(ა)ქმეთაგ(ა)ნ ბერწ ვ(ა)რ • ნ(ა)ყ(ო)ფიერ მყ(ა)ვ [ო]ხითა შ(ე)ნითა სძ(ა)ლო • და დედ(ა)ო ღ(მრ)თ(ი)სა მ(ა)ღლის(ა)ო • და მერმეთა ტანჯვთაგ(ა)ნ მიჴსენ • რ(ამეთუ) შემწედ უბრძოლველ(ა)დ მოგიგებთ შ(ე)ნ ჻ Ⴜ(ა)რდ(გო)მ(ა)ჲ ჻

Ⴠქმენ ცხ(ო)რ(ე)ბ(ა)ჲ შ(ორი)ს ქ(უე)ყ(ა)ნ(ა)სა ქ(რისტ)ე ღ(მერთ)ო • ჯ(უარს)ა ზ(ედ)ა რ(ა)ჲ უხრწნელნი ჴ(ე)ლნი შ(ე)ნნი • გ(ა)ნიპყრენ რ(აჲთ)ა ყ(ოველ)ნი • წ(ა)რმ(ა)რთნი შემოჰკრი ბნედა • ღ(ა)ღ(ა)დებდენ უ(ფალ)ო დ(იდე)ბ(ა)ჲ შ(ენ) ჻

Ⴤ(ე)ლმწ(ი)ფებ(ა)ჲ მომეც ჩ(უე)ნ ჯ(უარ)ისა შ(ე)ნისა • მ(იე)რ პ(ა)ტიოსნისა და დათრგუნვად ყ(ოველს)ა ძ(ა)ლსა • მტ(ე)რის(ა)სა და ცხოვნებ(უ)ლნი • გიგ(ა)ლ(ო)ბთ შ(ე)ნ მ(ა)ცხ(ოვა)რო • ჩ(უე)ნო ყ(ოვლა)დ ძლიერო დ(იდე)ბ(ა)ჲ შ(ე)ნდა ჻

Ⴘ(ე)ნ გ(ა)დიდებთ ღ(მრთ)ისმშ(ო)ბ(ე)ლო • და ვღ(ა)ღ(ა)დებთ გ(ი)ხ(აროდე)ნ • შ(ე)ნ ხ(ა)რ კუჱრთხ რ(ომლ)ისაგ(ა)ნ აღმოგჳცენდა უ(ფალ)ი • და მოკლა ძელისა მიერ

სიკ(უ)დ(ი)ლისა მძლ(ა)ვრებ(ა)ჲ ჻

Ⴎ(ა)რ(ა)სკ(ე)ვსა Ⴂ(ა)ლ(ო)ბ(ა)ნი

Ⴆღჳისა ღელვათა ჻

Ⴟ(უა)რცუმ(ა)ჲ თ(ა)ვს იდევ • დას(ა)მსჭუალთა გ(ა)ნწონვ(ა)ჲ • შეურ(ა)ცხებით • ჯ(უარს)ა ზ(ედ)ა სიტყ(ჳ)აო • რ(აჲთ)ა პ(ა)ტივი ს(ა)ღ(მრ)თ(ო)ჲ შეჰმოსო კ(ა)ცთა • რ(ომელ)ნი იგი •აქებენ და შეასხმენ • ნეფსით ვნებ(ა)თა შ(ე)ნთა დ(იდე)ბ(უ)ლთა • Ⴂ(ა)ნიპყრენ ჴ(ე)ლნი • ჯ(უარს)ა ზ(ედ)ა მ(ა)ცხ(ოვა)რ • რ(ომელმა)ნ ც(ა)ნი ვ(ითარც)ა კამარანი • სიტყჳთ მოსდრიკენ • და შემოჰკრ(ი)ბენ ერნი • და ნ(ა)თეს(ა)ვნი • რ(ომელ)ნი ადიდებ(ე)ნ • ვნებ(ა)თა შ(ე)ნთა გ(ა)ნმაცხ(ო)ვლებ(ე)ლთა ჻

Ⴀღ(ი)ღეს ჯ(უარ)ი • მჴ(ა)რთა ზ(ედ)ა მ(ა)რტჳლთა • და ჯ(უა)რცმულისა • შედგომ(ა)ჲ აღირჩიეს • და ვნებ(ა)თა მ(ა)თ • მისთა თ(ან)ა ხატ ექმნნეს • და ყ(ოველ)ივე სიმწარე ს(ა)ტ(ა)ნჯველთ(ა)ჲ • მჴურვ(ა)ლედ და წადიერად მოჲთმინეს ჻

Ⴂუნდმ(ა)ნ წ(მიდა)თა ანგ(ე)ლ(ო)ზთამ(ა)ნ აქნა • რ(ა)ჟ(ამ)ს იხ(ი)ლნა • ღ(უა)წლნი თქ(უე)ნი მ(ა)რტყჳლნო • და გოდებითა • და გლოჲთა აღ(ი)ვსნეს • მტ(ე)რთა ბანაკნი • Ⴥ, ყ(ოვლა)დ შუჱნიერნო • და ღ(მრ)თივ ბრწყ(ი)ნვ(ა)ლენო • ქ(რისტე)ს მ(ო)წ(ა)მენო ჻

Ⴜ(ინაჲს)წ(ა)რთქმული • წ(ინაჲს)წ(არმეტ)ყ(უ)ლებით • სჳმიონისი აღესრულა შ(ე)ნ ზ(ედ)ა • ღ(მრ)თისა დედ(ა)ო • და იხილე რაჲ ვნებ(ა)ჲ ძისა შ(ე)ნის(ა)ჲ • და გ(ა)ნვლო •გ(უ)ლი შ(ე)ნი • მახჳლმ(ა)ნ მწუხარებისა მ(ა)ნ უბიწო ჻

Ⴂ(ან)Ⴛ(ლიერდას)Ⴀ ჻ Ⴂ(ა)ნჴსნ(ი)ლნი ჻

Ⴓხრწნელებისა • ტევანმ(ა)ნ დამსჭუალულმ(ა)ნ • ძელისა ჯ(უარის)ა • ღჳნოჲ მახარებ(ე)ლი • გ(უ)ლთაჲ გჳწდია • და მთვრ(ალ)ობ(ა)ჲ ბოროტი ც(ო)დვ(ა)თა ჩ(უე)ნთაჲ • დააცხრო მ(ა)დლთა მ(იე)რ თ(ჳ)სთა ს(ა)ღ(მრ)თ(ო)თა • მჴსნელმ(ა)ნ ს(უ)ლ(ი)თა ჩ(უე)ნთამ(ა)ნ ჻

Ⴌეფსით აჰმ(ა)ღლდი • ჯ(უარს)ა ზ(ედ)ა ი(ეს)ჳ • და ყ(ოველ)ივე ეშმ(ა)კთა სიბოროტე • დაანთქ ქუჱსკნელთა • ხ(ოლო) კ(ა)ცნი დანთქმულნი წ(ა)რს(ა)წყმედელსა • ნებ[ა]თა მ(ა)თთა მ(იე)რ ბორ(ო)ტთა მჴსნელო • აღამ(ა)ღლენ ზესკნელთა ჻

Ⴇჳსთ(ა)გ(ა)ნ სისხლთა • Ⴥ, ღ(უა)წლით შემოს(ი)ლნო • ღებული პუ[ო]რფირი ბრწყ(ი)ნვ(ა)ლე შეიმოსეთ • და მ(ა)რჯ(უ)ნითა • თქ(უე)ნითა გ(ჳ)ქონდა ღირსნო ვ(ითარც)ა კუჱრთხი • სამეფოჲ ბრწყ(ი)ნვ(ა)ლე ჯ(უარ)ი ქ(რისტე)სი • და ჰსუფ(ე)ვთ ქ(რისტე)ს თ(ან)ა ჻

Ⴆ(ე)ცისა წესნი პ(ა)ტივ გცემენ ქ(ალ)წ(უ)ლო, • რ(ამეთუ) ჰშ(ე)ვ შ(ე)ნ შემ(ო)ქმედი ყ(ოველ)თაჲ • რ(ომელმა)ნ გ(ა)ნჴსნა • კრულნი სიკ(ჳ)დილისაგ(ა)ნ და ხრწნილებისა • და შეკრნა მორწმ(უ)ნ(ე)ნი სიყ(უა)რ(უ)ლითა • თ(ჳ)სითა საუფლოჲთა ჻

Ⴋ(ე)Ⴑ(მას)Ⴀ: Ⴑ(ა)ქმენი შ(ე)ნ ჻

Ⴃა მოეკიდე ძელსა ზ(ედ)ა რ(ომელმა)ნ • წყ(ა)ლთა ზ(ედ)ა სიტყჳთ დაჰკიდე ქ(უე)ყ(ა)ნაჲ • ყ(ოვლა)დ ძლ(იე)რო • და ლახურითა გ(ა)ნეღო • და: მ(იე)რ სისხლი და წყ(ა)ლი გ(ა)რდამოეცა. მჴსნელად დაბად(ე)ბ(უ)ლთა ჻

Ⴜყლულებ(ა)ჲ ჩ(ემ)ი გ(ა)ნ(ი)კურნა ს(ა)ხ(იე)რ • მოწყლვითა წ(მიდ)ისა გუჱრდისა შ(ე)ნის(ა)ჲთა • ხ(ოლო) მონისა მ(იე)რ ყურიმლის ცემითა • აზნაურებ(ა)ჲ მომეც • და ძმრისა სუმითა • ხისა მის გემოჲს ხილვაჲ შემინდვე ქ(რისტ)ე ჻

Ⴒ(ა)ნჯვ(ა)თა მ(იე)რ სტანჯეთ გუჱლი გულარძნილი • ხ(ოლო) ნაგუჱმთა გ(უ)ლისა ჩ(ე)მის(ა)თა • ჰკურნებთ მ(ა)რტჳლნო • და მ(ა)დლ(ი)თა მდინარესა • მდიდრად აღმოგჳცენებთ • წყ(ა)როთა მ(ა)თგ(ა)ნ ცხ(ო)რ(ე)ბის(ა)თა ყ(ოვლა)დ დ(იდე)ბ(უ)ლნო ჻

Ⴗ(ოვლა)დ უბიწოთა მ(ა)თ სისხლთა შ(ე)ნთაგ(ა)ნ • გ(ა)ნკ(ა)ცნა სიტყ(უა)ჲ ღ(მრთისა)ჲ დაუს(ა)ბ(ა)მოჲ • ყ(ოვლა)დ წ(მიდა)ო • რ(ომელ)ი იხილე რ(ა)ჲ • ჯ(უარს)ა ზ(ედ)ა ვნებ(უ)ლი • მწარედ სტიროდე • და წყლულებ(ა)თა მისთა ადიდებდ სძ(ა)ლო ჻

Ⴖ(ამით)Ⴂ(ანს)Ⴀ Ⴂ(ა)ნვიბან ჻

Ⴑ(ა)ხიერებით • ჯ(უა)რცუმ(ა)ჲ თ(ა)ვს იდევ უ(ფალ)ო • და სი[ღ]რმით ბორ(ო)ტთ(ა)ჲთ აღმომიყვნე მე • და მ(ა)მისა თ(ან)ა მოს(ა)ყდრეობითა • პ(ა)ტივ მეც მე უიატო ქმნილსა ამ(ა)ს • ნეფსითითა მით ურჩებითა ჩ(ე)მითა ჻

Ⴄკ(ა)ლთა მ(იე)რ შეთხზული რ(ა)ჲ გჳრგჳნი • და იდგ რ(ომელმა)ნ ქ(უე)ყ(ა)ნ(ა)ჲ გჳრგჳნოსან ჰყ(ა)ვ • ყუავ(ი)ლითა ვნებ(ა)თა ჩ(ე)მთა ეკალნი • აღმოფხორენ ძირთურთ სიტყუ(ა)ო ღ(მრ)თის(ა)ო • და ცნობ(ა)ჲ შ(ე)ნი დაჰნერგე გ(უ)ლსა ჩ(ემს)ა ჻

Ⴃიდად იღუაწეთ • თქ(უე)ნ ქ(უე)ყ(ა)ნ(ა)სა ზ(ედ)ა • ყ(ოვლა)დ უძ[ლე]ველნო ქ(რისტე)ს მოწ(ა)მენო • დ(იდე)ბ(ა)ჲ დიდი ჰპოვეთ ც(ა)თა შ(ი)ნა • რ(ომელ)ნი ესე ქებით შეგასხამთ თქ(უე)ნ • გჳჴსნენით ჭირთაგ(ა)ნ და გ(ა)ნსაცდელთა ურიცხუთა ჻

Ⴐ(ომელ)ი ბეჭთა ზ(ედ)ა ქ(ე)რაბინთაჲსა • ც(ა)თა შ(ინ)ა მჯდომარე არს ქ(რისტ)ე მ(ეუ)ფე • წიაღთა შ(ე)ნთა დაის(ა)ყდრა უსძლოო • და ჯ(უა)რცუმითა თ(ჳ)სითა ხრწნილებისაგ(ა)ნ • იჴსნნა და აცხ(ო)ვნნა ადამი(ა)ნნი ჻

Ⴖ(აღად)Ⴗ(ავს)Ⴀ Ⴜ(ინაჲს)წ(არმეტ)ყ(უე)ლმ(ა)ნ მ(ა)ნ ჻

Ⴁეჭნი მისცენ შ(ე)ნ გუჱმად • და ღაწუნი ყურიმლის ცემად • ყ(ოვლა)დ ძლიერო და პირი შ(ე)ნი • სირცხჳლსა ნერწყჳს(ა)სა, რ(აჲთ)ა მ(ა)ცხ(ო)ვნო • მედგარი და მცონარი • და ბრ(ა)ლთა მ(იე)რ • და ც(ო)დვ(ა)თა ფ(რია)დ საარ(ე)ბული ჻

Ⴅ(ითარც)ა კრავი დაკლვად • მეგუარე შ(ე)ნ ქ(რისტ)ე • რ(აჲთ)ა მიჴსნა მეშუათა მ(ა)თგ(ა)ნ • უხილ(ა)ვისა მგელისა გ(ა)ნმხრწნელის(ა)თა • და ღირს მყო დ(იდე)ბ(ა)სა ს(აუ)კ(უ)ნესა • დ(იდე)ბ(ა)ჲ ჯ(უა)რცუმ(ა)სა შ(ე)ნსა დ(იდე)ბ(უ)ლსა ჻

Ⴂ(ა)ნეწყვენით მ(ა)რტყჳლნო • მჴნენო მხიარულებით • მტ(ე)რთა ბორ(ო)ტთა • და საუფლოჲთა • საჭურველითა ესენი დამჴუჱნით • და გჳრგჳნნი უხრწნელნი • ქ(რისტე)ს ღ(მრ)თისაგ(ა)ნ • მოჲხუჱნით და ჰსუფევთ ს(სასუ)ფე(ვე)ლსა ჻

Ⴐ(აჲთ)ა გ(ა)ნ(ი)ღ(მრ)თოს კ(ა)ცი • იშვა შ(ე)ნგ(ა)ნ ქ(ალ)წ(უ)ლო • სიტყ(უა)ჲ მ(ა)მის(ა)ჲ დაუს(ა)ბამოჲ • ჯ(უა)რს ეცუა და გემოჲ სიკ(უ)დ(ი)ლის(ა)ჲ იხილა • და მოკლა მკლველი ჩ(უე)ნი • რ(ომელმა)ნ იგი • შურთა მომაკუდინა ედემს შ(ინ)ა ჻

Ⴉ(ურთ)Ⴞ(ეულარს)Ⴀ Ⴐ(ომელმა)ნ პ(ირვე)ლ ჻

Ⴌეფსით ვნებითა

ყ(ოველ)თა აღდგომაო • მე ურჩებითა დაცემული აღმმართე • და მბრძოლი ჩ(ემ)ი დაეც აღუდგომელად • ყ(ოვლა)დ ძლ(იე)რო • და ს(აუკუნო)დ მოაკუდინე • და უქმ ქმენ იგი • დ(იდე)ბ(ა)ჲ ძ(ა)ლსა შ(ე)ნსა ჻

Ⴂ(ა)ნმსჭუალე ც(ო)დვ(ა)ჲ • იგი პ(ირვე)ლ ქმნულისაჲ • სამსჭულითა ჴ(ე)ლთა შ(ე)ნთაჲთა ქ(რისტ)ე ღ(მერთ)ო • ხ(ოლო) ლერწმისა ცემითა დაგჳწერე • აზნაურებ(ა)ჲ ადამის ნ(ა)თესავთა • დ(იდე)ბ(ა)ჲ შ(ე)ნთა ვნებ(ა)თა კ(ა)ცთა მ(ო)ყ(უა)რე ჻

Ⴟ(უა)რცმული ქ(რისტ)ე აქონდა ძ(ა)ლ(ა)ად და ზღუდედ • მარტჳლთთა უძლეველსა მჴედრობ(ა)სა • და მოსასრველი ბანაკი მტ(ე)რთაჲ მოსრეს • და ს(ა)ნ(ა)ტრელი ცხ(ო)რებ(ა)ჲ მოჲვაჭრეს • და ფუფუნებ(ა)ჲ უოხჭნოჲ დაჲმკჳდრ(ე)ს ჻

Ⴂამოსჩნდი ს(ა)ყდრად • და პალატად ბრწყ(ი)ნვალედ • მ(ეუ)ფისა დიდისა ღ(მრ)თისა დედაო • რ(ომე)ლსა ზ(ედ)ა მჯდომარემ(ა)ნ აღმართნა • ადამიანნი პ(ირვე)ლთა ცთომათაგ(ა)ნ • და მოს(ა)ყდრე ყვნა • მ(ა)მისა ღ(მრთ)ისა თ(ან)ა ჻

ႠႩ(ურთხევდითს)Ⴀ ჻ Ⴃაბადებ(უ)ლნი გ(ა)მო ჻

Ⴄრმ(ა)ნ უღ(მრ)თომ(ა)ნ • და ბორ(ო)ტის მოქმედმ(ა)ნ • შ(ორი)ს უღ(მრ)თოთა ჯ(უა)რს გაცუჱს ს(ა)ხ(იე)რო • და მჴსნელი ბრ(ა)ლთა ჩ(უე)ნთა ურჩებისთაჲ, • რ(ომე)ლსა გ(ა)ქ(ე)ბს ცაჲ და ქ(უე)ყ(ა)ნ(ა)ჲ მჴსნელო • და უგ(ა)ლობენ • ს(უ)ლგრძელებ(ა)თა შ(ე)ნთა ჻

Ⴘეჰღებენ ქ(რისტ)ე • თითნი შ(ე)ნნი სისხლითა • და რ(ა)ჲ ემსჭუალე ჯ(უარის)ა ზ(ედ)ა და სისხლნი იგი • ეშმ(ა)კთა მ(იმა)რთ • საზურველნი დააცხრვენ • ამისთ(ჳ)ს გ(ა)ქებს • ღ(მერთ)ო ყ(ოვლა)დ ძღ(იე)რო ყ(ოველ)ი ს(უ)ლი • და ძრწოლით აღგიარებს ჻

Ⴀრაჲ ზრუნევდით • ტანჯვ(ა)თა სიმრ(ა)ვლესა • და არცა ზახებ(ა)სა მძლ(ა)ვრთ(ა)სა • მჴნენო მარტჳლნო • ა(რამე)დ ერეოდეთ • და წ(ა)რკუჱთითა თ(ა)ვთაჲთა აწ იხარებთ • წ(ინაშ)ე ღ(მრ)თისა • გჳრგჳინთა შემკულნი ჻

Ⴠძ(ა)ლმ(ა)ნ წ(მინდამა)ნ • ქ(ალ)წ(უ)ლებით

მშობელმ(ა)ნ • მ(ო)ც(ი)ქ(უ)ლთა და მ(ო)წ(ა)მეთა გჳრგჳნმ(ა)ნ • ტარიგი ღ(მრთისა)ჲ • გიხილა ძელსა ზ(ედ)ა • დამსჭუალული და ღ(ა)ღ(ა)დებდა გოდებით და ადიდებდა • ს(უ)ლგრძელებსა შ(ე)ნსა ჻

Ⴀ(დიდე)Ⴁ(დითს)Ⴀ: Ⴓზეჟთაეს არს ჻

Ⴅნებ(ა)თა შ(ე)ნთა • სახედ გამოჩნდა ისაკ • და ს(ა)კრველთაგან • გ(ა)ნ(ი)ჴსნა კრულების(ა)თა • ნერგსა საბეკსა • დამოკიდებულისა • მის ვერძისაჲთა • და გ(ა)ნტევებულ იქმნა • ხ(ოლო) შ(ე)ნ ქ(რისტ)ე • ნეფსით დაკლვაჲ თ(ა)ვს იდევ ჻

Ⴘუჱნიერ იყო • უფრ(ო)ს ძეთა კ(ა)ცთ(ა)ჲსა • ხ(ოლო) ივნე რ(ა)ჲ • ჴ(ო)რცითა ჯ(უარს)ა ზ(ედ)ა • არცა სიკეთე • არცა ს(ა)ხე გქონდა შ(ე)ნ • რითა შეამკვე კ(ა)ც უშუჱრებ(ა)ჲ ქ(რისტ)ე • დ(იდე)ბ(ა)ჲ შ(ე)ნთა • წყ(ა)ლ(ო)ბ(ა)თა უფსკ(რუ)ლსა ჻

Ⴥ, მეგობ(ა)რნო • მისნო რ(ომელმა)ნ იგი • ზეშთა ცნობისა • შეგიწყნ(ა)რნა მიჴსენით • ზაკულისაგ(ა)ნ • ჴ(ო)რცთა სიმყრალისა • ქ(რისტე)ს მარტჳლნო სიწმიდე და სინ(ა)თლე • და მოტ(ე)ვებ(ა)ჲ • ბრ(ა)ლთაჲ მ(ი)თხოვეთ ღირსნო ჻

Ⴋნათობთა იგი • სრბაჲ და ბნერებ(ა)ჲ • ჯ(უა)რც(უ)მ(ა)სა შ(ე)ნსა • დასცხრა და გ(ა)ნეშორა • ღ(მრ)თისა სიტყ(უა)ო • მზეო სიმ(ა)რთლისაო • ხ(ოლო) ქ(ალ)-წ(უ)ლი მოწფითურ • ქ(ალ)წ(უ)ლით ჴმობდა გოდებით • Ⴥ, უცხოჲ საკჳრველი ჻

Ⴃღე შაბ(ა)თი წ(მიდა)თაჲ და ს(უ)ლთ(ა)ჲ უ(ფალ)ო ღ(აღად-ყავსა)

Ⴐ(ომე)ლთა ქ(უე)ყ(ა)ნისა საშუჱბელი არა ინებეს • ღ(უა)წლისა მძლენი ზ(ე)ცისა კ(ე)თ(ი)ლთა ღირს იქმნნეს • და ანგელ(ო)ზთა თ(ან)ა მოქ(ა)ლ(ა)ქე იქმნნეს • უ(ფალ)ო უხითა მ(ა)თითა • შეგჳწყ(ა)ლ(ე)ნ და გუაცხვნენ ჩ(უე)ნ ჻

Ⴜ(მიდა)თა მ(ო)წ(ა)მეთა მ(ეო)ხ(ე)ბითა ჩ(უე)ნთ(ჳ)ს • და ქ(რისტე)ს გ(ა)ლ(ო)ბითა • ყ(ოველ)ი საცთური კერპთაჲ დადუმნა • და კ(ა)ცთა ნ(ა)თეს(ა)ვი ს(ა)რწმ(უ)ნ(ო)ებით ცხ(ო)ვნ[დების]

Ⴑხ(უა)ნი ჻

Ⴋ(ა)მისაგ(ა)ნ ჻

Ⴃიდ არს დ(იდე)ბ(ა)ჲ რ(ომელ)ი მოჲგეთ • წ(მიდა)ნო მ(ო)წ(ა)მენო ს(ა)რწმ(უ)ნ(ო)ებითა • რ(ამეთუ) არაჲ ტანჯვითა ხ(ოლო) ერეუდეთ მტერსა • ა(რამე)დ ყ(ოვლა)დ სიკდილისაცა • ს(უ)ლთა ბორ(ო)ტთა გ(ა)ნდევნით და სნე[ულებათა]

გ(ა)ნკურნებთ • მკ(უ)რნალნო ს(უ)ლთა ჴ(ო)რცთანო • მ(ეო)ხ გ(უე)ყ(ჳ)ნით უ(ფლ)ისა მ(იმა)რთ • ყ(ოვლა)დ ძლ(იე)რისა შეწყ(ა)ლებ(ა)დ ს(უ)ლთა ჩ(უე)ნთათ(ჳ)ს ჻

Ⴕ(რისტ)ესთ(ჳ)ს ივნეთ ვ(იდრ)ე სიკ[ვ]დილამდე • Ⴥ, ღ(უა)წლით შემოსილნო და ს(უ)ლნი თქ(უე)ნნი არიან • ც(ა)თა შ(ინ)ა ჴ(ე)ლ(ი)თა შ(ინ)ა ღ(მრ)თის(ა)თა, • ხ(ოლო) ნაწილნი თქ(უე)ნნი • პ(ა)ტივ იცემებიან ყ(ოველთ)ა შ(ინ)ა ს(ო)ფელსა • და მღდელნი და მ(ე)ფენი თ(ა)ყ(უა)ნისცემენ • და ყ(ოველ)ი ერი სიხ(ა)რ(უ)ლით • ესრეთ ვღ(ა)ღ(ა)დებთ პ(ა)ტ(ი)ოს(ა)ნ არს • წ(ინაშ)ე უ(ფლ)ისა სიკ(უ)დილი წ(მიდა)თა მისთაჲ ჻

Ⴗ(ე)ნი ქ(ა)ლ(ა)ქნი და ს(ო)ფელნი • პ(ა)ტ(ი)ვ სცემენ ნ(ა)წილთა თქ(უე)ნთა მარტჳლნო • ღ(უა)წლით შემოსილნო, რ(ამეთუ) თქ(უენ) სჯ(უ)ლ[ი]ერად • იღ(უა)წეთ და გჳრგჳნი ზ(ე)ც(ი)თ მოჲღეთ • ამისთ(ჳ)ს მღდ(ე)ლთა ხ(ა)რთ სიქადულ და მ(ე)ფეთა ძლევა • და ეკლესიათა შუჱნიერება • მ(ეო)ხ გჳყვენით დ(იდე)ბ(უ)ლნო • ქ(რისტე)ს მ(იმა)რთ ცხ(ო)რებ(ა)დ ს(უ)ლთა ჩ(უე)ნთ(ა)თ(ჳ)ს ჻

ႨႾ(ა)რებს და იშუჱბს გუნდი მ(ა)რტჳ(ი)ლთაჲ • უკ(უ)ე რ(ამეთუ) ს(ა)ს(უ)ფ(ე)ვ(ელ)ით ც(ა)თაჲ • დაიმკჳდრეს • და მიწამ(ა)ნ რ(ომელმა)ნ • იგი სისხლნი მ(ა)თნი შეიწყნ(ა)რნა • ს(უ)ლი ს(უ)ლნელების(ა)ჲ აღმუუტევა • ეჰა სამგზის ს(ა)ნ(ა)ტრელთა მ(ა)თ • რ(ამეთუ) ჭ(ეშმარიტა)დ მონა ქ(რისტე)სა • გამოჩნდეს და ცხ(ო)რ(ე)ბ(ა)ჲ ს(აუ)კ(უ)ნ(ოჲ) დაიმკჳდრეს ჻

Ⴋამის(ა)გან

მიწისაგ(ა)ნ • დამბადე უ(ფალ)ო და კ(უალა)დ მიწადვე მიქცევ(ა)ჲ გ(ა)რდასლვისათ(ჳ)ს დამსაჯე • დააწესე დღე გ(ა)ნკ(ი)თხივის(ა)ჲ, რ(ომე)ლსა შ(ინ)ა • დაფ(ა)რულნი თჳთ[ოეუ]ლისა ს(ა)ქმ(ე)ნი • ცხადად წ(ა)რმოჲდგინნენ წ(ინაშ)ე შ(ე)ნსა • მ(ა)შ(ი)ნ შ(ემიწყალ)ე ქ(რისტ)ე ღ(მერთ)ო უცოდველო • ცთომ(ა)თა ჩ(ე)მთა შენდობაჲ მომეც • და ს(ა)ს(უ)ფ(ე)ვლისა შ(ე)ნის(ა)გ(ა)ნ ნუ გ(ა)ნმაშორებ ჻

Ⴅ(ითარც)ა რ(ა)ჲ ყუავილი დაჭნების და ვ(ითარც)ა • სიზმ(ა)რი წ(ა)რჴდების და გ(ა)ნიბნევის ყ(ოველ)ი კ(ა)ცი • და კ(უალა)დ ჴმა-ყოს რ(ა)ჲ საყჳრმ(ა)ნ, ვ(ითარც)ა ოხრისაგ(ა)ნ • და ძრ(ა)ვისა მ(იე)რ აღდგენ მკუდ(ა)რნი შ(ე)ნი • შემთხუჱვად ჻

შ(ე)ნდა ქ(რისტ)ე ღ(მერთ)ო მ(ა)შინ მ(ეუ)ფ(ე)ო• რ(ომელ)ნი იგი მისცვალენ ჩ(უე)ნგ(ა)ნ • წ(მიდა)თა შ(ე)ნთა ს(ა)ყ(ო)ფელსა • დააწესენ ს(უ)ლნი მ(ა)თნი ქ(რისტ)ე ღ(მერთ)ო ს(ა)ხ(იე)რო ჻

Ⴑტიქ(ა)რონი ს(უ)ლისანი [...]

Ⴋ(ა)მისაგ(ა)ნ ჻

Ⴋძჳნვ(ა)რე ხრწნილებ(ა)ჲ სიკ(უ)დილის(ა)ჲ • სიკ(უ)დილითა შ(ე)ნ(ი)თა დაჰჴსენ მ(ეუ)ფ(ე)ო • და აღმოგ(ჳ)ცენე ცხ(ო)რებ(ა)ჲ ს(აუ)კ(უ)ნოჲ • და მკ(უ)დ(ა)რთა აღდგომაჲ მიანიჭე • ამისთ(ჳ)ს გ(ე)ვ(ე)დრებით შ(ე)ნ ქ(რისტ)ე მ(ა)ცხ(ოვა)რ • გ(ა)ნსუჱნე მიცვ(ა)ლებ(უ)ლთა • და უკდ(ა)ვ(ი)სა დ(იდე)ბ(ი)სა შ(ე)ნსა • ესენი დააწესენ მრ(ა)ვ(ა)ლ მ(ო)წყ(ა)ლე ჻

Ⴐ(აჲთ)ა იზიარნე კ(ა)ცნი ს(ა)ღ(მრ)თ(ო)ისა • ს(უ)ფ(ე)ვსა შ(ე)ნსა • სიკ(უ)დილი და ითმინე • ნეფსიტი თ(ჳ)სით მ(ა)ცხ(ოვა)რ ამისთ(ჳ)ს გ(ე)ვ(ე)დრებით • წყ(ა)ლ(ო)ბისა ზიარ გყვენ • ს(ა)რწმ(უ)ნ(ო)ებით შ(ე)ნდა მ(ი)ცვ(ა)ლებ(უ)ლნი • და ტკბილისა მის სიკეთისა შ(ე)ნისა ღირს ყვენ კ(აც)თა მ(ო)ყ(უა)რე • რ(აჲთ)ა მდის ხედვიდენ დ(იდე)ბ(ა)სა შ(ე)ნსა ჻

Ⴚხორებ(ა)დ დაბ(ა)დებ(ულ)თა შ(ე)ნთათ(ჳ)ს • გ(ა)ნკ(ა)ცებისა საჲდუმლოჲ სიხ(ა)რ(უ)ლით სრულ ყ(ა)ვ • ყ(ოვლა)დ ს(ა)ხ(იე)რო და ს(ა)სყიდელით მოჲყიდე • სისხლთა მ(ა)თ მ(იე)რ შ(ე)ნთა ს(ო)ფელი • ამისთ(ჳ)ს გ(ე)ვ(ე)დრ(ე)ბით ს(ა)რწ(მუ)ნ(ო)ებით • შ(ე)ნდა მიცვ(ა)ლებ(უ)ლნი ს(უ)ლნი • ყ(ოველ)თა წ(მიდა)თა თ(ან)ა • გ(ა)ნსუჱნებ(ა)სა ღირს ყვენ კ(ა)ცთა მ(ო)ყ(უა)რე ჻

Ⴄვაჲს პ(ირვე)ლისა დედისაჲ • თ(ან)ა ნადები გ(ა)რდაიჴადე უბიწო • რ(ამეთუ) უკდ(ა)ვებისა და უხრწნელებისა • მომცელი ღ(მერთი) მუცლად ღიე • მადიდებ(ე)ლთა შ(ე)ნთა გჳრგჳნოს(ა)ნ მყოფელი • მისსა ვედრებ(ა)დ ნუ დასცხრები • რ(აჲთ)ა გ(ა)ნსუჱნებ(ა)ჲ მიჰმ(ა)დლოს • მ(ა)თ • და ბრწყ(ი)ნვ(ა)ლ(ე)ბ(ა)სა • თ(ჳ)სსა ღირს ყვნეს ს(უ)ლნი მ(ა)თნი ჻

Ⴖ(მრ)თისმშ(ო)ბლ(ი)ს(ა)ჲ

Ⴗ(ოველ)ნი ტომნი ქ(უე)ყ(ა)ნის(ა)ნი • დაუცხრომელ(ა)დ გიგ(ა)ლ(ო)ბ(ე)ნ შ(ე)ნ ღ(მრთ)ისმშ(ო)ბ(ე)ლო • რ(ამეთუ) შ(ე)ნ მხ(ო)ლო მ(ა)ნ ჰშ(ე)ვ ღ(მერთ)ი და მ(ა)ცხ(ოვა)რი • რ(ომელმა)ნ იჴსნნა ყ(ოველ)ნი ჭირთაგ(ა)ნ • რისხვისა გ(ა)ნსაცდელთა და ურვ(ა)თაგ(ა)ნ • ამისთ(ჳ)ს მ(არა)დის ვღ(ა)ღ(ა)დებთ • და ვედრებით ვიტყჳთ დედ(ო)ფ(ა)ლო • დ(იდე)ბ(ა)ჲ შობასა

შ(ე)ნსა ყ(ოვლა)დ უხრწნელო ჻

Ⴗ(ოველ)ივე ს(ა)სო(ე)ბ(ა)ჲ ჩ(უე)ნი • შ(ე)ნდა მ(იმა)რთ არს ყ(ოვლა)დ უხრწნელო ქ(ალ)წ(უ)ლო • და ყ(ოვლა)დ ღ(მრთ)ისა შ(ე)ნდა მინდობილვართ ჭ(ეშმარიტა)დ • დედ(ა)ო დამბადებ(ე)ლისაო • ს(ა)რწმ(უ)ნოებით შ(ე)ნდა მოლტოლვლნი და • გჳცვენ • და მოგ(უ)მადლე შენდობ(ა)ჲ ც(ო)დვ(ა)თაჲ • და ჭირთა და გ(ა)ნს(ა)ცდ(ე)ლთაგ(ა)ნ • გჳჴსნენ, Ⴥ, ყ(ოვლა)დ დ(იდე)ბ(უ)ლო მონ(ა)ნი შ(ე)ნნი ჻

Ⴗ(ოვლ)ისა ცხ(ო)რ(ე)ბისა ჩ(უე)ნისა სასოჲ შესავედრებ(ე)ლი და მ(ა)ცხ(ოვა)რი • და ძ(ა)ლი და ჴ(ე)ლის ამპყრობ(ე)ლი შ(ე)ნ ხ(ა)რ • დედ(ო)ფ(ა)ლო აჩუჱნე ძ(ა)ლი შეწევნისა შ(ე)ნის(ა)ჲ • რ(ომელ)ნი იზახებენ მონ(ა)თა შ(ე)ნთა ზ(ედ)ა • რ(ამეთუ) შ(ე)ნდა მოცემულ არს • კ(ა)დნიერ(ე)ბ(ა)ჲ ღ(მრთ)ისა მ(იმა)რთ • ვინ(ა)ჲცა გჳჴსნი დ(იდე)ბ(უ)ლო მონანი შ(ე)ნნი ჻

Ⴜ(ა)რდგ(ო)მ(ა)ჲ ჻

Ⴋ(ა)მისაგ(ა)ნ ჻

Ⴘ(ე)ნ რ(ომელმა)ნ შეჰმოსენ ც(ა)ნი ღრუბლითა შეგიმოსეს წ(მიდა)თა ს(ო)ფ(ე)ლსა შ(ინ)ა • ვინ(ა)ჲცა ტანჯვანი უსჯ(უ)ლოთ(ა)ნი მოჲთმინნეს • და ს(ა)ცთური კ(ე)რპთაჲ უჩინო ყვეს • მ(ა)თითა მ(ეო)ხებითა ყ(ოვლა)დ ძლ(იე)რო • ჩ(უე)ნცა გ(ა)ნმათ(ა)ვისუფლენ • უჩინოთა მტ(ე)რთაგ(ა)ნ მ(ა)ცხ(ოვა)რ • და გ(უა)ცხ(ო)ვნენ ჩ(უე)ნ, ვ(ითარც)ა კ(ა)ცთა მ(ო)ყ(უა)რე ხ(ა)რ ჻

Ⴐ(ომელმა)ნ გ(ა)ნაბრწყ(ი)ნვენ წ(მიდა)ნი შ(ე)ნნი • უფ(როჲ)ს ოქროჲსა და ადიდენ ღირსნი შ(ე)ნნი ს(ა)ხ(იე)რ • მ(ა)თითა ოხითა ქ(რისტ)ე ღ(მერთ)ო მშჳდობა ყ(ა)ვ • ცხ(ო)რ(ე)ბისათ(ჳ)ს ჩ(უე)ნისა ვ(ითარც)ა: კ(ა)ცთა მ(ო)ყ(უა)რე ხ(ა)რ და მრ(ა)ვ(ა)ლ მ(ო)წყალე მხ(ო)ლოჲ და ლ(ო)ცვ(ა)ნი ჩ(უე)ნნი წ(ა)რჰმ(ა)რთენ • ვ(ითარც)ა საკუმე[ვე]ლნი ს(უ)ლნელნი • რ(ომელ)ი დ(იდე)ბ(უ)ლ ხ(ა)რ წ(მიდა)თა შ(ორი)ს შ(ე)ნთა ჻

Ⴘეუნდვენ უ(ფალ)ო ს(ა)ხ(იე)რო • ყ(ოველ)ნივე შეცოდებ(ა)ნი მონ(ა)თა შ(ე)ნთა • და რ(ა)ჲცა იგი აღუთქუ აღუსრულე მ(ა)თ • მრ(ა)ვ(ა)ლ მ(ო)წყ(ა)ლეო რ(ამეთუ) • არა რ(ა)ჲ სხ(უა)ჲ შეიყუარეს თჳნიერ შ(ე)ნ მხოლოჲსა • ს(ა)სურველისა და საწადელისა • და შ(ე)ნდა მ(იმა)რთ აქონდა სასო(ე)ბ(ა)ჲ • სიძისა შუჱნიერისა და უკდ(ა)ვისა ჻

Ⴘ(ა)ბ(ა)თსავე გ(ა)ლ(ო)ბ(ა)ნი ს(უ)ლის(ა)ნი

Ⴓდესცა გინდენ ჻ Ⴐ(ომელმა)ნ გ(ა)ნაჴმო ჻ Ⴑიკ(უ)დილი და-

სთრგუნე სიკ(უ)დილითა შ(ე)ნ(ი)თა • და ს(აუ)კ(უ)ნოჲსა ცხ(ო)რებისა უკდ(ა)ვებ(ა)ჲ მოგუმადლე • რ(ომელ)ი მიან(ი)ჭე, Ⴥ, ს(ა)ხ(იე)რო ღ(მერთ)ო მიცვ(ა)ლებ(უ)ლთა ს(უ)ლთა • მარტჳლთა ოხითა • და შენდობ(ა)ჲ ბრ(ა)ლთაჲ მიეც ჻

Ⴐ(ომელ)ი მ(ა)რ(ა)დის • მიჰმადლებ წყ(ა)ლ(ო)ბ(ა)სა • მდიდრად რ(ომელ)ნი ღ(მრ)თის მს(ა)ხურებით ეძებენ შ(ე)ნგ(ა)ნ • ს(ა)ხ(ე)ლსა შ(ე)ნსა მ(ა)ცხ(ოვა)რ • და ს(ა)კჳირველსა კარ(ა)ვსა და ს(ა)ყ(ო)ფელთა შ(ე)ნთა • მიეც გ(ა)ნსუჱნებ(ა)ჲ მ(ი)ცვ(ა)ლებ(უ)ლთა ს(უ)ლ(ი)თა ჻

Ⴈქმენ სიკ(უ)დილისა • მძლე უძლეველ და შეჰკარ • და მიჴსნენ მ(ა)თგ(ა)ნ მ(ეუ)ფ(ე)ო და აწცა გ(ე)ვ(ე)დრებით • ღირს ყვენ მ(ი)ცვ(ა)ლებ(უ)ლნი • ბრწყ(ი)ნვ(ა)ლებისა შ(ე)ნისა ს(ა)ღ(მრ)თ(ო)ჲსა ზიარებ(ა)დ • და მიეც შენდობ(ა)ჲ შეცოდებ(ა)თა მ(ა)თთ(ა)ჲ ჻

Ⴘერყეული ცნობ(ა)ჲ ჩ(ემ)ი ღ(მრ)თისა დედაო • დაამტკ(ი)ცე ს(ა)ღ(მრ)თ(ო)თა მ(ა)თ ბრძ(ა)ნებ(ა)თა ზ(ედ)ა • უბიწოჲთ საშოჲთ შ(ე)ნით • შობილისა ღ(მრ)თისა თ(ან)ა, რ(ომელმა)ნ გ(ა)ნაქ(ა)რვა ჯ(ო)ჯ(ო)ხ(ე)თისა ბნელი • სუფ(ე)ვ(ა)ჲ და მთ(ა)ვრობ(ა)ჲ ჻

Ⴂ(ან)Ⴛ(ლიერდას)Ⴀ: Ⴉლდესა ზ(ედ)ა სრ[...] ჻

Ⴘუჱ[ნიე]რებისა მის შ(ე)ნისა ბრწ(ი)ნვ(ა)ლებითა • ს(ა)რწმ(უ)ნ(ო)ებით დაძინებულთა გ(ა)ნ(ა)თლებ(ა)ჲ • ს(ა)თნო იყ(ა)ვ მ(ეუ)ფ(ე)ო • რ(ომელ)ი მდიდარ ხ(ა)რ მ(ო)წყ(ა)ლებითა • მ(ა)რტჳლთა შ(ე)ნთა ვედრებითა • ღირს ყვენ რჩეულთა შ(ე)ნთა თანა ჻

Ⴀდგ(ი)ლთა გ(ა)ნსასუჱნებ(ე)ლთა ვ(ითარც)ა მ(ო)წყ(ა)ლე ხ(ა)რ • წიაღთა შ(ინ)ა აბრაჰ(ა)მ რჩეულისა შ(ე)ნის(ა)თა • ღ(ი)რს ყვენ შუჱბ(ა)დ მიცვ(ა)ლებულნი • რ(აჲთ)ა ჴმა-ყო შ(ე)ნდა მომ(ა)რთ მხ(ო)ლო • რ(ამეთუ) არ(ა)ჲ ვინ არს წ(მიდა)ჲ შ(ე)ნსა გარეშე ღ(მრ)თისა ჩ(უე)ნისა ჻

Ⴐ(ომელ)ნი მისცვალენ გ(ა)ნზრ(ა)ხვითა შ(ე)ნითა ქ(რისტ)ე • სასძლოთა შ(ინ)ა ზ(ე)ცის(ა)თა დააწესენ • ბრძენთა მ(ა)თ ქ(ალ)წ(უ)ლთა თ(ან)ა • და ლამპრითა ბრწყ(ი)ნვ(ა)ლითა შემთხუევად • შ(ენნ)ი ღირს ყვენ მონანი შ(ე)ნნი • მ(ეუ)ფ(ე)ო მხ(ო)ლო კ(ა)ცთმოყვარე Ⴋომკუდარი ესე და მიწად მიქცეული აღადგ

ინე • და აღმომიყვანე ქუჱსკნელით ჯ(ო)ჯ(ო)ხეთ(ი)თ ჰშევ რაჲ ცხ(ო)რების მომცემელი • რ(ომლისათჳ)ისცა დედად ღ(მრთ)ისა გქ(ა)დაგებთ • და ს(ა)რწმ(უ)ნ(ო)ებით პ(ა)ტ(ი)ვ გცემთ • ქ(ალ)წ(უ)ლო ყ(ოვლა)დ ს(ა)გ(ა)ლობ(ე)ლო ჻

Ⴋ(ე)Ⴑ(მას)Ⴀ ჻

Ⴋთისაგ(ა)ნ უჴხ(ე)ლოდ ჻

რ(ომელ)ნი ს(ა)რწმ(უ)ნო(ე)ბით • ცხოვნდებოდეს მ(ო)წყ(ა)ლე • ს(ა)სო(ე)ბით და სიყუარ(უ)ლით • ღირს ყვენ ს(ა)ღ(მრ)თ(ო)სა დ(იდე)ბ(ა)სა შ(ე)ნსა • დ(იდე)ბ(უ)ლთა მ(ა)რტჳლთა • შ(ე)ნთა მ(ეო)ხ(ე)ბითა • მხ(ო)ლო ტკბილო კ(ა)ცთმ(ო)ყ[უარე] ჻

Ⴑაშუჱბლისა მდინარესა • ასუამ რჩეულთა შ(ე)ნთა • სამ(ა)რადისოდ უ(ფალ)ო • აწცა შესუჱნებ(უ)ლნი ს(უ)ლნი • მ(ა)თ თ(ან)ა დააწესენ • და წყ(ა)ლთა ზ(ედ)ა შენდობის(ა)თა გამოზარდენ • ქ(რისტ)ე ჻

Ⴚხ(ო)ველთა და მკ(უ)დ(ა)რთა ზ(ედ)ა • ჰჴელმწიფებ მ(ეუ)ფ(ე)ო • და მიწისაგ(ა)ნ ქ(უე)ყნით • აღადგინებდა ძინებ(უ)ლთა • აწცა შესუჱნებ(უ)ლნი • ეზოთა შ(ე)ნთა დაამკჳდრენ და გ(ა)ნ(უ)სუჱნე ქ(რისტ)ე ჻

Ⴎ(ირვე)ლი უბადრუკ(ო)ბ(ა)ჲ • ევაჲს შეცოდების(ა)ჲ • გ(ა)ნჰკურნე უბ(ი)წოჲ ჰშ(ე)ვ რ(ა)ჲ შემ(ო)ქმედი რ(ომელმა)ნ • ც(ო)დვ(ა)თა დაცემულნი • აღჰმ(ა)რთნა წყ(ა)ლ(ო)ბით • ღ(მრთ)ისმშ(ო)ბ(ე)ლო ქ(ალ)წ(უ)ლო უსძლოო ჻

Ⴖ(ამით)Ⴂ(ანს)Ⴀ Ⴌ(ა)თლისა მომცე ჻

Ⴙ(უე)ნ მომწყდ(ა)რნი ც(ო)დვითა • აღმადინენ უფსკრ(უ)ლთაგ(ა)ნ ჯ(ო)ჯ(ო)ხ(ე)თის(ა)თა • და ჴ(ე)ლთაგ(ა)ნ სიკდილის(ა)თა მიჴსნენ ს(ა)ხ(იე)რ და გამოაჩინენ • ბრწყ(ი)ნვ(ა)ლენი წ(მიდა)თა მ(ო)წ(ა)მეთა მჴედრ(ო)ბ(ა)ნი ჻

Ⴕ(რისტ)ე რ(ომელ)ი მოხუჱდ • მჴსნელად ჩ(უე)ნდა შ(ე)ნდა მ(ი)ცვალებელნი ს(უ)ლნი • ლაზარეს თ(ან)ა წიაღთა • აბრაჰამისთა დაამკჳდრენ წყ(ა)ლ(ო)ბით • რ(აჲ)თა იგი შ(ე)ნდა მომ(ა)რთ აქონდა ს(ა)სო(ე)ბ(ა)ჲ ჻

Ⴘუამდგომელ და მ(ო)ც(ი)ქულ • მშჳდობისა ჩ(უე)ნისა იქმენ მ(ეუ)ფ(ე)ო • და შ(ე)ნდა მ(იმა)რთ იგი მრ(ა)ვ(ა)ლ ჟამეული მტერ(ო)ბ(ა)ჲ დაჰჴსენ • და აწცა მონ(ა)თა შ(ე)ნთა წყ(ა)ლ(ო)ბით გ(ა)ნ(უ)სუჱნე ჻

Ⴄრნი მოსავნი შ(ე)ნნი • და ს(ა)ფ(ა)რველსა შ(ე)ნსა წ(მიდ)ასა შევედრებ(უ)ლნი • ცხ(ო)ვნდებიან ღ(მრ)თის მშ(ო)ბ(ე)ლო რ(ამეთუ) ჭ(ეშმარიტა)დ მშჳდობ(ა)ჲ ს(ო)ფლის(ა)ჲ ჰშევ • და ცხ(ო)ველ მყ(ო)ფელი ყ(ოველ)თაჲ მ(ო)წყ(ა)ლებით ჻

Ⴖ(აღად)Ⴗ(ავს)Ⴀ: Ⴖ(მრ)თისა მ(იმა)რთ ვღ[აღადებთ] ჻

Ⴑ(ა)ღ(მრ)თ(ო)სა მ(ა)ს • და გამოუთქმელსა ბრწყ(ი)ნვ(ა)ლებ(ა)სა • რ(ომე)ლსა შ(ინ)ა ბრწყ(ი)ნ(ა)ვენ მ(ო)წ(ა)მეთა კრებ(უ)ლნი მუნ დააწესენ ს(უ)ლნი მ(ი)ცვალებ(უ)ლნი • ყ(ოვლა)დ ძლ(იე)რითა ნებითა შ(ე)ნითა ჻

Ⴂ(ა)Ⴌბრწყ(ი)ნვებად • ნ(ა)თ(ე)ლითა დ(იდე)ბისა შ(ე)ნის(ა)ჲთა • ღირს ყვენ (უფალ)ო, რ(ომელ)თა დაუტევეს ცხ(ო)რ(ე)ბ(ა)ჲ და ბრწყ(ი)ნვ(ა)ლებისა შ(ე)ნისა უხრწნელისა • ს(ა)ს(ო)ებითა მიიცვ(ა)ლნეს ს(ა)ხ(ი)ერ • Ⴓბიწოო • დედ(ო)ფ(ა)ლო მვედრებ(ე)ლთა შ(ე)ნთა • წადიერებით • მსწრაფლ მიჰფინე შეწევნ(ა)ჲ შ(ე)ნი • რ(ომელმა)ნ გჳშ(ე)ვ • ქ(რისტ)ე დამბადებ(ე)ლი • მფლობელი სიკ(უ)დილისა და ცხ(ო)რების(ა)ჲ ჻

Ⴉ(ურთ)Ⴞ(ეულარს)Ⴀ ჻

Ⴁრძანებამ(ა)ნ ჻

Ⴐ(ომე)ლი ეგე იყ(ა)ვ და ხ(ა)რ მ(ა)რ(ა)დის • გ(ა)რდამოჰჴედ ცხ(ო)რებ(ა)დ კ(ა)ცთა ნ(ა)თეს(ა)ვისა ქ(რისტ)ე • რ(ომლ)ისათ(ჳ)სცა მორწმ(უ)ნენი გ(ე)ვ(ე)დრებიან • მორწმ(უ)ნეთა მ(ი)ცვ(ა)ლებ(უ)ლთა • ქ(უე)ყ(ა)ნ(ა)სა მშჳდთ(ა)სა გ(ა)ნ(უ)სუჱნე ჻

Ⴑიკ(უ)დილითა სიკ(უ)დილი მოაკუდინე • რ(ა)ჟ(ამ)ს იქმენ მხოლო • მხ(ო)ლოჲ მკ(უ)დ(ა)რთა თ(ან)ა თ(ა)ვისუფალ • და აწ ც(ო)დვისა და სიკ(უ)დილისაგ(ა)ნ მ(ეუ)ფ(ე)ო • იჴსნენ მონანი შ(ე)ნნი და ყვენ • მკჳ(ი)დრ ს(ა)ს(უ)ფ(ე)ვლისა ზ(ე)ცთ(ა)ჲსა ჻

Ⴃიდ არს და ფ(რია)დ მოწყ(ა)ლებ(ა)ჲ შ(ე)ნი • და უფსკრულ გ(ა)ნუზომელ • ზღ(უა)ჲ კ(ა)ცთა მ(ო)ყ(უა)რებისა შ(ე)ნის(ა)ჲ ც(ო)დვ(ა)თა შ(ე)ნდობ(ა)ჲ მიჰმ(ა)დლე მიცვ(ა)ლ(ე)ბ(უ)ლთა • და მ(ა)დლითა შ(ე)ნითა ქ(რისტ)ე • გ(ა)ნ[წ]მედილად გამუაჩინენ ჻

Ⴑასანთლე იქმენ ს(ა)ღ(მრ)თ(ო)ჲსა დ(იდე)ბისა • და ხატი და ბრწყ(ი)ნვ(ა)ლებ(ა)ჲ • მ(ა)მის(ა)ჲ ჴ(ო)რც(ი)თა გჳშევ ჩ(უე)ნ. რ(ომელმა)ნ დაჰჴსნა წყუდიადი ჯ(ო)ჯ(ო)ხ(ე)თის სძალო ღ(მრ)თივ მიმ(ა)დლებ(უ)ლო • ნ(ა)თ(ე)ლითა ბრწყ(ი)ნვ(ა)ლითა • ღ(მრ)თეებისა თჳსისაჲთა ჻

ႠႩ(ურთხევდითს)Ⴀ ჻

Ⴑ(ა)კჳრვ(ე)ლი დ(იდე)ბ(უ)ლ ჻

Ⴂჳჩუჱნენ ჩ(უე)ნ სიკ(უ)დილისა • უსახურისა გამოსავ(ა)ლნი • ვ(ითარც)ა რ(ა)ჲ ღ(მერთმა)ნ უკდავმ(ა)ნ • ს(ა)ღ(მრ)თ(ო)ჲთა ძ(ა)ლითა შ(ე)ნითა • ხ(ოლო) შეს(ა)ვ(ა)ლ[ნი]

ცხ(ო)რების(ა)ნი გუაუწყენ • ღ(მრ)თ(ი)ვ შუჱნიერად ყ(ოვლა)დ ძლიერო • რ(ომე)ლს(ა)ცა ჯეროვნად მ(ი)ემთხჳ(ი)ვნეს აწ მ(ო)წამენი შ(ე)ნნი ჻

Ⴑიკეთისა ბრწყ(ი)ნვ(ა)ლისა • შ(ე)ნისაგ(ა)ნ შუჱბად ღირს ყვენ • მიცვალებ(უ)ლნი ქ(რისტ)ე ღ(მერთ)ო • და უკუანაჲსკნელი იგი • უშუჱრებ(ა)ჲ ც(ო)დვის(ა)ჲ გ(ა)ნსცარცუე • და წ(მ)იდა გყვენ ც(ო)დვ(ა)თაგ(ა)ნ • ვ(ითარც)ა კ(ა)ცთა მ(ო)ყ(ვა)რემ(ა)ნ (უფალმა)ნ • რ(ამეთუ) შ(ე)ნ მხ(ო)ლოჲ ხ(ა)რ • რ(ომელ)ი უცხოდ გამოსჩნდი ც(ო)დვისაგ(ა)ნ ჻

Ⴀღმადგ(ი)ნენ ქ(რისტ)ე ღ(მერთ)ო • შთასრულნი მიწად სიკ(უ)დილისა • შ(ე)ნისა მ(იე)რ და მოგუმადლე • ცხ(ო)რებ(ა)ჲ და შუჱბ(ა)ჲ უცვალებ(ე)ლი • და სიხარული უუხჭნოჲ • რ(ა)ისა მკჳდრად გამოაჩინენ • მიცვალებ(უ)ლნი ს(უ)ლნი • ვ(ითარც)ა მ(ო)წყ(ა)ლე ხ(ა)რ და კ(ა)ცთა მ(ო)ყ(უა)რე ჻

Ⴃიდარს და ს(ა)შ(ი)ნელ სძალო • საჲდუმლოჲ ს(ა)კჳრველი • უხრწნელისა შობისა შ(ე)ნის(ა)ჲ • რ(ამეთუ) ღ(მერთ)ი ჰშევ რ(ომე)ლსა სიკ(უ)დილი ვერ ეუფლა • და სამარემ(ა)ნ ვერ დაჰჴსნა • ამისთ(ჳ)სცა ყ(ოვლა)დ წ(მიდა)ო • ყ(ოველ)ნი ნ(ა)თეს(ა)ვნი • გ(ა)კ(ურთ)ხ(ე)ვთ და გ(ა)დიდებთ მ(ა)რ(ა)დის ჻

Ⴀ(დიდე)Ⴁ(დითს)Ⴀ Ⴅერ შემძ[...] ჻

Ⴥ, ცხ(ო)ველთა და მკ(უ)დ(ა)რთა მფლობელო • და ცხ(ო)რების მომცემელო ქ(რისტ)ე • ქ(უე)ყნით შ(ე)ნ წ(ინაშ)ე მიცვ(ა)ლებ(უ)ლთა ს(უ)ლთა • ც(ა)თა შ(ინ)ა მიჰმადლე ნ(ა)წილი • და ბრწყ(ი)ნვ(ა)ლებ(ა)ჲ წ(მიდა)თა მ(ო)წ(ა)მეთაჲ • და ყ(ოველ)თა ს(ა)თნოთა შ(ე)ნთა ფუფუნებ(ა)სა დაამკჳდრენ • და მიეც გ(ა)ნს(უე)ნებ(ა)ჲ ჻

Ⴖ(მერთ)ო მხ(ო)ლო ყ(ოვლა)დ ძლ(იე)რო • რ(ომელმა)ნ პ(ირვე)ლ არსებ(ა)ჲ მომე და კ(უალა)დ უმჯობესი გ(ა)ნახლებ(ა)ჲ მომანიჭე • წიაღთა ყ(ოვლა)დ საწადელთა • აბრაჰამ მ(ა)მამთ(ა)ვრის(ა)თა ღირს ყვენ • მიცვლებ(უ)ლნი მონანი შ(ე)ნნი • და დაამკჳდრენ ნ(ა)თ(ე)ლსა შ(ინ)ა პირისა შ(ე)ნის(ა)სა ჻

Ⴗ(ოვლ)ითურთ ხ(ა)რ სიტკბოებ(ა)ჲ ქ(რისტ)ე • და ბრწყ(ი)ნვ(ა)ლებ(ა)ჲ საწადელი • და კ(ე)თილი გ(ა)ნუძღუმელი მიმღ(ე)ბ(ე)ლთაგ(ა)ნ • ღუარი საშუჱბ(ე)ლთა მ(ა)თ შ(ე)ნთაჲ • და წყალი შენდობის(ა)ჲ • მიც-

ვ(ა)ლებულთა ასუ, Ⴥ, ყ(ოვლა)დ ს(ა)ხ(იე)რო • რ(აჲთ)ა გიგ(ა)ლ(ო)ბდენ და გ(ა)დიდ(ე)ბდენ დაუცხრომელ(ა)დ ჻

Ⴟერუანად და სამ(ა)რთალად გ(ი)ნ(ა)ტრით შ(ე)ნ • მორწმ(უ)ნენი წ(მიდა)ო ღ(მრ)თისმშ(ობ)ელო • სიტყ(ჳ)თა მ(ა)თ შ(ე)ნთაებრ წ(მიდა)თა და ღ(მრ)თივ ს(უ)ლიერთა • რ(ამეთუ) შ(ე)ნ მხ(ო)ლომ(ა)ნ უშევ • ქ(უე)ყნისთა ცხ(ო)რებ(ა)ჲ მძლე სიკჳდილის(ა)ჲ • და დამჴსნელი ჯ(ო)ჯ(ო)ხ(ე)თის(ა)ჲ და გ(ა)ნმ(ა)ნათლებ(ე)ლი ყ(ოვლ)ისა ს(ო)ფლის(ა)ჲ დედ(ო)ფ(ა)ლო •

Ⴘ(ა)ბ(ა)თსა Ⴂ(ა)ლ(ო)ბ(ა)ნი ყ(ოვლა)დ წ(მიდ)ისა ღ(მრთ)ისმშ(ო)ბლ(ი)ს(ა)ნი

Ⴖელვა ჻

Ⴕ(ალ)წ(უ)ლო ყ(ოვლა)დ უბიწო • ურჩებითა ღ(მრ)თის(ა)ჲთა წყევასა შევრდომილი ბ(უ)ნებ(ა)ჲ კ(ა)ცთაჲ • ქ(რისტ)ეს ღ(მრ)თისა შობითა • კ(ურთ)ხ(ე)ვითა გჳრგჳნოსან ჰყ(ა)ვდა დაჰჴსენ • ხრწნილებისა მისგ(ა)ნ • ამისთ(ჳ)ს ყ(ოველ)ნი გნ(ა)ტრით სიხ(ა)რ(უ)ლით ჻

Ⴋომწყდარნი ხისა გემოჲს ხილვითა • ძელისა მ(იე)რ ცხ(ო)რებისა • ცხ(ო)რებ(ა)სა მივემთხჳვენით სძალო • ქ(რისტე)ს მჴსნელისა მ(იე)რ • რ(ომელ)ი ზესთა ცნობისა გ(ა)ნკ(ა)ცნა შ(ე)ნგ(ა)ნ • რ(ომე)ლსა ევ(ე)დრე • ს(ა)რწმ(უ)ნ(ო)ებით მგ(ა)ლ(ო)ბ(ე)ლთა შ(ე)ნთათ(ჳ)ს ჻

Ⴚად პირმეტყუჱლად გ(ა)მოსჩნდი შ(ე)ნ • და ც(ა)თა შემ(ო)ქმედი სიტყ(უა)ჲ საშოსა დაიტიე ქ(ალ)წ(უ)ლო • რ(ომელმა)ნცა დაჰბადა ყ(ოველ)ივე ც(ა)თა შ(ინ)ა და ქ(უე)ყ(ა)ნ(ა)სა ზ(ედ)ა • მ(ა)ს ევედრე ჩ(უე)ნთ(ჳ)ს • ლმობიერებით დედ(ა)ო ღ(მრთ)ის(ა)ო ჻

Ⴑაშოჲთ შ(ე)ნით გამოჩნდა ღ(მერთ)ი • და ღ(მრ)თებისა ბრწყ(ი)ნვ(ა)ლ(ე)ბითა • გ(ა)ნაბრწყ(ი)ნვა ს(ო)ფელი სძ(ა)ლო • და გ(ა)ნდევნა ყ(ოველ)ი • საეშმ(ა)კოჲ ბნელი და წყუდიადი ს(ა)ცთურთაჲ • დ(იდე)ბ(უ)ლმ(ა)ნ ღ(მერთმა)ნ დამბადებ(ე)ლმ(ა)ნ რ(ამეთუ) დ(იდე)ბ(უ)ლ (ა)რს ჻

Ⴂ(ან)Ⴛ(ლიერდას)Ⴀ: Ⴉლდესა ზ(ედ)ა სრ[...] ჻

Ⴑ(ა)რწმ(უ)ნ(ო)ებით და წადიერად მვედრებ(ე)ლთა შ(ე)ნთა • და უწყუჱდელთა კურნებ(ა)თა აღმოუც(ე)ნებ • გ(ა)ნკურნენ ს(უ)ლისა ჩ(ე)მისა • წყლულებ(ა)ნი ქ(ალ)წ(უ)ლო უბიწო • და ს(ა)ლმობანი უკურნებ(ე)ლნი • დედ(ო)ფ(ა)ლო ყ(ოვლა)დ ს(ა)გ(ა)ლ(ო)ბ(ე)ლი Ⴐ(ომელმა)ნ ყ(ოველ)ნივე დაჰბადნა წამის ყ(ო)ფითა • კ(ა)ც(ე)ბ(ა)ჲ იმოსა საშოჲსა შ(ე)ნისაგ(ა)ნ • ღ(მრ)თ(ი)სმშ(ო)ბ(ე)ლო დედ(ო)ფ(ა)ლო • მ(ა)ს მხ(ო)ლ(ო)სა უგ(ა)ლ(ო)ბთ და უღ(ა)ღ(ა)დებთ • რ(ამეთუ) არ(ა)ჲ ვინ არს

წ(მიდა)ჲ შ(ე)ნსა გარეშე ჻

Ⴘ(ე)ნ შ(ორი)ს იხილვნეს სლვანი ღ(მრთ)ისა და მ(ეუ)ფ(ი)ს(ა)ნი • რ(ომელ)ი იგი ჰშ(ე)ვ ჴ(ო)რცითა გამოუთქმელად • ქ(ალ)წ(უ)ლო ს(ა)გ(ა)ლობ(ე)ლო • მ(ი)ს მხ(ო)ლ(ო)სა უგ(ა)ლ(ო)ბთ და უღ(ა)ღ(ა)დებთ • რ(ამეთუ) არ(ა)ჲ ვინ არს წ(მიდა)ჲ შ(ე)ნსა გ(ა)რეშე ჻

Ⴗ(ოვლა)დ ქებულსა უბიწოსა ღ(მრ)თ(ი)სმშ(ო)ბ(ე)ლ(ი)სა სძ(ა)ლ(ი)სა • მიზეზსა ცხ(ო)რებისა ჩ(უე)ნის(ა)სა უგ(ა)ლ(ო)ბდეთ • Ⴥ, ღ(მრ)თ(ი)ვ გო(ი)ერნო ერნო • და წადიერებით უღ(ა)ღ(ა)დებდეთ • რ(ამეთუ) არ(ა)ჲ ვინ არს წ(მიდა)ჲ • შ(ე)ნებრ დედ(ა)თა შ(ორი)ს უსძლო ჻

Ⴋ(ე)Ⴑ(მას)Ⴀ ჻

Ⴋ(ეო)ხ(ა)დ ჩ(უე)ნდა ჻

Ⴋცნებ(ა)თაებრ • ს(ა)ღ(მრ)თ(ო)თა წ(ა)რჰმ(ა)რთე ცხ(ო)რებ(ა)ჲ ჩ(ემ)ი • შ(ე)ნგ(ა)ნ შობილისა თ(ან)ა და ნ(ა)თელსა მისსა მიმიძეღუ • ს(ა)თნ(ო)ებ(ა)თა მ(იე)რ • ქ(ალ)წ(უ)ლო ღ(მრ)თისმშ(ო)ბ(ე)ლო სძ(ა)ლო ღ(მრთ)ის(ა)ო ჻

Ⴑიკ(უ)დილისა • ს(ა)სუმელი მიწდია მე უბ(ა)დრუკსა • ევა ღ(მრ)თისა დედ(ა)ო • ხ(ოლო) შ(ე)ნ კ(უალა)დ ცხ(ო)ველ მყ(ა)ვ • ჰშევ რ(ა)ჲ ცხ(ო)ველს მყ(ო)ფ(ე)ლი • მომწყდ(ა)რთ(ა)ჲ • ამისთ(ჳ)ს გ(ი)გ(ა)ლ(ო)ბთ დედ(ო)ფ(ა)ლო ჻

Ⴂ(ა)ნკურნებ(ა)დ • პ(ირვე)ლსა მ(ა)ს ურჩებ(ა)სა ევაჲსსა • შ(ე)ნ უბიწოჲსა შ(ორი)ს • დაემკჳდრა მხ(ო)ლოდ შობილი • და დაცემული ესე • ყ(ოვლ)ითურთ გ(ა)ნმახლა მრ(ა)ვ(ა)ლ მ(ო)წყ(ა)ლემ(ა)ნ ჻

Ⴁო[უ]ნებითი • და არსებითი ცხ(ო)რ(ე)ბ(ა)ჲ ჰშ(ე)ვ ქ(ალ)წ(უ)ლო • რ(ომელმა)ნ სიმდიდრითა • ბ(უ)ნებითისა წყ(ა)ლ(ო)ბის(ა)ჲთა • კ(ა)ცთა ბ(უ)ნებ(ა)ჲ იჴსნა • და გ(ა)ნხრწნ(ი)ლნი გ(ა)ნახლნა ს(ა)ხ(იე)რებით ჻

Ⴖ(ამით)Ⴂ(ანს)Ⴀ: Ⴘ(ე)ნ მნ(ა)თობო ჻

Ⴁო[უ]ნებ(ა)ჲ ჩ(უე)ნი გ(ა)ნაბრწყ(ი)ნვე სძ(ა)ლო • მწარედ დაბნელებ(უ)ლი ც(ო)დვისა მ(იე)რ • ბრწყ(ი)ნვ(ა)ლებითა შ(ე)ნითა • ც(ო)დვ(ა)თა და უმეცრებისა წყუდიადი გ(ა)ნდევნე • ჩ(უე)ნგ(ა)ნ ღ(მრთ)ისმშ(ო)ბ(ე)ლო ქ(ალ)წ(უ)ლო • რ(ამეთუ) შ(ე)ნსა გ(ა)რეშე სხ(უა)ჲ ზღუდე და მცველი არა ვინ ვიცით ჻

Ⴇ(ან)ა ნადები პ(ირვე)ლისა დედის(ა)ჲ • დედო ღ(მრთ)ის(ა)ო გ(ა)რდაიჴდე • ჰშ(ე)ვ რ(ა)ჲ ქ(რისტ)ე ჴსნელი ს(ო)ფლის(ა)ჲ • ამისთ(ჳ)ს შ(ე)ნი გ(ი)ნ(ა)ტრით უბიწოო სძ(ა)ლო • და ქ(ალ)წ(ულ)ო წ(მიდა)ო ს(ა)გ(ა)ლ(ო)ბ(ე)ლო • რ(ამეთუ) სასოჲ დამფ(ა)რვ(ე)ლი • ს(უ)ლთა ჩ(უე)ნთ(ა)ჲ შ(ე)ნ ხ(ა)რ მ(ა)რ(ა)დის ჻

Ⴛე ღ(მრთისა)ჲ იქმნა ძედ შ(ე)ნდა ქ(ალ)წ(უ)ლო • და ს(ა)ქმეთა ღ(მრ)თის(ა)თა ს(ა)კჳრველთა • წამის ყ(ო)ფით აღასრულებდა • ამისთ(ჳ)ს ჯერუვნად ღ(მრ)თის მშობელ(ა)დ აღგიარებთ • და ს(ა)რწმ(უ)ნ(ო)ებით და შობით თ(ა)ყ(უა)ნის გცემთ • რ(ამეთუ) სხ(უა)ჲ დედაჲ ღ(მრთისა)ჲ • შ(ე)ნსა გ(ა)რეშე არა ვინ ვიცით ჻

Ⴖ(აღად)Ⴗ(ავს)Ⴀ : Ⴖელვამა ც(ა)დ ჻

Ⴘობითა შ(ე)ნითა ღ(მრთ)ისმშ(ო)ბ(ე)ლო • ადამ დაცემული აღადგინე ნ(ა)თეს(ა)ვითურთ • მეცა უბადრუკი ესე • ხრწნილების(ა)გ(ა)ნ აღმადგ(ი)ნე ქ(ალ)წ(უ)ლო ჻

Ⴘ(ე)ნდა მომ(ა)რთ და მიც ს(ა)სო(ე)ბ(ა)ჲ • ცხ(ო)რებისა ჩ(ე)მის(ა)ჲ. Ⴥ, დედ(ა)ო ღ(მრ)თის(ა)ო • და შ(ე)ნ მოგიგებ წინამძღუარ(ა)დ • და სიმტკიცედ ძ(ა)ლად და მფ(ა)რველად ჻

Ⴋ(ა)ცხ(ო)ვნე მ(ეო)ხ(ე)ბითა შ(ე)ნთა • რ(ომელ)ი ესე შ(ე)ნდა მოვივლტი ყ(ოვლა)დ უხრწნელო • რ(ამეთუ) ძალ გიც ყ(ოველ)ივე • ვ(ითარც)ა დედ(ა)სა ქ(რისტ)ეს ღ(მრ)თის(ა)სა ჻

Ⴄვაჲს წყ(ე)ვაჲ კ(ურთ)ხ(ე)ვად შესცვალე • უცხოდ შობითა შ(ე)ნითა ღ(მრ)თისა დედაო ჻

Ⴉ(ურთ)Ⴞ(ეულარს)Ⴀ ჻

Ⴁრძანებამ(ა)ნ ჻

Ⴌავთ სადგურისა შ(ე)ნისა მყუდროჲსა მ(იმა)რთ წ(ა)რჰმ(ა)რთე ცხ(ო)რებ(ა)ჲ ჩ(ემ)ი • რ(ომელმა)ნ ჰშ(ე)ვ წყ(ა)როჲ ცხ(ო)რების(ა)ჲ • მომცემელი კ(ე)თილთა და ნიჭთა ს(უ)ლიერთ(ა)ჲ სძალო • ღ(მერ)თი გ(ა)რე შეუწერელი • გ(ა)ნმკითხველი ყ(ოველ)თაჲ • და გ(უ)ლთმეცნიერი ჻

Ⴈქმენ სიმ(ა)ღლე დამდაბლებ(უ)ლთა სძალო • და აღდგომა დაცემულთა • რ(ამეთუ) ჰშ(ე)ვ ღ(მერთ)ი მ(ა)ღალი • ჴ(ო)რც შესხმული საშოჲსა შ(ე)ნისაგ(ა)ნ წ(მიდ)ისა • ამისთ(ჳ)სცა ს(ა)რწმ(უ)ნ(ო)ებით დედად ღ(მრ)თისა აღგი(ა)რებთ ქ(ალ)წ(უ)ლო ჻

Ⴋძლ(ა)ვრ(ო)ბ(ა)ჲ სიკ(უ)დილის(ა)ჲ უსახური დააცხრვე • ჰშევ რ(ა)ჲ ცხ(ო)რ(ე)ბ(ა)ჲ ს(ა)ღ(მრ)თ(ო)ჲ • დ(ედო)ფ(ა)ლო ყ(ოვლა)დ წ(მიდა)ო • ამისთ(ჳ)ს წყაროდ უკდ(ა)ვებისად აღგიარებთ • და მ(ა)დლ(ო)ბით ღ(ა)ღ(ა)დ(ე)ბთ და ვიტყჳთ • კ(ურთხეულ) ხ(ა)რ შ(ე)ნ დედ(ა)თა შ(ორი)ს ჻

Ⴋ(ი)დგომილებ(ა)ჲ წ(მიდა)ჲ და შობ(ა)ჲ უხრწნელი • შ(ე)ნ მხ(ო)ლომ(ა)ნ აჩუჱნე • მ(ი)ს მ(იე)რ რ(ომელმა)ნ სიზრქე ჴ(ო)რცთ(ა)ჲ •

შეიმოსა ქ(რისტემა)ნ და გ(ა)ნკ(ა)ცნა ყ(ოვლ)ით(უ)რთ • რ(ომე)ლსა უღ(ა)ღ(ა)დებთ ღ(მერთ)ო ს(აუ)კ(უ)ნეთაო კ(ურთხეულ) ხ(ა)რ შ(ე)ნ ჻

ႠႩ(ურთხევდითს)Ⴀ : Ⴑ(ა)ჴუმილი ჻

Ⴌ(ა)ყ(ო)ფი წ(მიდა)ჲ მუცლისა შ(ე)ნის(ა)ჲ • უხრწნელისა ცხ(ო)რებისა მიზეზ მექმნა • ღ(მრ)თის მშ(ო)ბ(ე)ლო ქ(ალ)წ(უ)ლო • და შობისა სამ(ა)რ(ა)დისოჲსა • ამისთ(ჳ)ს გ(ი)ღ(ა)ღ(ა)დებ მთ(ა)ვ(ა)რ ანგ(ე)ლ(ო)ზისა • ჴ(მ)ასა გ(ი)ხ(აროდე)ნ დედ(ო)ფ(ა)ლო ჻

Ⴗ(ოველ)ნი ტომნი • კ(ა)ცთ(ა)ნი წ(მიდა)ო • უკ(უნი)თი უკ(უნისამდ)ე გნატრ(ი)ან • რ(ამეთუ) შემ(ო)ქმედი • ს(აუ)კ(უ)ნეთ(ა)ჲ ჩჩჳლებრ იტჳრთე • რ(ამეთუ) ს(ა)თნო იჩინე • არსებ(ა)ჲ ჟ(ა)მიერი • შემოსად ს(ა)შოჲსაგ(ა)ნ წ(მიდ)ისა ჻

Ⴆესთა ცნობისა • მღდელთმოძღ(უა)რი დიდი • იუდაჲს თესლისაგ(ა)ნ აღმოგჳცი(ე)ნე • ქ(ალ)წ(უ)ლო უბიწო • რ(ომელმა)ნ მოგუცა ჩ(უე)ნ სჯ(უ)ლი მ(ა)დლის(ა)ჲ • სჯ(უ)ლისა აჩრდილთა წილ • ამისთ(ჳ)ს გიგ(ა)ლ(ო)ბთ შ(ე)ნ • და აღგ(ა)მ(ა)ღლებთ მ(არა)დის უკ(უნისამდ)ე ჻

Ⴛე მხ(ო)ლოჲ სწორი • მ(ა)მის(ა)ჲ ბ(უ)ნებით • იქმნა სწორ კ(ა)ცთა აგებულებმა • უსძლოჲსა დედისაგ(ა)ნ • და ქ(ალ)წ(უ)ლად-ვე წ(მ)იდად დაიცვა • ამისთ(ჳ)ს აღგიარებთ დედად ღ(მრ)თისა მ(ა)ღლისა • და აღვ(ა)[მ(ა)ღლ]ებთ უკ(უნისამდ)ე ჻

Ⴀ(დიდე)Ⴁ(დითს)Ⴀ : Ⴃა უსამ ჻

Ⴜინაჲთვე გ(ა)ნცადეს წ(ინაჲს)წ(არმეტ)ყ(უე)ლებისა თ(უა)ლითა • წ(ინაჲს)წ(არმეტ)ყ(უე)ლთა და წინაჲთვე ქ(ა)დაგეს • დედად ღ(მრ)თისა ყ(ოველ)თა დამბადებ(ე)ლისა • და შემოქმედისა • ამისთ(ჳ)ს დ(იდე)ბ(უ)ლო • ღ(მრ)თისმშ(ო)ბლად აღგიარებთ შ(ე)ნ ჻

Ⴉარ(ა)ვმ(ა)ნ წამებისამ(ა)ნ წინ(ა)ჲთვე გამოგსახა შ(ე)ნ • რ(ომე)ლსა შ(ინ)ა იყუნეს ფიცარნი და ტაკუკი • და კიდობანი • ვ(ითარც)ა იგი მ(ა)ს იგინი აქონდეს • ეგრეთვე შ(ე)ნ ღირსო • სიტყ(უა)ჲ დაუსაბ(ა)მოჲ • იტჳრთე ს(ა)შოსა წ(მიდ)ასა ჻

Ⴑასძლოდ იწოდე ზესთა ცნობისა • გ(ა)ნკ(ა)ცებულისა სიტყჳსა • შემკულ პირად პირადად ს(ა)თნ(ო)ებ(ა)თა მ(იე)რ • ღ(მრ)თ(ი)სმშ(ო)ბ(ე)ლო • ქ(ალ)წ(უ)ლო ყ(ოვლა)დ უბიწოო • ამისთ(ჳ)ს ჯეროვნად • დედად ღ(მრ)თისა გქ(ა)დ(აგ)ებთ • და ს(ა)რწმ(უ)ნ(ო)ებით გ(ა)დ(იდე)ბთ ჻

Ⴅ(ითარც)ა საწმისმ(ა)ნ შეიწყნა[რ]ე წვიმაჲ ზ(ე)ცის(ა)ჲ სძ(ა)ლო • და დამათრვენ ჩ(უე)ნ წყაროჲთა უკდ(ა)ვების(ა)ჲთა • დ(იდე)ბ(უ)ლო • რ(ომელ)ნი ღ(მრ)თად

აღვიარებთ მ(ა)ს • და ს(ა)რწმ(უ)ნ(ო)ებით • გ(ა)ლ(ო)ბით გ(ა)დიდებთ შ(ე)ნ • ს(ა)სოო ყ(ოვლ)ისა ს(ო)ფლის(ა)ო ჻

Ⴃასდებ(ე)ლნი აღდგ(ო)მის(ა)ნი

უ(ფალ)ო ღ(ა)ღ(ა)დ ყავსა Ⴤ(მა)ჲ ͠Ⴂ (3): Ⴘ(ე)ნ უ(ფალ)ო რ(ომელმა)ნ ჻

Ⴟ(უარ)ითა შ(ე)ნითა • ქ(რისტ)ე ღ(მერთ)ო დაჰჴსნდა • მძლავრი სიკ(უ)დილი და ეშმ(ა)კისა • ს(ა)ცთური გ(ა)ნქ(ა)რდა • ხ(ოლო) აწ კ(ა)ცთა • ნ(ა)თეს(ა)ვნი ს(ა)რწმ(უ)ნ(ო)ებით ჴსნილნი • მ(არა)დის გ(ა)ლ(ო)ბასა შ(ე)ნდა შესწირვენ ჻

Ⴓ(ფალ)ო გ(ა)ნ(ა)თლდა ყ(ოველი)ვე • აღდგომითა შ(ე)ნითა • და სამოთ(ხ)ე კ(უალა)დ გ(ა)ნეღო • ხ(ოლო) დაბადებ(უ)ლნი • რ(ომელ)ნი ძრწოლით • შეგასხმენ შ(ე)ნდა გ(ა)ლ(ო)ბ(ა)სა • მ(ა)დლობით შ(ე)ნდა შესწირვენ ჻

Ⴅადიდებ მ(ა)მისა და • ძისა ძლ(იე)რებ(ა)სა • და წ(მიდ)ისა ჴ(ე)ლმციფებ(ა)სა • დაუბადებ(ე)ლსა და • გ(ა)ნუყოფელსა • ღ(მრ)თეებ(ა)სა ს(ა)მებ(ა)სა ერთ არსებ(ა)სა • რ(ომელ)ი ს(უ)ფევს უკ(უნი)თი უკ(უნისამდ)ე ჻

Ⴕ(რისტ)ე ღ(მერთ)ო რ(ომელმა)ნ • ვნებითა მით შ(ე)ნითა • დააბნელე მზე და აღდგომისა • მის შ(ე)ნისა ნ(ა)თ(ე)ლითა • გ(ა)ნბრწყ(ი)ნვებულ ჰყ(ა)ვ • ყ(ოველ)ი ს(ო)ფელი შეიწირე ჩ(უე)ნიცა • ესე სამწუხროჲ გ(ა)ლ(ო)ბ(ა)ჲ კ(ა)ცთ მ(ო)ყ(უა)რე ჻

Ⴎ(ა)ტ(ი)ოს(ა)ნსა ჯ(უარს)ა შ(ე)ნსა თ(ა)ყ(უა)ნის ვსცემთ • ქ(რისტ)ე და აღდგომ(ა)სა • შ(ე)ნსა უგ(ა)ლ(ო)ბთ და ვჰმონებთ • შიშით და ძრწოლით • რ(ამეთუ) წ(მიდა)თა მით წყ(ა)ლ(ო)ბითა • შ(ე)ნითა ჩ(უე)ნ ყ(ოველ)ნი გ(ა)ნვიკურნენით ჻

Ⴓგ(ა)ლ(ო)ბთ მ(ა)ცხ(ოვა)რსა • ქ(რისტეს)ა ჴ(ო)რც შესხმულსა • ქ(ალ)წ(უ)ლისაგ(ა)ნ რ(ამეთუ) ჩ(უე)ნთ(ჳ)ს • ჯ(უა)რს ეცუა დაეფლა • და მესამესა • დღესა აღდგა მკ(ჳ)დრეთით • და მოგუანიჭა • აღდგ(ო)მ(ა)ჲ ცხ(ო)რ(ე)ბ(ა)ჲ და დიდი წყ(ა)ლ(ო)ბ(ა)ჲ ჻

Ⴟ(ო)ჯ(ო)ხეთად რ(ა)ჲ შთაჴდა • ქ(რისტ)ე მ(ა)ს შ(ინ)ა მყ(ო)ფთა • ახარა და უბრძანა ნუ გეშინინ • რ(ამეთუ) აწ მიძლევეს • სიკუდილისა-და • მე ვარ აღდგ(ო)მ(ა)ჲ და მე [მოგი]ყვ(ა)ნნე • და დავჰჴსნნე სიკ(უ)დილისა ბჭენი ჻

ႱႾუაႬი

Ⴕ(ე)რაბინთა ჻

Ⴓ[ღირ]სად მდგომარენი ესე უხრწნელსა შ(ინ)ა ტ(ა)ძ(ა)რსა შ(ე)ნსა უ(ფალ)ო • სამწ(უხროსა) გ(ალობა)სა შევსწირ(ა)ვთ შ(ე)ნდა • და ვღაღადებთ მჴსნელო • რ(ომელმა)ნ აღდგ(ო)მითა გ(ა)ნ(ა)ნ(ა)თლე სოფელი

იჴსენ ერი შ(ე)ნი ჴ(ე)ლთგ(ა)ნ • მტ(ე)რთ(ა)ჲსა კ(ა)ცთამ(ო)ყ(უა)რე ჻

Ⴃ(იდე)Ⴁ(ა)Ⴢ აწ ჻

Ⴅინ არ(ა)ჲ გ(ა)ნკჳრდეს ღ(მრ)თ(ი)ვ შუჱ(ნიე)რისა • შობ(ი)სა შ(ე)ნისათ(ჳ)ს ყ(ოვლა)დ ქებ(უ)ლო სძ(ა)ლო • რ(ამეთუ) ხრწნილებისა • ზეშთა ჰყ(ა)ვ ყ(ოვლა)დ წ(მიდა)ო • ს(აუ)კ(უ)ნეთა • წინა შობილი ძე უმამოდ • და არაჲ შეიწყნარა • ყ(ოვლა)დვე ქცეულებ(ა)ჲ • გინა შერწყუმაჲ • გინა გ(ა)ნყოფილებ(ა)ჲ • ა(რამე)დ დაჰმარხნა • თჳთებ(ა)ნი იგი • ორთა ბო(უ)ნებ(ა)თ(ა)ნი • უვნებლ(ა)დ და ღ(მრ)თივ ბრწყ(ი)ნვ(ა)ლედ • რ(ომლ)ისა [მიმარ]თ ოხაჲ ჩ(უე)ნთ(ჳ)ს შეწირე ჻

Ⴑტიქ(ა)რ[ონი] ჻

Ⴕ[...] ჻

Ⴑ(ა)ხ(ა)რების მომცემ(ე)ლმ(ა)ნ მჴსნელო • აღდ[გომამან] შ(ე)ნმ(ა)ნ ყ(ოველ)ი ს(ო)ფელი გ(ა)ნ(ა)ნ(ა)თლა • და დაბადებ(უ)ლნი გ(ა)ნხრწნილნი გ(ა)ნახლნა • ამისთ(ჳ)ს ადამის წყევისაგ(ა)ნ • გამოჴსნილნი მ(ა)დლობით გ(ი)ღ(ა)ღ(ა)დებთ შ(ე)ნ • ქ(რისტ)ე ყ(ოვლა)დ ძლ(იე)რო • უ(ფალ)ო დ(იდე)ბ(ა)ჲ შ(ე)ნდა ჻ Ⴅ(ითარც)ა [იგი პირველა]დ ჻

Ⴖ(მერ)თი ხ(ა)რ უცვ(ა)ლებ(ე)ლი • და ჴ(ო)რცითა რ(ა)ჲ [ივ]ნე არ(ა)ჲ იცვალე • რ(ომ)ლის(ა)ჲ დაბადებ(უ)ლთა • ვერ იტჳრთეს დამოკიდებ(უ)ლისაჲ ხილვ(ა)ჲ • და შიშისაგ(ა)ნ ძრწოდეს • და შ(ე)ნსა • [სულ]გრ[ძელე]ბ(ა)სა უგ(ა)ლ(ო)ბდეს • ხ(ოლო) შ(ე)ნ მ(ა)ცხ(ოვა)რ შთაჰჴედ ჯ[ოჯოხეთ]ად • და იჴსნენ დასჯ(უ)ლნი მ(ი)ს ყ(ოველს)ა • და აღსდეგ მკ(უ)დრეთით მესამესა დღესა • და ანიჭე კ(ა)ცთა ცხ(ო)რ(ე)ბ(ა)ჲ და დიდი წყ(ა)ლ[ობაჲ] ჻

Ⴕ(ე)რობ(ი)ნი ჻

Ⴐ(აჲთ)ა ნ(ა)თეს(ა)ვი ჩ(უე)ნი • სიკ(უ)დილისაგ(ა)ნ იჴსნა • ქ(რისტ)ე სიკ(უ)დ(ი)ლი დასთრგუნე • და მესამესა დღესა აღსდეგ მკ(ჳ)დრ(ე)თით • და შ(ე)ნ თანა აღ(ა)დგინენ • რ(ომე)ლთა იგი იცნეს ღმთეებაჲ შ(ენ)ი • და ს(ო)ფ(ე)ლი გ(ა)ნ(ა)ნ(ა)თლე უ(ფალ)ო დ(იდე)ბ(ა)ჲ შ(ე)ნდა ჻

Ⴃ(იდე)ბ(ა)ჲ აწ ჻

Ⴓთესლოდ და გ(ა)ნუხრწნელ(ა)დ • მუცლ(ა)დ იღე ქ(ალ)წ(უ)ლო ს(უ)ლისა მ(იე)რ [წმიდ]ისა • ძე ღ(მრთისა)ჲ ნებითა მ(ა)მის(ა)ჲთა • უდედოჲ მ(ა)მისაგ(ა)ნ პ(ირვე)ლ

ს(აუ)კ(უ)ნეთა • შობილი ხ(ოლო) შ(ე)ნგ(ა)ნ • ჩ(უე)ნთ(ჳ)ს უმამოდ გ(ა)ნკ(ა)ცებ(უ)ლი და • ჴ(ო)რციელ(ა)დ გჳშ(ე)ვ ჩ(უე)ნ უბიწოო • და ჩჩჳლებრ სძესა აწოვედ შემოქმედსა • რ(ომლ)ისა თ(აყუანი)სცა ნუ დააცადებ ვედრებ(ა)დ • რ(აჲთ)ა ჭირთ(ა)გ(ა)ნ • იჴსნნეს წყ(ა)ლ(ო)ბით შემსხმელნი შ(ე)ნნი •

Ⴕერაბინ ჻

Ⴋ(ოვე)დით ყ(ოველ)ნი წ(ა)რმ(ა)რთნი • და გ(უ)ლის ჴ(მ)ა ვყოთ ს(ა)შ(ი)ნელი საჲდუმლოჲ • რ(ამეთუ) ქ(რისტ)ე მჴსნ(ე)ლი ჩ(უე)ნი სიტყ(უა)ჲ • დაუსაბამოჲ ჯ(უა)რს ეცუა ჩ(უე)ნთ(ჳ)ს • დაეფლა და აღდგა მკ(ჳ)დრეთით • ცხ(ო)რ(ე)ბ(ა)დ ჩ(უე)ნ ყ(ოვე)ლთა • ამ(ა)ს თ(ა)ყ(უა)ნის ვსცემდეთ ჻

Ⴋიუთხრეს მცვ[ელთა] შ(ე)ნთა უ(ფალ)ო • ყ(ოველ)ი ს(ა)კჳრვლებ(ა)ჲ ჰურიათა ა(რამე)დ • კრ(ე)ბ(უ)ლმ(ა)ნ მ(ა)ნ ამაოებისამ(ა)ნ ქრთამითა • აღავსო მ(ა)რჯ(უე)ნაჲ მ(ა)თი • დაფ(ა)რვად ჰგონებდეს აღდგომ(ა)სა შ(ე)ნსა • რ(ომე)ლსა ყ(ოველ)ი ს(ო)ფ(ე)ლი • გ(ა)დიდ(ე)ბს შეგჳწყ(ა)ლენ ჩ(უე)ნ ჻

Ⴄლვარე ანგ(ე)ლ(ო)ზი ს(ა)ფლ(ა)ვსა • ზ(ედ)ა ცხ(ო)რ(ე)ბის მომცემელსა • ბრწყ(ი)ნვ(ა)ლითა ჴმითა • მენელ ს(ა)ცხებ(ე)ლთა დედ(ა)თა ეტყოდა • დააცალიერნა მჴსნელმ(ა)ნ ს(ა)ფლ(ა)ვნი • წ(ა)რმოტყუჱნა ჯ(ო)ჯ(ო)ხეთი და აღდგა • მესამესა დღესა ვ(ითარც)ა • მხ(ო)ლ(ო)ჲ კ(ა)ცთა მ(ო)ყ(უა)რე არს ჻

Ⴇჳთი ჻

Ⴌ(ა)თლითა შ(ე)ნითა უ(ფალ)ო ვიხ(ი)ლეთ ნ(ა)თელი • კ(ა)ცთა მ(ო)ყ(უა)რე არ(ა)ჲ სდეგ მკ(უ)დრ(ე)თით • ცხ(ო)რ(ე)ბ(ა)ჲ კ(ა)ცთა ნ(ა)თეს(ა)ვსა მოანიჭე • რ(აჲთ)ა ყ(ოველ)ნი დაბ(ა)დებ(უ)ლნი გ(ი)გ(ა)ლ(ო)ბდენ შ(ე)ნ • მხ(ო)ლო შეუცოდებ(ე)ლო შეგჳწყ(ა)ლ(ე)ნ ჩ(უე)ნ ჻

Ⴜ(ა)რდგ(ო)მ(ა)ჲ Ⴕ(ე)რობინთ(ა) ჻

Ⴕ(რისტ)ე აღდგა მკ(უ)დრეთით პ(ირვე)ლი • იგი შესუჱნებულთაჲ • და პირმშოჲ დაბად(ე)ბ(უ)ლთ(ა)ჲ • და შემ(ო)ქმედი ყ(ოველ)თა შექმნულთ(ა)ჲ • და გ(ა)ნხრწ(ნ)ილი იგი ბ(უ)ნებ(ა)ჲ ნ(ა)თეს(ა)ვისა ჩ(უე)ნის(ა)ჲ მის თ(ან)ა გ(ა)ნახლა • არღარა ჰსუფევ სიკ(უ)დილო • რ(ამეთუ) ღ(მერთმა)ნ დაჰჴსნა სიმტკიცე შ(ე)ნი ჻

Ⴤ(ო)რცითა სიკ(უ)დ(ი)ლისა გემოჲ • იხ[ილე] ქ(რისტ)ე და სიმწარე სიკ(უ)დილის(ა)ჲ • გ(ა)ნჰკუჱთე აღდ-

გომითა შ(ე)ნითა და კ(ა)ცი • მის ზ(ედ)ა გ(ა)ნაძლიერე • და პ(ირვე)ლისა წყევისა ძლეულებ(ა)ჲ • გ(ა)ნაქ(ა)რვე • სასო ჩ(უე)ნო უ(ფალ)ო დ(იდე)ბ(ა)ჲ შ(ე)ნდა ჻

Ⴃ(იდე)ბ(ა)ს ზ(ედ)ა ჻

Ⴇჳთი ჻

Ⴘუჱნ(იე)რებ(ა)სა ქ(ალ)წ(უ)ლებისა შ(ე)ნისა • და ბრწყ(ი)ნვ(ა)ლებ(ი)სა სიწ(მი)დისა შ(ე)ნის(ა)სა • გ(ა)ბრ(იე)ლ გ(ა)ნკჳრდა და გ(ი)ღ(ა)ღ(ა)და შ(ე)ნ ქ(ალ)წ(უ)ლო • ღ(მრთ)ისმშ(ო)ბ(ე)ლო • რ(ომელ)ი შესხმაჲ მოგართუა შ(ე)ნ ღირსო • ანუ რ(ა)ჲ ს(ა)ხ(ე)ლ გდვა შ(ე)ნ • უღონო ვ(ა)რ და გ(ა)ნვჰკრთები • ამისთ(ჳ)ს ვ(ითარც)ა მიბრძანა გ(ი)ღ(ა)ღ(ა)დებ • გ(ი)ხ(აროდე)ნ მიმ(ა)დლებ(ე)ლო უ(ფალ)ი შ(ე)ნ თ(ან)ა ჻

Ⴀღს(ა)ვალნი

Ⴤმა ვყ(ა)ვ შ(ე)ნ ჻

Ⴘ(ე)ნ ქ(რისტ)ე იჴსენ • ბაბილოვნით ტყუჱ • იგი სიონისაჲ და მეცა • ვნებ(ა)თა ჩ(ე)მთაგ(ა)ნ • ცხ(ო)რებ(ა)დ მიმიზიდე მჴსნელო ჻

Ⴐ(ომე)ლთა სთესონ • მოღ(უა)წებ(ა)ჲ ცრემლითა ს(ა)ღ(მრ)თ(ო)ჲთა • მოჲმკონ მ(ა)თ • ს(აუ)კ(უ)ნოჲსა მის • ცხ(ო)რებისა სიხ(ა)რული ნ(ა)ყ(ო)ფ(ა)დ ჻

Ⴗ(ოველ)ი ნიჭი • კ(ე)თილთაჲ ვ(ითარც)ა მ(ა)მისა და ძისა თ(ან)ა ბრწყ(ი)ნავს წ(მიდ)ისა ს(უ)ლისა • რ(ომლ)ითა ყ(ოველ)ი იძრვისი ცხ(ო)ვნდების ჻

Ⴃ(იდე)Ⴁ(ა)Ⴢ:

Ⴂ(ა)ლ(ო)ბ(ა)ჲ Ⴁ (2): Ⴋოსლ[...] ჻

Ⴀრა თუ ო(დე)ნ • აღაშენოს ს(ა)ხლი ს(ა)თნ(ო)ებ(ა)თაჲ • ცუდ არს შრომაჲ ჩ(უე)ნი ხ(ოლო) თუ • იგი სცვიდეს ს(უ)ლსა ჩ(ემს)ა • ვერ ვინ წარტყუჱნოს ქ(ა)ლ(ა)ქი ჩ(უე)ნი ჻

Ⴌ(ა)ყ(ო)ფისაგ(ა)ნ • მუცლისა ს(უ)ლითა შვილ ქმნილნი ქ(რისტ)ეს • თ(ან)ა Ⴅ(ითარც)ა რ(ა)ჲ მ(ა)მისა • სასძლოსა მ(ა)ს ზ(ე)ც(ა)თ(ა)სა • წ(მიდა)ნი მ(არა)დის იყოფებიან ჻

Ⴑ(უ)ლისა წ(მიდ)ისა • მ(იე)რ იხილვების ყ(ოველ)ი სიწ(მ)იდე და სიბრძნე რ(ამეთუ) არს იქმს ყ(ოველ)თა • დაბ(ა)დებ(უ)ლთა ამისთ(ჳ)ს • ვჰმონებთ რ(ამეთუ) ღ(მერ)თ არს ვ(ითარც)ა მ(ა)მ(ა)ჲ და ძე ჻

Ⴃ(იდე)ბ(ა)ჲ აწ ჻

Ⴂ(ა)ლ(ო)ბ(ა)ჲ (3) Ⴋოსლვისა ჻

Ⴐ(ომე)ლთა ეშინის • უ(ფლ)ისა სან(ა)ტრელნი ალ(ა)გთა მ(ა)თ • ვლენან მცნებ(ა)თ(ა)სა და ჭამენ • ცხოველთა მ(ა)თ საშუჱბელთა • და უუ(ო)ხჭნოთა კ(ე)თილთა ს(ა)მ(ა)რ(ა)დისოდ ჻

Ⴂარემოჲს ტ(ა)ბლისა • შ(ე)ნისა რ(ა)ჲ ხედვიდე შვილთა შ(ე)ნთა • შემკულთა რტოებითა კ(ე)თილითა • ს(ა)ქმეთ(ა)ჲთა მწყემთ მთ(ა)ვ(ა)რო • იხ(ა)რებდ იშუჱბდ და ჰმ(ა)დლობდი ღ(მერთს)ა ჻

Ⴜ(მიდ)ისა ს(უ)ლი-

სა • ყ(ოველ)ი სიმდიდრე დ(იდე)ბის(ა)ჲ • რ(ომლ)ისა მ(იე)რ მ(ი)ეცემის • მ(ა)დლი და ცხ(ო)რ(ე)ბ(ა)ჲ ყ(ოველ)თა • არსთა მ(ა)მ(ი)თ და ძითურთ იდიდების ჻

Ⴃ(იდე)ბ(ა)ჲ აწ ჻

Ⴔ(სალმუ)ნი ჻

Ⴇქუჱდ წ(ა)რმ(ა)რთთა შ(ორი)ს რ(ამეთუ) უ(ფალ)ი სუფ(ე)ვს ჻

Ⴓგ(ა)ლ(ო)ბდით უ(ფალს)ა გ(ა)ლ(ო)ბითა ახლითა რ(ამეთუ) ს(ა)კჳრელი ქმნა უ(ფალმა)ნ ჻

Ⴈბ(ა)კ(ო)ჲ ჻

Ⴃღეს აღსდეგ ს(ა)ფლ(ა)ვისაგ(ა)ნ მ(ო)წყ(ა)ლე • და გ(ა)მომიჴსნენ ბჭეთაგ(ა)ნ სიკ(უ)დილის(ა)თა • დღეს ადამს უხარის • და გ(ა)ნსცხრების ევა • წ(ინაჲს)წ(არმეტ)ყ(უე)ლთა თ(ან)ა და მ(ა)მამთ(ა)ვ(ა)რთა • რ(ამეთუ) აღსდეგ ცხ(ო)რ(ე)ბის მომცემელო • და ჩ(უე)ნ შ(ე)ნთ(ან)ა აღმადგინენ ს(ა)ფლ(ა)ვთაგ(ა)ნ • ქ(რისტ)ე ღ(მერთ)ო დ(იდე)ბ(ა)ჲ შ(ე)ნდა ჻

Ⴈკ(ო)სი ჻

Ⴑ(ა)ფლ(ა)ვნი დააცალიერნა ქ(რისტემა)ნ ღ(მერთმა)ნ • და მკ(უ)დ(ა)რნი აღ(ა)დგინნა სამარეთაგ(ა)ნ • მ(ოვე)დით მორწმ(უ)ნენო • მ(ო)ციქ(უ)ლთა თანა და მენელს(ა)ცხებლეთა • ვ(ითარც)ა ყ(ოველ)თა შემ(ო)ქმედისა • მივისწრ(ა)ფოთ მისსა • და ს(ა)რწმ(უ)ნ(ო)ებით უღ(ა)ღადოთ • რ(ომელ)ი მოგუანიჭებს ჩ(უე)ნ ც(ო)დვ(ა)თა შენდობ(ა)სა • შ(ე)ნი უკუჱ სიხ(ა)რ(უ)ლით შეუვ(ა)რდეთ • რ(ომელ)ი აღდგა მკ(ჳ)დრეთით • და არღუია სიმტკიცე • წყუდიადად შემოსულისა სიკ(უ)დილისაჲ • და მკ(უ)დ(ა)რნი აღ(ა)დგინნა • ვ(ითარც)ა მ(ეუ)ფემ(ა)ნ და მჴსნელმ(ა)ნ • და მ(ა)დლ(ო)ბით ესრეთ უღ(ა)ღ(ა)დებდეთ • რ(ომელმა)ნ აღმადგინენ აღდგომითა შ(ე)ნთა • ქ(რისტ)ე ღ(მერთ)ო დ(იდე)ბ(ა)ჲ შ(ე)ნითა ჻

Ⴓგ(ა)ლ(ო)ბდ(ი)თსა Ⴐ(ომელმა)ნ წამის ყ(ო)ფი ჻

Ⴐ(ომელმა)ნ ს(ა)გუჱმელად ჰ(რ)ქ(უ)ა ქ(უე)ყ(ა)ნ(ა)სა • გ(ა)მოღებ(ა)დ ეკალი ურჩთა მ(ა)თთ(ჳ)ს • გჳრგჳნ ეკლის(ა)ჲ შეიმოსა ჴ(ელ)თაგ(ა)ნ • უღ(მრ)თოთა ჰური(ა)თა • რ(ომელ)ი ჯ(უა)რს ეცუა ჩ(უე)ნთ(ჳ)ს • მ(ა)ს მხ(ო)ლ(ო)სა უგ(ა)ლ(ო)ბთ რ(ამეთუ) დ(იდე)ბ(უ)ლ :

Ⴋძლედ გამოჩნდა სიკ(უ)დილისა • რ(ომელ)ი იგი • სიკ(უ)დილისა იშიშვოდა ჴ(ო)რციელად • ვნებ(ა)ჲ დაჲთმინა ნებსით თ(ჳ)სით ჯ(უარ)ითა • ესე არს ღ(მერთ)ი ჩ(უე)ნი • რ(ომელმა)ნ სიკ(უ)დ(ი)ლი მოკლა • მ(ა)ს მხ(ო)ლ(ო)სა უგ(ა)ლ(ო)ბთ რ(ომელ)ი დ(იდე)ბ(უ)ლ (ა)რს ჻

Ⴀღდგ(ა) ქ(რისტ)ე ს(ა)ფლ(ა)ვით • და აღ(ა)დგინა • ბ(უ)ნებ(ა)ჲ კ(ა)ცობრივი დაცემული • და მტ(ე)რისა მახეთა შეწყდომილი პ(ირვე)ლ(ა)დ • ესე არს ღ(მერთ)ი ჩ(უე)ნი • რ(ომელმა)ნ სიკ(უ)დილი მოკლა • მ(ა)ს მხ(ო)ლ(ო)სა უ[გალობთ]

[22v]

Ⴂ(ან)Ⴛ(ლიერდას)Ⴀ Ⴀჰა ბერ ჻

Ⴘურ(ი)თა გამოვ[ვ]არდი მე • სამოთხით საშუჱბ(ე)ლის(ა)ჲთ • უნდოდ რ(ა)ჲ დავეცი მე • ხ(ოლო) არაჲ უგულებ(ე)ლს მყ(ა)ვ ქ(რისტ)ე • ა(რამე)დ ჯ(უარ)ითა • მიჴსენ მტ(ე)რისაგ(ა)ნ • და მადიდე მე ჻

Ⴃაფლვითა შ(ე)ნ(ი)თა ქ(რისტ)ე სიკ(უ)დილი დაითრგუნა • შეძრწუნდა ჯ(ო)ჯ(ო)ხ(ე)თი • და დ(ა)ცემული ადამ მ(ა)მაჲ ჩ(უე)ნი • მკ(უ)დრეთით აღდგ(ო)მითა • აღადგინე იგი • და გ(ა)დიდებდა ჻

Ⴋ(ე)Ⴑ(მას)Ⴀ Ⴋოსლვისა ჻

Ⴖ(მერთ)ო კ(ა)ცთა მ(ო)ყ(უა)რე • რ(ომელმა)ნ დაბადე ხატად შ(ე)ნდა • ა(რამე)დ მომკლა მტ(ე)რმ(ა)ნ ც(ო)დვ(ა)თა • ხ(ოლო) ჯ(უა)რცუმითა შ(ე)ნითა • აღმადინე მკ(ჳ)დრეთით და მ(ა)ცხ(ო)ვნე მე ჻

Ⴋომწყდ(ა)რნი ც(ო)დვ(ი)თა • ს(ა)ხ(ა)რებით გ(ა)ნაცვვ(ა)ლენ • რ(ა)ჟ(ამ)ს ლახურითა გუჱრდით მოჲწყალ • ვ(ითარც)ა კრავი უმანკოჲ • ც(ო)დვ(ა)თათ(ჳ)ს ს(ო)ფლის(ა)თა მ(ა)ცხ(ოვა)რ ჻

Ⴋკ(უ)დ(ა)რნი შეწყდუმილნი მ(ა)ცხ(ოვა)რ • აღდგომითა შ(ე)ნითა • აღმოჲყვ(ა)ნენ დღეს ჯ(ო)ჯ(ოხ)ეთით • და დ(იდე)ბ(ა)სა შ(ე)ნთ(ან)ა • იზიარენ ს(ა)ს(უ)ფ(ე)ველსა შ(ე)ნსა ჻

Ⴖ(ამით)Ⴂ(ანს)Ⴀ Ⴕ(უე)ყ(ა)ნ(ა)სა ზ(ედ)ა ჻ Ⴂუჱრდი შ(ე)ნი • ს(ა)ღ(მრ)თ(ო)ჲ გ(ა)ნეღო ლახურისა მ(იე)რ • დაბადებ(უ)ლნი იჴსნენ წყევისაგ(ა)ნ ქ(რისტ)ე • და ღირს ყვენ კ(ურთ)ხ(ე)ვ(ა)სა • ს(ა)მ(ა)რ(ა)დისოსა კ(ა)ცთა მ(ო)ყ(უა)რე ჻

Ⴁუნებითა • სწორი ღ(მრ)თე(ე)ბ(ა)სა მ(ა)მის(ა)სა • დაემკჳდრე ტ(ა)ძ(ა)რსა მ(ა)ს ჴ(ო)რცთა ბ(უ)ნების(ა)სა • და აღადგინე იგი აღდგ(ო)მითა შ(ე)ნითა მკ(უ)დრეთ(ი)თ ჻

Ⴖ(აღად)Ⴗ(ავს)Ⴀ Ⴃამკჳდრ ჻

Ⴜყლულებითა შ(ე)ნითა • წყლულნი დაძინებ(უ)ლნი • ს(ა)ფლ(ა)ვთაგ(ა)ნ აღმოჲყვანენ • მრ(ა)ვ(ა)ლ მ(ო)წყ(ა)ლეო • მეცა გიჴმობ შ(ე)ნ • ხრწნილებისაგ(ა)ნ და სიკ(უ)დილისა მიჴსენ ქ(რისტ)ე ჻

Ⴂ(ა)ნგეხუნეს შ(ე)ნ მ(ა)ცხ(ოვა)რ • შიშით ბჭენი იგი ჻

ჯ(ო)ჯ(ო)ხ(ეტი)ს(ა)ნი დაჴშულნი • რ(ა)ჟ(ამ)ს წ(ა)რმოსტყუჱნე • და აღსდეგ მკ(ჳ)დრეთით • და დედ(ა)თა მიანიჭე სიხ(ა)რ(უ)ლი ჻

Ⴉ(ურთ)Ⴞ(ეულარს)Ⴀ Ⴅ(ითარც)ა ს(ა)მთა ყრმ[ათა] ჻

Ⴉერ[რე]ტ საბმელი გ(ა)ნიპო • ჯ(უა)რცმ(ა)სა შ(ე)ნსა ქ(რისტ)ე • და აჩუჱნე ჴსნ(ა)ჲ მორწმ(უ)ნეთ(ა)ჲ • დაუნჯებული დღეს • წერილთაგ(ა)ნ პ(ირვე)ლთა • რ(ომელ)ნი ღ(ა)ღ(ა)დებნ • კ(ურთხეულ) ხ(ა)რ შ(ე)ნ უ(ფალ)ო ღ(მერთ)ო მ(ა)მ(ა)თა ჩ(უენთაო) ჻

Ⴐ(ა)ჟ(ამ)ს გუჱრდით მოჲწყალ • წთოდეს წუჱთნი ს(ა)ღ(მრ)თ(ო)ნი • ქ(უე)ყნისა გ(ა)ნსაწმედელად • გ(ა)ნგებულებითა • სისხლი იგი და წყალი • ცხ(ო)რ(ე)ბის მომცე(მე)ლი • და მორწმ(უ)ნენი იტყჳ(ი)ან • კ(ურთხეულ) ხ(ა)რ შ(ე)ნ უ(ფალ)ო ჻

Ⴘეგიწყნარა ქუჱსკნელმ(ა)ნ დაბნელებ(უ)ლმ(ა)ნ ქ(რისტ)ე • ნ(ა)თ(ე)ლი დაუღ(ა)მებ(ე)ლი • და შერყეულ იქმნა • და მკ(უ)დარნი გ(ა)ნუტევნა • და უმკჳდრო იქმნა დღეს • მკჳდ(ა)რთა მისთაგ(ა)ნ • შ(ე)ნ მ(იე)რ მ(ა)მ(ა)თა ჩ(უე)ნთა ღ(მერთ)ო ჻ ႠႩ(ურთხევდითს)Ⴀ ჻

Ⴚ(ე)ცხლი იგი ჻

Ⴑიტყ(უა)ჲ უვნებლო იყო • რ(ამეთუ) ღ(მრ)თე(ე)ბაჲ უვნებ(ე)ლ არს • ივნო ჴ(ო)რცითა რ(ომე)ლსა უღ(ა)ღ(ა)დებთ • აკ(ურთ)ხ(ევდი)თ ყ(ოველ)ნი ს(ა)ქმ(ე)ნი უ(ფალ)ო უგ(ა)ლ(ო)ბდით და უფ(როჲ)ს(ა)დ აღვმ(ა)ღ[ლებთ].. ჻

Ⴋენელს(ა)ცხებ(ე)ლთა მ(ა)თ • უსხეულონი გ(ა)მოუჩნდეს • ახარეს აღდგომ(ა)ჲ (ღმრთ)ის(ა)ჲ და თქ(უე)ს აკ(ურთ)ხ(ევდი)თ ყ(ოველ)ნი ს(ა)ქმ(ე)ნი უ(ფალ)სა ჻

Ⴋკ(უ)დ(ა)რთაებრ დაიძინე • და აღდეგ ვ(ითარც)ა უკდავ ხ(ა)რ ქ(რისტ)ე • და იჴსნენ რ(ომელ)ნი ღ(ა)ღ(ა)დებენ • აკ(ურთ)ხ(ევდი)თ ყ(ოველ)ნი ჻

Ⴀ(დიდე)Ⴁ(დითს)Ⴀ ჻

Ⴑიტყ(უა)ჲ ღ(მრთისა)ჲ ჻

Ⴛელითა მით ჯ(უარ)ჲთა • ეწყვე ძლიერსა მ(ა)ს ქ(რისტ)ე და დაამჴუ იგი • და შეჰმუსრე თავი იგი • გუჱლისა მის ბორ(ო)ტის(ა)ჲ • ამისთ(ჳ)სცა ჩ(უე)ნ ყ(ოველ)ნი • მორწმ(უ)ნ(ე)ნი მ(ა)რ(ა)დის გ(ა)დიდ(ე)ბთ შ(ე)ნ ჻

Ⴤელნი იგი დაშთუმილნი • გ(ა)ნაძლიერენ ჯ(უარ)ითა შ(ე)ნითა ქ(რისტ)ე • და აღდგომითა შ(ე)ნითა • მუჴლნი იგი უძლურთ(ა)ნი • ძ(ა)ლითა გ(ა)ნამტკიცენ • და გ(ა)დიდებდენ

Ⴐ(ა)ჟ(ამ)ს აღსდეგ ქ(რისტ)ე მკ(უ)დრეთით • უჴ(ო)რცოთა ძ(ა)ლნი ეჩუჱნნეს დედ(ა)თა მ(ა)თ • და ეტყ(ო)დეს გ(ი)ხ(აროდე)ნ • რ(ამეთუ) აღდგა უ(ფალ)ი • ახარეთ მ(ო)ც(ი)ქ(უ)ლთა • ვ(ითარმე)დ წინა გიძღჳს თქ(უე)ნ გ(ა)ლე[ი]ლი[ე]ას ჻

Ⴂ(ა)ლ(ო)ბ(ა)ნი წ(მიდ)ისა ღ(მრთ)ისმშ(ო)ბ(ე)ლ(ი)სან ჻

Ⴖ(მერთს)ა რ(ომელმა)ნ ჻

Ⴂ(ა)ლ(ო)ბით უგ(ა)ლ(ო)ბდეთ ღ(მერთს)ა • რ(ომელ)ი იშვა • ქ(ალ)წ(უ)ლისაგ(ა)ნ სძლისა • მ(ა)ცხ(ოვ)რ(ა)დ ჩ(უე)ნდა • და შეაერთნა ზ(ე)ცისა და ქ(უე)ყ(ა)ნის(ა)ნი ჻

Ⴆ(ე)ცისა და ქ(უე)ყ(ა)ნის(ა)ნი • ზესკნელითა • თ(ა)ჰყ(ვა)ნისცემენ • ღ(მრ)თისა დედ(ა)ო: ძესა შ(ე)ნსა რ(ამეთუ) დ(იდე)ბ(უ)ლ არს ჻

Ⴥ, ცვ(ა)ლებ(ა)ჲ ს(ა)კჳრვ(ე)ლი • რ(ამეთუ) ჴ(ო)რცნი • ქ(ალ)წ(უ)ლისაგ(ა)ნ სძლისა •

მიიხუნა ღ(მერთმა)ნ • და ს(ა)ღ(მრ)თ(ო)ჲ ს(უ)ლი მომცა ჩ(უე)ნ რ(ამეთუ) დ(იდე)ბ[ულ არს] ჻

Ⴂ(ან)Ⴛ(ლიერდას)Ⴀ Ⴂ(ა)ნამტკ(ი)ცენ ჻ Ⴋშჳლდი მტ(ე)რთ(ა)ჲ შეჰმუსრე • და ფარები შეჰფქევ • ძლ(იე)რებით ქ(რისტ)ე დამბადებ(ე)ლო • გ(ა)ნმაძლ(იე)რებ(ე)ლო ჩ(უე)ნო • დ(იდე)ბ(ა)ჲ შ(ე)ნდა ჻

Ⴉუჱრთხ(ა)დ იესეს ძირით • გ(ა)მოსრულმ(ა)ნ ქ(ალ)წ(უ)ლმ(ა)ნ • გამოგიღო ყუავ(ი)ლად ქ(რისტ)ე ღ(მერთ)ო • თავო ცხ(ო)რების(ა)ო და სულნელ-ყო ს(ო)ფ(ე)ლი ჻

Ⴐ(აჲთ)ა ზიარ ს(ა)ღ(მრ)თ(ო)ჲსა • ბ(უ)ნების ჰყვნე კ(ა)ცნი • დაჰგლახ(ა)კენ • ვ(იდრემდ)ე ჴ(ო)რცთამდე ჩ(უე)ნთა • ქ(რისტ)ე რ(ომელ)ნის ძალმ(ა)ნ • უბიწომ(ა)ნ გიშენნა ჻

Ⴋ(ე)Ⴑ(მას)Ⴀ: Ⴚ(ა)ნი შუჱნი[ერნი] ჻

Ⴓცხოჲ და ს(ა)კჳრველი შობისა მის შ(ე)ნის(ა)ჲ • საჲდუმლოჲ ქ(რისტ)ე ღ(მერთ)ო მესმა და შემეშინა • და გ(ა)ნმხიარულებ(უ)ლი • მადლობით გ(ი)ღ(ა)ღ(ა)დებ • დ(იდე)ბ(ა)ჲ ძ(ე)ლსა შ(ე)ნსა უ(ფალ)ო ჻

Ⴐ(ომელმა)ნ აღწონენ მთანი ს(ა)სწორითა ქ(რისტ)ე ღ(მერთ)ო • მთისაგ(ა)ნ ქ(ალ)წ(უ)ლისა გამოეკუჱთე ლოდი • რჩეული და საკიდური • თჳნიერ ჴ(ე)ლისა • დ(იდე)ბ(ა)ჲ ძ(ა)ლსა შ(ე)ნსა უ(ფალ)ო ჻

Ⴌ(ა)წილ ჩ(ე)მდა ხ(ა)რ ქ(რისტ)ე საწადელ და გ(უ)ლის ს(ა)თქუმელ • რ(ომელმა)ნ შემიერთე მე გუამოვნებ(ა)სა შ(ე)ნსა • მუცელსა ქ(ალ)წ(უ)ლის(ა)სა • სიტყ(უა)ო ღ(მრ)თის(ა)ო • და ჴ(ო)რცითა იწოდე გუამოვნება ჻

Ⴖ(ამით)Ⴂ(ანს)Ⴀ: Ⴚღვიმსთობთ ჻

Ⴛე შ(ენ)ი სძ(ა)ლო ადამის შემ(ო)ქმედი და უ(ფალ)ი • არა არს დაბადებულ • და-ღა-თუ ჴ(ო)რცნი • ს(უ)ლ(ი)ერნი შ(ე)ნ შ(ორი)ს • დაჰბადნა თ(ა)ვისა თ(ჳ)სისათ(ჳ)ს წყ(ა)ლ(ო)ბით ჻

Ⴑწორ არს მ(ა)მისა ძე შ(ენ)ი • სიტყ(უა)ჲ ღ(მრთისა)ჲ უბიწო და ერთ გუამოვნებითა • და ბ(უ)ნებითა • ორი გ(ა)ნუყოფელი • სრული ღ(მრ)თეებითა და კ(ა)ცებითა ქ(რისტ)ე ჻

Ⴀღმოგჳბრწყ(ი)ნვე ბრწყ(ი)ნვ(ა)ლე • მზე ბრძ(ა)ნებ(ი)თა მ(ა)თ შ(ე)ნთ(ა)ჲ • ქ(რისტ)ე ყ(ოვლა)დ ძლ(იე)რო • რ(ამეთუ) შ(ე)ნ ხ(ა)რ • მ(ეუ)ფე მშჳდობის(ა)ჲ • და გ(ა)ნგუან(ა)თლენ ოხითა ქ(ალ)წ(უ)ლის(ა)ჲთა ჻

Ⴖ(აღად)Ⴗ(ავს)Ⴀ: Ⴖ(ა)ღ(ა)დ ვყ(ა)ვ ჻

Ⴂამოჲსახვის ქ(ალ)წ(უ)ლისა მ(იე)რ • გამოუსახველი ღ(მერთ)ი • და გ(ა)ნკ(ა)ცებ(ა)სა უც-

ვლებ(ე)ლსა მიიღებს • და უქცეველ(ა)დ • ჰგ(ი)ეს ღ(მრ)თე(ე)ბისაგ(ა)ნ ჻

Ⴚ(ო)დვ(ა)თა უფსკრულისაგ(ა)ნ • მიჴსენ მე • და ქ(ა)რთაგ(ა)ნ ვნებ(ა)თაჲსა • დედ(ა)ო ღ(მრ)თის(ა)ო • რ(ამეთუ) შ(ე)ნ ხ(ა)რ მვედრებ(ე)ლთა • შ(ე)ნთა ნავ(თ)საყუდელი • და უფსკრული წყ(ა)ლ(ო)ბის(ა)ჲ ჻

Ⴑ(ა)კჳრველებით იჴსენ მ(ეუ)ფ(ე)ო • წ(ინაჲს)წ(არმეტ)ყ(უე)ლი შ(ე)ნი • ზღჳ(ი)სა მჴეცისაგ(ა)ნ • სახედ დაფლვისა შ(ე)ნისა • ჩ(უე)ნცა გ(უა)ცხ(ო)ვნენ • და გჳჴსნენ ც(ო)დვ(ა)თაგ(ა)ნ ჻

Ⴉ(ურთ)Ⴞ(ეულარს)Ⴀ Ⴑ(ა)მნი ყრ[მანი] ჻

Ⴓ(ფალ)ი დ(იდე)ბის(ა)ჲ • და მ(ეუ)ფე ძ(ა)ლთა ცის(ა)თაჲ • მ(ა)მისა თ(ან)ა მოს(ა)ყდრე ქ(ალ)წ(უ)ლისა • მკლ(ა)ვთა ზ(ედ)ა ტჳრთული • ვადიდოთ და თ(ა)ყ(უა)ნი ვსცეთ • და ვ(ა)კ(ურთ)ხ(ე)ვდეთ უკ(უნისამდ)ე ჻

Ⴋძჳნვარე არს სიკჳდილი • ა(რამე)დ რ(ა)ჟ(ამ)ს გეწყო შ(ე)ნ • ქ(ალ)წ(უ)ლისაგ(ა)ნ მ(ი)ღებულთა ჴ(ო)რცთათ(ჳ)ს • შეჰმუსრე იგი მჴსნელო • რ(ამეთუ) ექმენ გუამ და სიმტკიცე • და აღადგინენ მკუდრეთით ჻

Ⴖ(მრ)თისმშობელად აღგიარებთ • ყ(ოვლა)დ წ(მიდა)ო ქ(ალ)წ(უ)ლო • რ(ამეთუ) ერთი ს(ა)მ(ე)ბისაგ(ა)ნი ჰშ(ე)ვ • ჴ(ო)რცთა გუამოვნებითა • კ(ურთ)ხ(ეულ) (ა)რს ნ(ა)ყ(ო)ფი წ(მიდა)ჲ მუცლისა შ(ე)ნის(ა)ჲ ჻

ႠႩ(ურთხევდითს)Ⴀ Ⴑამნი ყრმანი ბა ჻

Ⴐ(ომელ)ი აღემატე • ძ(ა)ლთა ზ(ე)ცის(ა)თა ვ(ითარც)ა დედაჲ ღ(მრთისა)ჲ • ქ(ალ)წ(უ)ლო • თჳნიერ მხ(ო)ლოჲსა • ღ(მრ)თისა • ყ(ოველ)თა უაღრეს იქმენ • ამისთ(ჳ)ს გ(ა)კ(ურთ)ხ(ე)ვთ კ(ურთ)ხ(ეუ)ლო დედ(ო)ფ(ა)ლო • და შ(ე)ნგ(ა)ნ შობილსა ღ(მერთს)ა უფ(როჲ)ს(ა)დ ავამ(ა)ღლ(ე)ბთ მ(ა)ს უკ(უნისამდ)ე ჻

Ⴑიკეთე ბო(უ)ნებითი • ფ(რია)დ უშუჱნიერეს გამოაჩინე • ქ(ალ)წ(უ)ლო რ(ა)ჟ(ამ)ს ბ(უ)ნებ(ა)სა ჴ(ო)რცთ(ა)სა • ბრწყ(ი)ნვ(ა)ლ(ე)ბ(ა)ჲ ღ(მრ)თე(ე)ბის(ა)ჲ • შობითა შ(ე)ნითა ყ(ოვლა)დ უბიწოჲთა შეჰმოსე ამისთ(ჳ)ს ვ(ა)კ(ურთ)ხ(ე)ვთ კ(ურთ)ხ(ეუ)ლო • დ(ედო)ფ(ა)ლო ძესა შ(ე)ნსა ჻

Ⴋზუაობარ იყო მძლავრი • ა(რამე)დ ყრმ(ა)თა სამღერელ(ა)დ გ(ა)მოჩნდა • რ(ამეთუ) • შჳდ წილ აღგზებული საჴუმილი • ვ(ითარც)ა მიწაჲ დათრგუნეს • და შ(ორი)ს ს(ა)ჴ(უ)მ(ე)ლისა მის გ(ა)ლ(ო)ბით ღ(ა)ღ(ა)დებდეს • აკ(ურთ)ხ(ევდი)თ შ(ე)ნი ს(ა)ქმ(ე)ნი ჻

Ⴀ(დიდე)Ⴁ(დითს)Ⴀ: Ⴜერილთა მ(იე)რ ჻

Ⴄრსა შ(ორი)ს საზეპუროსა • და კრებ(უ)ლსა მორწმ(უ)ნეთ(ა)სა • არა არს საზღვარი • დ(იდე)ბისა და გ(ა)ლ(ო)ბისა შ(ე)ნისაჲ სძალო • ა(რამე)დ სურვილსა ზ(ედ)ა • სურვილსა შესძინებენ • ს(ა)ღ(მრ)თოსა და ს(უ)ლიერსა • და დედად ღ(მრ)თისა აღგიარებენ ჻

Ⴋოგუჱც მეოხად და მფ(ა)რველ(ა)დ • მშობ(ე)ლი შ(ენ)ი მ(ეუ)ფ(ე)ო • და მისითა მ(ეო)ხ(ე)ბითა მოგუფენ წყ(ა)ლობ(ა)სა ჩ(უე)ნ ზ(ედ)ა • და ს(უ)ლსა ყ(ოვლა)დ წ(მიდ)ა(სა) • რ(ომელ)ი მ(ა)მისაგ(ა)ნ • შ(ე)ნ მ(იე)რ გ(ა)მოვალს ქ(რისტ)ე ს(ა)მ(ე)ბისა მადიდ(ე)ბ(ე)ლთა ჻

Ⴗ(ოვლა)დ წ(მიდ)ისა მის შობისა • შ(ე)ნისა ტკბილითა მით ისრითა მოწყლულნი • და შ(ე)ნისა მის საწადელისა და ს(ა)სურველისა • სიკეთისა გ(ა)ნგურემ(ი)ლნი • ანგ(ე)ლ(ო)ზთა ქებითა • ვ(ითარც)ა დედასა ღ(მრ)თ(ი)ს(ა)სა • ღირსად და სამრთლად გ(ა)დიდებთ ჻

Ⴃღე ორშ(ა)ბათი წ(მიდა)თა მთ(ა)ვ(ა)რ ანგ(ე)ლ(ო)ზთ(ა)ჲ

Ⴋ(ა)ცხ(ოვ)რისაგ(ა)ლ(ო)ბ(ა)სა • შევსწირ(ა)ვთ შ(ე)ნდა ქ(რისტ)ე ს(ა)კ(უ)მეველითა • და შესხმითა ს(უ)ლიერითა გ(ი)ღ(ა)ღ(ა)დებთ • შეიწყ(ა)ლენ მ(ა)ცხ(ოვა)რ ს(უ)ლნი ჩ(უე)ნნი ჻

Ⴋ(ა)ცხ(ო)ვნე მე უ(ფალ)ო ღ(მერთ)ო ჩ(ე)მო • რ(ამეთუ) შ(ე)ნ ხ(ა)რ მ(ა)ცხ(ოვა)რი ყ(ოველ)თაჲ აჰა ესერა ვნებ(ა)თა ღელვ(ა)ჲ აღმაშფოთებს • და უსჯ(უ)ლ(ოე)ბ(ა)თა ჩ(ე)მთა სიმძიმე დამნთქამს მე მომეც ჴელი შეწევნის(ა)ჲ და ნ(ა)თელსა • სინ(ა)ნულის(ა)სა ღირს მყ(ა)ვ მხ(ო)ლო მ(ო)წყ(ა)ლ(ე)ო ჻

Ⴂ(ა)ნბნეული გონებ(ა)ჲ ჩ(ემ)ი შეკრიბე • და დაკორდებული გ(უ)ლი ჩ(ემ)ი მორწყე ქ(რისტ)ე • და ვ(ითარც)ა პ(ეტრ)ეს მომეც სინ(ა)ნული და ვ(ითარც)ა • მეზუჱრესა მ(ა)ს ს(უ)ლ(თ)ქმაჲ • და ვ(ითარც)ა მეძავსა ცრემლნი • რ(აჲთ)ა ვღ(ა)ღ(ა)დ ვყო ღ(მერთ)ო მ(ა)ცხ(ო)ვნე მე • ვ(ითარც)ა მხ(ო)ლ(ო)ჲ ს(ა)ხ(იე)რ ხ(ა)რ და კ(ა)ცთა მ(ო)ყ(უა)რე ჻

Ⴘ(ე)ნ უ(ფალ)ო ძ(ა)ლთ(ა)ო ჻

Ⴓჴ(ო)რცოთა ბანაკნი • დაჰბადენ მ(ეუ)ფ(ე)ო • ს(ა)ხ(ა)რებისა შ(ე)ნისა • ქ(ა)დაგად ჴმამაღლ(ა)დ

და • არა რაჲსაგ(ა)ნ • არსებ(ა)დ მოჲყვანენ რ(აჲთ)ა აქებდენ • დაუცხრომელ(ა)დ დ(იდე)ბ(ა)სა შ(ე)ნსა ჻

Ⴃიდ არს ძლ(იე)რებ(ა)ჲ ქ(რისტ)ე • ანგ(ე)ლ(ო)ზთა კრებ(უ)ლთაჲ • რ(ამეთუ) უჴორცო არიან • და ს(ო)ფელსა მოჰვლიან • მსგავსად ელვისა • და მიჰფენენ მშჳდობ(ა)სა ეკლესიათა • და მ(ეო)ხ არიან ს(უ)ლთა ჩ(უე)ნთათ(ჳ)ს ჻

Ⴛლ(იერ)ნო ჴ(ე)ლმწიფებ(ა)ნო • ანგ(ე)ლ(ო)ზნო ს(ა)ყდ(ა)რნო • მთავრობანო მთ(ა)ვ(ა)რ ანგ(ე)ლ(ო)ზნო • სერაბინ ქერაბინნო • ღ(მრ)თივ ბრწყ(ი)ნვ(ა)ლენო • უფლებ(ა)თა თ(ან)ა ევედრენით ჩ(უე)ნთ(ჳ)ს ღ(მერთს)ა • და ითხოვეთ მშჳდობ(ა)ჲ ს(ო)ფლის(ა)თ(ჳ)ს ჻

Ⴃამნთქა ვნებ(ა)თა ბნელმ(ა)ნ • და შ(ე)ნდა მოვივლტი • ქ(ალ)წ(უ)ლო ღ(მრ)თისა და მტევნელო • რ(ომელმა)ნ ჰშ(ე)ვ ნ(ა)თელი • დაბადებ(უ)ლთაჲ • გ(ა)ნდევნე წყუდ(ი)ადი ვნებ(ა)თა ჩ(ე)მთ(ა)ჲ • რ(აჲთ)ა ვ(ა)ქებდე მ(ო)წყ(ა)ლებ(ა)თა შ(ე)ნთა ჻

Ⴑტიქარონი

Ⴅ(ითარც)ა იგი პ(ირველა)დ Ⴂ(ი)ხ(აროდე)ნ წყარო რ(ომელმა)ნ • უკდ(ა)ვებისა წყ(ა)ლი მორწმ(უ)ნეთა აღმოუცი(ე)ნე • და მოჰკალ გუჱლი უკეთური • სიკ(უ)დილითა ძისა შ(ე)ნისა უკდ(ა)ვის(ა)ჲთა • ქ(ალ)წ(უ)ლო დ(იდე)ბ(უ)ლო • რ(ომე)ლსა იგი ევ(ე)დრე და უცხრომელ(ა)დ • რ(აჲთ)ა ცხოველ ყოს ს(უ)ლი ჩ(ემ)ი მომკუდ(ა)რი • და მოაკუდინნეს ვნებ(ა)ნი მომაკუდინებ(ე)ლნი ჩ(ე)მნი • და უკ(უ)დ(ა)ვსა მ(ა)ს ცხ(ო)რებ(ა)სა ღირს მყოს • მ(ეო)ხ(ე)ბითა შ(ე)ნთა ს(ა)ხ(იე)რო დ(ედო)ფ(ა)ლო ჻

Ⴌ(ა)თლისა ს(აღმრთო)ჲსა ღრუბელო • ღ(მრ)თივ მიმ(ა)დლებ(ე)ლო ქ(ალ)წ(უ)ლო კ(ურთ)ხ(ეუ)ლო • გ(ა)მომიბრწყ(ი)ნვე მე ნ(ა)თელი • სინ(ა)ნულის(ა)ჲ ბნელსა შ(ინ)ა ც(ო)დვის(ა)სა • უჯეროდ შეპყრობილსა • და მიჴსენ მ(ეო)ხ(ე)ბითა შ(ე)ნ(ი)თა • ც(ე)ცხლისა მისგ(ა)ნ გ(ი)ჰენიის(ა)სა • და ბნელისა მისგ(ა)ნ გ(ა)რესკნელისა • და ნ(ა)თ(ე)ლისა წ(ა)რუვალისა ღირს მყ(ა)ვ • რ(ომელ)ი ესე • მოვივლთი ს(ა)ფ(ა)რვლისა მის შ(ე)ნისა ჻

Ⴐ(ომელმა)ნცა ჯერ მჩინებელი • წყ(ალო)ბის(ა)ჲ ჰშ(ე)ვ ყ(ოვლა)დ მ(ო)წყ(ა)ლეო ქ(ალ)წ(უ)ლო • მისა მ(იმა)რთ ოხ(ა)ჲ

შეწირე • რ(აჲთ)ა მ(ო)წყ(ა)ლე ექმნას გლ(ა)ხ(ა)კსა ს(უ)ლსა ჩ(ემს)ა • რ(ომელ)იცა უფსკრ(უ)ლსა • შ(ინ)ა ბრძოლითა მტრის(ა)ჲთა • დანთქმულ არს • წ(ა)რწყმედის(ა)სა ჭ(ეშმარიტა)დ და • ნუ მოიძაგებ ვედრებ(ა)სა ჩ(ე)მსა • ნუცა გ(ა)რე მიაქცევ მონისა შ(ე)ნისაგ(ა)ნ • აურ(ა)ცხელთა წყ(ა)ლ(ო)ბ(ა)თა შ(ე)ნთა ღ(მრ)თის მშ(ო)ბ(ე)ლო ჻

Ⴜ(ა)რდგ(ო)მ(ა)ჲ ჻

Ⴤმა ვყ(ა)ვ ჻

Ⴑიღრმე ც(ო)დვ(ა)თა • ჩ(ე)მთაჲ შ(ე)ნ უწყი უ(ფალ)ო ა(რამე)დ მომეც • ჴელი შეწევნის(ა)ჲ • ვ(ითარც)ა პ(ეტრ)ეს და შემიწყ(ა)ლე მე ჻

Ⴅ(იდრ)ე ესე მყოფ ხ(ა)რ ს(ო)ფ(ე)ლსა შ(ინ)ა • შეინანე ს(უ)ლო ჩ(ე)მო ც(ო)დვ(ი)ლო • რ(ამეთუ) მიწაჲ ს(ა)ფლ(ა)ვსა შ(ინ)ა ვერღარა ინანის • და ვერცა ც(ო)დვ(ა)თაგ(ა)ნ • შემძლებ(უ)ლ არს გამოჴსნად • და უღ(ა)ღ(ა)დებდ ღ(მერთს)ა • ვცოდე გ(უ)ლთ მეცნიერო • პ(ირვე)ლ დასჯად ჩ(ე)მდამდე შ(ემიწყალ)ე მე უ(ფალ)ო ჻

Ⴑ(უ)ლო ჩ(ე)მო ვ(ი)დ(რემდ)ის დაადგრები • ც(ო)დვ(ა)თა შ(ინ)ა ვ(ი)დ(რემდ)ის ადროებ მოგებ(ა)სა • სინ(ა)ნ(უ)ლის(ა)სა ა(რამე)დ მოჲჴს(ე)ნე • გონებითა შ(ე)ნითა • მერმე იგი ს(ა)სჯელი და ღ(ა)ღ(ა)დ ყ(ა)ვ უ(ფლ)ისა მ(იმა)რთ შეგცოდე • უც(ო)დვ(ე)ლო უ(ფალ)ო შ(ემიწყალ)ე მე ჻

Ⴃ(იდე)ბ(ა)ჲ ჻

Ⴗ(ოვლ)ითურთ შეიწრებულ ვარ • და დაღონებულ ც(ო)დვ(ა)თა მ(იე)რ • ხ(ოლო) შ(ე)ნ აღმ(ი)მართე • დაცემული ს(უ)ლი ჩ(ემ)ი • ყ(ოვლა)დ წ(მიდა)ო ღ(მრ)თისა დედ(ა)ო • აჩუჱნე ჩ(ე)მ ზ(ედ)ა დ(იდე)ბ(უ)ლი ს(ა)კჳრვ(ე)ლი სძალო ღ(მრთ)ის(ა)ო • რ(ამეთუ) შ(ე)ნ შემწედ და ჴ(ე)ლის ამპყრობელად მოგიგებ • და ცრემლით გ(ი)ღ(ა)ღ(ა)დებ • და ს(ა)რწმ(უ)ნ(ო)ებით გ(ი)გ(ა)ლობ • გ(ი)ხ(აროდე)ნ მიმ(ა)დლ(ე)ბ(ულ)ო ჻

Ⴂ(ა)ლ(ო)ბ(ა)ნი სინანულის(ა)ნი

Ⴖ(მერთს)ა რ(ომელმა)ნ იჴსნა პ(ირვე)ლ ჻

Ⴁევრეულთა ბრ(ა)ლთაგ(ა)ნ მიჴსენ • Ⴥ, უცოდველო • რ(ომელ)ნი იგი ვქმნენ მე • უგუნურებით • და მსგ(ა)ვსად მეძ(ა)ვისა მის • მომცენ ცრემლნი სინ(ა)ნულის(ა)ნი ჻

Ⴕუაბ ავაზ(ა)კთა ქმნილი ესე • ც(ო)დვ(ა)თა მ(იე)რ • ს(ა)თნ(ო)ებ(ა)თა მ(იე)რ • მყავ ტაძრად შ(ე)ნდა რ(ომელ)ი კ(ა)ცთმ(ო)ყ(უა)რებით იშ(ე)ვ ქუაბსა შ(ინ)ა ჻

Ⴋე ნავით მოძღ(ჳ)რებითა საღ(მრ)თ(ო)ჲთა • წიაღვლეთ ღე-

ლვ(ა)ჲ ს(ა)ტ(ა)ნჯველთ(ა)ჲ მ(ა)რტჳლნო • ღ(მრ)თივ ს(უ)ლ(იე)რნო და ნავთსადგურსა ზ(ე)ცისასა შევ(ე)ვედრენით ჻

Ⴋ(ა)დლითა ს(უ)ლისა წ(მიდ)ის(ა)ჲთა • გ(ა)ნ(ა)თ[ლ]ებულნი • კერპთა ბნელსა წყუდიადსა • სიბრძნით გ(ა)ნერნეს და ნ(ა)თელსა ს(ა)ღ(მრ)თ(ო)სა მკჳდრი ქმნნეს ყ(ოვლა)დ ქებ(უ)ლნი ჻

Ⴗ(ოვლა)დ წ(მიდა)ო ქ(ალ)წ(უ)ლო • ც(ო)დვილთა მჴსნელო • და ჴსნილთა სიმტკიცეო • მ(ეო)ხ(ე)ბითა შ(ე)ნითა • მომეც სინ(ა)ნული შეცოდებულსა ამ(ა)ს ჻

Ⴂ(ან)Ⴛ(ლიერდას)Ⴀ: Ⴂ(ა)ნამტკიცენ უ(ფალ)ო ჻

Ⴅ(ითარც)ა იჴსენ იგი • პ(ეტრ)ე დანთქმისაგ(ა)ნ • კ(ა)ცთა მ(ო)ყ(უა)რე ეგრეთვე მიჴსენ მეცა • და ბრ(ა)ლთა სიღრმისაგ(ა)ნ აღმომიყვ(ა)ნე ქ(რისტ)ე ჻

Ⴋომაკუდინა მე მტ(ე)რმ(ა)ნ • და მომკლა ც(ო)დვითა • ა(რამე)დ შ(ე)ნ ს(ა)ხ(იე)რო უ(ფალ)ო • კ(უალა)დგ(ა)ნ მაცხოველე • სინ(ა)ნულისა მ(იე)რ ჻

Ⴚ(ე)ცხლითა უნივთოჲთა • უნივთო სიყ(უა)რული • ქ(რისტე)ს ღ(მრთისა)ჲ აღატყინეთ მარტჳლნო • რ(ა)ჟ(ამ)ს ნივთიერითა • ც(ე)ცხლითა დაიწუჱნით ჻

Ⴋ(ო)წ(ა)მეთა გუჱმულთა • მტ(ე)რისა საფერჴენი • და გუჱმ(ა)თა • მისთა სივერაგენი • ს(რულია)დ უჩინო ყვნეს • და გჳრგჳნთა ღირს იქმნნეს ჻

Ⴃედ(ო)ფ(ა)ლო მ(ა)რ(ია)მ • უფლებ(უ)ლი ესე • ვნებ(ა)თაგ(ა)ნ გ(ა)ნმხრწნ(ე)ლთა ს(უ)ლის(ა)თა • გ(ა)ნმათ(ა)ვისუფლე მე ვედრებითა შ(ე)ნ(ი)თა Ⴋ(ე)Ⴑ(მას)Ⴀ Ⴚ(ა)ნი შუჱნიე ჻

Ⴂ(ა)ნმჴსენ მე უ(ფალ)ო კრულებისაგ(ა)ნ ვნებ(ა)თ(ა)ჲსა • და სინ(ა)ნ(უ)ლითა და გლოჲთა გ(ა)ნმამტკიცე • და ზიარ მყ(ა)ვ კ(ე)თილთა შ(ე)ნთა • რ(აჲთ)ა ღ(ა)ღ(ა)დებდე • დ(იდე)ბ(ა)ჲ ძ(ა)ლსა შ(ე)ნსა უ(ფალ)ო ჻

Ⴋომფინე მე ნ(ა)თელი ბრწყ(ი)ნვ(ა)ლე სინ(ა)ნ(უ)ლისაჲ • მზეო სიმ(ა)რთლისაო ქ(რისტ)ე ღ(მერთ)ო ჩ(უე)ნო • და ბორ(ო)ტთა ჩ(ე)მთა ბნელი • უკუნი გ(ა)ნდევნე • რ(აჲთ)ა ვადიდებდე ძ(ა)ლსა შ(ე)ნსა ჻

Ⴑიკ(უ)დილ(ი)სა ქ(რისტ)ეს(ა)სა მობაძავ ექმნენით მ(ა)რტჳლნო • და პირადთა ტკივ(ი)ლთა გ(ა)ნეწყვენით • ამისთ(ჳ)სცა დაიმკჳდრეთ • ს(ა)ღ(მრ)თ(ო)ჲ ნეტ(ა)რებ(ა)ჲ • წ(ინაშ)ე მისსა • ყ(ოვლა)დ ქებ(უ)ლნო ჻

Ⴋომეც უბიწო სძ(ა)ლო ჭ(ეშმარიტა)დ სინ(ა)ნული • და დააცხრვენ ვნებ(ა)თა ჩ(ე)მთა ღელვ(ა)ნი მძჳნვარენი • ღ(მრ)თისმშ(ო)ბ(ე)ლო დ(იდე)ბ(უ)ლო • რ(ომელ)ი ვღ(ა)ღ(ა)დებ დ(იდე)ბ(ა)ჲ ძ(ა)ლსა შ(ე)ნსა ქ(ალ)წ(უ)ლო ჻

Ⴖ(ამით)Ⴂ(ანს)Ⴀ: Ⴀღვიმსთ(ო)ბთ ჻

Ⴌუ დამადგინებ შიშველსა • წ(ინაშ)ე ს(ა)ყდ(ა)რთა შ(ე)ნთა ს(ა)ქმეთაგ(ა)ნ კ(ე)თილთა • მრ(ა)ვ(ა)ლ მ(ო)წყალე ა(რამე)დ შემმოსე • სინ(ა)ნ(უ)ლითა ს(ა)ღ(მრ)თ(ო)ჲთა ს(ა)ქმეთა მ(იე)რ ჻

Ⴅიწყალ ც(ო)დვ(ა)თა მახჳლითა • და სასოწ(ა)რკუჱთ(ი)ლებისა • მღჳ(ი)მესა შთავადი მე • ა(რამე)დ გ(ა)ნმკურნე • სინ(ა)ნ(უ)ლისა წამლითა კ(ა)ცთ მ(ო)ყ(უა)რე ჻

Ⴃა ფრჩხილებითა ხუჱტილთა • და მ(ა)ხჳ(ი)ლითა დაჭრილთა • და საგუჱბ(ე)ლთა მ(იე)რ • გ(ა)ნლეულთა და • გ(ა)ნკ(ა)ფულთა მ(ა)რტჳ(ი)ლნო • არა მოუდრიკენით კერპთა მუჴლნი ჻

Ⴅნებ(ა)თა მ(ა)თ თქ(უე)ნთა მ(იე)რ • შეიმკვების აწ ს(ო)ფ(ე)ლი • წ(მიდა)ნო მ(ო)წ(ა)მ(ე)ნო • და გ(ა)ნშუჱნდების • ს(ა)ს(უ)ფ(ე)ვ(ე)ლი ც(ა)თ(ა)ჲ • ღ(უა)წლთა თქ(უე)ნთა ნ(ა)თ(ე)ლითა ბრწყ(ი)ნვ(ა)ლითა ჻

Ⴐ(ომელმა)ნ ანგ(ა)ლ(ო)ზისა • ხარებითა ჰშ(ე)ვ უ(ფალ)ი • და ქ(ალ)წ(უ)ლ(ა)დვე ეგე • პირიტყუჱბრივთა • ვნებ(ა)თაგ(ა)ნ მიჴს(ე)ნ მე • რ(აჲთ)ა გ(ა)ქებდე ს(ა)ღ(მრ)თ(ო)ჲთა გ(ა)ლ(ო)ბითა ჻

Ⴖ(აღად)Ⴗ(ავს)Ⴀ Ⴅღ(ა)ღ(ა)დ ვყ(ავ) ჻

Ⴀვმ(ა)ღლდი მსგ(ა)ვსად ფარის(ე)ველისა • და მ(იე)რ მწარედ დავეცი • და მეცინის მტ(ე)რი • ა(რამე)დ დაამჴუ ჯ(უარ)ითა • და შ(ემიწყალ)ე ქ(რისტ)ე მე დაცემული ესე ჻

Ⴚ(ო)დვის მ(ო)ყ(უა)რე ვიქმენ უფრ(ოჲ)ს ყ(ოველ)თა • და წ(ა)რვაგე ს(უ)ლგრძელებ(ა)ჲ • შ(ენ)ი უგ(უ)ლის ჴმოდ • და წუთღა მოუდრეკელ ვ(ა)რ • მომაქციე ქ(რისტ)ე წყ(ა)ლ(ო)ბითა შ(ე)ნითა ჻

Ⴗ(ოვლა)დ ბრძენთა მარტჳლთა უგუნ(უ)რნი • მძლ(ა)ვრნი ც(ე)ცხლითა დასჯიდეს • და თჳთო ს(ა)ხ(ი)თა • ორღ(ა)ნოჲთა გ(ა)ნლეულნი • თ(ან)ა მკჳდრ ღ(მრ)თისა გ(ა)მოჩნდეს ჭ(ეშმარიტა)დ ჻

Ⴑტადიონი სავსე მოღ(უა)წებითა • და ტან[ჯ]ვ(ა)თა სი-

მწარითა • გ(ა)ნჰვლეთ მ(ო)წ(ა)მენო • და სძლეთ მტ(ე)რსა უკ(ე)თურსა • და ქ(რისტე)ს ღ(მრ)თის(ა)გ(ა)ნ გჳრგენოს(ა)ნ იქმნენით ჻

Ⴉიდობ(ა)ნსა ტრაპეზსა წ(მიდ)ა • და სალხინებ(ე)ლსა ჩ(უე)ნსა • ტაძარსა ს(უ)ლიერსა • და ოქროჲსა სას(ა)ნთლესა • და დედ(ა)სა ღი(რ)ს(ა)სა უგ(ა)ლ(ო)ბდეთ ჩ(უე)ნ შ(ე)ნი ჻

Ⴉ(ურთ)Ⴞ(ეულარს)Ⴀ Ⴑ(ა)მნი ყრმ(ა)ნი ჻

Ⴏამნი მოახლებულ არს • და სიკ(უ)დილი მოწევნულ არს • აჩუჱნე სულო სინ(ა)ნულისა ნ(ა)ყ(ო)ფი • პ(ირვე)ლ კ(ა)რთა დაჴშვამდე • და ღ(ა)ღ(ა)დებდ ღ(მრთ)ისა მ(იმა)რთ შ(ემიწყალ)ე მე უ(ფალ)ო ჻

Ⴀნეულ ვყუნეთ ერქუნითა • სინ(ა)ნ(უ)ლის(ა)ჲთა გ(უ)ლნი • რ(აჲთ)ა მოვიხუნეთ ნ(ა)ყ(ო)ფნი ს(უ)ლ(იე)რნი • და ს(ა)ქმენი კ(ე)თილნი • შევწირნეთ ქ(რისტე)ს მუშ(ა)კისა მის ს(ა)ღ(მრ)თ(ო)ჲსა ჻

Ⴓღ(მრ)თოთა დამცემელნო • და მორწმ(უ)ნეთა შემწენო • და გლ(ა)ხ(ა)[კ]თა გ(ა)ნმამდიდრებ(ე)ლნო მ(ა)რტჳლნო • უძლური ს(უ)ლი ჩ(ემ)ი • და უღუნოჲ კ(ე)თილთაგ(ა)ნ • გ(ა)ნამდიდრეთ ს(ა)თნ(ო)ებითა ჻

Ⴐ(ომელმა)ნ გ(ა)ნამ(ა)რთლე მ(ე)ზუჱრე • რ(ა)ჟ(ამ)ს ს(უ)ლ(ი)თ ითქუნია • ჩ(ე)მ(ი)ცა ესე უნდობ(ა)ჲ ს(უ)ლთქმ(ა)ჲ შეიწირე • მ(ო)წ(ა)მეთა უხითა • რ(აჲ)თა გადიდეს შ(ე)ნ მჴსნელო • ასოთა მ(იე)რ თ(ჳ)სთა ჻

Ⴜყაროო რ(ომელმა)ნცა • წყალი შენდობის(ა)ჲ გჳშ(ე)ვ • გ(ა)ნაჴმენ ღუარნი ც(ო)დვ(ა)თა ჩ(ე)მთანი • და წვიმაჲ ცრემლთაჲ მომეც • რ(აჲთ)ა მდის გ(ა)დიდ(ე)ბდე ღ(მრთ)ისა დედ(ა)ო ჻

ႠႩ(ურთხევდითს)Ⴀ: Ⴚ(ე)ცხლი ჻

Ⴋამულითა წყ(ე)ვითა • იქმნა ქ(ა)მ მონა სიცილისათ(ჳ)ს • და შ(ე)ნ Ⴥ, ვნებ(ა)თა დამონებ(უ)ლო ს(უ)ლო ჩ(ე)მო • და უწესოდ და უაღჳროდ სიცილითა აღვსებ(უ)ლო • ვ(ე)რ არაჲ გეშინის მ(ა)მისაგ(ა)ნ ზ(ე)ცთ(ა)ჲსა ჻

Ⴂანცოფებულმ(ა)ნ კაენ • ძმის მკლველობ(ა)ჲ მწარე მოჲგო • მის(ი)სა მსგავს იქმენ უბადრუკო ს(უ)ლო ჩ(ე)მო • და სხ(უა)ჲ • ა(რამე)დ თ(ა)ვი თ(ჳ)სი მოჲკალ გ(უ)ლის თქ(უ)მითა • და შუჱბითა • და ს(ა)ცთურითა ამის ს(ო)ფლის(ა)ჲთა ჻

Ⴀნთრ(ა)კთა ბრწყ(ი)ნ(ვა)ლეთა • და ჭურთა წ(მიდა)თა პ(ა)ტიოს(ა)ნთა • ლამპ(ა)რთა პ(ა)ტი(ო)ს(ა)ნთა ღ(მრ)თისა მ(ა)დლის(ა)თა • ქ(რისტე)ს ღ(მრ)თისა მარტჳლთა მ(ოვე)დით ერნო შევასხმიდეთ • და ჯეროვნად • ვ(ა)ქებდეთ ახუვანებ(ი)თა მ(ა)თთა ჻

Ⴐ(ომელმა)ნ ყ(ოვლა)დ ბრძენთა • მ(ა)რტჳლთა შ(ე)ნთა სისხლი ვ(ითარც)ა • საკუმელი შეიწირე ღ(მრ)თისა სიტყ(უა)ო • ვედრებითა მ(ა)თითა • სინ(ა)ნ(უ)ლით მვედრებ(ე)ლნი შ(ე)ნნი • შეგჳწყ(ა)ლენ • ვ(ითარც)ა ს(ა)ხ(იე)რ ხ(ა)რ და კ(ა)ცთა მ(ო)ყ(უა)რე ჻

Ⴚ(ო)დვ(ა)თა სიმრ(ა)ვლითა • ჯ(ო)ჯ(ო)ხ(ე)თსა მივეახლე მე • და უძჳრ(ე)ს ვიქმენ ყ(ოველ)თა ც(ო)დვ(ილ)თა • ა(რამე)დ შ(ე)ნ • Ⴥ, დედაო ღ(მრ)თისა მრ(ა)ვ(ა)ლ მ(ო)წყ(ა)ლის(ა)ო • შ(ემეწყალ)ე და მ(ა)ცხ(ო)ვნე და მიჴ[ს]ენ გევ(ე)დრები ჻

Ⴀ(დიდე)Ⴁ(დითს)Ⴀ: Ⴜერილთა მ(იე)რ ჻

Ⴈაკობ სიწრფოებ(ა)ჲ მოჲგო • მარხვითა ხ(ოლო) ესავ წ(ა)რწყმდა • ნაყრუვნებითა რ(ამეთუ) არაჲ შეიკრძალა მუცელი • ვ(ე)რ ბოროტ არს ნაყროვნებ(ა)ჲ • და პ(ა)ტიოსან მ(ა)რხვაჲ • იხილე Ⴥ, ს(უ)ლო ჩ(ე)მო • და შეიტკბენ კ(ე)თილნი ს(ა)ქმ(ე)ნი ჻

Ⴃიდითა მით მოთმინებ(ი)თა • დიდად გჳრგჳნოს(ა)ნ იქმნა იობ • რ(ამეთუ) გ(ა)ნსაცდე[ლ]თა ღუარნი ს(ა)სტიკად რ(ა)ჲ • ეკუჱთნეს და ვერ შეარყიეს • სიმტკიცე იგი მისი • მ(ა)ს ჰბაძევდი ს(უ)ლ[ო] ჩ(ე)მო • რ(აჲთ)ა ერეოდე გ(ა)ნს(ა)ცდელთა ჻

Ⴈწდვნეს ც(ე)ცხ(ლ)ითა ს(უ)ლის(ა)ჲთა • ახუვანნი ქ(რისტე)ს მ(ა)რტჳლნი • და Ⴅ(ითარც)ა მახჳლითა ზე გ(ა)რდამოჭედილითა ბანაკნი • წინააღმდგომნი მოსწყჳდნეს • და ძლევით შემოსილნი • გჳრგჳნოსან იქმნნეს ჴ(ე)ლ(ი)თაგ(ა)ნ • ღ(მრ)თისა ყ(ოველ)თა მ(ეუ)ფისა ჻

Ⴐიცხო წ(მიდა)თაო ურიცხო • ურცხუთა ბრ(ა)ლთა ჩ(ე)მთა სიმრ(ა)ვლე • აღჴოცეთ ვედრებითა თქ(უე)ნითა • ქ(რისტე)ს მჴსნელისა მ(იმა)რთ • რ(ომელმა)ნცა შეიწირნა • ურიცხნი ღ(უა)წლნი თქ(უე)ნნი • და მჴედრობ(ა)სა ღ(მრ)თისა • აურაცხელსა თ(ან)ა აღგრაცხნა ჻

Ⴌ(ა)თ(ე)ლისა ს(ა)ღ(მრ)თ(ო)ისა პალატო • სძალო მყავ მე ტა-

ძარ ნ(ა)თ(ე)ლისა • ბჭეო გ(ა)ნუ[ყო]ფელო • გ(ა)ნმ(ი)ხუჱნ მე ბჭენი სინ(ა)ნ(უ)ლის(ა)ნი • სიწ(მ)იდისა ქ(უე)ყ(ა)ნ(ა)ო • ქ(უე)ყ(ა)ნ(ა)სა მშჳ(ი)დთ(ა)სა • მკჳდრ მყ(ა)ვ დაუფლებისაგ(ა)ნ • ვნე[ბა]თაჲსა თ(ა)ვის უფ(ა)ლ მყ(ა)ვ ჻

Ⴂ(ა)ლ(ო)ბ(ა)ნი წ(მიდა)თა ანგ(ე)ლ(ო)ზთ(ა)ნი

Ⴐ(ომელმა)ნ წამის ყ(ო)ფითა: Ⴐ(ომელ)ი ფრთეთა ზ(ედ)ა ქ(ა)რთასა ღ(მრ)თაებრ • იქცევი მიჴსენ ბ(ო)რ(ო)ტთა ს(უ)ლთაგ(ა)ნ • რ(ომელ)ნი იგი ეკუჱთებიან გ(უ)ლსა ჩ(ემს)ა • და ღელვ(ა)სა უჯეროთა ს(ა)ქმეთ(ა)სა აღმიდგენენ • მ(ეო)ხ(ე)ბითა რჩეულთა ანგ(ე)ლ(ო)ზთა შ(ე)ნთაჲთა ჻

Ⴌივთიერნი ვნებ(ა)ნი • ჩ(ე)მნი დაწუჱნით • გევედრები სერაბინნო დ(იდე)ბ(უ)ლნო • რ(ომელ)ნი სდგათ მ(არა)დის წ(ინაშ)ე ღ(მრ)თე(ე)ბისა • და თჳნიერ შუა მდგომელისა • მის მ(იე)რთა • ბრწყ(ი)ნ(ვა)ლებითა მდიდრად • გ(ა)ნჰბრწყ(ი)ნდებით მ(არა)დის ჻

Ⴋეორენო ნ(ა)თელნო • ზიარებითა • პ(ირვე)ლისა მის ყ(ოვლა)დ საწადელისა • ნ(ა)თლის(ა)ჲთა • გ(ა)ნ(ა)თლებ(უ)ლნო სერაბინნო • გ(ა)ნგუანთლენით ჩ(უე)ნ ც(ო)დვ(ა)თა მ(იე)რ დაბნელებულნი • და ს(აუ)კ(უ)ნოჲსა მის ბნელისაგ(ა)ნ გჳ(ი)ჴსნენით ჻

Ⴕერაბინთა უწმიდეს და უზეშთაეს • ანგ(ე)ლზთაჲსა გ(ა)მოსჩნდი ქ(ალ)წ(უ)ლო • მ(ა)თ თ(ან)ა ევედრე შ(ე)ნგ(ა)ნ შობილსა ღ(მერთს)ა • რ(აჲთ)ა იჴსნნეს შ(ე)ნი ქ(ა)ლ(ა)ქნი და ს(ო)ფელნი • ძრვისაგ(ა)ნ და დანთქმისა • და ყ(ოვლ)ისა ჭირისა ჻

Ⴂ(ან)Ⴛ(ლიერდას)Ⴀ: Ⴐ(ომელმა)ნ სიტყჳთ ჻

Ⴋცველნო ს(ა)ღ(მრ)თ(ო)ნო • და მოღ(უა)წენო დიდნო • წ(მიდა)ნო ანგ(ე)ლ(ო)ზნო • მ(ო)რწმ(უ)ნენი დაიცვენით • ჭირთა და ვნებ(ა)თაგ(ა)ნ • დამცველნი სჯ(უ)ლსა ქ(რისტ)ე მ(ეუ)ფის(ა)სა ჻

Ⴃაბნელებ(უ)ლნი • თ(უა)ლნი გონების(ა)ნი • გ(ა)ნმინ(ა)თლენით დიდნო • მრ(ა)ვ(ა)ლ თ(ა)ნო სერაბ(ი)ნნო • და წ(ა)რმიძეღჳთ გზ(ი)თა • ცხ(ო)რების(ა)თა • სინ(ანულისა) მ(იე)რ ჻

Ⴑ(ა)ღ(მრ)თ(ო)ჲ ნ(ა)თელი • მიაქუს ზიარებითა • (სამე)ბისა ღ(მერთა)ჲთა • პ(ირვე)ლთა ბრწყ(ი)ნვ(ა)ლებ(ა)თა • და შემდგომთა მისცემენ • რ(ომელ)თა მ(იე)რ ქ(რისტ)ე გ(ა)ნგუან(ა)თლენ ჻

Ⴐ(ომელ)ი იშვა • მთ(ი)ებისა პ(ირველა)დ • მ(ა)მისაგ(ა)ნ შ(ე)ნ მ(იე)რ • გ(ა)ნკ(ა)ც(ნა)

სძ(ა)ლო ღ(მრ)თის(ა)ო • მ(ა)ს ევედრე ზ(ე)ცისა კრებ(უ)ლთა თანა შეწყ(ა)ლებ(ა)დ ს(ო)ფლისა ჻

Ⴋ(ე)Ⴑ(მას)Ⴀ Ⴠყ(ა)ვ სიყ(უა)რ(ული) ჻

Ⴄტლნო ღ(მრ)თის(ა)ნო • და ს(ა)ყდ(ა)რნო წ(მიდა)ნო ს(ა)შ(ი)ნელნო • რ(ა)ჟ(ამ)ს დაჯდეს ს(ა)ყდ(ა)რთა ზ(ედ)ა • დ(იდე)ბის(ა)თა ღ(მერთ)ი გ(ა)ნსჯად დაბადებ(უ)ლთა • მ(ა)შ(ი)ნ ს(აუ)კ(უ)ნეთა ტ(ა)ნჯვ(ა)თაგ(ა)ნ • გვჴსნენით მადიდებ(ე)ლნი თქ(უე)ნნი ჻

Ⴂონებ(ა)ჲ ჩ(ემ)ი • ყ(ოველ)თავე ბილწთა გონებ(ა)თაგ(ა)ნ • მ(ა)ღ(ა)ლთა შ(ინ)ა მფრინველნო • ყ(ოვლა)დ დ(იდე)ბ(უ)ლნო ანგ(ე)ლ(ო)ზნო • აღამ(ა)ღლეთ ღ(მრ)თისა მ(იმა)რთ მ(ა)ღლისა • და გ(ა)ნმარინეთ გ(უ)ლისთქმ(ა)თაგ(ა)ნ ჻

Ⴐ(ომე)ლთა ეგე ჴ(ე)ლთ უსხენით ვ(ითარც)ა ასონი თქ(უე)ნნი • ვ(ითარც)ა ჰონეთა რჩეულთა • მსგ(ა)ვსად ცხენისა უწესოდ მავალისა • პ(ი)რუტყ(უ)თ ს(ა)ხეთა ვნებ(ა)თა მ(იმა)რთ გონებ(ა)ჲ • ჩ(ემ)ი წესიერ ყ(ა)ვთ Ⴥ, ანგ(ე)ლ(ო)ზნო ჻

Ⴃედ(ა)თა შ(ორი)ს • შ(ე)ნ მხ(ო)ლომ(ა)ნ ჰშ(ე)ვ ღ(მერ)თი ყ(ოველ)თაჲ • და შ(ე)ნ მხ(ო)ლ(ო)ჲ იქენ უაღრეს • ქერაბინთა და სერაბინთა სძალო • და უფრ(ოჲ)ს ყ(ოველ)თა დაბადებ(უ)ლთა • დ(იდე)ბაო ზ(ე)ცისა ძ(ა)ლთაო ჻

Ⴖ(ამით)Ⴂ(ანს)Ⴀ Ⴘ(ე)ნდა აღვიმსთ ჻

Ⴀლად და ც(ე)ცხლად • შეჰქმნენ ძ(ა)ლნი ც(ა)თ(ა)ნი • ს(უ)ლ(იე)რნი მ(ა)დლნი მომანიჭენ მ(ა)თ მ(იე)რ • მ(ეუ)ფ(ე)ო და ს(უ)ლთა ბოროტთა • ს(ა)ცთურისაგ(ა)ნ მიჴსენ მე ჻

Ⴐ(ა)ჟ(ამ)ს გ(ი)ხილეს ანგ(ე)ლ(ო)ზთა გუნდმ(ა)ნ ქ(რისტ)ე • ქ(უე)ყ(ა)ნ(ა)სა ზ(ედ)ა გ(ა)მოჩ(ე)ნებ(უ)ლი • ჴმა ყვეს ტკბილად • დ(იდე)ბ(ა)ჲ ძ(ე)ლთა შ(ინ)ა ღ(მერთს)ა და გიგ(ა)ლ(ო)ბდეს ჻

Ⴐ(ომელმა)ნ ჴ(ე)ლთა • მ(იე)რ სერაბ(ი)ნთაჲსა • გ(ა)ნსწმიდე • წ(ინაჲს)წ(არმეტ)ყ(უე)ლი შ(ე)ნი მ(ეუ)ფ(ე)ო მრ(ა)ვ(ა)ლნიცა ბრალნი • ს(უ)ლისა ჩემის(ა)ნი გ(ა)ნსწმიდე ჻

Ⴑ(ა)ყდრად გამოსჩნდი • ქერაბინებრად ქ(ალ)წ(უ)ლო • და მ(ა)ს ზ(ედ)ა მჯდომარე წიაღთ(ა)თა იტჳრთე უბიწო • მ(ა)ს ევედრე ჩ(უე)ნთ(ჳ)ს • რ(აჲთ)ა აცხ(ო)ვნნეს ს(უ)ლნი ჩ(უე)ნნი ჻

Ⴖ(აღად)Ⴗ(ავს)Ⴀ Ⴑიღრ[მ]ეთა ჻

Ⴋდინარედ • წყ(ა)ლთა ცხ(ო)ველის მყოფელთა • გ(ა)მოს-

ჩნდით ანგ(ე)ლ(ო)ზნო • ღუარნი ვნებ(ა)თა ჩ(ე)მთ(ა)ნი • გ(ა)ნაჴმენით ნეტ(ა)რნო • და სინ(ა)ნ(უ)ლისა ცრემლნი მომანიჭენით • და ს(უ)ლი ჩ(ემ)ი • ლმობიერ ყ(ა)ვთ თქ(უე)ნ ჻

Ⴋაღალო • ანგ(ე)ლ(ო)ზთა და კ(ა)ცთა • და ყ(ოველ)თავე არსთა • არსებად მომყვ(ა)ნებელო • რ(ა)ჟ(ამ)ს გ(ა)ნაშორებდე • ს(უ)ლსა ჩ(ემს)ა ჴ(ო)რცთაგ(ა)ნ • მომივლინე მე • ანგ(ე)ლ(ო)ზი • კ(ე)თილი მჴსნელად ჻

Ⴑ(უ)ლთ ითქუემდ • და ცრემლოოდე ს(უ)ლო • რ(ამეთუ) გკიდავს ტჳრთჳ • ც(ო)დვ(ა)თაჲ დიდი და ჴმობდი • უ(ფალ)ო ვედრებითა • ზ(ე)ცისა მყედრობ(ა)თ(ა)ჲთა • გა[ე]ჰენიენისა ც(ე)ცხლისაგ(ა)ნ გ(ა)ნმარნე მე ჻

Ⴓხრწნელო • და შეუცნებ(ე)ლო • მშობელო (უფლ)ისაო • ბრ(ა)ლთაგ(ა)ნ შეგინებული • და შებღალული მწარედ • გ(ა)ნმწმიდე და ს(ა)ტ(ა)ნჯველთა • ს(აუ)კ(უ)ნეთაგ(ა)ნ • გ(ა)ნმარინე რ(ამეთუ) ძ(ა)ლ გიც ჻

Ⴉ(ურთ)Ⴞ(ეულარს)Ⴀ: Ⴖ(მრ)თისა სიტყ(უი)სა ჻

Ⴘ(ე)ნ სამ მნათობ იერსა ღ(მერთს)ა • ანგ(ე)ლ(ო)ზნი ნ(ა)თლის(ა)ნი • მ(არა)დის გ(ი)გ(ა)ლობენ და გ(ა)ნ(ა)თლდებიან • ხედვითა მით შ(ე)ნ(ი)თა • ყ(ოვლა)დ საწადელითა • და ც(ო)დვითა შეპყრობილთა მორწმ(უ)ნეთა გ(ა)ნ(ა)ნ(ა)თლებენ ჻

Ⴋთანი ხ(ა)რთ თქ(უე)ნ ს(აუ)კ(უ)ნ(ე)ნი • მ(ა)ღ(ა)ლნი Ⴥ, ანგ(ე)ლ(ო)ზნო • შეცთომილი ესე მთა ზ(ედ)ა ც(ო)დვის(ა)თა • მომაქციეთ ოხითა • თქ(უე)ნითა ღ(მრ)თისა მ(იმა)რთ • და აღმ(ა)მ(ა)ღლეთ ქ(უე)ყნით ხედვითა მ(იმა)რთ ს(ა)ღ(მრ)თ(ოჲ)თა ჻

ქ(ა)დაგ(ა)დ წოდებ(უ)ლ ხ(ა)რთ თქ(უე)ნ • ს(ა)ღ(მრ)თოდ Ⴥ, ანგ(ე)ლ(ო)ზნო • და მზრახველ კ(ა)ცთ(ა)ჲსა • და უმჯობესისა • მომადლეთ კ(ე)თილისა • მოგონება და ზრ(ა)ხვ(ა)ჲ და უნ(ა)ყ(ო)ფოთა გ(უ)ლისთქმ(ა)თაგ(ა)ნ გ(ა)ნმარ(ი)ნეთ მე ჻

Ⴐ(ომელმა)ნ ჰშ(ე)ვ ზეშთა გონებისა • ს(ი)ტყ(უა)ჲ დიდისა მის გონების(ა)ჲ რ(ომელმა)ნ სიტყჳთ დაჰბადნა გონიერნი • ძ(ე)ლნი ანგ(ე)ლ(ო)ზთ(ა)ნი გ(ე)ვედრებით ქ(ალ)წ(უ)ლო • ღირს მყვენ მიმთხუ(ე)ვ(ა)დ კ(ე)თილთა მ(ა)თ გონებისა უაღრესთა ჻

ႠႩ(ურთხევდითს)Ⴀ: Ⴋონებდ ჻

Ⴥ, უბ(ა)დრუკ ს(უ)ლო ჩ(ე)მო ვ(იდრემ)დის შესძინებ ც(ო)დვ(ა)სა ც(ო)დვ(ა)სა

ზ(ედ)ა • ანგ(ე)ლ(ო)ზთა მ(იე)რ შეუვრდი • ქ(რისტეს)ა და ღ(ა)ღ(ა)დყ(ა)ვ • მომაქციე • და მ(ა)ცხ(ო)ვნე მრ(ა)ვ(ა)ლ მ(ო)წყ(ა)ლე ყ(ოვლა)დ უბ(ა)დრუკი და გლ(ა)ხ(ა)კი ესე ჻

Ⴁრწყ(ი)ნვ(ა)ლეთა მ(ა)თ და ნ(ა)თელთა • ელვ(ი)თა ღ(მრ)თეების(აჲ)თა • ს(ა)რკედ წოდებულ ხ(ა)რთ თქ(უე)ნ ძ(ა)ლნო ც(ა)თ(ა)ნო ს(უ)ლიცა ჩ(ე)მი • თ(უა)ლთ შეუდგამისა მის • სიკეთისა • მოსურნე ყ(ა)ვთ ოხ(ა)ითა თქ(უე)ნითა • ჭ(ეშმარიტა)დ მ(ა)ღლითა და წ(მიდა)თა ჻

Ⴅნებ(ა)თა ჩ(ე)მთა ნაკუჱრცხ(ა)ლნი • ს(უ)ლთა გ(ა)ნმხრწნელნი დაშრიტენით • ს(ა)ღ(მრ)თ(ო)ნო ნაკუჱრცხ(ა)ლნო • ცუარითა ვედრებ(ი)თა თქ(უე)ნთ(ა)ჲთა • და ს(ა)ღ(მრ)თ(ო)ჲ ტრფიალებ(ა)ჲ • აღატყინეთ •ს(უ)ლსა შ(ინ)ა ჩ(ემს)ა შემწუველი • ნივთსა ვნებ(ა)თ(ა)სა ც(ე)ცხლითა ს(უ)ლის(ა)ჲთა ჻

Ⴄქმენ სიმტკიცე ს(უ)ლ(ი)სა ჩ(ემის)ა • რ(ომელმა)ნ ჰშ(ე)ვ სიტყჳთ დამამტკცებ(ე)ლი ც(ა)თაჲ • და დამბადებ(ე)ლი ს(ო)ფლის(ა)ჲ და უვნებ(ე)ლად დაიცევ • უბიწოო • პირუტყუჱბრ(ი)ვთა ვნებ(ა)თაგ(ა)ნ • რ(ომე)ლთა დაემონა უგუნ(უ)რებით ჻

Ⴀ(დიდე)Ⴁ(დითს)Ⴀ: Ⴜერილთა მ ჻

Ⴌ(ა)თელნო წ(მიდა)ნო ნ(ა)თელნო • ბრწყ(ი)ნვ(ა)ლენო და უშრეტელნო • ს(უ)ლისა ჩ(ე)მისა ლამპარი დაუშრეტელად დაჰმ(ა)რხნეთ • ძ(ა)ლნო ც(ა)თ(ა)ნო წ(მიდა)ნო წყ(ა)ლ(ო)ბ(ი)თა მ(ი)თ თქ(უე)ნთა • ზეთითა ს(უ)ლ(იე)რითა • და ღ(მრ)თისა მ(იმა)რთ მ(ეო)ხ(ე)ბითა ჻

Ⴆ(ე)ცისა ბჭეთა მეკარენო • Ⴥ, ბრძენნო მთ(ა)ვ(ა)რ ანგ(ე)ლ(ო)ზნო • სინ(ა)თლისა ბჭენი გ(ა)ნმიხუჱნით მე რ(აჲთ)ა შევიდე • და აღუვარო უ(ფალს)ა • და შუამდგომლ(ო)ბითა თქ(უე)ნითა • შენდობ(ა)ჲ ბრ(ა)ლთაჲ • მივიღო ქ(რისტე)ს ღ(მრ)თისა მ(იე)რ ჻

Ⴛ(ა)ლნო და მთ(ა)ვ(ა)რ ანგ(ე)ლ(ო)ზნო • მთ(ა)ვრობ(ა)ნო და უფლებ(ა)ნო • ს(ა)ყდ(ა)რნო და ჴ(ე)ლმწიფებ(ა)ნო • სერაბინნო • და ქერაბინნო • წ(მიდა)თა ანგ(ე)ლ(ო)ზთა თ(ან)ა • ევედრენით ქ(რისტეს)ა • ჴსნ(ა)დ ყ(ოვლ)ისა ჭირისაგ(ა)ნ • ს(ა)რწმ(უ)ნ(ო)ებ(ი)თ მვედრებ(ე)ლთა თქ(უე)ნთა ჻

ქ(ალ)წ(უ)ლო მ(ა)რ(ია)მ ქ(ალ)წ(უ)ლო • უხრწნელო ყ(ოვლა)დ უბიწო • უმ(ა)ღლესო ანგ(ე)ლ(ო)ზთაო მ(ა)თ თ(ან)ა ევედრე ღ(მერთს)ა • ჴსნ(ა)დ ც(ო)დვ(ა)თა ტჳრთის(ა)გ(ა)ნ • ჭირთა და ს(ა)ლმობ(ა)თა • და ბ(ა)რბ(ა)როზთა წყობისაგ(ა)ნ •

ესა და სამწყსოისა შ(ე)ნისა ჻

Ⴃღე სამშ(ა)ბ(ა)თი წ(მიდ)ისა ნ(ა)თლისმცემლის(ა)ჲ

უ(ფალ)ო ღ(ა)ღ(ა)დ ყ(ა)ვსა ჻

Ⴅგ(ა)ლობდი რ(ა)ჲ ენითა უბადრუკ • მრ(ა)ვ(ა)ლ გზის ვიპოვი ც(ო)დვის მოქმედ გონებითა • რ(ამეთუ) პ(ი)რითა გალ(ო)ბ(ა)თა ვიტყოდი • ხ(ოლო) ს(უ)ლითა ძჳრთა • ბორ(ო)ტთა ვიგემოვნებდი • ა(რამე)დ ორკ(ე)რვძოვე გ(ა)ნმკურნე ქ(რისტ)ე ღ(მერთ)ო • სინ(ა)ნულისა მ(იე)რ და შ(ემიწყალ)ე მე ჻

Ⴀრავინ არს ჩ(ე)მსა უუბ(ა)დრუკეს • მ(ო)რწმ(უ)ნეთა შ(ორი)ს და მძიმებულ ც(ო)დვითა • რ(ამეთუ) შიშუჱლ ვარ ყ(ოვლ)ისა კ(ე)თილის(ა)გ(ა)ნ და ს(ა)თნ(ო)ებ(ი)თა • ამისთ(ჳ)ს შეურვ(ე)ბული • ვჴმობ შ(ე)ნდამი მ(ეუ)ფ(ე)ო მ(ა)ღ(ა)ლო • მჴსნელო ჩ(ე)მო მ(ა)ცხ(ო)ვნე და შ(ემიწყალ)ე მე ჻

Ⴜყაროჲ ცრემლთაჲ მოჰმადლე ს(უ)ლსა ჩ(ემს)ა • გლ(ა)ხ(ა)კსა პ(ირვე)ლ აღს(ას)რულისა უ(ფალ)ო • და გ(ა)ნმწმიდე მე ბრ(ა)ლთაგ(ა)ნ და ც(ო)დვ(ა)თა ჩ(ე)მთა აურაცხელთა • ვ(ითარც)ა დ(ავი)თ მასწავებს • და უფრ(ო)ჲსღა პავლე და შ(ე)ნი წ(მიდა)ნი • მჴსნელო ჩ(ე)მო ქ(რისტ)ე ღ(მერთ)ო დ(იდე)ბ(ა)ჲ შ(ე)ნდა ჻

Ⴑხ(უა)ნი Ⴘ(ე)ნ უ(ფალ)ო ძ(ა)ლთ(ა)ო ჻

Ⴐ(ომე)ლსა მოუდრეკენ • შ(ე)ნი მუჴლთა შიშით • ზ(ე)ცისა და ქ(უე)ყ(ა)ნის(ა)ნი • თ(ა)ვმოდრეკით ინება • გ(ა)ნბანაჲ შ(ე)ნგ(ა)ნ • წინამორბედო და ნ(ა)თლის მცემელო • მისსა მ(იმა)რთ მ(ეო)ხ გყ(ა)ვ ჴსნად ჩ(უე)ნდა ჻

Ⴇ(ან)ა შემწე მექმენ ჩ(უე)ნ • მ(ა)დლი იგი შ(ე)ნისა • სიწ(მ)იდის(ა)ჲ ნ(ა)თლისმცემელო • რ(ომელ)ნი ვიწოდენით • მ(ო)წ(ა)ფედ შ(ე)ნისა • ქ(ა)დ(ა)გებისა რ(აჲთ)ა ღირს ვიქმნნეთ • ცხ(ო)რ(ე)ბ(ა)სა წ(ა)რუვ(ა)ლსა მკჳდრ ყ(ო)ფ(ა)დ

Ⴘთავრდომილ ვარ მახესა • მტერისა ბორ(ო)ტისა • და ევედრები ნ(ა)თლის მცემელო • მოჲხილე ჩ(ე)მ ზ(ედ)ა • და გ(ა)ნმარინე • სატ(ა)ნჯველთაგ(ა)ნ ს(აუ)კ(უ)ნეთა • მ(ეო)ხ(ე)ბითა შ(ე)ნთა ქ(რისტე)ს მ(იმა)რთ ჻

Ⴘ(ე)ნ უ(ფალ)ო ს(უ)ლგრძელო • და მრ(ა)ვ(ა)ლ მოწყ(ა)ლეო • ოხითა ნ(ა)თლის მცემელის(ა)ჲთა • და მშობელისა შ(ე)ნისა ქ(ალ)წ(უ)ლის(ა)ჲთა • ნუ გ(ა)ნმიკითხავ ც(ო)დვ(ა)თა ჩ(ე)მთაებრ • მოსლვ(ა)სა მ(ა)ს შ(ე)ნსა ს(აშინელებით)

Ⴑტ(ი)ქ(ა)რ(ო)ნი

Ⴕერ(ო)ბინ ჻

Ⴋ(ა)ცხ(ო)ვნე მე

Ⴥ, ღ(მრ)თის მშ(ო)ბ(ე)ლო • და მიჴსენ რ(ამეთუ) შ(ე)ნ ხ(ა)რ ყ(ოველ)თა ცხ(ო)რებ(ა)ჲ • გ(უ)ლის თქმ(ა)თა ნიავ ქ(ა)რნი აღმიდგეს • და ჰნებავს წ(ა)რწყმედაჲ ჩ(ემ)ი • ა(რამე)დ აღმიპყ(ა)რ ჴ(ე)ლი მონასა შ(ე)ნსა • და ნ(ა)ვთსადგურად მყუდროდ • მიმიძეღო კ(ე)თილის მ(ო)ყ(უა)რ(ე)ო ჻

Ⴋიჴსენ ქ(ალ)წ(უ)ლო ღ(მრ)თისმშ(ო)ბ(ე)ლო • რ(ამეთუ) შ(ე)ნ ხ(ა)რ ყ(ოველ)თა მ(ა)ცხ(ოვა)რი • გ(ა)ნს(ა)ცდელთა სიმრ(ა)ვლე დამფარ(ა)ვს მე • და მ(ე)ბრძოლთა ბანაკი შთამნთქამს მე • მომეც ჴელი შეწევნისაჲ და წ(ა)რმიძეღო • კეთილის მ(ო)ყ(უა)რეო • ნ(ა)თელსა პირის(ა) შ(ე)ნისა(სა) ჻

Ⴉიდობნად ს(ა)ცნაურად გიცნობთ • საუნჯედ ფიც(ა)რთა ღ(მრ)თივ წერილთა ქ(ალ)წ(უ)ლო • პ(ირვე)ლ იგავით მოსწავებულად • ხ(ოლო) აწ ს(ა)ქმეთა მ(იე)რ • ს(ა)ცნაურად რ(ამეთუ) სჯ(უ)ლის მდებელი • ჴ(ო)რციელად გჳშევ ჩ(უე)ნ • მ(ა)ს ევედრე ს(უ)ლთა ჩ(უე)ნთათ(ჳ)ს ჻

Ⴜ(ა)რდგ(ო)მ(ა)ჲ : Ⴂ(უ)ლის ჴმა ვყ(ა)ვ ჻

Ⴁო[უ]ნებ(ა)სა ჩ(ემს)ა გ(ა)ნვ(ი)კ(ი)თხვიდე რ(ა)ჲ • და სჯ(უ)ლსა ვძრწი ს(ა)სჯ(ე)ლისაგ(ა)ნ ს(ა)შ(ი)ნელისა • შ(ე)ნისა ქ(რისტ)ე ღ(მერთ)ო და არა არს • ჩ(ე)მდა ს(ა)ქმეთა მ(ა)თგ(ა)ნ • ჩ(ე)მთა ცხ(ო)რ(ე)ბ(ა)ჲ ა(რამე)დ • ვ(ითარც)ა გ(ა)ქ(უ)ს სიმდიდრე მ(ო)წყ(ა)ლების(ა)ჲ • შ(ემიწყალ)ე ს(ა)ხ(იე)რო და მ(ა)ცხ(ო)ვნე მე ჻

Ⴑ(ა)შინელი • სამსჯავროჲ მიმელის მე • სადა იგი დაღაცა თუ მე ვდუმნე უ(ფალ)ო • ს(ა)ქმენი ჩ(ე)მნი შემწამებენ მე • ა(რამე)დ მომაქციე მ(ეუ)ფეო ღ(მერთ)ო ჩ(ე)მო • შეცთომ(ი)ლი ესე და მ(ა)ცხ(ო)ვნე • ვ(ითარც)ა ს(ა)ხ(იე)რ და მრ(ა)ვ(ა)ლ მ(ო)წყ(ა)ლე ჻

Ⴇჳთი ჻

Ⴖ(მრ)თივ ს(ა)ნატრელო • დედ(ა)ო, ს(უ)ლი ჩ(ემ)ი გ(ა)ნკურნე • რ(ამეთუ) ბოროტად ვიგუჱმები ც(ო)დვ(ა)თა ჩ(ე)მთა მ(იე)რ • ღ(მრთ)ისმშ(ო)ბელო ამისთ(ჳ)სცა გ(ი)ღ(ა)ღ(ა)დებ • ს(უ)ლთქმითა გ(უ)ლისა ჩ(ე)მის(ა)ჲთა • შემიწყნარე უბიწოო • ფ(რია)დ ბრალეული ესე • რ(აჲთ)ა ჴმა მ(ა)ღლ(ა)დ გ(ი)ღ(ა)ღ(ა)დებდე • გ(ი)ხ(აროდე)ნ მიმ(ა)დლ(ე)ბ(უ)ლო ჻

Ⴂ(ა)ლ(ო)ბ(ა)ნი წ(მიდ)ისა ი(ოა)ნე ნ(ა)თლ(ი)სმცემლის(ა)ნი

Ⴐ(ომელმა)ნ წამისყ(ო)ფ ჻

Ⴁერწისა ს(ა)შოჲსაგ(ა)ნ • ნ(ა)ყ(ო)ფო ტკბილო • გ(ა)მოხუმაჲ ნ(ა)ყ(ო)ფთა სინ(ა)ნ(უ)ლის(ა)თაჲ • მითხოვე ღ(მრ)თისაგ(ა)ნ უ(ფლ)ისა • წინამორბედო • და დაჰჴსენ

მჭმუნვ(ა)რებ(ა)ჲ შეცოდებ(ა)თა ჩ(ე)მთ(ა)ჲ • და წ(ა)რდევნენ ღრუბელნი • მედგრობისა ჩ(ე)მის(ა)ნი ჻

Ⴋზისა მის სიმ(ა)რთლისა • ვ(ითარც)ა დიდი • მთიები წინამორბედად გ(ა)მოსჩნდი • რ(ომელმა)ნ ყ(ოველ)ი ს(ო)ფელი გ(ა)ნაბრწყ(ი)ნვა • მ(ა)ს ევედრე ღირსო წინამორბ(ე)დო • გ(ა)ნ(ა)თლებ(ა)დ • ბილწთა გ(უ)ლის თქმ(ა)თაგ(ა)ნ • დაბნელებულსა ს(უ)ლსა ჩ(ემს)ა ჻

Ⴟ(ო)ჯ(ო)ხ(ე)თისა მყ(ო)ფთა • ს(უ)ლისა მ(იე)რ • მოახლებ(ა)ჲ ცხ(ო)რების(ა)ჲ აუწყე • ს(უ)ლ(ი)თა ჩ(ემ)ი ცხოველ ყ(ა)ვ წინა მორბედო • და ვ(ითარც)ა სამ(ა)რით ც(ო)დვ(ა)თაგ(ა)ნ აღმად[გ]ინე მომკ(უ)დ(ა)რი გ(ე)ვედრები მხ(ეო)ბ(ი)თა შ(ე)ნითა ჻

Ⴋთ(ა)ვ(ა)რ ანგ(ე)ლ(ო)ზთა და • ზ(ე)ცისა ძ(ა)ლთა • და წ(მიდა)თა მ(ო)ც(ი)ქ(უ)ლთა თ(ან)ა ქ(ალ)წ(უ)ლო • ითხ(ო)ვეთ გ(ე)ვ(ე)დრებით ძისა შ(ე)ნისა • ჴსნაჲ ჩ(უე)ნი ჭ(ი)რთაგ(ა)ნ • რ(ომელ)ნი აღგიარებთ შ(ე)ნ • ჭ(ეშმარიტა)დ ღ(მრ)თის მშ(ო)ბ(ე)ლ(ა)დ • და დედად მ(ეუ)ფისა ჻

Ⴂ(ან)Ⴛ(ლიერდას)Ⴀ ჴმასიტყჳთ იქმენ • ღირსო წინა მორბედო • ჴ(მა)ჲ მგ(ა)ლობელთა შ(ე)ნთაჲ • აწ მისსა მ(იმა)რთ შეიწირე • და ც(ო)დვ(ა)თა შენდობ(ა)ჲ • მოგუანიჭე ვედრებითა შ(ე)ნითა ჻

Ⴘეგცოდე ღ(მერთ)ო • და უსჯ(უ)ლო ვიქმენი • და აღვივსე ბრ(ა)ლთაგ(ა)ნ • და შევაბღალე ს(უ)ლი ჩ(ემ)ი • ამისთ(ჳ)ს გ(ე)ვ(ე)დრები • მ(ო)წყ(ა)ლე მექმენ წინა მორბ(ე)დისა მ(იე)რ ჻

Ⴓდაბნოთა და უვალთა გ(უ)ლისთქმ(ა)თა • შ(ენს)ა მწარედ შეცთომილსა • აღზრდილო უდაბნოჲსა • სინ(ა)ნ(უ)ლისა გზ(ა)სა • წ(ა)რმიმ(ა)რთე მე • დიდო წინამ(ო)რბედო ჻

Ⴋ(ო)ციქ(უ)ლთა და • წ(ინაჲს)წ(არმეტყ)ჳლთა და • მღდელთ მოძღ(უა)რთა მ(ა)რტჳლთა • და ზ(ე)ცისა ძ(ა)ლთა თ(ან)ა • ძესა შ(ე)ნსა ევედრე • რ(აჲთ)ა გ(უა)ცხოვნნეს • მადიდებ(ე)ლნი შ(ე)ნნი ჻

Ⴋ(ე)Ⴑ(მას)Ⴀ: Ⴠყავ სიყ[უარული] ჻

Ⴅ(ითარც)ა ღ(მრთ)ისა • გ(ა)ნკ(ა)ცებ(უ)ლის(ა) მ(ას)ა ღირსო • გ(ე)ვედრები წინამორბედო • პირ(უ)ტყუებრივთა ს(ა)ქმეთაგ(ა)ნ მიჴსენ მე • რ(ომელ)ი ს(ა)რწმ(უ)ნ(ო)ებით გნატრი შ(ე)ნ • და ს(ა)ღ(მრ)თ(ო)ჲთა შესხმ(ი)თა პ(ა)ტ(ი)ვ გცემ ჻

Ⴑ(უ)ლთ ითქუემდ ს(უ)ლო • და დამბადებ(ე)ლსა უღ(ა)ღ(ა)დებდი ღ(მერთ)ო შეგცოდე მილხინე • ჭირთა ურვ(ა)თა და ს(ა)ცთურთა • და ს(ა)შ(ი)ნელთა ტანჯვ(ა)თაგ(ა)ნ მიჴსენ • ოხითა ნ(ა)თლისმცემლის(ა)ჲთა ჻

Ⴑამნაკეცთაგ(ა)ნ • ღელვ(ა)თა ღელვა გუჱმული ესე • და დანთქმად მიახლებული • და ც(ო)დვ(ა)თაგ(ა)ნ სასოწ(ა)რკუჱთილი • აღმომიყვანე ქ(რისტე)ს ნ(ა)თლისმცემელო • და ნ(ა)ვთსადგურად მყუდროდ მიმიძეღუ ჻

Ⴖ(მრ)თისა დედაო • ქერაბ(ი)ნთა უმაღლესო ს(ა)ყდ(ა)რო • უსხეულ(ო)თა ძ(ა)ლთა თ(ან)ა • და ყ(ოველ)თა წ(მიდა)თა და მ(ა)რთ(ა)ლთა • ევედრე ქ(რისტეს)ა ღ(მერთს)ა რ(ომელ)ი ჰშ(ე)ვ • რ(აჲთ)ა მ(ა)ცხ(ო)ვნოს ყ(ოვლა)დ წ(მიდა)ო ჻

Ⴖ(ამით)Ⴂ(ანს)Ⴀ ჻

Ⴘ(ე)ნდა აღვიმს ჻

Ⴠმოქ(ა)ლ(ა)ქობდი • ჴ(ო)რცითა ქ(უე)ყ(ა)ნ(ა)სა ზ(ედ)ა • სიბრძნით ვ(ითარც)ა ანგ(ე)ლ(ო)ზი ი(ოვა)ნე • გ(ე)ვ(ე)დრები • ჴ(ო)რცთა ზრ(ა)ხვისაგ(ა)ნ • იჴსენ ღირსო ს(უ)ლი ჩ(ემ)ი ჻

Ⴑიღრმესა შ(ენს)ა • ც(ო)დვ(ა)თისა შთავრდომილი • და გ(უ)ლისთქ(უ)მ(ა)თა და გემოთაგ(ა)ნ შეგნებ(უ)ლი • და დანთქმული • დიდო ი(ოვან)ე • მიჴსენ და გ(ა)ნმარინე მე ჻

Ⴓაღრეს იქმენ • წ(ინაჲს)წ(არმეტ)ყ(უე)ლთა რ(ამეთუ) • ქ(ა)დაგებ(უ)ლი მ(ა)თი თ(უა)ლითა იხილე • რ(ომ)ლისაგ(ა)ნ • გ(ა)ნ(ა)თლებ(ა)ჲ ს(უ)ლ(ი)თა ჩ(უე)ნთ(ა)ჲ ითხოვე ნეტ(ა)რო ჻

Ⴚ(ა)თა უვრცელეს • გ(ა)მოსჩნდი შ(ე)ნ დედ(ო)ფ(ა)ლო • შ(ე)ნ თ(ან)ა დამკჳდრებითა სიტყჳს(ა)ჲთა • ამისთ(ჳ)სცა • მე შეიწრებ(უ)ლი • ბრ(ა)ლთაგ(ა)ნ გ(ა)ნმათ(ა)ვისუფლე ჻

Ⴖ(აღად)Ⴗ(ავს)Ⴀ Ⴑ(ი)ღრმეთა ჻ Ⴖუარსა მ(ა)ს • საშუებ(ე)ლთ(ა)სა წყ(ა)ლითა • თ(ა)ვმოდრეკილისა ქუჱშე • ჴ(ე)ლსა შ(ე)ნსა ნ(ა)თელ ეც • მ(ა)ს ევედრე ნ(ე)ტ(ა)რო • რ(აჲთ)ა მომცეს მე წყალი • სინ(ა)ნ(უ)ლის(ა)ჲ • რ(ომელმა)ნ ესე ფ(რია)დ შევსც(ო)დე ჻

Ⴓფსკ(რუ)ლსა: წყ(ა)ლ(ო)ბ(ა)თ(ა)სა წყ(ა)ლთა • შ(ინ)ა ნ(ა)თელს ეც ბრძენო • რ(ომელმა)ნ დაჰრთნა ზესკნელნი • წყ(ა)ლთა მ(იე)რ მხ(ო)ლომ(ა)ნ • მისსა მ(იმა)რთ მ(ეო)ხ გ(უე)ყ(ა)ვ • რ(აჲთ)ა მომ(ა)დლოს ბრ(ა)ლთა შენდობ(ა)ჲ • წინამორბედო ჻

ႤႱერა • ს(ა)ს(უ)ფ(ე)ვ(ე)ლი ც(ა)თ(ა)ჲ • მოახლებულ არს ჴმობდი • შეინ(ა)ნეთ წი-

ნამორბედო • რ(ომ)ლისა დამკჳ(ი)დრ(ე)ბ(ა)ჲ • გჳთხოვე მოს(ა)ვთა შ(ე)ნთა • და ს(ა)ფ(ა)რვ(ე)ლსა • შ(ე)ნსა წ(მიდ)ა შევედრებ(უ)ლთა ჻

Ⴓხრწნელო • რ(ომელმა)ნ შემოქმედსა • შ(ე)ნსა ჴ(ო)რცნი ავასხენ • ზ(ე)ცისა ძ(ა)ლთა თ(ან)ა • და წ(ინაჲს)წ(არმეტ)ყ(უე)ლთა • მ(ო)ციქ(უ)ლთა და მ(ა)რტჳლთა • მისსა ვედრებ(ა)ჲ შეწირე ჩ(უე)ნთ(ჳ)ს • რ(აჲთ)ა გ(უა)ცხ(ო)ვნნეს ჻

Ⴉ(ურთ)Ⴞ(ეულარს)Ⴀ ჻

Ⴑ(ა)მნი ყრმ(ა)ნი ჻

Ⴂ(ითარც)ა რ(ა)ჲ ს(ა)ნთ(ე)ლმ(ა)ნ • მზისამ(ა)ნ ნ(ა)თლისმცემ(ე)ლო • ს(უ)ლი ჩ(ემ)ი დაშრეტილი გ(ა)ნ(ა)ნ(ა)თლე ბნელითა ც(ო)დვ(ა)თ(ა)ჲთა • და სინ(ა)ნ(უ)ლისა გზ(ა)თა წ(ა)რმიძეღუ წინამორბედო ჻

Ⴏ(ამს)ა ს(ა)სჯელის(ა)სა • ჰხედავ ვძრწი და მეშინის • რ(ამეთუ) მკი დავს ტჳრთი ც(ო)დვ(ა)თ(ა)ჲ მძიმე • ქ(რისტე)ს ნ(ა)თლისმცემ(ე)ლო შემწე მეყ(ა)ვ და მიჴსენ ც(ე)ცხლისაგ(ა)ნ ს(აუ)კ(უ)ნოჲსა ჻

Ⴚხ(ო)რ(ე)ბისა ჩ(ე)მისა • მცველო და ჴ(ე)ლის ამპყრობ(ე)ლო • წინამორბედო მტ(ე)რთა ჩ(ე)მთაგ(ა)ნ მიჴსენ და ზიარ მყ(ა)ვ ზ(ე)ცისა • ს(უ)ფევ(ა)სა მ(ეო)ხ(ე)ბითა შ(ე)ნთა ნეტარო ჻

Ⴕ(ალ)წ(უ)ლო ღ(მრ)თისმშ(ო)ბ(ე)ლო • შ(ე)ნგ(ა)ნ შობილსა ევედრე წ(ინაჲს)წ(არმეტ)ყ(უე)ლთა თ(ან)ა და მ(ო)ციქ(უ)ლთა • ჴსნ(ა)დ მაქებ(ე)ლთა შ(ე)ნთა • ს(აუ)კ(უ)ნეთა ს(ა)ტ(ა)ნჯველთ(ა)გ(ა)ნ ყ(ოვლა)დ წ(მიდა)ო ჻

ႠႩ(ურთხევდითს)Ⴀ ჻

Ⴑ(ა)მნი ყრმ(ა)ნი ჻

Ⴒარ(ი)გსა მ(ა)ს ღ(მრთ)ის(ა)სა • რ(ომელმა)ნ აღეხუნა ც(ო)დვ(ა)ნი ს(ო)ფლის(ა)ნი • წ(მიდა)ო • წ(ინაჲს)წ(არმეტ)ყ(უე)ლო ი(ოვა)ნე • ევედრე რ(აჲთ)ა ტჳრთი • ც(ო)დვ(ა)თა ჩ(ე)მთ(ა)ჲ აღმისუბუქ(ო)ს დ(იდე)ბ(უ)ლო • და ნ(ა)წილსა მ(ა)ს ცხ(ო)ვნებ(უ)ლთ(ა)სა ღირს მყ(ო)ს უღირსი ესე ჻

Ⴚ(ე)ცხლისა შემწუველისა • და ბნელისაგ(ა)ნ წყ(უ)დიადისა გ(ა)რესკნელისა • მიჴსენ მე • ბნელითა ბორ(ო)ტთა ს(ა)ქმეთ(ა)ჲთა • შეპყრობილი გ(ე)ვ(ე)დრ(ე)ბი • Ⴥ, სიტყ(უა)ო ღ(მრ)თის(ა)ო დაუს(ა)ბ(ა)მო • ვედრებითა წ(მიდ)ისა • ს(ა)ღ(მრ)თ(ო)ჲსა ქ(ა)დ(ა)გისა შ(ე)ნის(ა)ჲთა ჻

Ⴐ(ომელმა)ნ უქ(ა)დ(ა)გე • ს(უ)ლთა უქმთა ნ(ა)ყ(ო)ფიერებ(ა)ჲ სინ(ა)ნ(უ)ლითა • ღ(მრ)თისა • დ(იდე)ბ(უ)ლო წინამორბედო ეკლუან ქმნილი ს(უ)ლი ჩ(ემ)ი • მწიკ(უ)ლ(ე)ვ(ა)ნთა გ(უ)ლისთქმ(ა)თა მ(იე)რ •

გ(ა)ნწმიდე • რ(აჲთ)ა ვყო მე კ(ე)თილთა • ს(ა)ქმეთა იფქლი და მჭ(ე)ლეულები ჻

Ⴅ(ითარც)ა დედაჲ ღ(მრთისა)ჲ ევედრე წ(მიდა)თა ანგ(ე)ლ(ო)ზთა თ(ან)ა • ქ(ალ)წ(უ)ლო მ(ო)ც(ი)ქ(უ)ლთა და წ(ინაჲს)წ(არმეტ)ყ(უე)ლთა • მ(ა)რტჳლთა და მ(ა)რთ(ა)ლთა თ(ან)ა • ჭირთა და ურვ(ა)თა და მერმეთა ტანჯვ(ა)თა • გ(ა)ნრინებ(ა)დ რ(ომელ)ნი • მ(არა)დის ღ(მრ)თის მშ(ო)ბლად გქ(ა)დაგებენ ჻

Ⴀ(დიდე)Ⴁ(დითს)Ⴀ : ჻

Ⴜერ(ი)ლთა მ(იე)რ ჻

Ⴑჯ(უ)ლისა აჩრდილთაჲთ აღმოიჰჴედ • და ნ(ა)თელი მ(ა)დლისაჲ იხილე • რ(ომელმა)ნ გ(ა)ნ(ა)ნ(ა)თლა სავსებ(ა)ჲ ს(ო)ფლის(ა)ჲ ბრწყ(ი)ნვ(ა)ლედ • და ბნელი უმეცრების(ა)ჲ • გ(ა)ნდევნა ი(ოვან)ე • წ(ინაჲს)წ(არმეტ)ყ(უე)ლო წ(მიდა)ო • ამისთჳს გნატრით მ(ო)რწმ(უ)ნენი ჻

Ⴅ(ითარცა)ა მ(ო)წ(ა)მე ქ(რისტ)ესი • ვ(ითარც)ა ს(ა)ღმრთ(ო)ჲ ნ(ა)თლ(ი)სმცემელი • მნათობი სინ(ა)ნ(უ)ლის(ა)ჲ ცისკარი ს(ა)რწმ(უ)ნ(ო)ების(ა)ჲ • და ძუჱლისა და ახლისა • სჯ(უ)ლისა შუა მდგომელ მექმენ ს(უ)ლსა ჩ(ემს)ა გლ(ა)ხ(ა)კსა • დაბნელებ(უ)ლსა გ(ა)ნმა(ა)ხლებელ ჻

Ⴏ(ამს)ა ს(ა)შინელსა და ჟ(ამს)ა • შესაძრწ(უ)ნვ(ე)ბ(ე)ლსა ს(ა)სჯელის(ა)სა • გ(ა)ნვ(ი)კ(ი)თხვოდე რ(ა)ჲ გ(ა)ნმარინნე დასჯისაგ(ა)ნ დ(იდე)ბ(უ)ლო • რ(ამეთუ) გ(ა)ქ(უ)ს მსმენელად ღ(მერ)თი • ვ(ითარც)ა მეგობ(ა)რსა • Ⴥ, წინამორბედო • და მოწყ(ა)ლე ყ(ა)ვ ჩ(ე)მთჳს მსაჯული ჻

Ⴃღე ოთხშ(ა)ბ(ა)თი ჯ(უარ)ისა და წ(მიდ)ისა ღ(მრთ)ისმშ(ო)ბლ(ი)ს(ა)ჲ

Ⴇჳთი Ⴃიდ არს ძალი ძლ(იე)რისა ჯ(უა)რისა • შ(ე)ნის(ა)ჲ უ(ფალ)ო რ(ამეთუ) აღემართა • გოლგოთას ზ(ედ)ა და ს(ა)სწ(აუ)ლთა • იქმს ყ(ოველს)ა ს(ო)ფ(ე)ლსა შ(ინ)ა • და გამოაჩინნა • მეთევზურთაგ(ა)ნ მ(ო)ც(ი)ქ(უ)ლნი და წ(ა)რმ(ა)რთაგ(ა)ნ • მოწ(ა)მენი რ(აჲთ)ა მეოხ იყუნენ ს(უ)ლთა ჩ(უე)ნთათ(ჳ)ს ჻

Ⴟ(უარს)ა შ(ე)ნსა ყ(ოვლა)დ პ(ა)ტი(ო)ს(ა)ნსა ქ(რისტ)ე • მფარველსა ყ(ოვლ)ისა ს(ო)ფლის(ა)სა თ(ა)ყ(უა)ნის ვსცემ და ცხ(ო)რებ(ა)სა ჩ(უე)ნ ც(ო)დვ(ი)ლთ(ა)სა • დიდსა სალხინებელსა • და ძლევ(ა)სა მ(ე)ფეთ(ა)სა • და სიქადულსა ეკლესიათ(ა)სა • და მწუველსა ს(უ)ლთა უკ(ე)თურთ(ა)სა ჻

Ⴟ(უარ)ის ს(ა)ხედ რ(ა)ჲ ოდესმე • მოსე მთასა ზ(ედ)ა სიმ(ა)ღლედ ჴელნი გ(ა)ნიპყრნის • ამალეკი მტ(ე)რი იძლიის • ხ(ოლო) შ(ე)ნ მ(ა)ცხ(ოვა)რ ჴ(ე)ლნი რ(ა)ჲ გ(ა)ნიპყრენ • პ(ა)ტი(ო)ს(ა)ნსა ჯ(უარს)ა წიაღთა შ(ე)ნთა შემიტკბე მე • და მიჴსენ მონებისაგ(ა)ნ მტ(ე)რისა • და მომეც ნიშად ცხ(ო)რებისა რ(აჲთ)ა • გ(ა)ნვერო მშჳლდსა მტ(ე)რთა ჩ(ე)მთ(ა)სა ამისთ(ჳ)ს • ღ(მრ)თისა სიტყ(უა)ო თ(ა)ყ(უა)ნის ვსცემ მ(ა)ს ს(ა)რწმ(უ)ნოებით ჻

Ⴑხ(უა)ნი ჻

Ⴘ(ე)ნ უ(ფალ)ო ძ(ა)ლ ჻

Ⴐ(ა)ჟ(ამ)ს იგი ენება • მ(ო)წყ(ა)ლებითა ჴსნაჲ ჩ(უე)ნი • სიბრძნით დამბადებ(ე)ლსა ჩ(უე)ნსა ჻

ქ(უე)ყნისაგ(ა)ნ იშენა • ცაჲ ს(უ)ლიერი • უბიწოჲ მშობ(ე)ლი თ(ჳ)სი ქ(ალ)წ(უ)ლი ჻

Ⴑასო და ზღუდეო • მ(ო)რწმ(უ)ნეთაო ღირსო • ქ(ალ)წ(უ)ლო ღ(მრ)თისა საყუდელო • მვედრებ(ე)ლთა თხოვად შეისმინე და • მთხოვე შ(ე)ნგ(ა)ნ შობილისა ქ(რისტე)ს(ა)გ(ა)ნ • ბრ(ა)ლთა შენდობ(ა)ჲ და წყ(ა)ლ(ო)ბ(ა)ჲ ს(უ)ლთა ჩ(უე)ნთაჲ ჻

Ⴘ(ემდგომა)დ ღ(მრ)თისა მჴსნელ(ა)დ • და შეს(ა)ვედრებ(ე)ლად • შ(ე)ნ გიცით წ(მიდა)ო ქ(ალ)წ(უ)ლო • ნუ უგ(უ)ლებ(ე)ლს ჰყ(ო)ფ • მოსავთა შ(ე)ნთა • ა(რამე)დ გჳთხოვე ძისა შ(ე)ნისაგ(ა)ნ • ბრ(ა)ლთა შენდობ(ა)ჲ და წყ(ა)ლ(ო)ბ(ა)ჲ ს(უ)ლთა ჩ(უე)ნთაჲ ჻

Ⴑტიქარონი

Ⴅ(ითარც)ა იგი ჻

Ⴒაძარო ს(ა)ღ(მრ)თო სადგურო • ყ(ოვლა)დ წ(მიდ)ისა ს(ა)მ(ე)ბისო ღ(მრ)თივ მიმადლებ(უ)ლო ყ(ოველ)თა კ(ე)თილთა მდინარეო • სამოთხით გ(ა)მომავ(ა)ლო • მომრწყველო ცის კ(ი)დეთაო • ნიჭნი მ(ა)დლთა შ(ე)ნთანი • მონ(ა)თა შ(ე)ნთა მოგუმ(ა)დლენ უშურველად რ(აჲთ)ა მ(ა)დლ(ო)ბით გადიდებდეთ • შ(ე)ნ ვ(ითარც)ა მხ(ო)ლოსა მ(ა)ცხ(ოვა)რსა • ადამიანთა არსებისა • სძალო ყ(ოვლა)დ უხრწნელო • ყ(ოველ)თა გ(ა)ნწირულთა ს(ა)სოო ჻

Ⴚაო ყ(ოველ)თა მ(ეუ)ფის(ა)ო • კარაო ღ(მრთ)ის(ა)ო მთაო გამოუკუჱთელო • ტაკუკო ოქროჲსა წ(მიდ)ის(ა)ო • შემწყნ(ა)რებ(ე)ლო ს(ა)ღ(მრ)თ(ო)ჲსა მის მანან(ა)ჲს(ა)ო • რ(ომე)ლ არს ქ(რისტ)ე ღ(მერთ)ი • მომცემელი და უ(ფალ)ი სჯ(უ)ლის(ა)ჲ • და ახლისა

აღთქ(უ)მისა წინამძღ(უა)რი • Ⴥ, ღ(მრთ)ისმშ(ო)ბ(ე)ლო ყ(ოვლა)დ უბ(ი)წო • ყ(ოვლ)ისა ბორ(ო)ტისაგ(ა)ნ გ(ა)ნგუარინენ ჩ(უე)ნ • და ნ(ა)წ(ი)ლსა მ(ა)ს • მ(ა)რთ(ა)ლთ(ა)სა ღირს გყვენ დამკჳ(ი)დრებ(ა)დ ჻

Ⴐ(ომელ)ნი შეევედრებიან • უძლევ(ე)ლსა შეწევნ(ა)სა შ(ე)ნსა უბიწოო • და ვნებ(ა)თა მძლ(ა)ვრებისაგ(ა)ნ • და გ(ა)ნსაცდელთა ს(ა)ფერჴისაგ(ა)ნ წ(ა)რსწყ(უ)მედელისა • გ(ა)ნთ(ა)ვისუფლდებიან • ქ(ალ)წ(უ)ლო და ჩ(უე)ნცა მონანი შ(ე)ნნი ყ(ოვლი)საგ(ა)ნ ვნებისა და ხრწნილებისა • ტკბილითა მ(ეო)ხებითა შ(ე)ნითა • გჳ(ი)ჴსნენ და გ(უა)ცხ(ო)ვნ(ე)ნ. Ⴥ, ს(ა)ხ(იე)რო და მ(ო)წყ(ა)ლეო • რ(აჲთ)ა გ(ი)გ(ა)ლ(ო)ბდეთ დე(დო)ფ(ა)ლო ჻

Ⴜ(ა)რდგომ(ა)ჲ ჻

Ⴐ(ომ)ლის ჴმასა჻

Ⴟ(უარ)ი შ(ე)ნი დაენერგა მ(ა)ცხ(ოვა)რ • ქ(უე)ყ(ა)ნ(ა)სა ზედა და მისწუთა იგი ც(ა)თა • არა თუმცა ვ(ითა)რ ძელი მისწუთა • ზ(ე)ც(ა)თა სიმ(ა)ღლესა • ა(რამე)დ ძლ(იე)რებ(ა)ჲ შ(ენ)ი • ს(ა)ხ(იე)რო უ(ფალ)ო დ(იდე)ბ(ა)ჲ შ(ე)ნდა • რ(ომელმა)ნ მის მ(იე)რ სრულ ჰყ(ა)ვ ცხ(ო)რ(ე)ბ(ა)ჲ ჩ(უე)ნი ჻

Ⴤ(ე)ლმწიფებ(ა)ჲ • შ(ე)ნი აურაცხელი • და ნეფსით ჯ(უა)რცმაჲ შ(ე)ნი იხილეს რ(ა)ჲ ანგ(ე)ლ(ო)ზთა • მჴედრობამან გ(ა)ნჰსკრთეს ვ(ე)რ უხილ(ა)ვსა ღ(მერთს)ა • ჴ(ო)რცითა გევნებ(ო)და • რა აცხ(ო)ვნნე კ(ა)ცნი • და იჴს(ე)ნნე ხრწნილებ(ი)ს(ა)გ(ა)ნ ამისთ(ჳ)ს გ(ი)ღ(ა)ღ(ა)დებთ • ცხ(ო)რ(ე)ბის მომცემელო • დ(იდე)ბ(ა)ჲ წყ(ა)ლ(ო)ბ(ა)თა შ(ე)ნთაჲ ჻

Ⴈნებე რ(ა)ჲ • ჩ(უე)ნთ(ჳ)ს ვნებ(ა)ჲ ჯ(უარ)ითა • გ(უ)ლსა ქ(უე)ყნის(ა)სა აღმართე მ(ა)ცხ(ოვა)რ • ხ(ოლო) შ(ე)ნ რ(ა)ჟ(ამ)ს ჴ(ო)რცითა დაემსჭუალე მ(ა)ს ზ(ედ)ა • მზე ბნელ(ა)დ გ(ა)რდაიქცა • და ავაზაკმ(ა)ნ ღ(მერ)თად გიცნა • და ჴმობდა მომიჴს(ე)ნე მე ს(ა)ხ(იე)რ • და ს(ა)რწმ(უნო)ებით სამოთხე დაიმკჳდრა დიდებასა ზედა თჳთი ჻

Ⴓგ(ა)ლ(ო)ბდითსა: Ⴐ(ომელმა)ნ წამის ჻

Ⴋრ(ა)ვ(ა)ლ ს(ა)ლმობიერნი ვნებ(ა)ნი და ჰჴსნენ • ვნებითა წ(მიდა)თა ჴ(ო)რცთა შ(ე)ნთ(ა)ჲთა • და კ(ა)ცნი იჴსნენ რ(ომელ)ნი მოწყ(ა)ლნა მ(ა)ცთურმ(ა)ნ • რ(ომელ)ნი იგი ს(ა)რწმ(უ)ნ(ო)ებით თ(ა)ყ(უა)ნისცემენ • გ(ა)მოუკულევ(ე)ლსა მ(ა)ს • გ(ა)ნგებულებ(ა)სა შ(ე)ნსა ქ(რისტ)ე ჻

Ⴐ(ომელმა)ნ ცთუნებითა • სამოთხეს შ(ინ)ა • შეკრა კ(ა)ცი მცნე-

ბ(ა)თა გ(ა)რდასლვითა • შეიკრა ს(ა)კრველითა გ(ა)ნუჴსნელითა ქ(რისტ)ე • რ(ომლ)ითა ჴ(ო)რც შესხმული შეიკარ ნეფსით თ(ჳ)სით • და გ(ა)ნჰჴსნენ კრულებ(ა)ნი შეც(ო)დებ(ა)თა ჩ(უე)ნთ(ა)ნი ჻

Ⴁანაკი მ(ო)წ(ა)მეთაჲ • ბან(ა)კსა თ(ან)ა • ზ(ე)ცის(ა)თა ბრწყ(ი)ნვ(ა)ლედ შეერთებ(უ)ლი • ელვითა დამბ(ა)დებ(ე)ლისა ღ(მრ)თ(ი)ს(ა)ჲთა • ყ(ოვლა)დვე გ(ა)ნ(ა)თლდების • და მყ(ო)ფთა ქ(უე)ყ(ა)ნის(ა)თა • მადიდებ(ე)ლთა მ(ა)თთა • ნიშთა მ(იე)რ გ(ა)ნამდიდრებ(ე)ნ ჻

Ⴓაღრეს მჴედრობ(ი)სა • ანგ(ე)ლ(ო)ზთ(ა)სა გ(ა)მოსჩნდი დედო ქ(რისტე)ს ღ(მრთ)ის(ა)ო • რ(ომელმა)ნ ჯ(უა)რც(უ)მითა და ვნებითა თ(ჳ)სითა • აღმიყვ(ა)ნნა ზ(ე)ც(ა)დ • იშვა რ(ა)ჲ ჴ(ო)რცითა შ(ე)ნგ(ა)ნ • და ძ(ა)ლთა ზ(ე)ცის(ა)თა • შეგუაერთნა ს(ა)ხ(ა)რებ(ი)თ ჻

Ⴂ(ან)Ⴛ(ლიერდას)Ⴀ Ⴐ(ომელმა)ნ სიტყჳთ ჻

Ⴐ(ომელ)ი ეგე • ღ(მრ)თე(ე)ბისა ბ(უ)ნებითა უვნებ(ე)ლ ხ(ა)რ ჴ(ო)რცითა • ვნებ(ა)დ რ(ა)ჲ მოხუჱდ წყ(ა)ლ(ო)ბით • ჰურიათა კრებ(უ)ლმ(ა)ნ • მოგკლეს ძელითა • უკუდავ მყოფელი მ(ა)თი ჻

Ⴐ(ომელმა)ნ წყ(ა)ლთა • ზ(ედ)ა დაჰკიდე ქ(უე)ყ(ა)ნ(ა)ჲ • ნეფსით და მოეკიდე ძელსა რ(აჲთ)ა აღმიყვანო • ზეც(ა)ს რ(ომელ)ი ქუჱსკნელს შთაჰჴხედ ჴ(ო)რცითა • ქ(რისტ)ე ყ(ოვლა)დ ძლ(იე)რო ჻

Ⴎირ(ა)დ-პ(ი)რადად • წყლულებითა შემკულნი • წ(ინაშ)ე ქ(რისტე)ს ღ(მრთ)ისა • მდგომარე ხ(ა)რთ მ(ო)წ(ა)მენო • და მის მ(იე)რ მოჲღებთ • მ(ა)დლთა და ნიჭთა • შრომ(ა)თა მ(ა)თ თქ(უე)ნთა წილ ჻

Ⴋხიარულებით • ტ(ა)ნჯვ(ა)სა მისცნეს ჴ(ო)რცნი მ(ა)რტჳლთა და მ(ა)ცთურსა • გლო(ვ)აჲ მწარე დაუმკჳ(ი)დრეს • ხ(ოლო) ზ(ე)ცისა ძ(ა)ლთა • მხიარულებ(ა)ჲ • ს(ა)ღ(მრ)თ(ო)ჲ მიჰფინეს მჴნეთა ჻

Ⴐ(ა)ჟ(ამ)ს იხილე • ძე ყ(ოველ)ი ჯ(უარს)ა ზ(ედ)ა • გოდებით ეტყოდე მ(ა)ს • Ⴥ, მზეო დ(იდე)ბ(ი)ს(ა)ო • და ჰჴედ თ(უა)ლთაგ(ა)ნ ჩ(ე)მთა • რ(აჲთ)ა დასჯილნი შ(ე)ნ ელითა გ(ა)ნ(ა)ნ(ა)თლნე ჻

Ⴋ(ე)Ⴑ(მას)Ⴀ ჻

Ⴠყავ სიყ(უა)რულ ჻

[ႠႶ]Ⴋ(ა)ტებითა უაღრესმ(ა)ნ ყ(ოველ)თა პ(ა)ტივთამ(ა)ნ • გინებ(ა)ჲ უპატიოჲ თ(ა)ვს იდ(ე)ვ • ჯ(უა)რც(უ)მაჲ და სიკ(უ)დილი

დაჲთმინე • კიცხვისა და ბასრობისა თ(ან)ა ქ(რისტ)ე ჩ(ე)მთ(ჳ)ს ცთომითა გინებ(უ)ლისა ჻

Ⴌეფსით თ(ა)ვს იდევ • ეკლისა გჳრგჳნისა დადგმაჲ უ(ფალ)ო • Ⴅ(ითარც)ა მ(ეუ)ფემ(ა)ნ ჭ(ეშმარი)ტმ(ა)ნ • რ(აჲთ)ა პ(ირვე)ლი იგი ვნებ(ა)ჲ ც(ო)დვისაჲ • ეკლუანი და ბორ(ო)ტი აღმოჰფხურა • დ(იდე)ბ(ა)ჲ ვნებ(ა)თა შ(ე)ნთა ჻

Ⴘეუმუსრველ(ა)დ • ეგენით ტ(ა)ნჯვ(ი)თა შ(ინ)ა მ(ა)რტჳლნო • და ს(ა)ცთური მტ(ე)რთ(ა)ჲ შეჰმუსრეთ • და ფ(ე)რჴთა ქუჱშე თქ(უე)ნთა დააკუჱთეთ • და დასთრგუნეთ მდიდრ(ა)დ მეტყუჱლი იგი ენაჲ • და გ(ა)ნაცოუფეთ სიცბილი მისი ჻

Ⴂ(ა)ნხრწნ(ა)დთა მ(იე)რ • ჴ(ო)რცთა უხრწნელ(ე)ბ(ა)ჲ ს(ა)ღ(მრ)თ(ო)ჲ მოჲგეთ • ვნებითა ცხ(ო)ველს მყ(ო)ფლითა • ვნებ(ა)თა უვნებლის(ა)თა ებარვენით • ყ(ოვლა)დ ქებ(უ)ლნო ქ(რისტე)ს მ(ო)წ(ა)მენო • უჴ(ო)რცთა ძ(ა)ლთა მოდ(ა)ს(ე)ნო ჻

Ⴂრ(ა)გნილ(ა)დ ს(ა)ღ(მრ)თ(ო)დ გიხილა სძ(ა)ლო წ(ინაჲს)წ(არმეტ)-ყ(უე)ლმ(ა)ნ • რ(ომე)ლსა ზ(ედ)ა დაიწერა თით(ი)თა მ(ა)მის(ა)ჲთა სიტყ(უა)ჲ უჟამოჲ • და პ(ირვე)ლისა მ(ა)მისა ჴ(ე)ლით წერილი • ლ(ა)ხურითა გ(ა)ნხეთქა Ⴥ, კ(ურთ)ხ(ეუ)ლო ჻

Ⴖ(ამით)Ⴂ(ანს)Ⴀ ჻

Ⴘ(ე)ნდა აღვიმს ჻

Ⴅ(ითარც)ა კარავი • და მოეკიდე ძელსა ზ(ედ)ა • და მსხ(უე)რპლ(ა)დ მ(ა)მისა შეიწირე ქ(რისტ)ე ჩ(უე)ნთ(ჳ)ს • და დაცხრვენ • მსხ(უე)რპლნი საძაგელნი • კერპთ(ა)ნი ყ(ოვლა)დ ძლ(იე)რო ჻

Ⴂ(ა)ნღებითა მით • გუჱრდის(ა)ჲთა აღმოგჳცენენ ორნი • მდინარ(ე)ნი ცხ(ო)რ(ე)ბის(ა)ნი • რ(ომელ)ნი აღგიარებთ • ერთად ს(ა)მებისა • ორითა ნებითა და ს(ა)ქმითა ჻

Ⴞარისხად მტკიცედ • და კლდედ უძრ(ა)ვ(ა)დ გპოვეს შ(ე)ნ • ს(ა)რწმ(უ)ნ(ო)ებით ქ(რისტ)ე მჴნეთა მ(ა)რტჳლთა • და ვ(ითარც)ა ანთრაკნი რჩეულნი • აღეშ(ე)ნნეს იგი შ(ე)ნ ზ(ედ)ა ჻

ქ(რისტე)ს ძ(ა)ლითა • გ(ა)ნძლიერებ(უ)ლთა • ძ(ა)ლი მტრის(ა)ჲ დაამჴჳ(ი)თ მჴნენო მ(ო)წ(ა)მენო • და ბრწყ(ი)ნვ(ა)ლედ გჳრგჳნი ძლევისა • და იდგით ქ(რისტე)ს მჴსნელის(ა)გ(ა)ნ ჻

Ⴓრჩებითა მით • პ(ირვე)ლითა გ(ა)ნხრწილი ესე • ბ(უ)ნებ(ა)ჲ ჩ(უე)ნი უხრწნელ(ა)დ შობითა შ(ე)ნითა • გ(ა)ნა(ა)ხლე • დედ(ა)ო ღ(მრ)თის(ა)ო • ს(უ)ლ(ი)თა ჩ(უე)ნთა სასო(ო) ჻

Ⴖ(აღად)Ⴗ(ავს)Ⴀ ჻

Ⴑიღრმეთა ჻

Ⴄდემით გამომხადა მე გუჱლმ(ა)ნ • მზაკუვ(ა)რმ(ა)ნ მაცთუნა რ(ა)ჲ • საჭმელითა სიმწარის(ა)ჲთა • ხ(ოლო) რ(ა)ჟ(ამ)ს ჯ(უა)რს ეცუა • ჩ(ე)მთ(ჳ)ს უ(ფალ)ი კ(უალა)დ • მაგო პ(ირვე)ლსა • ს(ა)შუჱბ(ე)ლსა სამოთხის(ა)სა ჻

Ⴂუჱრდისა • შ(ე)ნისა წყლულებითა • გ(ა)ნგურიმა მაცთური • უკურნებ(ე)ლ(ა)დ უ(ფალ)ო • ხ(ოლო) ჩ(უე)ნ მ(ო)რწმ(უ)ნენი • გ(ა)ნვ(ი)კურნენით წყლულებითა • რ(ომლ)ითა იგი • მოიწყალ ჩ(უე)ნთ(ჳ)ს • ყ(ოვლა)დ ძლ(იე)რო ჻ Ⴅ(ითარც)ა პურნი შეიცხვენით თქ(უე)ნ • ც(ე)ცხლითა მ(ო)წ(ა)მენო • და ტაბლ(ა)სა მ(ე)ფის(ა)სა • ღ(მრ)თის(ა)სა დაეგენით • და დაუსრულებელითა • სიხ(ა)რ(უ)ლითა • გ(ა)ნბრწყ(ი)ნვებ(უ)ლნი • იხ(ა)რებთ ზ(ე)ც(ა)ს ჻

Ⴂ(ა)Ⴌგჳყოფთ • წყ(ა)ლთა კურნების(ა)თა • რ(ომელ)ი აღმოივსეთ • წყ(ა)როჲსა მისგ(ა)ნ ს(ა)ღ(მრ)თ(ო)ჲსა • და ღუარსა ვნებ(ა)თ(ა)სა • გ(ა)ნაჴმობთ მ(ო)წ(ა)მენო • და მორწმ(უ)ნეთა • კრებ(უ)ლსა მოჰრწყავთ • ღ(მრთ)ისა მ(ა)დლითა ჻

Ⴑიკ(უ)დილი • უ(ფლისა)ჲ რ(ომელ)ი იხილე • ჯ(უარ)ითა ღ(მრ)თის მშ(ო)ბ(ე)ლო • ტკივილითა ს(უ)ლის(ა)ჲთა • ჰგოდებდ ვ(ითარც)ა დედ(ა)ჲ • და ადიდებდ ვნებ(ა)სა მისსა • მომ(ა)ტყუჱბ(ე)ლსა • ცხ(ო)რების(ა)სა ყ(ოვლა)დ წ(მიდა)ო ჻

Ⴉ(ურთ)Ⴞ(ეულარს)Ⴀ Ⴑ(ა)მნი ყრმ(ა)ნი ჻

Ⴞკივილთა შ(ე)ნთა მ(იე)რ • დააცხრვენ ტკივილნი ჩ(უე)ნი • და უკდ(ა)ვსა ცხ(ო)რებ(ა)სა დაამკჳდრენ • წ(მიდა)თა მ(ა)თ ვნებ(ა)თა • შ(ე)ნთა მადიდებ(ე)ლნი • ქ(რისტ)ე ყ(ოვლა)დ ძლ(იე)რო მ(ეუ)ფ(ე)ო ჻

Ⴐ(ა)ჟ(ამ)ს დაბ(ა)დებულთა • გიხილეს ჯ(უარს)ა დამსჭუალული • შეცვ(ა)ლებ(უ)ლნი ძრწოდეს და კლდენი გ(ა)ნსქდეს • ქ(რისტ)ე დამაბადებ(ე)ლო • და მზისა ბრწყ(ი)ნვ(ა)ლებ(ა)მ(ა)ნ ნ(ა)თელი დაიფარ ჻

Ⴖ(მრ)თისა მორჩილებ(ი)თა • უსჯ(უ)ლოთა ლიქნაჲ გ(ა)ნაგდეს • და სტადიონსა შ(ინ)ა სჯ(უ)ლიერ(ა)დ იღ(უა)წეთ • ახო-

ვ(ა)ნთა მ(ა)რტჳლთა • დ(იდე)ბითა გჳრგჳნუს(ა)ნ იქმნნეს ქ(რისტე)ს ღ(მრთ)ისაგ(ა)ნ ჻

Ⴌებ(ა)ჲ ს(ა)ღ(მრთო)ჲ გქონდა თქ(უე)ნ • უმძლაფრესი საჴუმილის(ა)ჲ • და არაჲ შეიწუენით ს(ა)ჴ(უ)მილისაგ(ა)ნ • ახუანნო მ(ა)რტჳლნო • და გჳრგჳნოს(ა)ნნი ქ(რისტეს)ა აკ(ურთ)ხ(ე)ვთ უკ(უნისამდ)ე ჻

Ⴋდგომარე იყ(ა)ვ სძ(ა)ლო • წ(ინაშ)ე ჯ(უარის)ა ქ(რისტ)ეს(ა)სა • ხედვიდი ვნებ(ა)სა მის(ი)სა და გ(ა)ნგურემილი • ტკივილითა აღსავსე იტყოდე • კ(ურთხეულ) ხ(ა)რ შ(ე)ნ უ(ფალ)ო ღ(მერთ)ო მ(ა)მ(ა)თა ჩ(უენ)თაო ჻

ႠႩ(ურთხევდითს)Ⴀ : Ⴋონებ(ა)დ ღ(მრთი)ს(ა) ჻

Ⴟ(უა)რცმითა შ(ე)ნითა ქ(რისტ)ე ღ(მერთ)ო • გ(ა)ნგუჱღო სამოთხე და იქცევის მ(ა)ნ მახჳლმ(ა)ნ • გზა სცა ლახუარსა რ(ომლ)ითა იგი • გუჱრდი შ(ე)ნი გ(ა)ნეღო • ქველის მოქმედ • და თ(ა)ყ(უა)ნის მცემ(ე)ლნი შ(ე)ნნი • დაუბრკუოლებლად შევლენ მ(ა)ს შ(ინ)ა ჻

Ⴊ(ა)ხურითა მით შ(ე)ნითა წ(მიდ)ითა • მოჲწყლა ქ(რისტ)ე ღ(მერთ)ო და დაეცა მაცთური • ხ(ოლო) ადამ დაცემული აღდგა • და ცხ(ო)რ(ე)ბ(ა)დ აღვ(ი)და • გ(ი)კ(ით)ხ(ა)ვდა • და გ(ა)დიდებდა მრ(ა)ვ(ა)ლ მ(ო)წყ(ა)ლე • რ(ომელ)ი ჩ(უე)ნთ(ჳ)ს ნეფსით დაიკალ ჻

Ⴖ(უა)წლთა თქ(უე)ნთა ბრწყინვ(ა)ლებითა • და სიმჴნეთა ურ(ი)ცხჳთა ს(ა)კჳრველებითა • ბრწყ(ი)ნავს ს(ო)ფ(ე)ლი მ(ა)რტჳლნო • და სენთა სიბნელესა • თ(ან)ა წ(ა)რვალს • და ჴსნილი ჭირთა და კურვთაგ(ა)ნ • აკ(ურთ)ხ(ე)ვდით ღ(მერთს)ა უკ(უნისამდ)ე ჻

Ⴑაცინელ ქმნილი და გ(ა)ნბასრებ(უ)ლი • მდებარე არს ფ(ე)რჴთა ქუჱშე თქ(უე)ნთა მ(ა)რტჳლნო • რ(ომელ)ი იგი იქადოდა • ქ(უე)ყნისა დაპყრობად • ხ(ოლო) ქ(რისტ)ე • ს(ა)ღ(მრ)თ(ო)ჲთა მ(ა)რჯ(უე)ნითა შეამკუს • თ(ა)ვთა თქ(უე)ნთა წ(მიდა)თა დ(იდე)ბ(უ)ლნო ჻

Ⴏ(ა)მიერად ჰშ(ე)ვ ჟ(ა)მთა მფლობელი • რ(ომელმა)ნ დაჰჴსნნა ძუჱლნი კრულებ(ა)ნი ჩ(უე)ნნი • ს(ა)ღ(მრ)თ(ო)თა ს(ა)კჳრვ(ე)ლებ(ა)თა თ(ჳ)სთა მ(იე)რ • ქ(ალ)წ(უ)ლო უბიწოო • ხ(ოლო) ადამ • ნაშობით(უ)რთ შეიკრა ტკბილთა მ(ა)თ • სიყ(უა)რულისა თ(ჳ)სისა • ს(ა)კრველთაგ(ა)ნ ჻

ႠႩ(ურთხევდითს)Ⴀ : Ⴜერილთა მ(იე)რ: Ⴐ(ომელთ)ა ჰპოო დრა-

ქმაჲ იგი • რ(ომელ)ი წ(ა)რწყმიდა ურჩებითა • აღანთენ ს(ა)ხ(იე)რო ჯ(უარს)ა ზ(ედ)ა ჴ(ო)რცნი ს(ა)ღ(მრ)თ(ო)ნი • და ზიარ ყვენ სიხ(ა)რულსა • ზ(ე)ცისა ძ(ა)ლთა თ(ან)ა • რ(აჲ)თა თ(ან)ა უ(ფალ)ო • დაუცხრუმელ(ა)დ გადიდებთ შ(ე)ნ ჻

Ⴐ(ა)ჟ(ამ)ს აღამ(ა)ღლენ მ(ა)ცხ(ო)ვ(ა)რ • ჴ(ე)ლნი ს(ა)ღ(მრთო)ნი ჯ(უარის)ა ზ(ედ)ა • ჴ(ე)ლნი ესე ჩ(ე)მნი და ჴსნ(ი)ლნი ვნებ(ა)თა მ(იე)რ ბორ(ო)ტ(ა)თა • გ(ა)ნაძლიერენ და მუჴლნი • უძლურნი გ(ა)ნამტკიცენ • სრბად ახუანად გზ(ა)თა შ(ე)ნთა • ამისთ(ჳ)ს მ(ა)დლ(ო)ბით გ(ა)დიდ(ე)ბთ ჻

Ⴒანჯვ(ა)თა ც(ე)ცხლ(ით)ა შემწუართა • მარტჳლთა შ(ე)ნთა უ(ფალ)ო • აქონდი შ(ე)ნ წყაროდ ცხ(ო)რებისა • და გ(ა)ნსუჱნებისა ამისთ(ჳ)ს • სრბაჲ მ(ა)თი მხიარულებით • გჳრგჳნთა წილ უხრწნელთა • აღასრულეს წადიერად • და გ(ა)ლ(ო)ბით გ(ა)დიდ(ე)ბს შ(ე)ნ ჻

Ⴑიმ(ა)რთლე წ(მიდა)თა მარტჳლთაჲ • და ბანაკი წ(მიდა)თა მ(ო)წ(ა)მეთ(ა)ჲ გ(ე)ვედრებიან მჴსნელო ერისათ(ჳ)ს და კრებ(უ)ლისა შ(ე)ნისა • ფ(რია)დ გ(ა)ნმარისხებელისა • წყ(ა)ლ(ო)ბითა შ(ე)ნთა • აჰჴოცენ ც(ო)დვ(ა)ნი ჩ(უე)ნნი ვ(ითარც)ა მხ(ო)ლ(ო)ჲ მრ(ა)ვ(ა)ლ მ(ო)წყ(ა)ლე ხ(ა)რ ჻

Ⴑიბრძნე და ბრწყ(ი)ნვ(ა)ლებ(ა)ჲ მ(ა)მის(ა)ჲ • ჰშევ ხატითა ადამისითა • რ(ომლ)ისა ჯ(უა)რცმაჲ ვერ დაითმინა მზის თ(უა)ლმ(ა)ნ ხილვად სძალო და • დაბნელდა და ს(ი)ბნელე • კერპთა ბილწთაჲ გ(ა)ნქარდა • ამისთ(ჳ)ს ღირსო მორწმ(უ)ნ(ე)ნი • ძისა შ(ე)ნისა თ(ან)ა გ(ა)დიდებთ ჻

Ⴂ(ა)ლ(ო)ბ(ა)ნი წ(მიდ)ისა ღ(მრ)თისმშ(ო)ბლისანი

ოდესცა გინდენ, რ(ომელ)თა თ(ა)ვნი იტყჳ(ი)ან ჻

Ⴐ(ომელმა)ნ წამის ყ(ო)ფით ჻

Ⴜ(ა)რწყმედილი ვნებ(ა)თა • და გ(უ)ლის თქმ(ა)თა • ბორ(ო)ტთაგ(ა)ნ დედაო ღ(მრ)თისა მ(ა)ღლის(ა)ო გ(ა)ნმ(ა)ნ(ა)თლე ნ(ა)თლითა მით • ნ(ა)თ(ე)ლისა შ(ე)ნის(ა)ჲთა და მძიმენი იგი ნივთნი • მრ(ა)ვ(ა)ლთა მ(ა)თ ც(ო)დვათა • ჩ(ე)მთ(ა)ნი შ(ე)ნ გ(ა)ნაბნ(ი)ენ ჻

Ⴗ(ოვე)ლთა გ(ა)ნწირულთა • სასოო დიდო • და დაცემულთა • აღმადგინებელო • რ(ომელმა)ნ ნ(ა)თელი ღ(მრ)თების(ა)ჲ მუცლად იღე • ს(უ)ლი ჩ(ემ)ი ც(ო)დვითა დაცემული გ(ა)ნმინ(ა)თლე • და შემიყვანე სძალო მეცა ზ(ე)ცისა სასძლოსა ჻

Ⴀღავსე ს(უ)ლი ჩ(ემ)ი • შ(ე)ნ-

მ(იე)რითა • ნ(ა)თ(ე)ლითა ღ(მრ)თის მშ(ო)ბ(ე)ლო და გ(ა)ნკურნე მოწყლული ისართა ბორ(ო)ტთა ვნებ(ა)თ(ა)ჲთა • და ღირს მყ(ა)ვ ცხ(ო)რებ(ა)სა • ძისა შ(ე)ნისა ს(ა)თნოსა • რ(აჲთ)ა ვპოო წყ(ა)ლ(ო)ბ(ა)ჲ • შ(ე)ნ მ(იე)რ დღესა მ(ა)ს დიდსა ჻

Ⴊ(ო)ცვ(ა)ჲ ჩ(უენ)ი ქ(ალ)წ(უ)ლო • შეიწირე დღეს • და აღჴოცენ ყ(ოველ)ნი ც(ო)დვ(ა)ნი ჩ(ე)მნი • რ(ამეთუ) შ(ე)ნ ექმენ მიზეზ ცხ(ო)რებისა ს(ო)ფ(ე)ლსა • და შ(ე)ნ მ(იე)რ მოგუჱცა კ(ა)ცთა ყ(ოველ)ი კ(ე)თილი • რ(ა)ჟ(ამ)ს გჳშ(ე)ვ უ(ფალ)ი დამბადებ(ე)ლი ყ(ოვე)ლთ(ა)ჲ ჻

Ⴓზეშთაეს ცნობ(ა)თა • მუცლ(ა)დ ღებითა • და შობითა შ(ე)ნითა ღ(მრთ)ისმშობ(ე)ლო • ბჭენი ზეც(ა)თანი გ(ა)ნგეხუნეს ამისთ(ჳ)სცა • გ(ე)ვედრებით ღირს გყვენ შესლვად ს(აუ)კ(უ)ნეთა მ(ა)თ • ზ(ე)ცისა სავანეთა • რ(აჲთ)ა მჴურვ(ა)ლედ გ(ა)ქებდეთ ჻

Ⴂ(ან)Ⴛ(ლიერდას)Ⴀ Ⴄჰაბ[...]

Ⴁნელითა მით ც(ო)დვის(ა)ჲთა • შეკრული ს(უ)ლი ჩ(ემ)ი და სიღრმედ ჯ(ო)ჯ(ო)ხ(ე)თისა • შთასრული ქ(ალ)წ(უ)ლო • აღმომიყვანე • და მომცენ ს(ა)ქმენი • სინ(ა)ნ(უ)ლის(ა)ნი და მ(ა)ცხ(ო)ვნე მე ჻

Ⴀღმადგინე დაცემული • წ(მიდა)ო ღ(მრთ)ისმშ(ო)ბ(ე)ლო • და შემუსრვილი გ(უ)ლი • და სულთქმ(ა)ჲ მჴურვ(ა)ლე • და ნაკადულნი • ცრემლთ(ა)ნი მომმადლენ • რ(აჲთ)ა ვსტიროდი მე ც(ო)დვ(ა)თა ჩ(ე)მთა ჻

ႨႱმ(ი)ნე ვედრებ(ა)ჲ ჩ(ემ)ი • და მომმადლე სიწ(მი)დე • ც(ო)დვ(ი)ლსა ს(უ)ლსა ჩ(ემს)ა • და სიწ(მ)იდე ს(ა)ღ(მრ)თ(ო)ჲ • და სიყუარ(უ)ლი • მის ანგ(ე)ლ(ო)ზთ(ა)ჲსა • და მ(ა)ცხ(ო)ვნე მე ჻

Ⴘ(ე)ნდამომ(ა)რთ ღ(მრ)თისმშ(ო)ბ(ე)ლო • არს სასოებ(ა)ჲ ჩ(ემ)ი • და ვერსადა მეუფლოს • სასო წ(ა)რკუჱთილებ(ა)ჲ • რ(ამეთუ) უწყი მოწყ(ა)ლებ(ა)ჲ შ(ე)ნი • და რ(ომე)ლი შ(ე)ნისა მეოხების(ა)ჲ ჻

Ⴄკლუანთა მ(ა)თ ც(ო)დვისა • ალაგთა შთავრდომილი • და გზისა მისგ(ა)ნ ს(ა)ღ(მრ)თ(ო)ჲსა • ცთომილი ქ(ალ)წ(უ)ლო • მომაქციე • გზ(ა)თა მ(ა)თ წრფელთა • და დამაგე ღ(მერთს)ა, Ⴥ, ღ(მრ)თ(ი)სმშ(ო)ბ(ე)ლო ჻

Ⴋ(ე)Ⴑ(მას)Ⴀ Ⴋოსლვისა შ(ე)ნისა ჻

Ⴌ(ა)თელი ღ(მრ)თების(ა)ჲ • გჳშ(ე)ვ გამოუთქმელ(ა)დ ამისთ(ჳ)ს • გ(ე)ვედრები შ(ე)ნ გ(ა)ნკურნენ ჩ(ე)მ(ნ)ი • ს(უ)ლისა წყლულებ(ა)ნი • სისხლითა ქ(რისტ)ეს ძისა შ(ე)ნისაჲთა ჻

Ⴈყ(ა)ვ შემწე ჩ(ე)მდა • სძალო ღ(მრ)თის(ა)ო და მომივლინე • სიმრ(ა)ვლე შ(ე)ნთა მ(ო)წყ(ა)ლებ(ა)თაჲ • და ს(უ)ლი ჩ(ემ)ი წ(მიდ)ა ყავ • რ(ამეთუ) შ(ე)ნდა მომ(ა)რთ მოვივლტი ჻

Ⴖირს მყ(ა)ვ მე ოხითა • შ(ე)ნითა ზ(ე)ცისა საშოებ(ე)ლთა • და კ(ე)თილთა მ(ა)თ ს(აუ)კ(უ)ნეთა • წ(მიდა)თათ(ჳ)ს დამარხულთა • სადა არა არს მწუხ(ა)რებ(ა)ჲ და ს(უ)ლთქმაჲ ჻

Ⴋოვივლტი მე შ(ე)ნდა • ღ(მრ)თისმშობ(ე)ლო მიჴსენ მტ(ე)რისაგ(ა)ნ • და ღელვ(ა)თა მ(ა)თგენ ც(ო)დვის(ა)თა • და ნავთს(ა)ყუდვ(ე)ლსა შ(ე)ნსა • მყუდროსა მიმიძეღუ დედ(ო)ფ(ა)ლო ჻

Ⴐ(ამეთუ)შ(ე)ნ მაქუ მე • Ⴥ, დედაო ღ(მრ)თის(ა)ო მ(ეო)ხად • და ბრძოლათა მ(ა)თ ეშმ(ა)კის(ა)თა • და ზღუდეთა ც(ო)დვის(ა)თა გ(ა)რდავჴედ მ(ეო)ხებითა შ(ე)ნითა ჻

Ⴖ(ამით)Ⴂ(ანს)Ⴀ ჻

Ⴕ(უე)ყ(ა)ნ(ა)სა ზ(ედ)ა ჻

Ⴇ(ან)ა მიყოლითა ბორ(ო)ტთა გ(უ)ლისთქმათაჲთა • შევაბღალე ნ(ა)თლისღებისაგ(ა)ნ მუ(ო)ცემული და კუართი • ხ(ოლო) შ(ე)ნ ღ(მრ)თისმშ(ო)ბ(ე)ლო • ნ(ა)თლისა სამოსელი შემმოსე ჻

Ⴈქმენ ღ(მრ)თისმშობ(ე)ლო ჴ(ე)ლის ამპყრობ(ე)ლ ჩ(ე)მდა დღეს • რ(ამეთუ) შ(ე)ნ ხ(ა)რ სასოჲ ჩ(ემ)ი • და ყ(ოვლ)ითა გ(უ)ლითა შ(ე)ნდა მომ(ა)რთ მოვივლტი • და შ(ე)ნ გ(ე)ვედრები ნუ გ(ა)ნმაგდებ მე ჻

Ⴑ(ა)ღ(მრ)თ(ო)თა მ(ა)თ • ს(ა)ქმეთაგ(ა)ნ უცხო ვარ ღ(მრ)თისმშობ(ე)ლო • და ც(ო)დვ(ა)თა ჩ(ე)მთა მ(იე)რ მივეცემი ც(ე)ცხლად • ა(რამე)დ შ(ე)ნ დედ(ა)ო ღ(მრ)თის(ა)ო • მიჴსენ ს(ა)ტ(ა)ნჯველთა მ(ა)თგ(ა)ნ ჻

Ⴋომკუდ(ა)რი ს(უ)ლითა ც(ო)დვ(ა)თა სიმრ(ა)ვლისაგ(ა)ნ • ცხოველ მყ(ა)ვ ღ(მრ)თ(ი)სმშ(ო)ბ(ე)ლო ყ(ოველ)თა ცხ(ო)რებ(ა)ო • და გ(ა)ნ(ა)ხლებითა მ(ა)თ • ს(ა)ღ(მრ)თ(ო)ჲთა უხრწნელებ(ა)დ მიმცვალე ჻

Ⴖ(აღად)Ⴗ(ავს)Ⴀ : Ⴃამკჳ(ი)დრებ(ა)ჲ ჻

Ⴘორს გ(ა)ნვვარდი ღ(მრ)თისაგ(ა)ნ • ბორ(ო)ტ(ა)დ ც(ო)დვითა • და მონა ვიქმენ გ(უ)ლის თქმ(ა)თა • და ყ(ოვლ)ისაგ(ა)ნვე • ს(ა)თნოებისა • უცხო ვარ ღ(მრ)თის მშ(ო)ბ(ე)ლო შ(ე)ნ მომაქციე ჻

Ⴓდებ ვიქმენ აღსრულებ(ა)დ • მცნებ(ა)თა ღ(მრ)თის(ა)თა • და შ(ორი)ს ვიქმენ ცხ(ო)რებისაგ(ა)ნ • მივეახლე სიკ(უ)დილსა • და გ(ე)ვედრები • სინ(ა)ნ(უ)ლ(ა)დ მომ(ა)ქციე ღ(მრთ)ისმშ(ო)ბ(ე)ლო ჻

Ⴁორ(ო)ტ არიან ს(ა)ქმ(ე)ნი ჩ(ე)მნი და უკეთ(უ)რ • და დიდ არს შ(ე)ნი მ(ო)წყ(ა)ლებ(ა)ჲ • ღ(მრ)თისმშ(ო)ბ(ე)ლო სძლევდინ • წყ(ა)ლობ(ა)ჲ შ(ე)ნი • ც(ო)დვ(ა)თა ჩ(ე)მთა აურ(ა)ცხელებსა ჻

Ⴄჰა რ(ომელმა)ნ ჰშ(ე)ვ ქ(რისტ)ე • მ(ა)ცხ(ოვა)რი ჩ(ემ)ი • შ(ემიწყალ)ე მე დედ(ო)ფ(ა)ლო • გ(ა)ნმკურნე და მიჴსენ • ვნებ(ა)თა ჩ(ე)მთა მძლ(ა)ვრებისაგ(ა)ნ რ(ომელ)ნი წ(ა)რმტყუჱნვენ მე ჻

Ⴉ(ურთ)Ⴞ(ეულარს)Ⴀ ჻

Ⴅ(ითარც)ა სამთა ყრ[მათა]: Ⴊ(ო)ცვ(ა)ჲ ჩ(ემ)ი ისმინე • და დამიცევ ქ(ალ)წ(უ)ლო • მონაჲ შ(ე)ნი რ(ომელ)ი შ(ე)ნსა • ს(ა)ფ(ა)რვ(ე)ლსა მოვივლტი • გ(ა)ნმწმიდე ც(ო)დვ(ა)თაგ(ა)ნ • რ(აჲთ)ა ესრეთ ვიტყოდი • კ(ურთ)ხ(ეულ) (ა)რს დედ(ო)ფ(ა)ლო შობილი შ(ე)ნგ(ა)ნ უ(ფალ)ი ჻

Ⴓმეტეს ხ(ა)რ ყ(ოველ)თა • დაბ(ა)დებულთა ღირსო • ყ(ოვლ)ითურთ ნ(ა)თელ შემოსილ • რ(ომელმა)ნ ნ(ა)თელი • ღ(მრ)თებისაჲ მუცლად იღე • რ(ომე)ლსა უღ(ა)ღ(ა)დებთ • კ(ურთხეულ) ხ(ა)რ შ(ე)ნ უ(ფალ)ო ღ(მერთ)ო მ(ა)მ(ა)თ(ა) [ჩუენთაო] ჻

Ⴋოჰფინე დღეს ჩ(ე)მ ზ(ედ)ა • ს(ა)ხიერებ(ა)ჲ შ(ე)ნ • ღ(მრ)თისმშობ(ე)ლო და აღმომიყვ(ა)ნე • უფსკრულისა მისგ(ა)ნ • დიდისა ც(ო)დვ(ა)თაჲსა • რ(აჲთ)ა ესრეთ ვიტყოდი • კ(ურთხეულ) ხ(ა)რ ჻

Ⴓხრწნელო ღ(მრთ)ისმშობ(ე)ლო • შ(ე)ნდა მომ(ა)რთ მოვ(ი)ვლტვი • მიჴსენ ის(ა)რთა მ(ა)თგ(ა)ნ მტრის(ა)თა • და მ(ეო)ხებითა • შ(ე)ნითა შემზღუდე მე • რ(აჲთ)ა ესრეთ ვიტყ(ო)დი • კ(ურთ)ხ(ეუ)ლ (ა)რს დ(ედო)ფ(ა)ლო • შობილი შ(ე)ნგ(ა)ნ უ(ფალ)ი ჻

ႠႩ(ურთხევდითს)Ⴀ Ⴚ(ე)ცხლი იგი ჻

Ⴋ(ა)ცხ(ოვა)რმ(ა)ნ ქ(რისტემა)ნ • რ(ომელ)ი იგი შ(ე)ნგ(ა)ნ იშვა • გყო შ(ე)ნ ზღუდედ რ(ომელ)ნიცა • მოჲვლტიან • და იჴსნი ყ(ოველ)თაგ(ა)ნ გ(ა)ნს(ა)ცდელთა • ამისთჳსცა • აღგ(ა)მ(ა)ღლებთ შ(ე)ნ ჻

Ⴋოქ(ა)ლ(ა)ქობისაგ(ა)ნ • ს(ა)ღ(მრ)თოჲსა დავეცი ქ(ალ)წ(უ)ლო • ღ(მრ)თისმშობ(ე)ლო და მონა ვიქმენ ც(ო)დვისა • და გ(ა)ნვვარდი აზნაურებისაგ(ა)ნ ქ(რისტე)ს მ(იე)რისა • ა(რამე)დ აწ: შ(ე)ნდა მოვივლტი ნუ გ(ა)ნმაგდებ მე ჻

Ⴀღამ(ა)ღლე წ(მიდა)ო • დ(ედო)ფ(ა)ლო ვედრებ(ა)ჲ ჩ(ემ)ი • შ(ე)ნგ(ა)ნ შობილისა ქ(რისტე)ს ღ(მრთ)ისა მ(იმა)რთ • რ(აჲთ)ა მიჴსნნეს • ს(აუ)კ(უ)ნეთა მ(ა)თგ(ა)ნ მწარეთა ს(ა)ტ(ა)ნჯველთა • და მომმადლოს აურ(ა)ცხელი დიდი წყ(ა)ლ(ო)ბ(ა)ჲ ჻

Ⴃედ(ო)ფ(ა)ლო წ(მიდა)ო • მოჰფინე ჩ(ე)მ ზ(ედ)ა ნ(ა)თელი • და მიჴსენ ბნელისა მისგ(ა)ნ ც(ო)დვ(ა)თ(ა)ჲსა • და შეცვალენ • ჩ(ე)მთა მ(ა)თ ვნებ(ა)თა ღელვ(ა)ნი მყუდროებად • და ღირს მყ(ა)ვ მე წყ(ა)ლ(ო)ბ(ა)სა ძისა შ(ე)ნის(ა)სა ჻

Ⴀ(დიდე)Ⴁ(დითს)Ⴀ ჻

Ⴑიტყ(უა)ჲ ღ(მრთისა)ჲ ჻

Ⴊმობიერად გ(ე)ვედრებით • რ(ომელმა)ნ გჳშ(ე)ვ ჩ(უე)ნ ჭ(ე)შ(მარი)ტი იგი ღ(მერ)თი • შენდობ(ა)ჲ ც(ო)დვ(ა)თ(ა)ჲ მისგ(ა)ნ • გჳთხოვე, Ⴥ, დედ(ო)ფ(ა)ლო • და ს(აუ)კ(უ)ნოჲსა მის უშრეტისა ც(ე)ცხლისაგ(ა)ნ გჳჴსნენ ჻

ႤჀა, ქ(ალ)წ(უ)ლო წ(მიდა)ო • აღმძუარცე ც(ო)დვ(ა)თა ჩ(ე)მთა მწიკლვნებ(ა)ჲ • და ბრწყ(ი)ნვ(ა)ლე სამოს(ე)ვლი • სიწ(მი)დისაჲ მომმადლე მე • და მ(ა)დლი შ(ე)ნი დიდი • მომეც მადიდებ(ე)ლსა შ(ე)ნსა ჻

Ⴋოეც გლ(ა)ხ(ა)კსა ს(უ)ლსა ჩ(ემს)ა • ძ(ა)ლი ს(უ)ლიერი წ(მიდა)ო ღ(მრ)თისმშობ(ე)ლო • და საჭურველი ჯ(უარსა)ჲ • რ(აჲთ)ა მძლე ვექმნე ეშმ(ა)კთა • და წყლულებ(ა)ნი იგი • ს(უ)ლისა ჩ(ე)მის(ა)ნი წყ(ა)ლობით გ(ა)ნჰკურნენ ჻

Ⴄქმენ ს(უ)ლსა ჩ(ემს)ა გოდოლ • სიმტკიცისა გუნდსა ეშმ(ა)კთ(ა)სა მაოტებელ • ღ(მრ)თ(ი)სმშ(ო)ბ(ე)ლო და ვნებ(ა)თა • ჩ(ე)მთა სიმრ(ა)ვლე გ(ა)ნდევნე • და მ(ა)დლი სიწ(მ)იდის(ა)ჲ • მომმ(ა)დლე და დიდი წყ(ა)ლ(ო)ბ(ა)ჲ:

Ⴃღე ხუთშ(ა)ბ(ა)თი წ(მიდა)თა მ(ო)ციქ(უ)ლთა

Ⴋ(არა)დით თქ(უე)ნ ჻

Ⴑ(ა)ღ(მრ)თ(ო)ჲთა მით ნ(ა)თლითა • გ(ა)ნ(ა)თლებ(უ)ლთა ჴ(ელს)ა მ(ა)ღლად ჰქ(ა)დაგეთ ქ(რისტ)ე ღირსნო • ძე მხ(ო)ლ(ო)დ შობილი დაუს(ა)ბამოჲსა მ(ა)მის(ა)ჲ • რ(ომელმა)ნ შეიმოსა ბ(უ)ნებ(ა)ჲ კ(ა)ცობრივი • და გ(ა)მოგირჩივნა თქ(უე)ნ მ(ო)ციქ(უ)ლად თ(ჳ)სად • ამ(ი)ს თ(ა)ყ(უა)ნის ვსცემდეთ ჻

Ⴑიტყ(ჳ)თა თქ(უე)ნთა ძ(ე)ლი • და ღ(მრ)თის მეტყუჱლი ჴ(მა)ჲ ს(ო)ფ(ე)ლსა შ(ინ)ა • ს(ა)ხედ ქუხილისაგ(ა)ნ • ჴდა მ(ო)ციქ(უ)ლნო • და გ(ა)ნიცნეს ეშმ(ა)კთა სიმრ(ა)ვლენი • და შემოკრიბნეს მ(ა)თ წ(ა)რმ(ა)რთნი მონებ(ა)დ ღ(მრთ)ისა • ამ(ა)ს თ(ა)ყ(უა)ნისცეს ჻

Ⴑიბრძნენი წ(ა)რმვალნი • ს(ო)ფლისა მის ბრძენთანი იძლივნეს რ(ა)ჟ(ამ)ს იგი • ჰქადაგეთ სიბრძნე ძისა ღ(მრთისა)ჲ მხ(ო)ლ(ო)დ შობილი •

და აღავსენით კ(ა)ცნი ცნობისაგ(ა)ნ ს(ა)ღ(მრ)თოჲსა • და ასწ(ა)ვეთ მ(ა)თ მონებ(ა)ჲ ს(ა)მ(ე)ბის(ა)ჲ • და მ(ა)ს თ(ა)ყ(უა)ნისცემ(ე)ნ ჻

Ⴑ(ა)ცთურისა სიბნელე • გ(ა)ნქ(ა)რვეთ ნ(ა)თ(ე)ლითა თქ(უე)ნითა მ(ო)ციქ(უ)ლნო • და შეწყდომილნი მ(ა)ს შ(ინ)ა გამოიყვ(ა)ნენით • მეცა შეცთუმილი ც(ო)დვისა ნისლსა შ(ინ)ა • ღირს მყ(ა)ვთ ნ(ა)თ(ე)ლისა ჭ(ეშმარი)ტისა ხილვად • რ(აჲთ)ა გიგ(ა)ლობდე თქ(უე)ნ ჻

Ⴕერ(ო)ბინ ჻

Ⴕერობენთა ზ(ედ)ა მჯდომ(ა)რე • მ(ა)მისა თ(ან)ა მოს(ა)ყდრე ძე უჟამოჲ • ქ(ალ)წ(უ)ლისაგ(ა)ნ გ(ა)ნჴ(ო)რციელებ(უ)ლი • უქ(ა)დაგეთ თქ(უე)ნ ყ(ოველ)თა • მორწმ(უ)ნეთა ღირსნო მ(ო)ც(ი)ქ(უ)ლნო • და აღმოჲყვ(ა)ნენით კ(ა)ცნი • მ(ა)რთ(ა)ლსა ს(ა)რწმ(უ)ნ(ო)ებასა ჻

Ⴋზე იგი გ(ა)ნმ(ა)ნ(ა)თლებ(ე)ლი • ცხ(ო)რ(ე)ბ(ა)დ მორწმ(უ)ნეთა გ(ა)მობრწყ(ი)ნვებ(უ)ლი • თქ(უე)ნ მ(იე)რ გ(ა)ნეფინა მ(ო)ც(ი)ქ(უ)ლნო კიდეთა ს(ო)ფლის(ა)თა და გ(ა)ნათლდეს ს(უ)ლნი დაბადებ(უ)ლთანი • ნ(ა)თ(ე)ლითა ს(ა)მ(ე)ბის(ა)ჲთა • და მ(არა)დის ადიდ(ე)ბნ ჻

Ⴕ(რისტე) დგად ჭ(ეშმარი)ტ(ე)ბისა • და მოძღ(უა)რად მ(ა)რთლისა ს(ა)რწმ(უ)ნ(ო)ებისა • ქ(რისტემა)ნ გამოგაჩინნა ღირსნო • წ(მიდა)ნო მ(ო)ც(ი)ქ(უ)ლნო • და თქ(უე)ნ მ(იე)რ აღყუავილა ეკლესიაჲ • რ(ომ)ლისა მ(იე)რ ჰპოებენ • ც(ო)დვ(ი)ლნი შენდობ(ა)სა ჻

Ⴁრწყ(ი)ნვ(ა)ლებაო მ(ა)მის(ა)ო • ქ(რისტ)ე გ(ა)ნმ(ა)ნ(ა)თლებ(ე)ლო ს(ო)ფლისაო • ს(უ)ლი ჩ(ემ)ი ც(ო)დვ(ა)თა დანთქმული • გ(ა)ნმინ(ა)თლე ოხითა • და ვედრებითა მ(ო)ც(ი)ქ(უ)ლთა შ(ე)ნთაჲთა • რ(აჲთ)ა გადიდებდე თქ(უე)ნ • მჴსნელსა ს(უ)ლთა ჩ(უე)ნთასა ჻

Ⴑტიქ(ა)რონი

Ⴘ(ე)ნ უ(ფალ)ო ძ(ა)ლთაო Ⴐ(ომელმა)ნ გჳშ(ე)ვ ღ(მერთ)ი • ზესთა ცნობ(ა)თ(ა)ჲსა • უაღრეს ცნობისა და სიტყჳ(ა)სა • მ(ა)ს ევედრე ქ(ალ)წ(უ)ლო ლმობიერებით • მონიჭებ(ა)დ ჩ(უე)ნდა ბრ(ა)ლთა შენდობ(ა)ჲ • და მოცემად ცხ(ო)რებ(ა)ჲ ს(აუ)კ(უ)ნოჲ ჻

Ⴖ(მრ)თისმშ(ო)ბ(ე)ლო ქ(ალ)წ(უ)ლო • რ(ომელ)ნი პ(ა)ტ(ი)ვ სცემენ • ხატსა შ(ე)ნსა და თ(ა)ყ(უა)ნისცემენ • სურვილით გ(ა)ნარინენ • ნიავ ქ(ა)რთაგ(ა)ნ • და ყ(ოველ)თა ბრძოლთა მტ(ე)რის(ა)თა • დაჲცვენ მ(ა)თგ(ა)ნ მოჲუწყლვ(ე)ლ(ა)დ ჻

Ⴖრჭენისაგ(ა)ნ კბილთ(ა)ჲსა • ც(ე)ცხლისა უშრეტისა • და ბნელისა გ(ა)რესკნელისა • და მ(ა)ტლისა მისგ(ა)ნ წამლიანისა • გჳჴსნ(ე)ნ გ(ე)ვ(ე)დრებით მოს(ა)ვნი შ(ე)ნნი ჻

Ⴜ(ა)რდგ(ო)მ(ა)ჲ ჻

Ⴇჳთი ჻

Ⴗ(ოველ)ი ქ(უე)ყ(ა)ნ(ა)ჲ მორწყეს სიტყჳთა • და ს(ა)ღ(მრ)თ(ო)ჲთა ენითა მ(ო)ც(ი)ქ(უ)ლთა • და აღმოუცენეს თ(ა)ვ წ(ა)რსხმული ს(ა)რწმ(უ)ნ(ო)ების(ა)ჲ • და აღავსნეს კიდენი ქ(უე)ყ(ა)ნის(ა)ნი • და ღუარძლი ურწმ(უ)ნ(ო)ების(ა)ჲ გ(ა)ნფხორეს • და ყ(ოველ)თა ქ(რისტე)ს ღ(მრ)თისა წ(ა)რუძღუჱს • და ნ(ა)თელ სცემდეს მ(ა)თ • ს(ა)მებისა მ(იმა)რთ დაუსაბამოჲსა ჻

Ⴋ(არა)დით შ(ე)ნი უგ(ა)ლ(ო)ბდეთ მ(ო)ციქ(უ)ლთა • ვ(ითარც)ა მენავეთ მოძღ(უა)რთა რ(აჲ)თა კერპთა ს(ა)ცთური გ(ა)ნიოტეს • და ნ(ა)თ(ე)ლად ცხ(ო)რებისად აღმოგჳყვანნეს • და ს(ა)მებისა დ(იდე)ბ(ა)ჲ გუასწავეს • ამისთ(ჳ)ს ყ(ოველ)ნი მორწმ(უ)ნ(ე)ნი • ს(ა)ჴსნებ(ე)ლსა მ(ა)თსა დ(იდე)ბ(უ)ლსა • ს(ა)რწმ(უ)ნ(ო)ებით აღვასრულებდეთ • და მ(ა)ცხ(ო)ვ(ა)რსა ვ(ა)დიდ(ე)ბდეთ ჻

Ⴑ(ა)ქმითა მ(ა)რთლმადიდ(ე)ბლობის(ა)ჲთა • გ(ა)ნჰბრწყ(ი)ნდით მ(ო)ციქ(უ)ლნო • ყ(ოველ)ი ურწმ(უ)ნ(ო)ებ(ა)ჲ დაშრიტეთ • მძლედ დაძლევა შემოსილად გ(ა)მოსჩნდით • ღ(მრ)თისა მს(ა)ხურებითა ყ(ოველ)ნი გ(ა)ნამდიდრენით • ეკლესიანი დიდად შეამკვენით • და ღირსად ჰპოვეთ ს(ა)სყ(ი)დელი შრომ(ა)თა თქ(უე)ნთ(ა)ჲ • ქ(რისტეს)ა ღ(მერთს)ა ევ(ე)დრენით • მონიჭებ(ა)დ ჩ(უე)ნდა დიდი წყ(ა)ლ[ობაჲ] ჻

Ⴓგ(ა)ლობდითსა

Ⴐ(ომელმა)ნ წამის ყ(ოფითა) ჻

Ⴂკლესიისა სუჱტთა • და ს(ა)ფუძველთა • ს(ა)რწმ(უ)ნ(ო)ების(ა)თა და მტკიცებ(უ)ლთა • და ყ(ოველ)თა მ(ო)რწმ(უ)ნეთა გ(ა)ნმამტკიცებ(ე)ლთა • დ(იდე)ბ(უ)ლთა მ(ო)ციქ(უ)ლთა მ(ა)დლ(ო)ბით უგ(ა)ლ(ო)ბდეთ • რ(აჲთ)ა გ(უა)ცხ(ო)ვნნეს ღ(მერთმა)ნ • მ(ეო)ხ(ე)ბითა მ(ა)თითა ჻

Ⴋ(ა)რთლმადიდებლობისა • სუჱტნო მტკიცენო • შებრკუ(ო)ლებ(უ)ლი ესე მტერისაგ(ა)ნ • და ქ(უე)ყნ(ა)დ დაკუჱთებ(უ)ლი • და მომკუდარი • და სასო წ(ა)რკუჱთილი აღმადგინე რ(აჲთ)ა ვპოო • შეც(ო)დებ(ა)თა ჩ(ე)მთა • შენდ(ო)ბ(ა)ჲ, Ⴥ, მ(ო)ციქ(უ)ლნო ჻

Ⴎ(ირვე)ლ ს(ა)სჯელისა მ(ი)ს • Ⴥ, მ(ა)რთ(ა)ლ მს(ა)ჯულო • უძღები ესე დავსჯი თ(ა)ვსა ჩ(ემის)ა • რ(ამეთუ) ურ(ი)ცხუთა ც(ო)დვ(ა)თა თ(ან)ა მდებ ვარ • მ(ა)ცხ(ო)ვნე ვედრებითა მ(ო)ც(ი)ქ(უ)ლთა შ(ე)ნთაჲთა • სასო წ(ა)რკუჱთილი ესე • რ(აჲთ)ა გიგ(ა)ლ(ო)ბდე შ(ე)ნ ჻

Ⴜ(მიდა)თა მ(ო)ც(ი)ქ(უ)ლთა • და მ(ო)წამეთა • და წ(ინაჲს)წ(არმეტ)ყ(უე)ლთა და მ(ა)რთ(ა)ლთა თ(ან)ა • შ(ე)ნგ(ა)ნ შობილსა ევედრე ქ(ალ)წ(უ)ლო • რ(აჲთ)ა მოაკუდინნეს ვნებ(ა)ნი ჴ(ო)რცთა ჩ(ე)მთ(ა)ნი • და მოგუანიჭოს ჩ(უე)ნ • ცხ(ო)რებ(ა)ჲ დაუსრ(უ)ლებ(ე)ლი ჻

Ⴂ(ან)Ⴛ(ლიერდას)Ⴀ ჻

Ⴐ(ომელმა)ნ სიტყჳთა ჻

Ⴐ(ომე)ლთა ეგე • ს(ა)ღ(მრ)თ(ო)ჲთა მოძღრებითა • გ(ა)ნაშუჱნეთ ს(ო)ფ(ე)ლი • ს(ა)ღ(მრ)თ(ო)თა ს(ა)ქმეთა მ(იე)რ ს(უ)ლი ჩ(ემ)ი აღავსეთ • გ(უ)ლის სიტყჳთა კ(ე)თ(ი)ლით მ(ო)ც(ი)ქ(უ)ლნო ჻

Ⴁევრეულთაგ(ა)ნ • ს(ა)ცთ(უ)რთა მტრის(ა)თა • და ჭირთა და ურვ(ა)თა • და ყ(ოველ)თა გ(ა)ნსაცდელთა • მიჴსენით მ(ო)ციქ(უ)ლნო • ქ(რისტე)ს ღ(მრ)თის(ა)ნო • მადიდებ(ე)ლი თქ(უე)ნი ჻

Ⴅაჲმე ც(ო)დვ(ი)ლო • ს(უ)ლო ჩ(ე)მო გლ(ა)ხ(ა)კო • რ(ამეთუ) გ(ა)ნარისხებ ღ(მერთს)ა მ(არა)დის ც(ო)დვ(ა)თა • და ვ(ითა)რმე შეგინდოს ღ(მერთმა)ნ თჳნიერ • ბრ(ა)ლთა დაცადებისა ჻

Ⴉ(ი)ბე რ(ომე)ლი იხილთა ი(ა)კ(ო)ბმ(ა)ნ, • რ(ომლ)ითა გ(ა)რდამოჴდა • ღ(მერთ)ი შ(ე)ნ ხ(ა)რ ღ(მრ)თისმშობ(ე)ლო • მ(ა)ს ევ(ე)დრე ჴსნად ჩ(უე)ნდა • და შეწყ(ა)ლ(ე)ბ(ა)დ მ(ო)ც(ი)ქ(უ)ლთა თ(ან)ა დღეს ჻

Ⴋ(ე)Ⴑ(მას)Ⴀ: Ⴠყავ სიყ(უა)რ[ული] ჻

Ⴋსგ(ა)ვსად ელვ(ა)თა • და შარავანდედთ(ა)ჲსა გ(ა)ნფინენ • ს(ო)ფლისა სავსებ(ა)სა შ(ინ)ა • მ(ო)ციქ(უ)ლნი შ(ე)ნნი ქ(რისტ)ე ღ(მერთ)ო • და უმეცრებისა ბნელი გ(ა)ნსდევნე • და ქ(უე)ყ(ა)ნ(ა)ჲ ბრწყ(ი)ნვალედ გ(ა)ნ(ა)ნ(ა)თლე ჻

Ⴆღუანი უფსკრ(უ)ლნი • ბორ(ო)ტთა ჩ(ე)მთ(ა)ნი დამნთქმენ მე • და უჯეროთა გ(უ)ლის თქმ(ა)თა • ღელვანი შეაშფოთებენ ს(უ)ლსა ჩ(ემს)ა • მ(ო)წ(ა)ფეთა შ(ე)ნთა მ(ეო)ხ(ე)ბითა • მიჴსენ ს(ა)ხ(იე)რ და გ(ა)ნმარინე ჻

Ⴅძრწი და მეშინის • მეორედ მოსლვისა შ(ე)ნისაგ(ა)ნ • სჳნდისი ჩ(ემ)ი მგუჱმს და შემასმენს • პ(ირვე)ლ ს(ა)სჯელისა მის • და დასჯის ულმობელობ(ა)სა ჩ(ემს)ა • ლმობიერ მყ(ა)ვ ქ(რისტ)ე მ(ეუ)ფ(ე)ო ჻

Ⴖ(მრ)თისა სიტყ(უა)ო • რ(ომელ)ი იშ(ე)ვ ქ(ალ)წ(უ)ლისა-

გ(ა)ნ მისითა შუამდგომლობითა • და ბრძენთა მ(ო)ციქ(უ)ლთა შ(ე)ნთა ოხითა • ყ(ოველ)თა ჭირთა და გ(ა)ნს(ა)ცდელთაგ(ა)ნ • გ(ე)ვ(ე)დრებით იჴსნენ ს(უ)ლნი ჩ(უე)ნი ჻

Ⴖ(ამით)Ⴂ(ანს)Ⴀ ჻

Ⴘ(ე)ნდა აღვიმსთ[...] ჻

Ⴐ(ა)ჟ(ამ)ს გ(ა)ნჰკ(ა)ცენ • ადამიანთათ(ჳ)ს ქ(რისტ)ე • ცად მეტყუჱლად გამოაჩინენ მ(ო)ციქ(უ)ლნი შ(ე)ნნი • დ(იდე)ბისა შ(ე)ნისა ს(ა)ღ(მრ)თ(ო)ჲსა მ(ა)თ მ(იე)რ შეგჳ(ი)წყ(ა)ლ(ე)ნ ჩ(უე)ნ ჻

Ⴋ(ეო)ხებითა • მ(ო)ციქ(უ)ლთ(ა)ჲთა ს(ა)ხ(იე)რ • ყ(ოველ)თა ჭირთა ძჳრთა და ურვ(ა)თაგ(ა)ნ • და ყ(ოველ)თა • ს(ა)ცთ(უ)რთაგ(ა)ნ იჴსნენ • სამწყსონი და მონანი შ(ე)ნნი ჻

Ⴥ, უბადრუკო • ს(უ)ლო და უნ(ა)ყოფოო • ვ(ითა)რ წ(ა)რმოუდგე ს(ა)შ(ი)ნელსა მს(ა)ჯულსა • შეინანე • და ს(ა)თნ(ო)ებ(ა)თა • ნ(ა)ყ(ო)ფნი გამოჲხუჱნ შ(ე)ნ ჻

Ⴐ(ომელ)ი იგი გამოუთქმელად გ(ა)ნკ(ა)ცნა უბიწოთა სისხლთა შ(ე)ნთაგ(ა)ნ ქ(ალ)წ(უ)ლო • მ(ა)ს ევედრე • და ითხოვე ჩ(უე)ნთ(ჳ)ს ლხინებ(ა)ჲ ვ(ითარც)ა ძისაგ(ა)ნ ჻

Ⴖ(აღად)Ⴗ(ავს)Ⴀ: Ⴑიღრმეთა ჻

Ⴓფსკრულ • სიბრძრნისა ს(უ)ლიერსა • ყვნა ქ(რისტემა)ნ კრებულნი • წ(მიდა)თა მ(ო)ციქ(უ)ლთ(ა)ნი • და ს(ო)ფლისა სიბრძნეთა • ჴ(ე)ვნი უფსკრულნი გ(ა)ნაჴმნა • და მ(ო)რწმ(უ)ნეთა • კრებ(უ)ლნი მორწყნა • და აღყუავილნა ჻

Ⴑ(უ)ლთ ითქუემდ ს(უ)ლო და ცრემლოდე • და ჴმობდი უ(ფლ)ისა მიმ(ა)რთ • შეგცოდე შ(ე)ნ მ(ეუ)ფ(ე)ო • მ(ო)წყ(ა)ლეო მ(ი)ლხინე • ბრძენთა მ(ო)ც(ი)ქ(უ)ლთა შ(ე)ნთა • მ(ეო)ხ(ე)ბითა • და ნუ დამსჯი მე • საწყ(ა)ლობ(ე)ლსა ჻

ႤႩუჱთნეს • ვნებ(ა)თა მდინარენი • და გ(უ)ლისა ჩ(ე)მისა ს(ა)ხლი დასცეს • ა(რამე)დ თქ(უე)ნ • მ(ო)ციქ(უ)ლნო ქ(რისტე)სნო • გ(ა)ნმახლეთ შემუსრვილი • და ცხ(ო)რებისა • მ(იმა)რთ ს(ა)ღ(მრ)თ(ო)ჲსა • წ(ა)რმ(ი)ძ(ე)ღჳთ მე ჻

Ⴉრებ(უ)ლი • მ(ო)ციქ(უ)ლთაჲ უ(ფალ)ო • გ(ე)ვ(ე)დრების მჴურვალედ • დედისა შ(ე)ნისა თ(ან)ა • ლხინებისა მოფენად • მონ(ა)თა შ(ე)ნთა ზ(ედ)ა • მ(ო)წყ(ა)ლე გუჱქმენ • კ(აც)თა მ(ო)ყ(უა)რეო • და გ(უა)ცხ(ო)ვნ(ე)ნ ჩ(უე)ნ ჻

Ⴉ(ურთ)Ⴞ(ეულარს)Ⴀ Ⴖ(მრ)თ(ი)სა სიტყ(ჳ)სა ჻

Ⴌ(ა)თელმ(ა)ნ ს(ო)ფლისამ(ა)ნ ჩ(უე)ნ • წ(ა)რგ(ა)ვლინნა ქ(რისტე)მან ქ(ა)დ(ა)გად •

ნ(ა)თლი[თა] შემოსილნო წ(მიდა)ნო მ(ო)ც(ი)ქ(უ)ლნო • და ბნელი ს(ა)ცთ(უ)რისაჲ • თქ(უე)ნ მ(იე)რ გ(ა)ნაქ(ა)რვა • და გ(ა)ნ(ა)ნ(ა)თლნა ბრწყ(ი)ნვ(ა)ლედ გ(უ)ლნი მ(ო)რწმ(უ)ნეთანი ჻

Ⴙ(უე)ნთ(ჳ)ს გ(ა)ნმზადებ(უ)ლნი საფერჴენი • მჴდომის(ა)ნი შეჰმუსრენით თქ(უე)ნ • ღ(მრ)თის მეტყუელნო მ(ო)ციქ(უ)ლნო • და ალაგნი სინ(ა)ნ(უ)ლის(ა)ნი ჩ(უე)ნ • კ(ე)თილ(ა)დ გ(ა)ნგჳგენით • რ(ომელ)ნი ესე მოვივლტით • და თქ(უე)ნ გ(ე)ვ(ე)დრებით ჻

Ⴃაყროლებ(უ)ლი ს(უ)ლი ჩ(ემ)ი • ჴ(ო)რციელთა ვნებ(ა)თაგ(ა)ნ • ვ(ითარც)ა ს(ა)ღ(მრ)თ(ო)ჲთა მ(ა)რილითა შეანელეთ • წ(მიდა)ნო მ(ო)ციქ(უ)ლნო • ს(ა)თნ(ო)ებ(ა)თა მ(იე)რ • და სიმპალე მისი • მ(ა)დლ(ი)თა ს(უ)ლნელებითა აღავსეთ ჻

Ⴘუჱნიერებაო ს(ა)ღ(მრ)თოო • ყ(ოველ)თა ნ(ა)თეს(ა)ვთაო • კ(ე)თილთა ს(ა)ქმეთა მ(იე)რ გ(ა)ნმაშუჱნე მე • და მ(ო)ციქ(უ)ლთა თ(ან)ა • ევედრე ძესა შ(ე)ნსა • რ(ომელ)ი გ(ა)ნკ(ა)ცნა უბიწოთა სისხლთა შ(ე)ნთაგ(ა)ნ ჻

ႠႩ(ურთხევდითს)Ⴀ Ⴋონებ(ა)დ ღ(მრთ)ისა Ⴋტ(ე)რისა მ(იე)რ ბორ(ო)ტისა • მოვიწყალ ლახურითა ვნებ(ა)თაჲთა და გ(ა)ნვიგურიმე • ულმობ(ე)ლობითა გ(უ)ლის(ა)ჲთა მ(ო)ციქ(უ)ლნო წ(მიდა)ნო • გ(ა)ნმკურნეთ მე • უჩინოჲ და სასოწ(ა)რკუჱთილი • რ(ამეთუ) თქ(უე)ნ ხ(ა)რთ ს(უ)ლთა და ჴ(ო)რცთა მკურნ(ა)ლნი ჻

Ⴕ(ა)დ(ა)გთა წ(მიდა)თა ქ(ა)დ(ა)გებ(ა)ჲ • გ(ა)ნეფინა ყ(ოველს)ა ქ(უე)ყ(ა)ნ(ა)სა რ(ომლ)ითა • ასწავეს ერთა ს(ა)კჳრველად • ს(ა)მებ(ა)ჲ ერთ არსებ(ა)ჲ • ერთბამად • და ერთ უფლებ(ა)დ და ერთ მთ(ა)ვრობ(ა)დ • უკ(უნი)თი უკ(უნისამდ)ე და მერმეცა ჻

Ⴔ(რია)დ შეცოდებ(უ)ლი ესე • და ს(უ)ლგრძელებისა ს(ა)ღ(მრ)თ(ო)ჲსა დამამტკიცებელი • ბრ(ა)ლთავე შ(ინ)ა და დგრომითა • მომაქციე ს(ა)ხ(იე)რ რ(ომელმა)ნ • უწყი დიდი ესე მედგრობ(ა)ჲ ჩ(ემ)ი • და ბორ(ო)ტთა ს(ა)ქმეთ ს(ი)ყ(უა)რული ჻

Ⴋ(ა)რწუხო ს(ა)ღ(მრ)თო რ(ომელ)ნ(ი)ცა • ც(ე)ცხლი ღ(მრ)თების(ა)ჲ გამოუთქმელ(ა)დ შეიწყნარე • ვნებ(ა)თა ჩ(ე)მთა მოტყინარენი • ნაკუერცხ(ა)ლნი დაშრიტენ •

ვედრებ(ი)თა შ(ე)ნთა ცუართა უბიწო • და წ(ი)ლ მ(ო)ციქ(უ)ლთა ოხ(ი)თა ჻

Ⴀ(დიდე)Ⴁ(დითს)Ⴀ Ⴜერ(ი)ლთა მ(იე)რ ჻

Ⴐ(ომელმა)ნ მ(ო)ციქ(უ)ლთა შ(ე)ნთა • სიტყჳთა დაამტკიცე ს(ო)ფელი • მ(ა)თითა მ(ეო)ხებითა სიტყჳაო დაუსაბ(ა)მოო • ვნებ(ა)თაგ(ა)ნ პირუტყუჱბრთა • ძლ(იე)რად დაცემული • და მოკიცხული და ტყუე ქმნილი • მიჴსენ და წყ(ა)ლ(ო)ბით აღმადგინე ჻

Ⴃამონებულო ვნებ(ა)თაო • და გ(ა)ნფრდილო მ(ა)თ შ(ინ)ა ს(უ)ლო ჩ(ე)მო • შ(ე)ნთ(ჳ)ს ვნებულისა შეწირე ვედრ(ე)ბ(ა)ჲ რ(აჲთ)ა გ(ა)ნგუან(ა)თლნეს • მ(ო)ციქ(უ)ლთა ვედრებითა • რ(ომელ)ნიცა ებაძვნეს • ვნებ(ა)თა მ(ა)თ რ(ომე)ლ თ(ა)ვს ისხნა • ჴ(ო)რცითა კ(ა)ცთა ცხ(ო)რებისათ(ჳ)ს ჻

Ⴐ(ა)ჟ(ამ)ს იგი დასხდეთ გ(ა)ნკ(ი)თხვად • ქ(რისტე)ს თ(ან)ა ქ(რისტე)ს მ(ო)წ(ა)ფ(ე)ნო • და სჯისა თ(ან)ამდებსა ნუ დასჯი ს(უ)ლსა ჩ(ემს)ა • რ(ომელ)ი • შევიბღალე მწარედ ც(ო)დვითა ვ(ითარც)ა ს(ა)ხიერნი • შემწენი და მჴსნელნი ჩ(ე)მნი • და ს(ო)ფლისა ჴ(ე)ლისამპყრ(ო)ბ(ე)ლნი ჻

Ⴕ(ალ)წ(უ)ლო წ(მიდა)ო ქ(ალ)წ(უ)ლო • უბიწო ქ(რისტე)ს პ(ა)ლატო • ქ(ალ)წ(უ)ლო ყ(ოვლა)დ უბიწოო • წ(მიდა)თა უწმიდეს(ი)სა ღ(მერთს)ა • რ(ომელ)ი იგი ჰშევ ჴ(ო)რცითა • უაღრეს ბოუნებ(ა)თა • ევედრე მ(ო)ციქ(უ)ლთა თ(ან)ა • ჴსნისათ(ჳ)ს ყ(ოვ)ლისა ს(ო)ფლისა ჻

Ⴃღე პ(ა)რასკევი პ(ა)ტ(იო)სნისა ჯ(უარ)ის(ა)ჲ

Ⴋ(ოვე)დით თქ(უე)ნ წ[...] ჻

Ⴋ(ოვე)დით ტჳრთმძიმენო • და შეურდეთ ც(ო)დვ(ა)თა ჩ(უე)ნთა წყლულებისა მკურნ(ა)ლსა • რ(ამეთუ) ესე არს კრავი ღ(მრთისა)ჲ ჩ(უე)ნთ(ჳ)ს მოსრული ნეფსით • და მიცემული და კ(უა)ლად • რ(ომელმა)ნ სიკ(უ)დილი დათრგუნა და მორწმ(უ)ნეთა • მოანიჭა აღდგ(ო)მ(ა)ჲ ჻

Ⴓ(ფალ)ო რ(ომელმა)ნ მოჰკალ სიკ(უ)დილითა • შ(ე)ნითა მტ(ე)რი ჩ(უე)ნ მზ(ა)კვარ • ს(ა)ცთ(უ)რისა მისისაგ(ა)ნ მიჴსენ მონაჲ შ(ე)ნი • და ვნებ(ა)თაგ(ა)ნ წ(მ)იდა მყ(ა)ვ • რ(ომელ)ი უვნებელ ხ(ა)რ ღ(მრ)თეებითა და ღირს მყ(ა)ვ • აღსრულებ(ა)დ წ(მიდა)თა • მცნებ(ა)თა შ(ე)ნთა ქ(რისტ)ე ჻

Ⴂ(ა)Ⴌგურემულ ვარ ისრი-

თა • გ(უ)ლის თქ(უ)მ(ა)თაჲთა • და მომკდ(ა)რ ვ(ა)რ ვნებითა • გ(ე)ვედრები აღმადგინე ქ(რისტ)ე მ(ეუ)ფ(ე)ო • რ(ომელმა)ნ ნეფსით თ(ჳ)სით ჯ(უა)რცმაჲ და ითმინე • და ლახურითა გ(ა)ნ(ი)გურიმე • და ზიარ მყვენ ვნებ(ა)თა • შ(ე)ნთა ცხ(ო)ვ(ე)ლს მყოფელთა ჻

Ⴛ(ა)ლითა ჯ(უარსა)ჲთა • ქ(რისტ)ე ღ(მერთ)ო გ(ა)ნ(ა)ნ(ა)თლენ ს(უ)ლნი ჩ(უე)ნნი • და ღირს მყვენ თ(ა)ყ(უა)ნისცემად მისსა ს(ა)ხ(იე)რ • რ(ომელ)ი ნეფსით თ(ჳ)სით და ითმინე ჩ(უე)ნთ(ჳ)ს • და გ(ა)ნგუწმიდენ ჩ(უე)ნ ც(ო)დვ(ა)თაგ(ა)ნ • და მომეც შ(ე)ნი ს(ა)ს(უ)ფ(ე)ველი ჻

Ⴋ(ოვე)დით მ(ო)რწმ(უ)ნენო • და ძელსა ცხ(ო)რების მომცემელსა თ(ა)ყ(უა)ნის ვსცემდეთ • და მ(ა)ს ზ(ედ)ა დამსჭუალულსა ქ(რისტეს)ა შეუვრდეთ • რ(აჲთ)ა მიჴსნნეს მტ(ე)რთაგ(ა)ნ • ჯ(უარ)ითა თ(ჳ)სითა და მოგუმ(ა)დლოს შენდობ(ა)ჲ • ც(ო)დვ(ა)თა ჩ(უე)ნთა მრ(ა)ვ(ა)ლთაჲ • და მ(ა)ს თ(ა)ყ(უა)ნის ვსცემდეთ ჻

Ⴘობ(ა)ჲ შ(ე)ნი ქ(ალ)წ(უ)ლო • შესაძრწუნვებ(ე)ლ არს რ(ამეთუ) შ(ე)ნგ(ა)ნ ღ(მერთ)ი • გ(ა)ნკ(ა)ცებ(უ)ლი გ(ა)მოჩნდა • დაუსაბამოჲსა მ(ა)მისაგ(ა)ნ • შობილი და შ(ე)ნგ(ა)ნ გ(ა)ნკ(ა)ცებითა • უკუ(ა)ნაჲსკნელ იშვა უთესლოდ • ამისთ(ჳ)სცა გნატრ(ი)თ შ(ე)ნ ჻

Ⴕერობინ ჻

Ⴟ(უარს)ა ზ(ედ)ა აჰმ(ა)ღლდი რ(ა)ჲ • შ(ე)ნ ქ(რისტ)ე ღ(მერთ)ო შ(ორი)ს ორთა ავაზ(ა)კთა • საწერტელი სიკ(უ)დილის(ა)ჲ შეჰმუსრე • დასაბ(ა)მითგ(ა)ნ მოშურნე • მტერი ჩ(უე)ნი გ(ა)ნაქიქე შ(ე)ნ • ამისთ(ჳ)ს თ(ა)ყ(უა)ნის ვსცემთ ჯ(უა)რცმ(ა)სა შ(ე)ნსა ქ(რისტ)ე ღ(მერთ)ო ჻

Ⴆ(ე)ცით მოსრული სიტყ(უა)ჲ მ(ა)მის(ა)ჲ • ქ(ალ)წ(უ)ლისაგ(ა)ნ უთესლოდ მუცლად ღებული • ჰური(ა)თა ჯ(უა)რს აცუჱს ჴ(ო)რცითა • უსჯ(უ)ლ(ო)თა ძჳრის მ(ო)ქმედთა • ხ(ოლო) მ(ა)ნ იჴსნა ბნელით ადამი • და წ(ა)რმოტყუჱნა სიკ(უ)დილი • და გ(უა)ცხ(ო)ვნ(ე)ნა ჩ(უე)ნ მ(ო)წყ(ა)ლებით ჻

Ⴑტიქარონი ჻

Ⴅ(ითარც)ა იგი პ(ირვე)ლ(ა)დვე ჻

Ⴃედად ღ(მრ)თისა იქმენ ჯეროვნ(ა)დ • მხ(ო)ლო ყ(ოვლა)დ ს(ა)გ(ა)ლობელო უბიწო • რ(ამეთუ) ს(ა)თნ(ო)ებ(ა)თა • სამკაული პირ(ა)დ-პირადი შეჰმოსე ს(უ)ლსა შ(ე)ნსა • და გ(ა)ნშუჱნებ(უ)ლ იქმენ • უზეშთაეს ყ(ოველ)თა დაბადებ(უ)ლთა • და ს(აუ)კ(უ)ნითგ(ა)ნთა ნ(ა)თეს(ა)ვთა • შ(ე)ნ

მ(იე)რ დაეგო დამბადებ(ე)ლი • და შეეზავა ბ(უ)ნებ(ა)სა კ(ა)ცთ(ა)სა • რ(ომ)ლისა თ(ჳ)სცა მ(ა)დლ(ო)ბით გ(ა)დიდ(ე)ბთ დ(ედო)ფ(ა)ლო ჻

Ⴋ(ა)ღ(ა)ლთა შ(ინ)ა ს(ა)ყდ(ა)რნი და • სერობ(ი)ნ ქერობ(ი)ნნი • ანგ(ე)ლ(ო)ზთა გუნდსა თ(ან)ა • და ქ(უე)ყ(ა)ნ(ა)სა ზ(ედ)ა კრებ(უ)ლნი • კ(ა)ცთ(ა)ნი • ღ(მრ)თივ მიმ(ა)დლებ(უ)ლო სძ(ა)ლო უსძლო • Ⴅ(ითარც)ა რ(ა)ჲ შ(ე)ნ მ(იე)რ შეერთებ(უ)ლნი უგ(ა)ლ(ო)ბენ ქ(ალ)წ(უ)ლო • და დ(იდე)ბის მეტყუჱლებ(ე)ნ ერთობით • შობისა შ(ე)ნისა საჲდუმლ(ო)თა • და ჭ(ეშმარიტა)დ ღ(მრ)თისმშობლ(ა)დ გქ(ა)დ(ა)გებ(ე)ნ • რ(ამეთუ) ღ(მერთმა)ნ • უფრ(ოჲ)ს ყ(ოველ)თა დ(იდე)ბ(უ)ლ გყო შ(ე)ნ ჻

Ⴘ(ე)ნ მ(იე)რ ყ(ოვლა)დ დ(იდე)ბ(უ)ლო • რ(ომელმა)ნ ღ(მერთმა)ნ ყ(ოველ)თა დამბადებ(ე)ლმ(ა)ნ • ჴ(ო)რცნი კ(ა)ცობრივნი შეისხნა • და შ(ე)ნგ(ა)ნ იშვა ღ(მერთ)ი და კ(ა)ცი გამოუთქმელად • Ⴥ, ყ(ოვლა)დ უბიწო • და ც(ა)თა უმაღლესო დ(ედო)ფ(ა)ლო • უზეშთაეს გყო ქერობინ ს(ე)რობინთა • ვინაჲთგ(ა)ნ დაემკჳ(ი)დრა ს(ა)შოსა შ(ე)ნსა • და ორითა ბ(უ)ნებითა გამოვიდა • და გ(ა)ნაღ(მრ)თო მ(ა)ნ • ბ(უ)ნებაჲ კ(ა)ცთ(ა)ჲ ს(ა)ხ(იე)რებით ჻

Ⴜ(ა)რდგ(ო)მ(ა)ჲ ჻

Ⴇჳთი ჻

Ⴖ(უა)წლით შემოსილთა შ(ე)ნთა • ს(ა)ჴსნებ(ე)ლი უ(ფალ)ო უფრ(ოჲ)ს გ(ა)ნაბრწყ(ი)ნვე • ვ(ითარც)ა ყ(ოვლა)დ ძლ(იე)რმ(ა)ნ • რ(ამეთუ) გ(ა)ნამჴნვენ იგინი • მიმსგ(ა)ვსებ(ა)დ ვნებ(ა)თა შ(ე)ნთა • სძლეს ახუანად მძლავრსა ბელიარს • ვინ(ა)ჲცა მი(ი)ხუნეს მ(ა)დლნი კურნებ(ა)თ(ა)ნი • მ(ა)თითა ოხითა კ(ა)ცთა მ(ო)ყ(უა)რეო • მშჳდობ(ა)ჲ მოჰმ(ა)დლე ერსა შ(ე)ნსა ჻

Ⴑიმჴნე მოთმინებისა თქ(უე)ნის(ა)ჲ • მძლე ექმნა მ(ა)ნ ქანებსა • ბორ(ო)ტთა დასაბ(ა)მისა მტრის(ა)სა • ღ(უა)წლით შემოსილნო ყ(ოვლა)დ ქებულნო • ამისთ(ჳ)სცა ს(აუ)კ(უ)ნოჲსა შუჱბისა ღირსი ქმნენით • ა(რამე)დ ევედრენით უ(ფალს)ა • რ(აჲთ)ა აცხოვნოს სამწყსოჲ • ქ(რისტე)ს მოყუ(ა)რისა ერის(ა)ჲ • ვ(ითარც)ა ხ(ა)რთ მ(ო)წ(ა)მენი ჭ(ეშმარი)ტების(ა)ნი ჻

Ⴠბრწყ(ი)ნავთ ს(ა)რწმ(უ)ნ(ო)ებით წ(მიდა)ნო • ყ(ოვლა)დ ბრწყ(ი)ნვ(ა)ლენო მნ(ა)თობნო • ღ(მრ)თის მს(ა)ხ(უ)რე-

ბის(ა)ნო • მკურნალნო მ(ო)რწმ(უ)ნეთ(ა)ნო • ღ(უა)წლით შემოსილნო ყ(ოვლა)დ ქებ(უ)ლნო • რ(ამეთუ) მძლ(ა)ვრთა ხუეტასა არაჲ შეშინდით • და კერპთა სიწბილი დააკუჱთეთ • ვინ(ა)ჲთგ(ა)ნ გქონდა ს(ა)ჭურვ(ე)ლად • ჯ(უარ)ი ყ(ოვლა)დ ძლ(იე)რი • სიმტკ(ი)ცე ჭ(ეშმარი)ტ(ე)ბის(ა)ჲ ჻

Ⴓგ(ა)ლ(ო)ბ[დითსა] ჻

Ⴓჳქმი ქ(უე)ყ(ა)ნ(ა)ჲ ჻

Ⴆღჳსა ღელვანი კუჱრთხითა მით აღზღუდენ • და გ(ა)ნ(ი)ყვანე ერი • და გამ(ო)ს(ა)ხე ჯ(უარ)ი შ(ე)ნი • რ(ომლ)ისა მ(იე)რ გ(ა)ნაპე ზღუაჲ უღ(მრ)თ(ო)ების(ა)ჲ ს(ა)ხ(იე)რ • ხ(ოლო) ღ(მრ)თის მს(ა)ხ(უ)რებისა • ქ(უე)ყნ(ა)დ გ(ა)ნიყვ(ა)ნენ მადიდებ(ე)ლნი შ(ე)ნნი ჻

Ⴓ[ფ]სკრულნი შეჰქმნენ სიტყჳ(ი)თ ყ(ოვლა)დ ძლ(იე)რო • და დაჰრრთენ წყ(ა)ლითა ზესკნელნი • და კ(უალა)დ ქ(უე)ყ(ა)ნ(ა)ჲ მჴსნელო • წყ(ა)ლთა ზ(ედ)ა დაჰკიდე • ხ(ოლო) დამორ(ა)ჲ ეკიდე ძელსა • შესძრენ ყ(ოველ)ნი ხილულნი • და მ(ო)რწმ(უ)ნენი გ(ა)ნამტკიცენ შიშითა შ(ე)ნით ჻

Ⴤ(ე)ლ(ი)თა და ფ(ე)რჴთა მოჭრაჲ და ითმინეთ თქ(უე)ნ • წ(მიდა)ნო მ(ო)წ(ა)მენო • და გუჱმ(ა)ნი მძჳნვ(ა)რენი • და ს(ა)ჴუმილი გ(ა)ნმლეველი • და არ(ა)ჲ უარ ჰყ(ა)ვთ ქ(რისტ)ე • ყ(ოველ)თა დამბადებ(ე)ლი • და წადიერებით • მ(ა)ს მხ(ო)ლ(ო)სა უგ(ა)ლ(ო)ბდით თქ(უე)ნ ჻

Ⴥ, შუჱნიერო ქ(ალ)წ(უ)ლებითა სძალო • შ(ე)ნგ(ა)ნ შობილი ღ(მერთ)ი • იხილე რ(ა)ჲ ჯ(უარს)ა ზ(ედ)ა • გოდებით ჴმობდ მისა მ(იმა)რთ • ღ(მერთ)ო მრ(ა)ვ(ა)ლ მ(ო)წყალეო და • დ(იდე)ბისა მ(ეუ)ფ(ე)ო • ვ(ითა)რ გევნების ვ(ითარც)ა კ(ა)ცსა ყ(ოველ)თა ცხ(ო)რებ(ა)სა ჻

Ⴂ(ან)Ⴛ(ლიერდას)Ⴀ Ⴋოს(ა)ვთა შ(ე)ნ ჻

Ⴂუამითა ამით კ(ა)ც(ო)ბრივითა უ(ფალ)ო • ჯ(უა)რც(უ)მ(ა)ჲ ს(ა)ყუჱდრელი თ(ა)ვს იდევ • მომატყუჱბ(ე)ლი • დ(იდე)ბის(ა)ჲ • ძრწოლით მგ(ა)ლობ(ე)ლთა შ(ე)ნთ(ა)ჲ ჻

Ⴂ(ა)Ⴌთ(ა)ვისუფლდეს • დაბადებ(უ)ლნი წყევისაგ(ა)ნ • იქმ(ე)ნ რ(ა)ჲ წყევასა ქუჱშე • დამბ(ა)დებ(ე)ლო • და ჯ(უარ)ითა • კ(ურთ)ხ(ე)ვ(ა)ჲ ს(აუ)კ(უ)ნოჲ მოგ(უ)მადლე ჻

Ⴋსხემ და წ(ა)რმ(ა)ვ(ა)ლ • იქმნენით ქ(უე)ყნისაგ(ა)ნ • და ზეც(ა)თა მოქ(ა)ლ(ა)ქე • და ქ(რისტ)ე ღ(მრ)თისა • თ(ან)ა მკჳდრ და • თ(ან)ა ნერგ წ(მიდა)ნო მარტჳლნო ჻

Ⴛლ(იე)რებისა • ბეჭდად აქონდა ჯ(უარ)ი ქ(რისტე)სი • და ყ(ოველ)ი ძლიერ(ე)ბ(ა)ჲ • მტრისაჲ დასცეს და შემუსრეს • ახუანთ წ(მიდა)თა მ(ა)რტჳლთა ჻ Ⴃა შ(ემდგომა)დცა შობისა ქ(ალ)წ(უ)ლად ჰგიე • რ(ამეთუ) ღ(მერ)თი ჴ(ო)რც შესხმული • ჰშევ უბიწოო • რ(ომე)ლიცა • ჯ(უარს)ა დაემსჭუალა გ(ა)ნზრახვით ჻

Ⴋ(ე)Ⴑ(მას)Ⴀ

Ⴕ(რისტ)ე ღ(მერთ)ო ჻

Ⴕ(რისტ)ე ღ(მერთ)ო ადამ დაცემისაგ(ა)ნ აღადგინე • იქმენ რ(ა)ჲ ნეფსით თ(ჳ)სით ადამ მეორე და ჴ(ე)ლნი • თ(ჳ)სნი ჯ(უარის)ა შემსჭუალენ • და ლერწმითა იგუჱმე • და ძმრისა და ნაუღ(ჳ)ლისა გემოჲ იხილე • ვადიდებთ • სიმ(ა)ღლესა წყ(ა)ლ(ო)ბ(ა)თა შ(ე)ნთ(ა)სა ჻

Ⴅ(ითარც)ა რ(ა)ჲ • ცხ(ო)ვარი კლვად მიეგუარე ქ(რისტ)ე • სიტყ(ჳ)საებრ წ(ინაჲს)წ(არმეტ)ყ(უე)ლთა და არა ჰჴმობდი • და არცაღა ღ(ა)ღ(ა)დებდი • რ(ამეთუ) ნეფსით ჯ(უა)რს ეცუი რ(აჲთ)ა • ნეფსით დაცემულნი იგი აცხ(ო)ვნნე • აღივსო ყ(ოველ)ივე დ(იდე)ბითა ჻

Ⴀნეულ ყვნეს • ს(უ)ლნი ს(ა)რწმ(უ)ნ(ო)ებითა მ(ა)რტჳლთა • და ტ(ა)ნჯვ(ი)თა მოთმინებისა თესლნი დასთესნეს მჴნეთა • ხ(ოლო) წამებისა • მრ(ა)ვალი ნ(ა)ყ(ო)ფი მოჲსთულეს • რ(ომლ)ითა ზრდიან მორწმ(უ)ნეთა • ერსა ვინაჲცა • სამ(ა)რ(ა)დისოდ იდიდებიან ჻

ႨႼდვნეს მჴნენი მარტჳლნი ს(ა)ტ(ა)ნჯველთა მ(იე)რ გ(ა)ნჭედილნი სასოებითა ფუფუნებ(ა)თ(ა)ჲთა • და ფართოებ(ა)სა მ(ა)ს ჻

ზ(ე)ცთა ს(ა)ს(უ)ფ(ე)ვლის(ა)სა აღ(ი)წივნეს • რ(აჲთ)ა გ(ა)ნავრცონ პირი • სიმჴნითა • მ(ა)თთა მაქებ(ე)ლთა და მგ(ა)ლობ(ე)ლთა ჻

Ⴅ(ითარც)ა რ(ა)ჲ • მარწუხმ(ა)ნ ნაკუჱრცხ(ა)ლი ს(ა)ღ(მრ)თ(ო)ჲ • არ(ა)ჲ შემწუვ(ე)ლი ა(რამე)დ გ(ა)ნმ(ა)ნ(ა)თლებ(ე)ლი • შეიწყნარე სძ(ა)ლო • რ(ომელ)ი იგი იხილე რ(ა)ჲ ჯ(უა)რცმულად ტირილითა სიმწ(ა)რის(ა)ჲთა • ადიდებდ • აურ(ა)ცხელსა ს(უ)ლგრძელებ(ა)სა მისსა ჻

Ⴖ(ამით)Ⴂ(ანს)Ⴀ Ⴙუჱნებით ესაჲა ჻

Ⴂ(ა)ნმისუჱნე მე ქ(რისტ)ე • ც(ო)დვ(ა)თა და ბრ(ა)ლთაგ(ა)ნ • და მაშურ(ა)ლსა ამ(ა)ს • შეისუჱნე რ(ა)ჲ ჯ(უარს)ა ზ(ედ)ა ქ(რისტ)ე • და მოსპე ყუჱდრებ(ა)ჲ ჩ(ემ)ი •

ყუჱდრებითა მით რ(ომე)ლ თ(ა)ვს ისხენ • უგ(ა)ლ(ო)ბ ვნებ(ა)სა შ(ე)ნსა • და ვ(ა)ქებ დიდ(ე)ბ(უ)ლთა შ(ე)ნთა ჻

Ⴀღანთენ ჯ(უარს)ა ზ(ედ)ა • ვ(ითარც)ა რ(ა)ჲ ს(ა)ნთელნი • ჴ(ო)რცნი შ(ე)ნნი მჴსნელო • და წ(ა)რწყმედული იგი დრაქმ(ა)ჲ მოჲძიე • და მისსა • პოვნასა ზ(ედ)ა • მოუწოდე ძ(ა)ლთა ზ(ე)ცის(ა)თა • უგ(ა)ლობ სიმტკიცესა ძლ(იე)რ(ე)ბისა შ(ე)ნის(ა)სა ჻

Ⴂ(ა)Ⴌ(ი)ბძარა [აწ] მტ(ე)რი • და მდებარე არს იგი • მ(ა)რტჳ(ი)ლთა ნეტ(ა)რთა • ს(ა)ღ(მრ)თ(ო)თა ფ(ე)რჴთა ქუეშე მკჳდრად უძრ(ა)ვად • ხ(ოლო) მ(ა)თ • სიხ(ა)რ(უ)ლითა • მ(ი)უწდომელითა აღვსებ(უ)ლთა • ზ(ე)ცისა ძ(ა)ლთა თ(ან)ა ს(უ)ფ(ე)ვ(ა)ჲ მიენ(ი)ჭა ჻

Ⴔიცხელთა ს(ა)ტ(ა)ნჯველთა • და ჭირთა და ურვ(ა)თა • ყინელისა მ(იე)რ • და წყლულებ(ა)თა ძჳრ-ძჳრთა გ(ა)ნყინებ(უ)ლნი მ(ა)რტჳლნი • ზაფხულსა • ფუფუნების(ა)სა • ზ(ე)ც(ა)თა ს(ა)ს(უ)ფ(ე)ვ(ე)ლსა აღვიდეს • და მჴურვ(ა)ლედ მ(ეო)ხად • მ(ო)რწმ(უ)ნეთა გამოჩნდეს ჻

Ⴐ(ომელმა)ნ გუჱრდისაგ(ა)ნ • ადამისა დაჰბადა • ევა ქ(რისტემა)ნ სძ(ა)ლო • იხ(ი)ლა რ(ა)ჲ ჯ(უარს)ა ზ(ედ)ა გუჱრდ გ(ა)ნღებ(უ)ლი • ღ(ა)ღად ჰყ(ა)ვ • დედობრივითა • ურვითა მოწყლულმ(ა)ნ Ⴥ, ძე ჩ(ე)მო • ვ(ე)რ გეუფლა სიკ(უ)დილი • ცხ(ო)რებ(ი)სა უკდ(ა)ვ(ი)სა ჻

Ⴖ(აღად)Ⴗ(ავს)Ⴀ ჻

Ⴤმა ვყ(ა)ვ ჻

Ⴌეფსით დაიკალ • ვ(ითარც)ა კრავი ქ(რისტ)ე ღ(მერთ)ო • რ(აჲთ)ა ხისა მის ჭამითა მომწყდ(ა)რნი • პ(ირვე)ლსავე ცხ(ო)რ(ე)ბ(ა)სა ღირს ჰყვნე ჻

Ⴐ(ა)ჟ(ამ)ს აჰმ(ა)ღლდი • ჯ(უარ)ს ზ(ედ)ა დაეცა სიმ(ა)ღლე ეშმ(ა)კთ(ა)ჲ ხ(ოლო) ამ(ა)ღლდა სიმრ(ა)ვლე • მ(ო)რწმ(უ)ნეთაჲ და გ(ა)დიდებს ქ(რისტ)ე ჻

Ⴑისხლ(ი)თა პორფირი • პირად პირადი შეიმოსეს მ(ო)წ(ა)მეთა და • აწ წ(ინაშ)ე ღ(მრ)თისა • გჳრგჳნოს(ა)ნნი ს(უ)ფევენ ჻

Ⴕ(რისტ)ეს მჴედ(ა)რთა • ნაწილნი აღმოაცენებენ კურნებისა მ(ა)დლ(ი)თა • ყ(ოველ)თა სნეულთა • და ს(უ)ლთა ბ(ო)რ(ო)ტთა აუ[ო]ტებენ ჻

Ⴉ(ა)ცთა ბო[უ]ნებ(ა)ჲ • ვერ მისწუთების საჲდუმლ(ო)თა შ(ე)ნთა ქ(ალ)წ(უ)ლო • რ(ამეთუ) ღ(მერთ)ი ჰშ(ე)ვ ბ(უ)ნებ(ა)თა უზეშთაესი ჻

Ⴉ(ურთ)Ⴞ(ეულარს)Ⴀ : Ⴖ(მრ)თისა სიტყ(ჳ)ს ჻

Ⴑაროსა-

ფიჭუსა და ნაძუსა ზ(ედ)ა • ჯ(უა)რს ეცუ ერთი ს(ა)მ(ე)ბის(ა)ჲ • და ბევრეულთა ვნებ(ა)თა დამონებ(უ)ლნი • თ(ა)ვისუფ(ა)ლ ჰყვენ ქ(რისტ)ე • და ზ(ე)ც(ა)დ აღამ(ა)ღლ(ე)ნ კ(ურთხეულ) ხ(ა)რ შ(ე)ნ უფალო ღ(მერთ)ო მ(ა)მ[ათა ჩუენთაო] ჻

Ⴑისხლითა შ(ე)ნითა წ(მიდ)ითა • გ(ა)ნსწმიდენ დაბ(ა)დებ(უ)ლნი • სისხლთა მ(ა)თგ(ა)ნ საზორველთა საეშმ(ა)კ(ოჲ)თა • და დაჰჴსნენ შ(ე)ნ ზორვანი • კერპთა მწიკ(უ)ლ(ე)ვ(ა)ნთ(ა)ნი • რ(ა)ჟ(ამ)ს დაიკალ მჴსნელო • ვ(ითარც)ა ტარიგი უმანკოჲ ჻

Ⴅ(ითარც)ა სუჱტნი შეუძრვლნი ჻ დგეს წ(ინაშ)ე უსჯ(უ)ლ(ო)თ(ა)სა • მ(ა)რტჳლნი შეძრეს და დააკუეთეს მტ(ე)რი • და გ(ა)ნამტკიცნეს გ(უ)ლნი • მ(ო)რწმ(უ)ნეთ(ა)ნი და თქ(უა)ს • კ(ურთხეულ) ხ(ა)რ შ(ე)ნ უ(ფალ)ო მ(ა)[მათა ჩუენთაო] ჻

Ⴋუცლ(ა)დ ღებ(ა)ჲ მიუწდომელი • და შობაჲ გ(ა)მოუკულველი • შ(ე)ნ მხ(ო)ლოსა მოგემადლა ღ(მრ)თისა დედ(ა)ო • რ(ამეთუ) ჰშ(ე)ვ ჴ(ო)რც(ი)თა • მ(ეუ)ფე დ(იდე)ბის(ა)ჲ • რ(ომელმა)ნ ჯ(უა)რცმ(ა)ჲ და სიკ(უ)დილი თ(ა)ვს იდვა ჴსნისათ(ჳ)ს ჩ(უე)ნისა ჻

ႠႩ(ურთხევდითს)Ⴀ ჻

Ⴋონებ ღ(მრ)თისა ჻

Ⴄრმ(ა)ნ უსჯ(უ)ლომ(ა)ნ და ურჩმ(ა)ნ • ნეფსით დამოკიდებ(უ)ლი • და ჯ(უა)რცმად მოსრული ქ(რისტ)ე • ჯ(უა)რცმ(ა)დ და სიკ(უ)დილ(ა)დ დაგსაჯეს • რ(აჲთ)ა მომწყდ(ა)რნი იგი • აღ(ა)დგინნე • და ცხოველ მყვნე მგ(ა)ლობლ(ა)დ შ(ე)ნდა • და აღგამ(ა)ღლებთ უკ(უნისამდ)ე ჻

Ⴂ(ა)Ⴌიპყრენ ჴ(ე)ლნი ჯ(უარს)ა ზ(ედ)ა • ქ(რისტ)ე ღ(მერთ)ო რ(ომელს)ა გ(ა)ნჰკურნნე ჴ(ე)ლნი იგი • ადამისნი ურჩებითა დაჴსნილნი • ხ(ოლო) რ(ა)ჟ(ამ)ს გიხილა • ბრწყ(ი)ნვ(ა)ლებ(ა)ჲ თ(ჳ)სი დაიფარა მზის თ(უა)ლმ(ა)ნ • და ძრწოდეს ყ(ოველ)ნი დაბ(ა)დებ(უ)ლნი ჻

Ⴓბიწოჲთა ახუანებითა • ღ(უა)წლთა თ(ჳ)სთ(ა)ჲთა და სცნეს წყობანი უღ(მრ)თ(ო)ნი • ღ(უა)წლით შემოსილთა მ(ა)რტჳლთა • და კურნებ(ა)თა მ(ა)დლნი • უშურველნი • აღმოუცენნეს მ(ო)რწმ(უ)ნეთა • და ეკლესიაჲ აღავსეს სიხ(ა)რ(უ)ლითა ჻

Ⴕ(რისტე)ს ვნებ(ა)თა მობაძავნო • და ს(ა)ღ(მრ)თ(ო)თა მცნებ(ა)თა აღმსრულებ(ე)ლნო • ანგ(ე)ლ(ო)ზთა თ(ან)ა მოდასენო • და ზ(ე)ც(ა)თა ქ(ა)ლ(ა)ქსა •

მოქ(ა)ლ(ა)ქედ აღწერილნო ქ(რისტე)ს მ(ო)წ(ა)მ(ე)ნო • მ(ეო)ხ გ(უე)ყვენით მადიდებ(ე)ლთა თქ(უე)ნთა ჻

Ⴒაკუკად ოქროჲსა და ტაბლად • სასანთლედ კუჱრთხად მთად ღ(მრ)თისა და ღრო(უ)ბლად ნ(ა)თლისა • პალატად მ(ეუ)ფისა და ს(ა)ყდრად • ც(ე)ცხლისა [ღმრთი]ს მშობ(ე)ლო • ს(ა)ხელ გდებთ შ(ე)ნ • და კ(უალა)დ შ(ემდგომა)დ შობისა • ქ(ალ)წ(უ)ლ(ა)დვე წ(მ)იდად და დგრომილად: Ⴀ(დიდე)Ⴁ(დითს)Ⴀ : Ⴜერ(ი)ლთა ჻

Ⴐ(ომელმა)ნ ყ(ოველ)ი ქ(უე)ყ(ა)ნ(ა)ჲ არა რასა ზ(ედ)ა დაჰკიდე • უყე საც(ო)დვის(ა)სა შთაფლული ესე აღმომიყვანე • ს(ა)ხ(იე)რებით რ(ა)ჟ(ამ)ს • ძელსა და მოეკიდე • და უპატიოდ სიკ(უ)დილითა • პ(ა)ტივ მეც მე მრ(ა)ვ(ა)ლ მ(ო)წყ(ა)ლე ჻

Ⴤ(ო)რცთა ბ(უ)ნებითა იხილვე • ჯ(უა)რცმულ(ა)დ ღ(მერთ)ი უხ(ი)ლ(ა)ვი • რ(აჲთ)ა იჴსნე ს(ო)ფ(ე)ლი მტ(ე)რთა უხილ(ა)ვთაგ(ა)ნ ს(ა)ხ(იე)რ • და რ(აჲთ)ა გ(ა)მოაჩინნე • ქ(უე)ყ(ა)ნისანი ზ(ე)ცისად • დ(იდე)ბის ვმეტყუჱლებთ შ(ე)ნსა • გ(ა)ნუზომვასა ჴ(ე)ლმწიფებ(ა)სა ჻

Ⴋჴედრობაო ყ(ოვლა)დ ქებ(უ)ლო • რჩეულო წ(მიდა)თა ბანაკო • სამოთხეო რ(ომე)ლსა შ(ინ)ა მდგომარე არს ხე ცხ(ო)რ(ე)ბის(ა)ჲ • ეკლესიაო ერმრ(ა)ვ(ა)ლო • დიდო შესაკ[რ]ებელო • მ(ო)წმედ ქ(რისტე)ს მჴსნელისა • გ(ა)მოსჩნდით ს(ა)მგზის ს(ა)ნ(ა)ტრ(ე)ლნო ჻

Ⴐ(ომელ)ნი ეგე მდგომ(ა)რე ხ(ა)რთ • წ(ინაშ)ე ს(ა)ყდ(ა)რთა ღ(მრ)ის(ა)თა • მომიჴსენენით მომჴს(ე)ნებ(ე)ლნი ს(ი)მჴნეთ თქ(უე)ნთ(ა)ნი • უძლ(ე)ველნო მ(ო)წ(ა)მენო • რ(ომელ)ნი ეგე ჰბრწყ(ი)ნავთ • ნ(ა)თ(ე)ლითა ს(ა)მ(ე)ბის(ა)ჲთა • რ(აჲთ)ა ვპოოთ ბრ(ა)ლთა შენდობ(ა)ჲ ჻

Ⴅ(ითარც)ა გიხილეს მნათობთა • ჯ(უარს)ა ზ(ედ)ა, Ⴥ, ძეო ჩ(ე)მო • დაივსნეს მეყსეულდ • და ვ(ე)რა რ(ა)ჲ და ჰჴსნ(ი)და ჰური(ა)თა • სიბორგილე გ(ა)ნცოფებ(უ)ლი • რ(ომელ)თა წინამძღუარი • ცხ(ო)რების(ა)ჲ სიკ(უ)დილ(ა)დ მიგცეს • გოდებით იტყოდა ღ(მრ)თისმშობ(ე)ლი ჻

Ⴂ(ა)ლობ(ა)ნი ყ(ოვლა)დ წ(მიდ)ისა ღ(მრთ)ისმშ(ო)ბლის(ა)ნი

Ⴐ(ომელმა)ნ წამის ყ(ო)ფი ჻

Ⴑაჩინოო მნათობო • სძალო წ(მიდა)ო • ს(ა)ხელ დიდო მ(ა)რ(ია)მ ღ(მრთ)ისმშ(ო)ბ(ე)ლო • დავ(ი)თის ასულო ქერობინთა უმ(ა)ღლესო • შუჱნერებ(ა)ო ი(ა)კობისო ც(ა)თა უმ(ა)ღლესო • დიდ არს დ(იდე)ბ(ა)ჲ შ(ე)ნი • და ყ(ოველ)ნი მ(ო)რწმ(უ)ნენი გნ(ა)ტრით შ(ე)ნ ჻

Ⴜინა ს(აუ)კ(უ)ნეთა გ(ა)ნსაზღვარებ(უ)ლო • ქ(ალ)წ(უ)ლო მ(ეუ)ფისა • დიდისა • პურფირად უხრწნელ(ა)დ რ(ომელ)ი აღს(ა)სრულსა • ჟ(ა)მთ(ა)სა გ(ა)მოჩნდა და ტყავისა სამოს(ე)ლი • ადამისი დაჰფარე • მეცა დამფარე უხრწნ(ე)ლო ჻

Ⴐ(ომელმა)ნ გ(ა)რდაართხენა ც(ა)ნი ვ(ითარც)ა • კ(ა)რავნი მკლ(ა)ვთა ზ(ედ)ა იტჳრთე სძ(ა)ლო • უსძლოო მსგ(ა)ვსად ჩჳლთა გ(ა)რე შემ(ო)უწერელი • ღ(მერთ)ი უცვ(ა)ლებ(ე)ლი • მ(ა)ს ევედრე ჴსნად ჩ(უე)ნდა • ვნ(ე)ბ(ა)თა მძლ(ა)ვრ(ე)ბ(ი)ს(ა)გ(ა)ნ ჻

Ⴚ(ო)დვ(ა)ჲ წ(ა)რმრღუნელი კ(ა)ცთა • ნ(ა)თეს(ა)ვისაჲ გ(ა)ნაჴმე ღ(მრთ)ისმშობ(ე)ლო ჰშ(ე)ვ რ(ა)ჲ უ(ფალ)ი ც(ე)ცხლი ს(ა)ღ(მრ)თ(ო)ჲ შემწუველი შეცოდებ(ი)თა • ჩ(ე)მთ(ა)ცა ბრ(ა)ლთა სიღრმე გ(ა)ნაჴმე მ(ეო)ხ(ე)ბითა • შ(ე)ნითა დააცხრვენ ღელვ(ა)ნი ვნებ(ა)თა ჩ(ე)მთ(ა)ნი ჻

Ⴂ(ან)Ⴛ(ლიერდას)Ⴀ : Ⴐ(ომელმა)ნ სიტყჳთ ჻

Ⴚ(ე)ცხლის ფერთა მ(ა)თ • გუნდთა მ(ეუ)ფე იშვა • შ(ე)ნგ(ა)ნ ღ(მრთ)ისა დედ(ა)ო • და გყო შ(ე)ნ დედ(ო)ფ(ა)ლ მ(ა)თდა • ამისთ(ჳ)ს გ(ე)ვედრები • მიჴსენ ოხითა შ(ე)ნითა ვნებ(ა)თ(ა)გ(ა)ნ ჻

Ⴁრწყ(ი)ნვ(ა)ლებისა • ს(ა)ღ(მრ)თ(ო)ჲსა ს(ა)სანთლე ხ(ა)რ • და მნათობი ს(ო)ფლის(ა)ჲ • ამისთ(ჳ)ს გ(ე)ვედრ(ე)ბი შ(ე)ნ • სძალო ბნელი ს(უ)ლისა • ჩ(ე)მის(ა)ჲ დაჰჴსენ • ვედრებითა შ(ე)ნითა ჻

Ⴤ(ო)რციელთა მ(ა)თ • ვნებ(ა)თა ღელვისაგ(ა)ნ • მიჴსენ, Ⴥ, ყ(ოვლა)დ უხრწნელო • მსწრ(ა)ფლ მონ(ა)ჲ შ(ენ)ი უჴმარი • რ(ომელმა)ნ მყუდრებ(ა)ჲ • ცხ(ო)რებისა და უვნებლობის(ა)ჲ ჰშ(ე)ვ ჻

Ⴋომკუდარ ვიქმენ მე • ც(ო)დვ(ა)თა სიმრ(ა)ვლითა • ს(უ)ლითა უბ(ა)დრუკი • ხ(ოლო) შ(ე)ნ გ(ა)ნმაცხოველე • ქ(რისტე)ს ღ(მრთ)ისა დედ(ა)ო • და ვნებ(ა)თა მ(ა)თ ჩ(ე)მთა მჴეცნი მოსწყჳდენ ჻

Ⴋ(ე)Ⴑ(მას)Ⴀ ჻

Ⴠყავ ს[იყუარუ]ლი ჻

Ⴁრძუ(ო)ლაჲ მძჳნვარე • გ(უ)ლის

თქმ(ა)ჲთა აღძრა ჩ(ე)მ ზ(ედ)ა • და შეუცავს მ(ა)ს ს(უ)ლი ჩ(ემ)ი • ს(ა)ღ(მრ)თ(ო)ჲსა მშჳდობისა მშობელო სძ(ა)ლო • მშჳდობ(ა)ჲ შ(ენ)ი მონასა შ(ე)ნსა • დაჰჴსენ აღძრჳ (ა)ჲ ვნებ(ა)თა ჩ(ე)მთ(ა)ჲ ჻

Ⴘ(ე)ნ ხ(ა)რ ტაკუკი • მტჳრთველი ს(ა)ღ(მრ)თ(ო)ჲსა მ(ა)ნანაჲს(ა)ჲ • რ(ომელმა)ნ გჳშ(ე)ვ ქ(რისტ)ე ღ(მერთ)ი • ამისთ(ჳ)ს შევსწირ(ა)ვ შ(ე)ნდა ვედრებ(ა)სა • ს(უ)ლი ჩ(ემ)ი მომყმარი გამოზარდე • წყ(ა)ლთა მ(იე)რ ს(უ)ლისა წ(მიდ)ის(ა)თა ჻

Ⴋიჰრონი წ(მიდა)ჲ • ს(ო)ფ(ე)ლსა აღმოუცენე სძალო • და სურნელ ჰყ(ა)ვ ყ(ოველ)ი ქ(უე)ყ(ა)ნ(ა)ჲ • ამისთ(ჳ)ს გ(ე)ვ(ე)დრები ყ(ოვლა)დ წ(მიდა)ო • მიჴსენ მწჳრისა მისგ(ა)ნ ვნებ(ა)თ(ა)ჲსა • ს(უ)ლი ჩ(ემ)ი უხითა შ(ე)ნითა ჻

Ⴑიკ(უ)დილი ს(ო)ფ(ე)ლ(ა)დ • შემოჲღო ევა წარმდებებით • ხ(ოლო) შ(ე)ნ წ(მიდ)ითა ქ(ალ)წ(უ)ლებითა • ჭ(ეშმარი)ტი ცხ(ო)რ(ე)ბ(ა)ჲ შემოჲღე • მეცა სიკ(უ)დილისაგ(ა)ნ ს(უ)ლიერისა • მიჴსენ მ(ეო)ხ(ე)ბ(ი)თა შ(ე)ნითა ჻

Ⴖ(ამით)Ⴂ(ანს)Ⴀ Ⴕ(უე)ყ(ა)ნასა ზ(ედ)ა ჻

Ⴑაჴსრ(ა)დ ჩ(ე)მდა • იქმნა გ(ა)ნკ(ა)ცებ(ა)ჲ ძისა შ(ე)ნისაჲ • და ხრწნილე-ბისაგ(ა)ნ იჴსნა ნ(ა)თეს(ა)ვი კ(ა)ცთ(ა)ჲ • მიჴსენ მეცა ქ(ალ)წ(უ)ლო • ჴ(ო)რცთა ზრ(ა)ხვის(ა)გ(ა)ნ და ვნებისა ჻

Ⴅედრებათა • შ(ე)ნთა ც(ე)ცხლითა შეწუჱნ სძ(ა)ლო • ყ(ოველ)ნივე ეკ(ა)ლნი ვნებ(ა)თა და გ(უ)ლისთქმ(ა)თ(ა)ნი • რ(ამეთუ) შ(ე)ნ ხ(ა)რ მ(ა)რწუხი • საუფლოჲსა მის ნაკუჱრცხალის(ა)ჲ ჻

Ⴘუჱნიერი • სამკაული მაქონდა ს(ა)თნ(ო)ებ(ა)თ(ა)ჲ • ა(რამე)დ მედგრობ(ი)თა ჩ(ე)მთა გ(ა)ნმეძარცა • ხ(ოლო) შ(ე)ნ ღ(მრ)თისმშ(ო)ბ(ე)ლო • ოხითა შ(ე)ნთა კ(უალა)დ შემამკვე ჻

Ⴅ(ითარც)ა რ(ა)ჲ • ს(ა)ღ(მრ)თომ(ა)ნ და წ(მინდამა)ნ ტარიგმ(ა)ნ სძ(ა)ლო • გჳშ(ე)ვ კრ(ა)ვი ღ(მრთისა)ჲ რ(ომელ)ი დაიკლა ჩ(უე)ნთ(ჳ)ს • გ(ე)ვ(ე)დრები სისხლითა მისით გ(უ)ლი ჩ(ემ)ი გ(ა)ნწმიდე ჻

Ⴖ(აღად)Ⴗ(ავს)Ⴀ Ⴑიღრმეთა ჻

Ⴑ(უ)ლისა • ჩ(ემ)ისა ს(ა)ყ(ო)ფელი • მტ(ე)რისა მანქან(ა)თა ბორ(ო)ტთა შეარყიეს • ა(რამე)დ შ(ე)ნ ქ(ალ)წ(უ)ლო • მ(ეო)ხ(ე)ბითა შ(ე)ნითა ვ(ითარც)ა ქ(რისტე)ს • ღ(მრ)თ(ი)სმშ(ო)ბ(ე)ლმ(ა)ნ • დამამტკიცე მე ჻

Ⴋხ(ო)ლომ(ა)ნ • რ(ომელ)ი იშვა შ(ე)ნგ(ა)ნ • მოგცა შ(ე)ნ მორწმ(უ)ნეთა • მცველ(ა)დ ზღუდედ დამფ(ა)რვ(ე)ლ(ა)დ • ამისთ(ჳ)ს გ(ე)ვ(ე)დრები ჻

მეცა დამფარე უხრწნელო • მ(ა)რჯუჱნითა მით • მ(ო)წყ(ა)ლებ(ა)თა შ(ე)ნთ(ა)ჲთა ღირსო ჻

Ⴃაჰჴსენ შ(ე)ნ თ(ან)ა ნადები კ(ა)ცთ(ა)ჲ • რ(ა)ჟ(ამ)ს ჰშ(ე)ვ მარგალიტი უს(ა)სყიდლო ღ(მრ)თისმშ(ო)ბ(ე)ლო • დაჰჴსნენ ბრ(ა)ლთაცა ჩ(ე)მთა საკრველნი • და ვნებ(ა)თა და • მწუხ(ა)რებ(ა)თა ჩ(ე)მთა ურვანი ჻

Ⴉ(ურთ)Ⴞ(ეულარს)Ⴀ Ⴅ(ითარც)ა ს(ა)მთა ჟ(ამსა) ჻

Ⴄშმ(ა)კთა უკ(ე)თ(უ)რთა • ბანაკმ(ა)ნ მომ(ი)ცვა მე • და ვნებ(ა)თა მწყობრმ(ა)ნ ურიცხუმ(ა)ნ • ა(რამე)დ ვ(ითარც)ა • ჰშ(ე)ვ რ(ომე)ლ ერი ბრძოლ(ი)სა • ქ(ალ)წ(უ)ლო ღ(მრთ)ისმშ(ო)ბ(ე)ლო • მიჴსენ ჭირთა და ურვ(ა)თაგ(ა)ნ რ(ომელ)თა მოუცავ მე ჻

Ⴕეროვიმ(ბინ)თა წესთაგ(ა)ნ • შეუხებ(ე)ლი ღ(მერთ)ი • და ს(ა)შ(ი)ნელი ანგ(ე)ლ(ო)ზთაჲ • შ(ე)ნგ(ა)ნ იშვა ღირსო • და კ(ა)ცნი გ(ა)ნაახლნა • და მეცა გ(ე)ვედრები • უხილ(ა)ვთა მტ(ე)რთაგ(ა)ნ ს(ა)შინელ მყ(ა)ვ და შეუხებელ ჻

Ⴑამოთხედ სიტყჳერად • გ(ა)მოსჩნდი ღ(მრ)თისმშ(ო)ბ(ე)ლო • და გამოჲღე ხე ცხ(ო)რების(ა)ჲ • რ(ომლ)ისაგ(ა)ნ ადამ • ჭამა რ(ა)ჲ წ(ა)რმოსთხია • სიკ(უ)დილისა ნ(ა)ყ(ო)ფი • მეცა დამ(ა)მტკიცე და ვნებ(ა)თა სიმწრისაგ(ა)ნ მიჴსენ ჻

Ⴅნებ(ა)თა უყისაგ(ა)ნ • ჴ(ო)რცთ(ა)ჲსა გ(ა)ნმარინე • და გ(ა)ნს(ა)ცდელთაგ(ა)ნ საეშმ(ა)კოთა • რ(ომელმა)ნ ჰშ(ე)ვ მჴსნელი • კ(ა)ცთა ნ(ა)თეს(ა)ვის(ა)ჲ • კარაო მ(ა)ღლის(ა)ო • და ტ(ა)ძ(ა)რო წ(მიდა)ო ღ(მრ)თ(ი)სა დ(იდე)ბის(ა)ო უბიწო ჻

ႠႩ(ურთხევდითს)Ⴀ: ც(ე)ცხლი იგი ჻

Ⴖრუბ(ე)ლო ნ(ა)თ(ე)ლის(ა)ო • ნ(ა)თელთა დიდთა მფობელის(ა)ო • რ(ომელმა)ნ ქმნნა მთ(ა)ვრობ(ა)დ დღისა დღისა და ღამისანი ვნებ(ა)თა მ(ა)თ • და ც(ო)დვ(ა)თა ბნელი გ(ა)ნბანე • და ძედ დღისა და ნ(ა)თ(ე)ლისა გამომაჩინე სძალო ჻

Ⴑიბრძნე ღ(მრთისა)ჲ რ(ომელმა)ნ • ზ(ე)ცისა და ქ(უე)ყ(ა)ნის(ა)ს(ა)ნი • არსებ(ა)დ მოჲყვნნა ჰშ(ე)ვ ღ(მრთ)ისმშ(ო)ბ(ე)ლო • ბ(უ)ნებ(ა)თა • და ცნობ(ა)თა უზეშთაესი ამისთ(ჳ)ს გ(ე)ვ(ე)დრები • მომეც სიტყ(უა)ჲ სიბრძნის(ა)ჲ რ(აჲთ)ა გიგ(ა)ლ(ო)ბდე შ(ე)ნ ჻

Ⴚუარითა მით რ(ომელ)ი • ვ(ითარც)ა წჳმაჲ საწმისსა ზ(ედ)ა • ს(ა)შოდ შ(ე)ნდა გ(ა)რდამოჴდა ზ(ე)ცით ქ(ალ)წ(უ)ლო : ს(უ)ლი ჩ(ემ)ი • მორწყე

ყე და დაშრიტე საჴუმ(ი)ლი ვნებ(ა)თა ჩ(ე)მთაჲ • და ც(ო)დვ(ა)თ(ა)ჲ • რ(აჲთ)ა გ(ა)კ(ურთ)ხ(ე)ვდე შ(ე)ნ უკ(უნისამდ)ე ჻

Ⴑ(უ)ლთა და ჴ(ო)რცთა ჩ(ე)მთა კურნებ(ა)სა გ(ე)ვ(ე)დრები შ(ე)ნ • Ⴥ, დედ(ო)ფ(ა)ლო დაბადებ(უ)ლთ(ა)ო • და ვნებ(ა)თა ჩ(ე)მთა გ(ა)მოჴსნ(ა)სა შ(ე)ნ მ(იე)რ ვითხოვ • რ(ამეთუ) შ(ე)ნ • ხ(ა)რ მკურნალი კ(ა)ცთაჲ უბიწოო ჻

Ⴀ(დიდე)Ⴁ(დითს)Ⴀ Ⴑიტყ(უა)ჲ ღ(მრთისა)ჲ ჻

Ⴚ(ო)დვ(ა)თა შ(ინ)ა გ(ა)ნფრდილსა • სამოსელი წ(მიდა)ჲ შემმოსე ოხითა შ(ე)ნითა • ქ(ალ)წ(უ)ლო ს(ა)ღ(მრ)თოო რ(ომლ)ისაგ(ა)ნ • ს(ა)ღ(მრ)თოჲ სამოსელი უქსუ[ო]ა ს(უ)ლმ(ა)ნ • წ(მინდამა)ნ მ(ეუ)ფ(ი)სა • სისხლ(ი)თა შ(ე)ნთა წ(მიდა)თაგ(ა)ნ ღებული ჻

Ⴘეაერთე ძესა შ(ე)ნსა • და საკუთარ მყ(ა)ვ მისსა ს(ა)ღ(მრ)თ(ო)ჲთა ცხ(ო)რებითა • მ(ეო)ხ(ე)ბითა შ(ე)ნითა • გ(ე)ვ(ე)დრები ყ(ოვლა)დ წ(მიდა)ო • ს(ა)სძლოო რ(ომლ)ისაგ(ა)ნ • ბ(უ)ნებ(ა)ჲ ჩ(უე)ნი დაიწმინდა ღ(მერთმა)ნ ჻

Ⴋ(ეო)ხ(ე)ბითა შ(ე)ნითა • ღჳნოჲ გ(ა)ნმწმედელი მ(ო)მ(ა)დლე ს(უ)ლთა ჩ(უე)ნთა • სინ(ა)ნ(უ)ლის(ა)ჲ ქ(ალ)წ(უ)ლო • რ(ომელმა)ნ გამოჲღე ტევ(ა)ნი • ცხ(ო)რ(ე)ბის(ა)ჲ რ(ომელმა)ნ • გჳწდია სასუმელი უკდ(ა)ვების(ა)ჲ ჻

Ⴅნებ(ა)თა ჩ(ე)მთა აღძრვ(ა)ნი • ბორ(ო)ტნი მოაკუდინენ მ(ეო)ხ(ე)ბითა შ(ე)ნითა • რ(ომელმა)ნ უხრწნელებისა • წყაროჲ ქ(რისტ)ე ღ(მერთ)ი უშევ კ(ა)ცთა • და ხრწნილებისა მისგ(ა)ნ • წ(ა)რმწყმედ(ე)ლისა გჳ(ი)ჴსნენ ქ(ალ)წ(უ)ლო •

Ⴃღე შ(ა)ბ(ა)თ წ(მიდა)თაჲ და ს(უ)ლთაჲ

Ⴕ(ე)რობინთა ჻

Ⴑიმძლაფრე იგი ც(ო)დვის(ა)ჲ • და რისხვ(ა)ჲ მოტყინარე ზ(ე)ც(ი)თ მოსრული • ნინევლთა დააცხრვეს ლ(ო)ცვითა • ცრემლთა დათხევითა სინ(ა)ნ(უ)ლითა და ვედრებითა • და აწ ჩ(უე)ნცა ვევედრნეთ • მჴსნელსა ს(უ)ლთა ჩ(უე)ნთა[სა] ჻

Ⴚ(ო)დვ(ა)თაგ(ა)ნ გუჱმული • ვ(ითარც)ა ნავი ღელვ(ა)თ(ა)გ(ა)ნ დანთქმული • და სიკ(უ)დილად მიცემული მიჴსენ • მომიძიე შეცთომილი • და ღირს მყ(ა)ვ სინ(ა)ნ(უ)ლსა კ(ა)ცთა მ(ო)ყ(უა)რე • რ(აჲთ)ა გ(ა)დ(იდე)ბდე შ(ე)ნ მჴსნ(ე)ლს ს(უ)ლ[თა] ჩ(უენთასა) ჻

Ⴂ(ე)ვედრებით შ(ე)ნ ს(ა)ხ(იე)რო • მ(ო)წ(ა)მეთა ს(ა)ნ(ა)ტრ(ე)ლსა ს(ა)ჴსნე-

ბ(ე)ლსა • მ(ეო)ხ(ე)ბითა მ(ა)თითა მომეც დღეს შ(ე)ნდობ(ა)ჲ ც(ო)დვ(ა)თა ჩ(უე)ნთაჲ • რ(ომელ)ნი ს(ა)ჴსნებ(ე)ლსა მ(ა)თსა აღვასრულებთ • და გ(ა)დ(იდე)ბთ შ(ე)ნ მჴსნელსა ს(უ)ლთა ჩ(უე)ნთ(ა)სა ჻

Ⴅ(ითარც)ა მთ(ი)ებნი ბრწყ(ი)ნვიდეს • მ(ო)წ(ა)მენი ქ(რისტე)სნი ს(ა)ტ(ა)ნჯველთა შ(ინ)ა • რ(ამეთუ) პ(ა)ტ(ი)ოსნ(ა)დ შეერაცხა • სიკ(უ)დილი იგი ქ(რისტე)სთ(ჳ)ს • და ჴ(ო)რცნი მ(ა)თნი მისცნეს ც(ე)ცხლსა და საწუველ(ა)დ • და ბრწყ(ი)ნვ(ა)ლენი ს(უ)ლითა • ბრწყ(ი)ნვენ ს(ა)ს(უ)ფ(ე)ვ(ე)ლსა ჻

Ⴑ(ა)ჴსნებ(ე)ლსა უ(ფალ)ო • წ(მიდა)თა შ(ე)ნთა მ(ო)წ(ა)მეთ(ა)სა • კრ(ე)ბ(უ)ლი მ(ო)ციქ(უ)ლთაჲ დღეს გ(ი)ხ(ა)რებს • და ქ(უე)ყ(ა)ნ(ა)სა ზ(ედ)ა კ(ა)ცთა ნ(ა)თეს(ა)ვი უგ(ა)ლობს • რ(ამეთუ) მ(ა)თ მ(იე)რ ჯ(უარ)ითა • მოჰკალ მტ(ე)რი და გ(ა)ნ(ა)ნ(ა)თლენ ს(უ)ლნი ჩ(უე)ნნი • და ოხითა მ(ა)თითა • მოგუმ(ა)დლე ჩ(უე)ნ • მშჳდობ(ა)ჲ შ(ე)ნმ(იე)რი ჻

Ⴠსუროდა ყ(ოვლა)დ ქებ(უ)ლთა • წ(მიდა)თა მ(ო)წ(ა)მეთა ქ(რისტე)სთა • მოქ(ა)ლ(ა)ქობ(ა)ჲ უჴ(ო)რც(ო)თა თ(ან)ა • ამისთ(ჳ)სცა გ(ა)ნაგდეს • სიმძიმე ამაოების(ა)ჲ • და მტ(ე)რსა მ(ა)ს ს(ო)ფლისა მპყრობ(ე)ლსა • უკ(ე)თ(უ)რსა არცხჳნეს და დასცეს ახუანდ • და ს(ა)თნო გეყუნეს ღ(მერთს)ა • მ(არა)დ(ი)ს მ(ეო)ხ არიან ს(უ)ლ ჩ[უენთათჳს] ჻

Ⴜ(მიდა)თა შ(ე)ნთა უ(ფალ)ო • დაიცვეს წ(მიდა)ჲ ს(ა)რწმ(უ)ნ(ოე)ბ(ა)ჲ • და ს(უ)რვ(ი)ლით შეეყვნეს სიყ(უა)რ(უ)ლსა • ჯ(უარ)ისა შ(ე)ნის(ა)სა • და დათრგუნეს ს(ა)ცთ(უ)რი მტრის(ა)ჲ • ვინ(ა)ჲცა ძლევა შემოსილ იქმნნეს • და იღ(ჳ)წიან გჳრგჳნითა ს(ა)ღ(მრ)თ(ო)ჲთა შემკულნი • ჩ(უე)ნ მოს(ა)ვთა შ(ე)ნთათ(ჳ)ს • და მ(ეო)ხ არი(ა)ნ ს(უ)ლთა ჩ(უე)ნთ(ათჳ)ს ჻

Ⴑტიქ(ა)რ(ო)ნი ჻

Ⴕ(ე)რობინთა ჻

Ⴃიდ არს ძ(ა)ლი მ(ო)წ(ა)მეთა • შ(ე)ნთაჲ რ(ამეთუ) ს(ა)ფლ(ა)ვ შ(ინ)ა მდებარე არიან • და ს(უ)ლთა უკ(ე)თ(უ)რთა გ(ა)ნსდევნიან • და მტ(ე)რისა ჴ(ე)ლმწიფებ(ა)ჲ • დათრგუნეს • და ს(ა)რწმ(უ)ნ(ოე)ბითა ს(ა)მ(ე)ბის(ა)ჲთა და მჴნე და მოღ(უა)წე იქმნნეს • ღ(მრთ)ისა მს(ა)ხურებისათ(ჳ)ს ჻

Ⴜ(ინაჲს)წ(არმეტ)ყ(უე)ლთა და მ(ო)ც(ი)ქ(უ)ლთა ქ(რისტ)ესთა და მ(ო)წ(ა)მეთა • გუასწავე გ(ა)ლ(ო)ბ(ა)ჲ •

ს(ა)მ(ე)ბის(ა)ჲ • წ(მიდ)ისა ერთ არსების(ა)ჲ • და გ(ა)ნ(ა)ნ(ა)თლნეს წ(ა)რმ(ა)რთნი შეცთომილნი • და ზიარ ანგ(ე)ლ(ო)ზთა • გ(ა)მოჩნდეს ძენი კ(ა)ცთ(ა)ნი ჻

Ⴋ(ო)წ(ა)მეთა შ(ე)ნთა უ(ფალ)ო • ს(ა)რწმ(უ)ნ(ო)ებითა დამყარებ(ე)ლთა • და ს(ა)ს(ოე)ბითა • დამტკიცებ(უ)ლთა სიყ(უა)რულითა • ჯ(უარ)ისა შ(ე)ნის(ა)ჲთა შეყოფილთა • მძლ(ა)ვრებ(ა)ჲ მტრის(ა)ჲ შემუსრეს • და მ(ი)ემთხუივნეს • გჳრგჳნთა და უჴ(ო)რც(ო)თა თ(ან)ა • მ(ეო)ხ არიან ს(უ)ლთა ჩ(უე)ნთათ(ჳ)ს ჻

Ⴑ(უ)ლის(ა)ნი: ͠Ⴂ (3) Ⴂ(უერდ)Ⴈ Ⴋჯდო[მარე] ჻

Ⴗ(ოველ)ივე ამაო არს კ(ა)ცობრივი • რ(ა)ჲ ოდენცა არა ჰგიეს შ(ემდგომა)დ • სიკ(უ)დილისა რ(ამეთუ) • არა დაადგრების სიმდიდრე • და არცა თ(ან)ა • წ(ა)რჰყების დ(იდე)ბ(ა)ჲ რ(ამეთუ) • მოჲწ(ი)ა • სიკ(უ)დილი და ესე ყ(ოველ)ი • მყის მწარედ იავ(ა)რყო • ამისთ(ჳ)ს ქ(რისტე)ს მ(იმა)რთ • უკდ(ა)ვისა • მ(ეუ)ფისა • ღ(ა)ღ(ა)დ ვყ(ო)თ • გ(ა)ნსუჱნე ჩ(უე)ნგ(ა)ნ მიცვ(ა)ლებ(უ)ლთა მ(ა)თ • ს(უ)ლთა ს(ა)ხ(იე)რო • სადაცა იგი არს მკჳდრობ(ა)ჲ ყ(ოველ)თა ს(უ)ლთა შ(ე)ნდამი მოხ(ა)რ(უ)ლთაჲ ჻

Ⴐ(ა)ჲსათ(ჳ)ს Ⴥ, კ(ა)ცნო ამაოდ ვშფოთებთ რ(ამეთუ) • სრბაჲ ესე საწუთო არს რ(ომე)ლსა ვრბით ჩ(უე)ნ • კუ(ა)მლ არს ცხ(ო)რ(ე)ბ(ა)ჲ ესე • ორთქლ მტუერ და ავლ და ალმურ არს • წუთერთ საჩინო • და მსწრ(ა)ფლ უჴმარ და უჩინო • და ნიავ ქარ • ქართაგ(ა)ნ მიმოტაცებულ • და ყ(ოვლა)დ დაუდგრომელ • ამისთ(ჳ)ს ქ(რისტე)ს მ(იმა)რთ • უკდ(ა)ვისა • მ(ეუ)ფისა ღ(ა)ღ(ა)დ ვყ(ო)თ • გ(ა)ნ(უ)სუჱნე ჩ(უე)ნგ(ა)ნ მიცვ(ა)ლებ(უ)ლთა მ(ა)თ • ს(უ)ლთა ს(ა)ხ(იე)რო • ს(ა)დაცა იგი არს მკჳდრობ(ა)ჲ • ყ(ოველ)თა ს(უ)ლთა შ(ე)ნდამ(ი) მოხ[არულთა] ჻

Ⴂ(ა)Ⴌხრწნადი ხ(ა)რ Ⴥ, კ(ა)ცო რ(ა)ჲსათ(ჳ)ს ჰბრძნობ დიდად • რ(ა)ჲსა ჰქედ მ(ა)ღლობ უ(ფლისა)ჲ • ქუემძრომელი და მოკუდავი • რ(ა)ჲსა არა იგონებ • ს(ა)სჯელსა მ(ა)ს ს(ა)შ(ი)ნელსა • რ(ა)ჲსათ(ჳ)ს არ[ა] ზრუნავ აღს(ა)სრულისათ(ჳ)ს • წ(ა)რმტაცებელი • მოწევნულ (ა)რს •

გ(ა)ნემზადე შ(ე)ნ გ(ა)ნსლვისა მ(იმა)რთ კ(ა)ცო • და ქ(რისტე)ს მხოლოჲსა და • უკდ(ა)ვისა • მჴსნელისაგ(ა)ნ ითხოვე • ჩ(უე)ნგ(ა)ნ წ(ა)რსულთა და მიცვ(ა)ლებ(უ)ლთა ს(უ)ლთა გ(ა)ნუს(უე)ნე • ს(ა)დაცა იგი არს მკჳდრობ(ა)ჲ ყ(ოველ)თა ს(უ)ლთ(ა)ჲ • შ(ე)ნდამი მოხ(ა)რულთ(ა)ჲ ჻

Ⴅელთა ყუავლისა ვ(ა)რთ კ(ა)ცნი შესწორებულ • ადვილ(ა)დ მუკუეთადნი • და ადვილ(ა)დ გ(ა)ნხრწნადნი • ხორშ(ა)კი სიკ(უ)დილის(ა)ჲ • დაგუა ჭნობს და გ(ა)ნგ(უ)ჴმობს ჩ(უე)ნ • ხ(ოლო) მანგალი • აღს(ა)სრ(უ)ლის(ა)ჲ მოგუკუჱთს ჩ(უე)ნ • და სამარე • დაგუფარ(ა)ვს და იავ(ა)რ გ(უ)ყ(ო)ფს • რ(ა)ჲსათ(ჳ)ს მე ვ(ითარც)ა უკდ(ა)ვნი და უხრწნელნი • უდებ ვ(ა)რთ ჩ(უე)ნ • მოკუდ(ა)ვნი და გ(ა)ნხრწნ(ა)დნი • ვინ(ა)ჲცა Ⴥ, ძმ(ა)ნო • ქ(რისტე)ს უკდ(ა)ვისა • მ(ეუ)ფისა მ(იმა)რთ • ჴმა ვყ(ო)თ ჩ(უე)ნგ(ა)ნ მიცვ(ა)ლებ(უ)ლთა ს(უ)ლთა მიჰმ(ა)დლე გ(ა)ნსუჱნებ(ა)ჲ მ(ეუ)ფ(ე)ო ჻

Ⴓარსებო და უხილავ და სიზმარ ვ(ა)რთ ძმ(ა)ნო • და საოც(ა)რთა ღ(ა)მისთა მიმსგ(ა)ვსებ(უ)ლ • რ(ამეთუ) ვჰგონებთ თუ ვ(ა)რთ • და არა ვ(ა)რთ რ(ამეთუ) ივლტის • და გ(ა)ნთევის • ცხ(ო)რ(ე)ბ(ა)ჲ და არსებ(ა)ჲ ჩ(უე)ნი • რასა ვიუნჯებთ • ოქროსა მკლველსა ს(უ)ლის(ა)სა • აწ უკუჱ მ(ოვე)დით და • ვზრუნვიდეთ ქ(რის)სთეჲსთ(ჳ)ს • სიკ(უ)დილისა • და ჴმა ვყ(ო)თ ქ(რისტე)ს მ(იმა)რთ • უკდ(ა)ვისა ღ(მრ)თისა • გ(ა)ნ(უ)სუჱნე მჴსნელო • ჩ(უე)ნგ(ა)ნ წ(ა)რსრულთა მ(ა)თ • სად(ა)ცა იგი არს მკჳდრობ(ა)ჲ • ყ(ოველ)თა ს(უ)ლთა შ(ე)ნდამი მოხ(ა)რ(უ)ლთაჲ ჻

Ⴜ(ა)რდგ(ო)მ(ა)ჲ Ⴇჳთი ჻

Ⴖ(უა)წლით შემოსილა შ(ე)ნთა • ს(ა)ჴსენებელი უფრ(ო)ჲს გ(ა)ნაბრწყ(ი)ნვე • ვ(ითარც)ა ყ(ოვლა)დ ძლ(იე)რმ(ა)ნ უ(ფალ)ო და ახუან ჰყვენ • მიმსგ(ა)ვსებითა ვნებ(ა)თა მ(ა)თ შ(ე)ნთ(ა)ჲთა • ვინ(ა)ჲთა სძლეს ძ(ა)ლსა • ბილწისა ბელიარის(ა)სა • და მიხუნეს მ(ა)დლნი კურნებ(ა)თ(ა)ნი • მ(ა)თითა ოხითა კ(ა)ცთა მ(ო)ყ(უა)რე • მშჳდობ(ა)ჲ მოჰმ(ა)დლე ერსა შ(ე)ნსა ჻

Ⴐ(ა)ჟ(ამ)ს სიტყჳთა შ(ე)ნთა წ(ა)რვდგეთ მ(ა)ცხ(ოვა)რ თუალუხუავისა • ს(ა)ყდ(ა)რსა შ(ე)ნსა ნუ არცხუჱნ • მ(ა)თ რ(ომელ)თა იგი შ(ე)ნდა მომ(ა)რთ • ჰრწმენა ქ(რისტ)ე მ(ეუ)ფ(ე)ო რ(ამეთუ) ყ(ოველ)თავე • ვცოდეთ ა(რამე)დ არ(ა)ჲ გ(ა)ნგიდეგ(ი)თ შ(ე)ნგ(ა)ნ ამისთ(ჳ)ს • გ(ე)ვ(ე)დრ(ე)ბით შ(ე)ნ მ(ა)რთ(უა)ლთაა თ(ან)ა დააწესენ რ(ომელ)ნი მისცვალენ • ვ(ითარც)ა მრ(ა)ვ(ა)ლ მ(ო)წყ(ა)ლე ხ(ა)რ ჻

Ⴋხ(ო)ლოო რ(ომელმა)ნ უწყი უძლ(იე)რებ(ა)ჲ ჩ(უე)ნი • სიტკბ(ოე)ბ(ა)ჲ და წყ(ა)ლ(ო)ბ(ა)ჲ • ს(ა)ხ(იე)რების(ა)ჲ აჩუჱნე კ(ა)ცთა მ(ო)ყ(უა)რე • მიცვ(ა)ლებ(უ)ლთა ს(უ)ლთა რ(აჲთ)ა დღესა მ(ა)ს • დიდსა ს(ა)სჯელისასა • ურცხჳნელ(ა)დ დადგენ მ(ა)რჯ(უე)ნით • შ(ე)ნსა მონანი შ(ე)ნნი • Ⴥ, მ(ა)ცხ(ოვა)რო ჩ(უე)ნო • რ(ამეთუ) შ(ე)ნ მ(ეუ)ფისა მ(იმა)რთ • ყ(ოველ)თაჲსა დადვეს ს(ა)სო(ე)ბ(ა)ჲ მ(ა)თი ჻

Ⴓგ(ა)ლ(ო)ბ(დით)სა Ⴐ(ომელმა)ნ წამის ყ(ო)ფ ჻

Ⴐ(ომელმა)ნ სიკ(უ)დილითა შ(ე)ნითა ქ(რისტ)ე • მძლ(ა)ვრებ(ა)ჲ სიკ(უ)დილის(ა)ჲ შეჰმუსრე • და აჰყედ ზ(ე)ცად წინა მორბედ(ა)დ ჩ(უე)ნდა • და კრებ(უ)ლი მ(ო)ც(ი)ქ(უ)ლთაჲ შ(ე)ნთა აღამ(ა)ღლე • აწცა გ(ა)ნსუჱნე ს(უ)ლ(ი)თა შ(ე)ნ წ(ინაშ)ე მიცვ(ა)ლებ(უ)ლთა ჻

Ⴐ(ომელმა)ნ ახუან ჰყვენ • წ(მიდა)ნი შ(ე)ნნი • და მ(ა)თ მ(იე)რ ს(ა)ცთ(უ)რი უჩინო ჰყ(ა)ვ • ღ(მერთ)ო მ(ო)წყ(ა)ლეო მ(ეო)ხ(ე)ბითა მ(ა)თითა დღეს • უკდ(ა)ვებ(ი)სა ღირს ყვენ შ(ე)ნდა მიცვ(ა)ლებ(უ)ლნი • ს(უ)ლნი და გ(ა)ნ(უ)სუჱნე • რ(აჲთ)ა გიგ(ა)ლობდენ შ(ე)ნ ჻

Ⴐ(ომელმა)ნ მონ(ა)თათ(ჳ)ს • პ(ა)ტი(ო)ს(ა)ნნი სისხლნი შ(ე)ნნი დასთხიენ მ(ეუ)ფ(ე)ო • და თ(ან)ა ნადები მ(ა)თი გ(ა)რდაიჴ(ა)დე • ამისთ(ჳ)ს გ(ე)ვ(ე)დრებით და ვითხ(ო)ვთ შ(ე)ნგ(ა)ნ მ(ო)წყ(ა)ლეო • მონ(ა)თა შ(ე)ნთა ს(უ)ლთა • შესუჱნებ(უ)ლთა გ(ა)ნ(უ)სუჱნე ჻

Ⴋხ(ო)ლო ს(ა)ხ(იე)რო და მ(ო)წყ(ა)ლ(ე)ო • ს(უ)ლთა შ(ე)ნდა მოსრულთა გ(ა)ნ(ა)სუჱნე • სავანეთა მ(ა)თ ზ(ე)ცის(ა)თა სადა იგი • დაუსრულებ(ე)ლი არს სიხ(ა)რ(უ)ლი და გ(ა)ნსუჱნებაჲ • სადა იგი ნ(ა)თელი პირისა შ(ე)ნის(ა)ჲ ბრწყ(ი)ნ(ა)ვს ჻

Ⴜ(მიდას)ა ღ(მერ)თისმშობ(ე)ლსა • Ⴥ, მ(ო)რწმ(უ)ნენო გ(ა)ლ(ო)ბითა ს(ა)ღ(მრ)თ(ო)ჲთა შევამკობდეთ • რ(ომელმა)ნ გჳშვა ღ(მერთ)ი მკლველი სიკ(უ)დილის(ა)ჲ დაუსრულებ(ე)ლისა ცხ(ო)რ(ე)ბის მომცემელი • მ(ა)ს მხ(ო)ლ(ო)-

სა უგ(ა)ლ(ო)ბდეთ რ(ომელი)ცა დ(იდე)ბ(უ)ლ არს ჻

Ⴂ(ან)Ⴛ(ლიერდას)Ⴀ Ⴄჰა ბერწო ჻

Ⴐ(ომელმა)ნ მიწით დამბადე • და მიწად მიქცეული • კ(უალა)დ გ(ა)ნმაახლე მე • გ(ა)ნ(უ)სუჱნე ს(უ)ლთა • მიცვ(ა)ლებ(უ)ლთა • ოხითა • წ(მიდა)თა მ(ა)რტჳლთა შ(ე)ნთ(ა)ჲთა • კ(ა)ცთა მ(ო)ყ(უა)რეო ჻

Ⴖ(უა)წლით შემოსილთა შ(ე)ნთა • წ(მიდა)თა მ(ო)წ(ა)მეთა • ტანჯვ(ა)ნი და გუჱმ(ა)ნი • მ(ეო)ხად მიიხუჱნ • და მონ(ა)თა შ(ე)ნთა • ს(უ)ლნი ს(ა)ყ(ო)ფელსა • წ(მიდა)თა შ(ე)ნთ(ა)სა • ღირს ყვენ მ(ო)წ(ყა)ლე ჻

Ⴈჴს(ე)ნენ გეჰენისაგ(ა)ნ • ც(ე)ცხლისა უშრეტისა • და ს(ა)ტ(ა)ნჯველთა მ(ა)თგ(ა)ნ ჯ(ო)ჯ(ო)ხ(ე)თის(ა)თა • მონანი შ(ე)ნნი • ს(ა)რწმ(უ)ნ(ო)ებითა • და ს(ა)სო(ე)ბითა • დაძინებულნი ჻

Ⴄჰა ქ(რისტ)ე მ(ეუ)ფ(ე)ო • ს(ა)ხ(იე)რ კ(ა)ცთა მ(ო)ყ(უა)რე • ს(უ)ლნი რ(ომე)ლ მ(ი)სცვალენ • ღირს ყვენ მ(ო)წყ(ა)ლ(ე)ო • გ(ა)ნსუჱნებ(ა)სა • რ(ამეთუ) მ(ეუ)ფე ძჳრუჴსენებულ ხ(ა)რ • ყ(ოვლა)დ ძლ(იე)რო ჻

Ⴅ(ითარც)ა დედაჲ უ(ფლისა)ჲ უწმიდეს ხ(ა)რ ყ(ოველ)თა • დაბადებულთა სძ(ა)ლო • რ(ამეთუ) და მჴსნელი • სიკ(უ)დილის(ა)ჲ ჰყ(ა)ვ • რ(ომელმა)ნ გ(ა)ნხრწნილთა • მოგუეცა უხრწნელ(ე)ბ(ა)ჲ ყ(ოვლა)დ წ(მიდა)ო ჻

Ⴋ(ე)Ⴑ(მას)Ⴀ Ⴋოსლვისა ჻

Ⴑ(ა)ფლ(ა)ვსა დიდებ(ა)ჲ • წყ(ა)ლ(ო)ბით თ(ა)ვს იდევ მ(ეუ)ფ(ე)ო • და ს(ა)ფლ(ა)ვნი დააცალიერენ • და მარტყჳლნი უძლეველ ჰყვენ • და შესუჱნებ(უ)ლთა მ(ი)ეც გ(ა)ნსუჱნ(ე)ბ(ულთა) ჻

Ⴐ(ომელმა)ნ მ(ა)რტჳლთა • ღ(უა)წლნი და სიმჴნენი მიითუალენ • და ასოთა დაჭრაჲ მ(ეუ)ფ(ე)ო • ს(უ)ლნი რ(ომე)ლ შეივედრენ • იჴსნენ ს(ა)ტ(ა)ნჯველთაგ(ა)ნ ს(აუ)კ(უ)ნ(ე)თა ჻

Ⴐ(ომ)ლისა გიპყრ(ი)ეს ცხ(ო)რ(ე)ბისა ჩ(უე)ნისა საზღვარი • ცხ(ო)რებ(ა)სა უკდ(ა)ვსა ღირს ყვენ • ს(უ)ლნი რ(ომე)ლ შეივედრენ • და ც(ო)დვ(ა)თა მ(ა)თთა პატიჟნი დაჰყსნენ ჻

Ⴐ(ომელმა)ნ ყ(ოველ)ნი • სისხლითა შ(ე)ნითა მოჲყიდენ • გ(ე)ვ(ე)დრ(ე)ბით შ(ე)ნ კ(ა)ცთა მ(ო)ყ(უა)რეო • ც(ო)დვ(ა)თა შენდობ(ა)ჲ მიეც • რ(ომელ)თა იგი ამიერ ს(ო)ფლით მოუწოდე ჻

Ⴐ(ომელმა)ნ ძ(ა)ლითა • შ(ე)ნითა უძლეველითა ქ(რისტ)ე • დაჰჴსენ მძლ(ა)ვრებ(ა)ჲ ჯ(ო)ჯ(ო)ხ(ე)თის(ა)ჲ • მ(ა)ს შ(ინ)ა დასჯისაგ(ა)ნ • ს(უ)ლნი მონ(ა)თა შ(ე)ნთ(ა)ნი გ(ა)ნათ(ა)ვისუფლენ ჻

Ⴘ(ე)ნ მხ(ო)ლ(ო)ჲსა შ(ორი)ს •

შობ(ა)ჲ და ქ(ალ)წ(უ)ლებ(ა)ჲ შემოკრბეს • რ(ამეთუ) ღ(მერთ)ი იყო რ(ომელ)ი ჰშ(ე)ვ • და მჴსნელი სიკ(უ)დილის(ა)ჲ • რ(ომელ)ი გ(ა)ნ(უ)სუჱნებს მ(ი)ცვ(ა)ლებ(ე)ლთა ჻

Ⴖ(ამით)Ⴂ(ანს)Ⴀ: Ⴙუჱნებით ჻

Ⴄკლესიასა შ(ინ)ა • პირმშოთ(ა)სა ს(ა)ხ(იე)რ • რ(ომელ)ნი გ(ა)ნვიდეს • ჩ(უე)ნგ(ა)ნ ოხითა ღ(უა)წლით შემოსილთა და • წ(მიდა)თა • მ(ო)წ(ა)მეთა • მ(ა)რთ(ა)ლთა და რჩეულთა შ(ე)ნთა თ(ან)ა • ნ(ა)თელსა • პირისა შ(ე)ნის(ა)სა დააწესენ ჻

Ⴓაღრეს ბ(უ)ნებ(ა)თა • ს(ა)შუჱბ(ე)ლთა მ(ა)თ შ(ინ)ა • შ(ე)ნთა ს(აუ)კ(უ)ნეთა • დააწესენ მჴსნელო მიცვ(ა)ლებ(უ)ლთა ს(უ)ლნი • წ(მიდა)თა • ბრწყ(ი)ნვ(ა)ლებ(ა)სა • და მ(ი)ეც მოტევებ(ა)ჲ ც(ო)დვ(ა)თ(ა)ჲ • და ღირს ყვენ ნ(ა)თელსა პირისა შ(ე)ნისა[სა] ჻

Ⴋოვიჴს(ე)ნნი რ(ა)ჲ ს(უ)ლნი ძმ(ა)თა ჩ(ე)მთ(ა)ნი • რ(ომე)ლ ჩ(უე)ნგ(ა)ნ მოჲცვ(ა)ლნეს • მრ(ა)ვლითა ტირ(ი)ლითა აღვივსები მე • და ვიტყჳ Ⴥ, უბადრუკსა • რ(ამეთუ) მეცა წ(ა)რმ(ა)ვ(ა)ლ ვ(ა)რ მ(ა)თ თ(ან)ა • და საგზალი გზისა მის უცხოჲსაჲ არა მომიგეს ჻

Ⴘუჱნირ(ე)ბ(ა)ჲ ეგე • საწადელი პირისა • შ(ე)ნის(ა)ჲ ღირს ყ(ა)ვ ხილვად • ს(უ)ლსა მონ(ა)თა შ(ე)ნთ(ა)სა მ(ო)წყ(ა)ლეო • და ბნელი ბრ(ა)ლთაჲ მოსძარც[ვ]ე • და წყუდიადი ც(ო)დვ(ა)თ(ა)ჲ • რ(ამეთუ) შ(ე)ნ მხ(ო)ლ(ო)ჲ ხ(ა)რ უცხოჲ ც(ო)დვ(ა)თაგ(ა)ნ ს(ა)ხ(იე)რო ჻

ႢႬ(ა)ტრის შ(ე)ნ ყ(ოველ)ივე • თესლები ღ(მრ)თ(ი)სმშ(ო)ბ(ე)ლო • რ(ამეთუ) უთესლოდ • მოუცლად-იღე დამბ(ა)დებ(ე)ლი და გჳშ(ე)ვ • ღ(მერთ)ი და კ(ა)ცმ(ო)წყ(ა)ლე • სიკ(უ)დილისა და ცხ(ო)რებისა • ნ(ა)თელი ბრწყ(ი)ნვ(ა)ლე • და მთ(ა)ვ(ა)რი მშჳდ(ო)ბ(ი)სა ჻

Ⴖ(აღად)Ⴗ(ავს)Ⴀ : Ⴃა მკჳდრ ჻

Ⴂ(ა)რდააქციე გოდებ(ა)ჲ • ს(ა)ღ(მრ)თ(ო)ჲ მ(ა)თ რ(ომელ)ნი • ს(ა)რწმ(უ)ნ(ო)ებით მიიცვ(ა)ლნეს • მ(ა)რტჳლთა ოხითა მხიარულებ(ა)დ • და ნ(ა)თელსა პირისა შ(ე)ნის(ა)სა ღირს ყვენ ჻

Ⴋ(ა)მამთ(ა)ვრისა წიაღთა • გ(ა)ნ(უ)სუჱნე ქ(რისტ)ე • ს(ა)რწმ(უ)ნ(ო)ებით შესუჱნებ(უ)ლთა • სადა იგი ბრწყ(ი)ნავს • ნ(ა)თელი შ(ე)ნი • და ივიწყენ შეც(ო)დებ(ა)ნი მ(ა)თნი ჻

Ⴀმიერ მიცვ(ა)ლებ(უ)ლთა • და ს(ო)ფლისა ამის • ძჳ(ი)რდთაგ(ა)ნ ჴსნილთათ(ჳ)ს ს(ა)კჳრველ ჰყ(ა)ვ • მ(ო)წყ(ა)ლ(ე)ბ(ა)-

ნი კ(ა)ცთა მ(ო)ყ(უა)რეო • და მ(ა)დლითა და ს(ი)ხ(ა)რ(უ)ლითა აღავსენ ჻

Ⴑამოთხე გ(ა)ნმზ(ა)დებ(უ)ლ არს • მიცვ(ა)ლებ(უ)ლთათ(ჳ)ს • და ისმის ჴ(მა)ჲ იგი საწადელი • მ(ა)დლ(ი)თ და მიიღეთ • ჩ(ე)მთ(ჳ)ს მაშურალნო • საშუჱბ(ე)ლი გ(ა)ნმზ(ა)დებ(უ)ლ არს თქ(უე)ნთ(ჳ)ს ჻

Ⴘობითა შ(ე)ნითა სძალო • ვიჴსნენით ყ(ოველ)ნი • სიკ(უ)დილისაგ(ა)ნ და ხრწნილებისა[გან] • რ(ამეთუ) შ(ე)ნ გჳშ(ე)ვ • უხრწნელ(ე)ბისა • წყაროჲ და ყ(ოველ)ი ს(ო)ფელი გ(ა)ნ(ა)ნ(ა)თლე ჻

Ⴉ(ურთ)Ⴞ(ეულარს)Ⴀ: Ⴅ(ითარც)ა ს(ა)მთა ყ(რ)მ[ათა] ჻

Ⴗ(ოვე)ლთა ცხ(ო)რებ(ა)ო • მიზეზო და ძ(ა)ლო • ღ(მრ)თისა სიტყჳო ს(ა)ხ(იე)რო • აღთქმ(უ)ლ(ი)სა მ(ა)ს შ(ინ)ა • მ(ა)რტჳლთათ(ჳ)ს შუჱბ(ა)სა • მიცვ(ა)ლებ(უ)ლთა ს(უ)ლნი • მონ(ა)თა შ(ე)ნთ(ა)ნი • დააწესენ და გ(ა)ნ(უ)სუჱნე ქ(რისტ)ე ჻

Ⴤ(ო)რცნი ესე გ(ა)ნხრწნადნი • ახუვანად შეურ(ა)ცხ ყვნეს • ნ(ე)ტ(ა)რთა ქ(რისტე)ს მ(ო)წ(ა)მეთა • და აწ კ(ა)დნიერ(ა)დ იღ(უ)წიან მის წ(ინაშ)ე • რ(აჲთ)ა ღირს ყვნეს უ(ფალმა)ნ • მიცვ(ა)ლებ(უ)ლთა ს(უ)ლნი • მონ(ა)თა შ(ე)ნთ(ა)ნი ს(ა)ს(უ)ფ(ე)ვ(ე)ლსა ჻

Ⴉალმითა ჯ(უარისა)ჲთა • მოტევებ(ა)ჲ ც(ო)დვ(ა)თ(ა)ჲ • დაუწერე ქ(რისტ)ე მ(ო)რწმ(უ)ნეთა • რ(ომლ)ისა ზიარ ყვენ • ს(უ)ლნი რ(ომე)ლ მისცვალენ • რ(აჲთ)ა გ(ი)ღ(ა)ღ(ა)დებდენ • კ(ურთხეულ) ხ(ა)რ შ(ე)ნ უ(ფალ)ო ღ(მერთ)ო ჻

Ⴅ(ითარც)ა ს(ა)ხ(იე)რ ხ(ა)რ ქ(რისტ)ე შუჱნებ(უ)ლნი • სამოთხესა დააწესენ და • გ(ა)ნ(ა)ნ(ა)თლენ იგინი • ღ(მრ)თეებისა ნ(ა)თლითა • და ღირს ყვენ ღ(ა)ღ(ა)დებ(ა)დ კ(ურთხეულ) ხ(ა)რ შ(ენ) ჻

Ⴑიტყ(უა)ჲ დაუსაბამოჲ • თ(ან)ა არსი მ(ა)მის(ა)ჲ • შ(ე)ნგ(ა)ნ რ(ა)ჲ იშვა ღ(მრ)თისმშ(ო)ბ(ე)ლო • ბ(უ)ნებ(ა)ჲ კ(ა)ცობრივი • ვნებ(ა)თა შ(ინ)ა დაფლული • ნ(ა)თლად აღმოჲყვ(ა)ნა • კ(ურთ)ხ(ეუ)ლ (ა)რს ქ(ალ)წ(უ)ლო ნ(ა)ყ(ო)ფი მუცლისა შ(ე)ნის(ა)ჲ ჻

ႠႩ(ურთხევდითს)Ⴀ ჻

Ⴚ(ე)ცხლი ჻

Ⴅ(ითარც)ა ხ(ა)რ საუნჯე • უკდ(ა)ვებისაჲ ღ(მერთ)ო ცხოველო • წინ(ა)ჲთვე აღუთქუ მოკ(უ)დ(ა)ვთა უკდ(ა)ვებ(ა)ჲ • რ(ომე)ლიცა • მეც მდიდრად მ(ო)წ(ა)მეთა შ(ე)ნთა რ(ომელ)ნი • გ(ი)კ(ით)ხ(ა)ვნ და აღგ(ა)მ(ა)ღლ(ე)ბ(ე)ნ უკ(უნისამდ)ე ჻

Ⴑიბრძნითა მით ს(ა)ღ(მრ)თ(ო)ჲთა • და ახუანებითა

თმენ(ა)თაჲთა • ს(ა)ტ(ა)ნჯველთა ერეოდეს მ(ო)წ(ა)მ(ე)ნი • და ს(უ)ლთათ(ჳ)ს მიცვ(ა)ლებ(უ)ლთა ითხ(ო)ვენ შენდობ(ა)სა • და ჴმობენ • აკ(ურთ)ხ(ე)ვდით და აღ(ა)მ(ა)ღლ(ე)ბდით მ(ას უკუნისამდე) ჻

Ⴊახურითა მით გუჱრდისა შ(ე)ნის(ა)ჲთა გ(ა)ნხეთქე ჴ(ე)ლით წერილი • შ(ე)ნ წ(ინაშ)ე მიცვლებ(უ)ლთ(ა)ჲ უ(ფალ)ო • და ც(ო)დვ(ა)თა • შუაკედელი დაჰჴსენ მგ(ა)ლ(ო)ბ(ე)ლთა შ(ე)ნთ(ა)ჲ • რ(ომელ)ნიცა ამიერ შეივედრ(ე)ნ მრ(ა)ვ(ა)ლმ(ო)წყ(ა)ლე ჻

ႠႶავსენ სიხ(ა)რ(უ)ლითა ს(აუ)კ(უ)ნოჲთა • მონ(ა)ნი შ(ე)ნნი • და დააწესენ მგ(ა)ლ(ო)ბ(ე)ლ(ა)დ შ(ე)ნდა და ღ(ა)ღ(ა)დებდენ აკ(ურთ)ხ(ე)ვ ჻

Ⴘუა კედ(ე)ლი იგი ც(ო)დვის(ა)ჲ დაჰჴსენ ქ(რისტ)ე ღ(მერთ)ო • ს(უ)ლთაჲ მ(ა)თი რ(ომელ)ნი შეივედრენ ჩ(უე)ნგ(ა)ნ • რ(აჲთ)ა პირსა შ(ე)ნსა დ(იდე)ბ(უ)ლსა ღირს იქმნენ ხილვ(ა)დ • და მ(არა)დის ანგ(ე)ლ(ო)ზთა თ(ან)ა გ(ა)დიდებდენ ჻

Ⴖრუბ(ე)ლი ხ(ა)რ ნ(ა)თლის(ა)ჲ • მაგრ(ი)ლობ(ე)ლი მორწმ(უ)ნეთ(ა)ჲ • წყ(ა)ლი ცხ(ო)ველი გ(ა)ნჴმ(ე)ლთა წყურიელთა • და მოკ(უ)დ(ა)ვთა უკდ(ა)ვებ(ა)ჲ • და ც(ო)დვ(ა)თა მოტ(ე)ვებ(ა)ჲ • ღ(მრ)თ(ი)ს მშ(ო)ბ(ე)ლო • ამისთ(ჳ)ს გ(ა)კ(ურთ)ხ(ე)ვთ შ(ე)ნ ჻

Ⴀ(დიდე)Ⴁ(დითს)Ⴀ Ⴑიტყ(უა)ჲ ღ(მრთისა)ჲ ჻

Ⴋხ(ო)ლოო კ(ა)ცთა მ(ო)ყ(უა)რეო • მ(ა)რტჳლთა შ(ე)ნთა ოხითა მ(ი)ცვ(ა)ლებ(უ)ლნი • ქ(უე)ყ(ა)ნ(ა)სა ამ(ა)ს მშჳდთ(ა)სა • დაამკჳდრენ და ბრ(ა)ლთა შენდობ(ა)ჲ • მოჰმ(ა)დლე მ(ო)წყ(ა)ლეო • რ(აჲთ)ა მ(არა)დის გ(ადი)დებდენ შ(ე)ნ ჻

Ⴐ(ომელ)ნი შეივედრენ ქ(რისტ)ე • წ(მიდა)თა კ(ა)რ(ა)ვსა და წიაღთა აბრაჰ(ა)მისთა • მ(ა)რთ(ა)ლთა შ(ე)ნთა თ(ან)ა • აღრაცხენსა და იგი ნ(ა)თ(ე)ლი • პირისა შ(ე)ნის(ა)ჲ ბრწყ(ი)ნავს • და ჰგიეს სიხ(ა)რული უუხჭნოჲ ჻

Ⴌ(ე)ტ(ა)რსა მ(ა)ს ცხორებ(ა)სა • და ს(აუ)კ(უ)ნეთა კ(ე)თილთა ს(ა)შუჱბ(ე)ლსა • ღირს ყვენ მონანი შ(ე)ნნი ქ(რისტ)ე • რ(ომელ)ნი მისცვ(ა)ლენ ს(ა)წ(უ)თ(რ)ოჲსაგ(ა)ნ • ადგ(ი)ლსა მწუანვილუანსა • წყ(ა)ლთა ზ(ედ)ა გ(ა)ნს(ა)სვენებ(ე)ლთ(ა)სა ჻

Ⴃაჰჴსენ ჯ(ო)ჯ(ო)ხ(ეთ)ი მწარე • შთაჰყედ რ(ა)ჲ მ(ა)ს შ(ინ)ა

ქ(რისტ)ე და აღადგინენ • ს(აუ)კ(უ)ნ(ი)თგ(ა)ნ შეწყდომილნი • ამისთ(ჳ)ს ს(ა)ხ(იე)რ გ(ე)ვ(ე)დრებით • ღირს ყვენ ნ(ა)თ(ე)ლსა შ(ე)ნსა • ს(უ)ლნი მ(ო)რწმ(უ)ნეთა მონ(ა)თა შ(ე)ნთ(ა)ნი ჻

Ⴗ(ოველ)ით(უ)რთ ხ(ა)რ სიტკბო(ე)ბა • ყ(ოველ)ით(უ)რთ საწადელ მ(ა)ცხ(ოვა)რ გ(ე)ვედრებით • ს(უ)ლნი რ(ომე)ლ შეივედრენ • შ(ე)ნისა მის შუჱნიერებისა • ნ(ა)თელსა დაამკჳდრენ • და ბრალნი მ(ა)თნი უგ(უ)ლებელს ყვენ ჻

Ⴓფსკრულო ს(ა)ხ(იე)რების(ა)ო • ბ(უ)ნებით ტკბილო და კ(ა)ცთა მ(ო)ყ(უა)რეო • რ(ომელ)ნი წ(ა)რუვალისა ამის ცხ(ო)რებისაგ(ა)ნ მისცვალენ • დაამკჳდრენ ნ(ა)თელსა • შ(ე)ნსა თ(უა)ლთ შეუდგამსა • და გ(ა)ნ(უ)სუჱნე ჻

Ⴅ(ითარც)ა რ(ა)ჲ კიდობანმ(ა)ნ • და კარავმ(ა)ნ წამებისამ(ა)ნ სჯ(უ)ლის მდებ(ე)ლი ღ(მერთ)ი • და დამბდებ(ე)ლი შ(ე)ნი სძალო • შეიწყნარე საშოსა წ(მიდ)ასა რ(ომელმა)ნ სიკ(უ)დილისა და წყ(ე)ვისა გ(ა)ნჩინებ(ა)ჲ დააცხრო ჻

Ⴂ(ა)ლ(ო)ბ(ა)ნი ყ(ოვლა)დ წ(მიდ)ისა ღ(მრთ)ისმშ(ო)ბლის(ა)ნი

Ⴓქმი ქ(უე)ყ(ა)ნ(ა)ჲ ჻

Ⴖ(მრ)თისა მ(ა)მისა • ჯერ ჩინებითა და ს(უ)ლისა • ყ(ოვლა)დ წ(მიდ)ისა მ(ა)დლითა • ჭ(ეშმარიტა)დ დედ(ა)სა ღ(მრ)თის(ა)სა • ს(ა)ღ(მრ)თ(ო)ჲთა გ(ა)ლ(ო)ბითა • მ(ო)რწმ(უ)ნენი გჳრგჳნოს(ა)ნ ვყოფთ • სძალო ღ(მრთ)ის(ა)ო უხრწნ(ე)ლო • და უჴ(ო)რც(ო)თა თ(ან)ა გ(ა)ქებთ ცხ(ო)რ(ე)ბ(ა)სა ჩ(უე)ნსა ჻

Ⴎ(ირვე)ლ ადამის გუჱრდით დამბ(ა)დებ(ე)ლმ(ა)ნ • დაჰბადა ძუჱლი ევა • ხ(ოლო) საშოჲთ ქ(ალ)წ(უ)ლის(ა)ჲთ • ქ(რისტ)ე მ(ეუ)ფე გ(ა)ნკ(ა)ცნა • უქცევ(ე)ლად და უხრწნელ(ა)დ • და გ(ა)ნ(ა)ნ(ა)თლა ს(ო)ფელი • და იქმნა ახალ უწინარესი ს(აუ)კ(უ)ნეთაჲ ჻

Ⴐ(ომელმა)ნ საშოჲ ევაჲსი მწუხ(ა)რებით • შობად შვილთა დაჰბადა • საშოსა შ(ე)ნსა უხრწნელო • ულმობელად დაემკჳ(ი)დრა • და თჳნიერ ს(ა)ლმობისა • დედ(ო)ბრივისა იშვა • და პ(ირვე)ლისა დედისა თ(ან)ა ნადები დაჰჴსნა ჻

Ⴌიავ ქ(ა)რთაგ(ა)ნ • ბორ(ო)ტთა ც(ო)დვის(ა)თა • სასოწ(ა)რკ(უე)თილების(ა)თა • სიღრმესა შ(ინ)ა დანთქმ(უ)ლნი • ლმობიერ(ა)დ გ(ე)ვედრებით • უბიწოო ღ(მრთ)ისა დედაო •

გ(ა)ნმარინენ დანთქმისაგ(ა)ნ • რ(ამეთუ) შ(ე)ნ ხ(ა)რ ს(ა)სოჲ ჩ(უე)ნი შ(ემდგომა)დ ღ(მრ)თისა ჻

Ⴂ(ან)Ⴛ(ლიერდას)Ⴀ: Ⴋოს(ა)ვთა შ(ე)ნთა: Ⴑძალო უსძლოო • წ(ინაჲს)წ(ა)რვე გამ(ო)გსახა • კუჱრთხმ(ა)ნ აჰრონისმ(ა)ნ რ(ა)ჟ(ამ)ს • თჳნიერ ძირთა • აღყუავ(ი)ლნა • და უთესლოდ შობ(ა)ჲ შ(ე)ნი ქ(ა)დაგა: Ⴜინაჲსწარგიცნა • წ(ინაჲს)-წ(არმეტ)ყ(უე)ლმ(ა)ნ სძალო • ს(ა)საკუმევლედ ს(ა)ღ(მრ)თ(ო)ჲსა მის • ს(უ)ლნელებისა • რ(ომელმა)ნცა • ს(უ)ლნელ ყო ყ(ოველ)ი ს(ო)ფ(ე)ლი ჻

Ⴘ(ე)ნ გუაქუ მეოხად • და სასოდ ზღუდედ და მფ(ა)რველ(ა)დ • ც(ო)დვილთა ღ(მრ)თისა დედ(ა)ო • ნუ შეურ(ა)ცხ ყ(ო)ფ • და ნუ გუარცხუჱნ • სძალო ყ(ოვლა)დ ს(ა)გ(ა)ლ(ო)ბელო ჻

Ⴑიტყჳთ და ს(ა)ქმით • მ(ა)რთლმ(ა)დიდ(ე)ბლ(ო)ბით გქ(ა)დ(ა)გებს ეკლესიაჲ • და პ(ა)ტივ გცემს • ღ(მრ)თისა დედ(ა)ო ხატსა შ(ე)ნსა • და მგმობ(ა)რთა შ(ე)ნთა შეაჩუჱნებს • Ⴋ(ე)Ⴑ(მას)Ⴀ ჻

Ⴕ(რისტ)ე ღ(მერთ)ო ც(ა)ნი კ(ე)თი[ლი] ჻

Ⴖ(მრ)თის მშ(ო)ბ(ე)ლო • მთად ს(ა)ცნაურ(ა)დ ს(ა)თნ(ო)ებ(ა)თა • პ(ირვე)ლ ს(უ)ლითა გ(ი)ხილა ამბაკომ ღ(მრ)თისა მხილველმ(ა)ნ • და ცხადად მოასწავა • ღ(მრ)თისა სიტყჳსა შ(ე)ნგ(ა)ნ გ(ა)ნჴ(ო)რც(ი)ელებ(ა)ჲ და ღ(ა)ღ(ა)დყო • თემანით მოვიდეს ღ(მერთ)ი და აცხ(ო)ვნნეს კ(ა)ცნი ჻

Ⴋთად გქ(ა)დ(ა)გა • გამოუკ(უ)ლეველად დედ(ო)ფ(ა)ლო • დანიელ ს(უ)ლითა მოასწავა სიწმიდე შ(ე)ნი • გ(ა)მოუკლველი • რ(ომლ)ისაგ(ა)ნ ლოდად უჴელოდ გამოეკუჱთა ქ(რისტ)ე • და დაამჴუნა ჯ(უარ)ითა • კერპთა ბომონნი და ს(ა)ცთურნი ჻

Ⴑაკრველ(ა)დ • და ბოხილ(ა)დ მთად გიწოდა შ(ე)ნ დ(ავი)თ • რ(ამეთუ) მხ(ო)ლოდ შობილმ(ა)ნ ძემ(ა)ნ ღ(მრ)თისა მ(ა)მისამ(ა)ნ • შ(ე)ნ შ(ორი)ს ს(ა)თნო იყო • დამკჳდრ(ე)ბ(ა)ჲ უხრწნელო • და გ(ა)ნკ(ა)ცებ(უ)ლი გ(ა)მოვიდა შ(ე)ნგ(ა)ნ • ამისთ(ჳ)ს გ(ი)ხ(აროდე)ნსა გ(ი)ღ(ა)ღ(ა)დებთ ჻

Ⴑ(ა)ხიერი • დამჴურვ(ა)ლე მ(ეო)ხი ხ(ა)რ ყ(ოვლი)თ(ა)ჲ ც(ო)დვ(ი)ლთა და უღონოთა და ს(ა)სოო წ(ა)რკუჱთ(ი)ლთაჲ • ღ(მრთ)ისმშ(ო)ბ(ე)ლო უხრწნ(ე)ლო ჭირთა და ურვ(ა)თა და შეც(ო)დებ(ა)თაგ(ა)ნ •

გჳჴსნენ მონანი შ(ე)ნნი • და მტ(ე)რთა უხილ(ა)ვთ(ა)გ(ა)ნ • მძლედ გამოგუაჩინენ ჩ(უე)ნ ჻

Ⴖ(ამით)Ⴂ(ანს)Ⴀ Ⴙუჱნებით ჻

Ⴘ(ე)ნ კუჱრთხმან აჰრ(ო)ნისმ(ა)ნ • გამოჲღე ყუავილი • უხრწნ(ე)ლების(ა)ჲ ქ(რისტ)ე • რ(ომელმა)ნ მ(ა)მისა და ს(უ)ლისა მ(იე)რ წ(ა)რმ(ა)რთთა ფლობ(ა)ჲ და(ი)პყრა • და წ(ა)რმ(ა)რთნი ესვენ და ჰმონებნ • და შ(ე)ნ გნ(ა)ტრიან ტომნი და ნ(ა)თეს(ა)ვნი მ(ა)რ(ია)მ ჻

Ⴑ(ა)ყდ(ა)რთა დ(ავი)თისთა • მ(ეუ)ფე დ(ავი)თისი • მთ(ა)ვ(ა)რი მშჳდობის(ა)ჲ • შ(ე)ნგ(ა)ნ გ(ა)ნკ(ა)ცებ(უ)ლი დაჯდა • ქ(ალ)წ(უ)ლო • Ⴥ, ს(ა)კჳრველი • რ(ომელმა)ნ შემუსრნა ღ(მრ)თეებრ ბრძოლანი • და დედ(ო)ფ(ა)ლად ყ(ოველ)თა და დედად თ(ვ)ისად გ(ა)მოგუაჩენნა ჻

Ⴓხრწნელთა ჴ(ო)რცთა შ(ე)ნთა • უთესლოსა შობ(ა)სა • პ(ირვე)ლვე იტყ(ო)და • ესაჲა და ღრუბლად ს(უ)ლ მც(ი)რედ ს(ა)ხელ გდვა • რ(ომლ)ითა • მოვიდა ღ(მერთ)ი • და ბნელი ს(ა)ცთ(უ)რის(ა)ჲ გ(ა)ნდევნა სძ(ა)ლო • და კერპნი ეგჳპტის(ა)ნი შემუსრნა ღ(მრ)თის მშ(ო)ბ(ე)ლო ჻

Ⴑიტყ(ა)ჲ სწორი მ(ა)მის(ა)ჲ • და ს(უ)ლისა წ(მიდ)ის(ა)ჲ • მუცლ(ა)დ იღე სძ(ა)ლო • და ორითა ბ(უ)ნებითა ჰშ(ე)ვ ღ(მერთ)ი • და კ(ა)ცი • და ორთა ნეშთა • და ორთა ს(ა)ქმეთა მ(იე)რ შეერთებ(უ)ლი • რ(ომლ)ისა ხატისა ს(ა)რწმ(უ)ნ(ოე)ბით თ(ა)ყ(უა)ნის სც(ე)მთ ჻

Ⴖ(აღად)Ⴗ(ავს)Ⴀ: Ⴑიღრმეთა ჻

Ⴕებასა • ქებ(ა)თასა სოლომონ • შ(ინ)ა ცხედრად ს(ა)ხელ გდვა • ქ(ალ)წ(უ)ლო ს(ა)გ(ა)ლობელო • რ(ომე)ლსა გ(ა)ნ(ი)სუჱნა • სიტყ(უ)ამ(ა)ნ გ(ა)ნკ(ა)ცებ(უ)ლმ(ა)ნ • და იშვა შ(ე)ნგ(ა)ნ • შეურყევლ(ა)დ • ღ(მერ)თი და კ(ა)ცი ჻

Ⴑავანე და ტაძარ რჩეულ იქმენ ჻ ქ(ალ)წ(უ)ლო დ(იდე)ბ(უ)ლო • სიტყჳსა უსხეულოჲსა • და ვ(ითარც)ა პურფ(ი)რნი • ს(ა)ღ(მრ)თ(ო)ნი მიიხუნა შ(ე)ნგ(ა)ნ • ჴ(ო)რცნი და ს(უ)ფევს შუჱნიერებით • წ(ა)რმართებ(უ)ლი ჻

Ⴍქროჲსა უშუჱნერეს სძ(ა)ლო შეერთებისა ღ(მრ)თისა • იქმენ და უპატიოსნეს • შ(ე)ნ მ(იე)რ დ(ედო)ფ(ა)ლო • ღ(მერთმა)ნ კ(ა)ცებ(ა)ჲ მიიღო • და აღზ(ა)რდა • კ(ა)ცთა შ(ორი)ს კაცთა ჴსნისათ(ჳ)ს ჻

Ⴓრ(ი)ცხუთა • ბრ(ა)ლთა და ც(ო)დვ(ა)თა ზღ(უა)ჲ • აღძრულ იქმნა ჩ(ე)მ ზ(ედ)ა • და ს(ა)სოწარკუჱთ(ი)ლებისა • სიღრმესა და მან თქ(უ)ამს მე • Ⴥ, დედ(ა)ო ღ(მრ)თის(ა)ო • მ(ეო)ხ(ე)ბითა შ(ე)ნითა მიჴსენ • ღელვა გუჱმული ჻

Ⴉ(ურთ)Ⴞ(ეულარს)Ⴀ: Ⴖ(მრ)თისა სიტყ(უა)სა ჻

Ⴚეცხლისა მ(იე)რ და მახჳლისა • შეუწვ(ე)ლმ(ა)ნ მ(ა)ნ ს(ა)ჴუმილმ(ა)ნ • შ(ე)ნ ქ(ალ)წ(უ)ლო გ(ა)ნცხადებულ(ა)დ გ(ი)ქ(ა)დ(ა)გა • რ(ამეთუ) ქ(ალ)წ(უ)ლებ(ა)ჲ • და შ(ო)ბაჲ შეაერთენ • და შეუწველ(ა)დ დაიცევ • ც(ე)ცხლისაგ(ა)ნ ღ(მრ)თ(ე)ებ(ი)თა ჻

Ⴂედ(ე)ონის ცუარმ(ა)ნ და საწუმისმ(ა)ნ • შეცვ(ა)ლებით მოასწავა შობაჲ შ(ე)ნი წინაჲთვე • ღ(მრ)თისა დედ(ა)ო • რ(ამეთუ) შ(ე)ნ მხ(ო)ლომ(ა)ნ • სიტყ(უა)ჲ ღ(მრთისა)ჲ იტჳრთე და ჰშ(ე)ვ ჴ(ო)რცითა • და არაჲ გევნო ქ(ალ)წ(ულ)ებ(ა)სა ჻

Ⴚეცხლი შეცოდებ(ა)თა ალსა • გეჰენიის(ა)სა • უფრ(ოჲ)ს და უმძლაფრეს • აღატყინებს და აღაგზნებს • ხ(ოლო) შ(ე)ნ ღ(მრ)თისმშ(ო)ბ(ე)ლო • წყ(ა)ლ(ო)ბ(ი)თა შ(ე)ნ(ი)თა • დაშრიტე იგი და სინ(ა)ნ(უ)ლისა ნ(ა)თლ(ა)დ მიმიძეღუ ჻

Ⴎ(ა)ტ(ი)ვსცემთ მსგ(ა)ვსებ(ა)სა შ(ე)ნსა • და ხატსა ღ(მრ)თისა დედ(ა)ო • რ(ამეთუ) შ(ე)ნ ვ(ითარც)ა პირმშოსა სახესა • თ(ა)ვს მდებსა და მხ(ოლო)სა • შუამდგომელ(ა)დ აღგძრ(ა)ვთ • ღ(მრ)თისა მ(იმა)რთ უბიწოო • სასო გ(ა)ნწირულთაო ჻

ႠႩ(ურთხევდითს)Ⴀ ჻

Ⴋონებად ღ(მრ)თის(ა) ჻

Ⴋამ(ა)ნ ღ(მერთმა)ნ ს(ა)თნო გ(ი)ყო • სძლ(ა)დ უსძლოდ ს(უ)ლისა მ(იე)რ წ(მიდ)ისა ქ(ალ)წ(უ)ლო • ს(ა)მკჳდრებ(ე)ლად ძისა მხ(ო)ლოჲსა • ვ(ითარც)ა რ(ა)ჲ შროშანი საწადელი • და ვარდი ს(უ)ლნელი ეკ(ა)ლთა შ(ორი)ს ბრწყ(ი)ნვ(ა)ლე სიკეთითა ს(ა)თნ(ო)ებათაჲთა ჻

Ⴃედად გამოსჩნდი ძისა ღ(მრ)თისა • და ჯერ ჩინებისა მ(ა)მ(უ)ლითა სრულ იქმენ სძ(ა)ლო • და ტაძარ უხრწ[ნ]ელ ს(უ)ლისა წ(მიდ)ისა • დედად ღ(მრ)თისა იცნობე • უბიწოო • და ქ(ალ)წ(უ)ლ(ე)ბ(ა)ჲ წ(ა)რუპ(ა)რველი • და ს(აუ)კ(უ)ნოჲ დაიმ(ა)რხე ქ(ალ)წ(უ)ლ ჻

Ⴓაღრეს(ი)თა დ(იდე)ბ(ი)თა • უწმიდეს და უაღრეს იქმენ ზ(ე)ცისა ძ(ა)ლთა • ქ(ალ)წ(უ)ლო ყ(ოვლა)დ უბიწო• რ(ამეთუ) შემოქმედი მ(ა)თი ჰყ(ა)ვ შ(ე)ნ • რ(ომელმა)ნ შეე[რთ]ებითა მით • შეურწყმელითა ჴ(ო)რცნი შეისხნა შ(ე)ნგ(ა)ნ ჻

Ⴆეშთა ცნობისა და გონებისა • უნივთოჲ ღ(მერთ)ი გამოუსახველი • აუგებელი და მარტივი • ქ(ალ)წ(უ)ლისა ს(ა)შოსა ს(ა)კჳრ(ე)ლად • შეიორკეცა და ზრქელ იქმნა • ერთ გუამად ვით(არც)ა გამოიხატვის ჻

Ⴜერილთა ჻

Ⴋშობელთა ბერწთა უბიწოთა • სჯ(უ)ლსა ს(ა)ღ(მრ)თ(ო)სა და მმ(ა)რხველთა • ქ(ალ)წ(უ)ლი წ(მიდა)ჲ აღმოაცენეს იოაკიმ და ანანა • ხეთა წ(მიდა)თა ხილი წ(მიდა)ჲ • სიბერესა მ(ა)თსა და • აქებენ ღ(მერთს)ა და სძალსა • მშობ(ე)ლსა ღ(მრ)თისასა ადიდებენ ჻

Ⴀხალდა ს(ა)ღ(მრ)თო არს შობაჲ • ს(ა)ღ(მრ)თ(ო)ჲსა საშოჲსა შ(ე)ნისაჲ • რ(ამეთუ) მ(ა)ს შ(ინ)ა დაიწერა კ(ა)ც(ო)ბრივითა ხატითა • თითითა მ(ა)მის(ა)ჲთა და • ს(უ)ლისა შეწევნითა • ძე დაუს(ა)ბამოჲ რ(ომე)ლსა • ღ(მრ)თად და კ(ა)ცად აღვიარებთ მ(ა)ს ჻

Ⴉუჱრთხად სუფ(ე)ვისად გამ(ო)სჩნდი • რ(ამეთუ) მ(ეუ)ფე მ(ეუ)ფეთ(ა)ჲ • ქ(რისტ)ე ღ(მერთ)ი გჳშ(ე)ვ ყ(ოვლა)დ უბიწოო და ს(უ)ფ(ე)ვ • ყ(ოველ)თა მ(ო)რწმ(უ)ნ(ე)თა ზ(ედ)ა • ამისთ(ჳ)სცა გიგ(ა)ლ(ო)ბთ• და ვღ(ა)ღ(ა)დებთ გ(ი)ხ(აროდე)ნ • და ვადიდებთ ს(ა)ხ(იე)რებ(ა)სა შ(ე)ნსა ჻

Ⴘობისა თ(ან)ა ქ(ალ)წ(უ)ლებ(ა)ჲ • დაიმ(ა)რხე ღ(მრ)თისა დედაო • რ(ამეთუ) ზეშთა ცნობისა ჰშ(ე)ვ სიტყ(უა)ჲ ღ(მრთისა)ჲ სძალო • მ(ა)მულისა არსებისა • ყ(ოვლა)დ გ(ა)ნუშორებელი • ამისთ(ჳ)სცა თ(ა)ყ(უა)ნის გცემ • და სრულ ვჰყოფ გ(ა)ლ(ო)ბ(ა)სა შ(ე)ნსა ჻

Ⴃასდებელი [Ⴤმა]ჲ Ⴃ (4) ჻

Ⴑამწუხროსა • ამ(ა)ს გ(ა)ლ(ო)ბ(ა)სა და მსხუჱრპლსა • შ(ე)ნდა ქ(რისტ)ე შევსწირ(ა)ვთ • რ(ომელმა)ნ ინებე • აღდგ(ო)მითა შ(ე)ნითა • შეწყნ(ა)რ(ე)ბ(ა)ჲ ჩ(უე)ნ ყ(ოვე)ლთ(ა)ჲ ჻

Ⴟ(უა)რსა და მსჭ(უა)ლვითა • მ(ო)სპე წყევაჲ პ(ირვე)ლი • მ(ა)მისა ადამისა

და ჯ(ო)ჯ(ო)ხ(ე)თს მყ(ო)ფნი • აღდგ(ო)მ(ი)თა შ(ე)ნითა • გ(ა)ნ(ა)თ(ა)ვისუფლენ ქ(რისტ)ე ჻

Ⴑ(ა)შინელსა • ანგ(ე)ლ(ო)ზისა მის ხილვ(ა)სა • შეძრწუნდეს მცველნი იგი • ხ(ოლო) დედ(ა)თა მ(ა)თ • ესმაჲ ჴ(მა)ჲ აღდგომის(ა)ჲ • გ(ი)ხ(აროდე)ნ აღდგა უ(ფალ)ი ჻

Ⴘეპყრობილთა შიშითა • წ(მიდა)თა მ(ა)თ დედ(ა)თა • აღასრულეს ბრძ(ა)ნებ(ა)ჲ • ანგ(ე)ლ(ო)ზის(ა)ჲ მის • და ყ(ოვე)ლსა ს(ო)ფ(ე)ლსა • აღდგ(ო)მ(ა)ჲ შ(ე)ნი ქადაგეს ჻

Ⴂჭეთა ჴშულთა • შ(ე)ნს მ(ო)წ(ა)ფეთა შესლვითა და ჰჴსნ(ი)და მწუხ(ა)რებ(ა)ჲ • და სიხ(ა)რ(უ)ლი იგი • ჟ(ამს)ა ს(ო)ფელსა • აღდგ(ო)მ(ა)ჲ შ(ენ)ი ეხარა ჻

Ⴗ(ოვლა)დ წ(მიდა)ო ღ(მრ)თ(ი)ს მშ(ო)ბ(ე)ლო • შ(ე)ნ გ(ა)ქ(უ)ს კ(ა)დნიერებ(ა)ჲ • მოს(ა)ვთა შ(ე)ნთათ(ჳ)ს • ნუ დაცხრები ვედრებ(ა)დ • შ(ე)ნგ(ა)ნ შობილისა მ(იმა)რთ ჻

Ⴚანიცა ჻

Ⴟ(უარს)ა ზ(ედ)ა რ(ა)ჲ აჰმ(ა)ღლდი • ნ(ე)ფსით თ(ჳ)სით ქ(რისტ)ე ღ(მერთ)ო და გუჱრდით • შ(ე)ნით წყ(ა)როჲ ცხ(ო)რების(ა)ჲ მომეც ჩ(უე)ნ • და ხრწნილებისა გ(ა)ნგუწმიდენ • და შეწყდომილთა იგი ს(უ)ლნი • ჯ(უარ)ითა შ(ე)ნითა გ(ა)ნ(ა)ნ(ა)თლენ ჻

Ⴜინამძღ(უა)რი ს(უ)ლთა ჩ(უე)ნთაჲ • ქ(რისტ)ე აღდგა ს(ო)ფ(ე)ლით • დღეს რ(ომელ)ნი • არც ხჳნა უსჯ(უ)ლოთა ჰურიათა • და დედ(ა)თა ნუგეშინისცა • რ(ომელ)ნი ცრემლით ეძიებდეს • აღდგ(ო)მილი იხილეს და თ(ა)ყ(უა)ნი სცეს ჻

Ⴕ(რისტ)ე აღდგა ს(ა)ფლ(ა)ვ(ი)თ დღეს • ჴ(ე)ლმწიფედ ძლ(იე)რებით დათრგუნა • სიკ(უ)დილისა საწერტელი ჴ(ო)რცთა • და კ(ა)ცებ(ა)ჲ გ(ა)ნაღ(მრ)თო და თ(ან)ა • იზიარა დ(იდე)ბ(ა)სა და გ(უარ)ცხ(ო)ვნნა ჩ(უე)ნ აღდგ(ო)მითა თ(ჳ)სითა ჻

Ⴂონებ(ა)ჲ დაბნელებული • ს(ა)ცთ(უ)რთაგ(ა)ნ მტრის(ა)თა • შ(ე)ნ ქ(რისტ)ე • გ(ა)ნმ(ა)ნათლე აღდგ(ო)მითა შ(ე)ნითა • და ენაჲ ჩ(ემ)ი გ(ა)ნმიმარტე • შემსგვსებ(უ)ლად გ(ა)ლ(ო)ბ(ა)სა • აღდგ(ო)მისა შ(ე)ნის(ა)სა მ(ო)წყ(ა)ლე ჻

Ⴋჴნ(ეო)ნი ჻

Ⴐ(ა)ჟ(ამ)ს დაენერგა ძელი • ადგი[ლ]სა მ(ა)ს თემის(ა)სა • რ(ომელ)ი ამ(ა)ღლდა ც(ა)სა ც(ა)თ(ა)სა • რ(ომე)ლსა ზ(ედ)ა დაემკჳ(ი)დრა • ყ(ოვე)ლთა მ(ა)ცხ(ოვა)რი • ვ(ითა)რ ძჳრის მოქმედ(ი) შ(ორი)ს ორთა ავ(ა)ზ(ა)კთა • ლახურით მოჲწყ(ა)ლა • ჴსნ(ა)დ ჩ(უე)ნდა ყ(ოვლ)ისა-

გ(ა)ნ ბორ(ო)ტისა და რ(ომელ)ნი ს(ა)რწმ(უ)ნ(ო)ებით • აღდგომასა შ(ე)ნსა ვ(ა)დიდებთ ჻

Ⴑ(ა)ფლ(ა)ვსა შ(ე)ნსა მ(ა)ცხ(ო)ვ(ა)რ ბეჭედნი დაიცვებოდეს • ანგ(ე)ლ(ო)ზმ(ა)ნ გ(ა)რდააგორვა ლოდი • და ჰრქ(უ)ა დედ(ა)თა მ(ა)თ რ(ა)ჲსათ(ჳ)ს • ეძ(ი)ებთ მკ(უ)დ(ა)რთა თ(ან)ა • რ(ომელმა)ნ წ(ა)რმოტყუჱნა • ჯ(ო)ჯ(ო)ხ(ე)თი ჴ(ე)ლმწიფებით • და უხრწნელებ(ა)ჲ • მოსცა ადამიანთა • აღდგ(ო)მითა თ(ჳ)სითა ს(ა)ფლ(ა)ვისაგ(ა)ნ • რ(ომე)ლსა აქ(უ)ს დიდი წყ(ა)ლ(ო)ბ(ა)ჲ ჻

Ⴅ(ითარც)ა თ(უა)ლითა მხილველთა • და ჴ(ე)ლით მს(ა)ხ(უ)რთა დედ(ა)თა • წადიერად მოაქონდა ნელს(ა)ცხებ(ე)ლი • რ(აჲთ)ა შემურონ გუამი შ(ე)ნი • და გ(ა)ნცხ(ა)დებულად გ(ი)ხილეს • აღდგომილი ს(ო)ფლით • ძ(ა)ლითა ღ(მრ)თეების(ა)ჲთა • და თ(ა)ყ(უა)ნის გცეს • ხ(ოლო) შ(ე)ნ უბრძანე მ(ა)თ • რ(აჲთ)ა სწრ(ა)ფით • უქ(ა)დ(ა)გონ მ(ო)ციქ(უ)ლთა აღდგ(ო)მ(ა)ჲ შ(ე)ნი დიდებული჻ მ[...]

Ⴃ(იდე)ბ(ა)ჲ ჻

Ⴋოხედენ ვედრებ(ა)სა მონ(ა)თა • შ(ე)ნთ(ა)სა უბიწოო • და ძჳრთა ჩ(უე)ნთა • ზ(ედ)ა აღდგ(ო)მ(ა)ჲ დაჰჴსენ • და ყ(ოვლ)ისა მწუხ(ა)რებისაგ(ა)ნ • გჳ(ი)ჴსნენ რ(ამეთუ) შ(ე)ნ მხ(ო)ლ(ო)ჲ • გუაქუ ყ(ოვლა)დ მტკიცედ : და შეუძრველ(ა)დ ზღუდედ • და შ(ე)ნსა • შეწევნ(ა)სა შევევედრებით კ(ურთ)ხ(ეუ)ლო • დედ(ო)ფ(ა)ლო • ნუმცა სირცხულეულ ვიქმნებით შ(ე)ნნი მვედრებ(ე)ლნი • ისწრ(ა)ფე ოხ(ი)თა • შ(ე)ნითა შეწ(ე)ვნად ჩ(უე)ნდა რ(ომელ)ნი ს(ა)რწმ(უ)ნ(ო)ებით • ვჴმობთ შ(ე)ნდამი მ(არა)დის • გ(ი)ხ(აროდე)ნ შ(ე)ნთა შემწეო • დედ(ო)ფ(ა)ლო წ(მიდა)ო • სიხ(ა)რ(უ)ლო დამცველო ს(უ)ლთა ჩ(უე)ნთ(ა)ო ჻

Ⴑტ(ი)ქარონი ჻

Ⴋჴნეონი ჻

Ⴇ(ა)ყ(უა)ნის ვსცემთ ჯ(უარს)ა შ(ე)ნსა • ცხოველის მყ(ო)ფელს მ(ა)ცხ(ო)ვ(ა)რ • და მესამისა დღისა აღდგ(ო)მ(ა)სა შ(ე)ნსა • დაუცხრომ(ე)ლ(ა)დ ვადიდებთ ჩ(უე)ნ • რ(ამეთუ) გ(ა)ნაახლე • მის მ(იე)რ ხრწნ(ი)ლებასა დანთქმული კ(ა)ცთა ბ(უ)ნებ(ა)ჲ • ყ(ოვლა)დ ძლ(იე)რო • და გზ(ა)ჲ აღმყვ(ა)ნებ(ე)ლი • ზ(ე)ცად მ(იმა)რთ • გ(ა)ნგვიმზადე ვ(ითარც)ა მხ(ო)ლ(ო)ჲ • ს(ა)ხიერ ხ(ა)რ და კ(ა)ცთა მ(ო)ყ(უა)რე ჻

Ⴛელისა მის ურჩებისა • პატიჳნი დაჰჴსნენ მ(ა)ცხ(ოვა)რ • ძელსა რ(ა)ჲ ჯ(უარ)ის(ა)სა ნეფსით თ(ჳ)სით • და ემსჭუალე ყ(ოვლა)დ ძლ(იე)რო • და ჯ(ო)ჯ(ო)ხეთად შთაჰჴედ • და გ(ა)ნხეთქ(უ)ენ საკრველნი • სიკ(უ)დილისნი ვ(ითარც)ა ღ(მერ)თ ხ(ა)რ ამისთ(ჳ)ს ძრწ(ო)ლით • თ(ა)ყ(უა)ნის სცემთ ს(ა)ფლ(ა)ვით აღდგომ(ა)სა შ(ე)ნსა • და ვჴმობთ სიხ(ა)რ(უ)ლით • ყ(ოვლა)დ ძლ(იე)რო დ(იდე)ბ(ა)ჲ შ(ე)ნდა ჻

Ⴁჭენი ჯ(ო)ჯ(ო)ხ(ე)თის(ა)ნი • შეჰმუსრენ ქ(რისტ)ე მ(ა)ცხ(ოვა)რ • და სიკ(უ)დილითა შ(ე)ნ(ი)თა სიკ(უ)დილისა • მეუფებ(ა)ჲ მოჰკალ უკ(უ)დაო • და კ(ა)ცთა ნ(ა)თეს(ა)ვი • ხრწნილებისაგ(ა)ნ იჴსენ • და ქუჱსკნელით ჯ(ო)ჯ(ო)ხ(ე)თით • აღმოჲყვანე • და გ(ა)ნათავისუფლე • და ცხ(ო)რებ(ა)ჲ • დაუხრწნელებ(ა)ჲ ს(ო)ფელსა • მიჰმ(ა)დლე და დიდი წყ(ა)ლ(ო)ბ(ა)ჲ ჻

Ⴃ(იდე)Ⴁ(ა)Ⴢ ჻

Ⴓხრწნელთა წიაღთა შ(ე)ნთაგ(ა)ნ • ღ(მრ)თის მშ(ო)ბ(ე)ლო დ(იდე)ბ(უ)ლო გ(ა)ნჴ(ო)რც(ი)ელდა • სიტყ(უა)ჲ მ(ა)მის(ა)ჲ და მოვიდა ჩ(უე)ნდა • და ძუჱლი იგი • შეცოდებ(ა)ჲ სიმდაბლითა მით • თ(ჳ)ს(ი)თა დასაჯა და მოგუანიჭა ჩ(უე)ნ • დასაბამი ს(ა)ღ(მრ)თ(ო)ჲსა შვილებისაჲ • მ(ა)ს ევ(ე)დრე ლმობიერად • Ⴥ, ღ(მრ)თივ მიმ(ა)დლებ(უ)ლო • ცხ(ო)რებ(ა)დ ს(უ)ლთა ჩ(უე)ნთათ(ჳ)ს • დაჴსნად ყ(ოველ)თა გ(ა)ნს(ა)ცდელთაგ(ა)ნ ჻

Ⴜ(ა)რდგ(ო)მ(ა)ჲ ჻

Ⴌ(ა)თელმ(ა)ნ დაუღ(ა)მე: Ⴌეფსით განზრ(ა)ხვით მ(ა)ცხ(ოვა)რ • ჯ(უა)რცმაჲ და ითმინე და კ(ა)ცთა მოკუდ(ა)ვთა • ს(ა)ფლ(ა)ვსა ახალსა დაგდვეს • შ(ე)ნ სიტყჳთ დამბადებ(ე)ლი • ცის კიდეთ(ა)ჲ რ(ომლ)ისათ(ჳ)ს • შეიკრა მტ(ე)რი და სიკ(უ)დილისა ძ(ა)ლი • შერისხვით წ(ა)რმოსტყუჱნე ქ(რისტ)ე ღ(მერთ)ო • და ჯ(ო)ჯ(ო)ხ(ე)თისა მყოფნი • გ(ა)ნმაცხოველებ(ე)ლსა • აღდგომ(ა)სა შ(ე)ნსა ესრეთ უღ(ა)ღ(ა)დებენ • აღდგა ცხ(ო)რ(ე)ბის მომცემელი • და ჰგიეს იგი უკ(უნი)თი უკ(უნისამდ)ე ჻

Ⴚისკ(ა)რსა პ(ირვე)ლ მოიწივნეს • ს(ა)ფლ(ა)ვად მ(ა)რ(ია)მ და მისთანანი იგი • და ჰპოვეს ლოდი გ(ა)რდაგორვებ(უ)ლი • და ესმა ანგ(ე)ლ(ო)ზისაგ(ა)ნ • სამარადისოსა ნ(ა)თ(ე)ლსა • შ(ინ)ა მყოფსა მკ(უ)დ(ა)რთა თ(ანა) ნუ

ეძიებთ • იხილენით ს(ა)სწ(აუ)ლნი აღდგ(ო)მის(ა)ნი • და ტილონი და წ(ა)რვედით მსწრ(ა)ფლ • და ს(ო)ფელსა უქ(ა)დ(ა)გეთ ვ(ითარმე)დ აღდგა ქ(რისტ)ე • და მოკლა სიკ(უ)დილითა სიკ(უ)დილი • ვ(ითარც)ა არს სიტყ(უა)ჲ ღ(მრთისა)ჲ და მ(ა)ცხ(ოვა)რი ყ(ოვლ)ისა ს(ო)ფლის(ა)ჲ ჻

Ⴇჳთი ჻

Ⴗ(ოვლა)დ დ(იდე)ბ(უ)ლისა ს(ა)კჳრვ(ე)ლისა აღდგ(ო)მისა შ(ე)ნისა • წინა მსწრობელ(ა)დ წ(ა)რ(ი)ვლინნეს დედანი • და მ(ო)ც(ი)ქ(უ)ლთა უქად(ა)გეს ვ(ითარმე)დ აღდგა უ(ფალ)ი • და მოანიჭა ს(ო)ფელსა დიდი წყ(ა)ლ(ო)ბ(ა)ჲ ჻

Ⴀქ(ე)ბდითი Ⴐ(ომელ)ი მოხ(უე)დ ჻

Ⴐ(ომელმა)ნ დაითმინე ჩ(უე)ნთ(ჳ)ს ჯ(უა)რცმ(ა)ჲ და სიკ(უ)დილი • და აღსდეგ ს(ა)ფლ(ა)ვით • ყ(ოვლა)დ ძლ(იე)რო უ(ფალ)ო • დ(იდე)ბ(ა)ჲ აღ(დ)გ(ო)მ(ა)სა შ(ე)ნსა • ცხ(ო)ველის მყ(ო)ფელსა ჻

Ⴟ(უარ)ითა შ(ე)ნითა ქ(რისტ)ე • და სიკ(უ)დილითა შ(ე)ნითა • პირ(ვე)ლისა წყევისაგ(ა)ნ გ(ა)ნმათ(ა)ვისუფლენ • ჩ(უე)ნ და რ(ომელმა)ნ იგი ჰმძლ(ა)ვრა • ბ(უ)ნებ(ა)სა მ(ა)ს ჩ(უე)ნსა • ეშმ(ა)კი დასთრგუნე შ(ე)ნ • და აღდგომითა შ(ე)ნითა • სიხ(ა)რ(უ)ლითა ყ(ოველ)ნივე აღავსენ • ამისთ(ჳ)სცა ვღ(ა)ღ(ა)დებთ რ(ომელ)ი აღსდეგ მკ(უ)დრეთით უ(ფალ)ო დ(იდე)ბ(ა)ჲ შ(ე)ნდა ჻

Ⴟ(უარ)ითა შ(ე)ნ(ი)თა ქ(რისტ)ე მ(ეუ)ფ(ე)ო წ(ა)რმიძეღუ ჩ(უე)ნ • ჭ(ეშმარი)ტ(ე)ბისა შ(ე)ნისა მ(იე)რ და დამიჴსნენ ჩ(უე)ნ • მახეთაგ(ა)ნ ეშმაკის(ა)თა • რ(ომე)ლი აღსდეგ მკ(უ)დრეთით • აღმადგინენ წყ(ა)ლ(ო)ბით • ც(ო)დვ(ა)თაგ(ა)ნ დაცემულნი • ესე და მოყავ ჴელი კ(ა)ცთა მ(ო)ყ(უა)რ(ე)ო და გ(უა)ცხ(ო)ვნენ • და გჳჴსნ(ე)ნ გ(ა)ნს(ა)ცდელთაგ(ა)ნ • ოხითა წ(მიდა)თა შ(ე)ნთ(ა)ჲთა ჻

ႨႡ(ა)კ(ო)Ⴢ ჻

Ⴋჴსნელმ(ა)ნ ჩ(უე)ნ Ⴤ(მა)ჲ ͠Ⴃ (4) მ(ა)ნ და მ(ა)ცხ(ოვა)რმ(ა)ნ • და ჰჴსნნა ს(ა)კრველნი სიკ(უ)დილის(ა)ნი • და ს(ა)ფლ(ა)ვთაგ(ა)ნ აღადგინნა ადამიანნი • და შეფქვნა ბჭენი ჯ(ო)ჯ(ო)ხ(ე)თის(ა)ნი • და ვ(ითარც)ა მ(ეუ)ფე აღდგა მესამესა დღესა • ამისთ(ჳ)სცა მ(ა)დლ(ო)ბით უღ(ა)ღ(ა)დ(ე)ბთ ქ(რისტ)ე ღ(მერთ)ო დ(იდე)ბ(ა)ჲ შ(ე)ნდა ჻

Ⴕ(რისტ)ე მ(ეუ)ფე რ(ომელ)ი აღდგა მკუდრეთით • და აღმოგჳბრწყინდა სამარით • ღ(მრ)თივ ბრწყ(ი)ნვ(ა)ლ(ე)დ მესამესა დღესა • და ბჭენი სიკ(უ)დილ-

ის(ა)ნი შემუსრნა დღეს • ვ(ითარც)ა ღ(მერთმა)ნ მფლობელმ(ა)ნ ცხ(ო)რებისამ(ა)ნ • და ჴ(ე)ლმწიფებით ჯ(ო)ჯ(ო)ხეთი წ(ა)რმოტყუჱნა • და საწერტელი სიკ(უ)დილის(ა)ჲ დაათრგუნა • მ(ოვე)დით მ(ო)რწმ(უ)ნ(ე)ნო ძრწოლით თ(ა)ყ(უა)ნის ვსცემდეთ • და პ(ირვე)ლ ქმნ(ი)ლისა თ(ან)ა მ(ა)დლ(ო)ბით უღ(ა)ღ(ა)დებდეთ • გ(ა)ლ(ო)ბ(ა)სა და ქებ(ა)სა ღ(მრ)თივ ბრწყ(ი)ნვ(ა)ლესა • შემუსრვილითა გ(უ)ლითა და ვიტყ(ო)დით • დ(იდე)ბ(ა)ჲ აღდგ(ო)მ(ა)სა შ(ე)ნსა ქველის მ(ო)ქმედო ყ(ოველ)თაო • დამბადებ(ე)ლო და მჴსნელო • რ(ომელ)ი ვ(ითარც)ა მ(ეუ)ფე აღსდეგ მესამესა დღესა • ქ(რისტ)ე ღ(მერთ)ო • დ(იდე)ბ(ა)ჲ შ(ე)ნდა ჻

Ⴀღს(ა)ვ(ა)ლნი Ⴉ(ჳ)რ(ია)კ(ე)სა

Ⴂ(ა)ლ(ო)ბ(ა)ჲ ͠Ⴀ (1) ჻

Ⴈხ(ა)რ(ე)ბს ჻

Ⴑიყრმით ჩ(ე)მ(ი)თგ(ა)ნ ფ(რია)დ • მბრძვანან მე არა წ(მიდა)ნი ვნებ(ა)ნი • ამისთ(ჳ)ს გ(ე)ვ(ე)დრებით • შემწე მე ყ(ა)ვ დამიჴსენ ს(ა)ხ(იე)რ ჻

Ⴐ(ომელ)თა გძულს სიონი სირცხჳლეულ იქმნენით უ(ფლ)ისა მ(იე)რ • და ვ(ითარც)ა გ(ა)ნჴმელი • თივაჲ შეგჭამნეს გა(ე)ჰენ(ი)ამ(ა)ნ • Ⴃ(იდე)ბ(ა)ჲ ჻

Ⴑ(უ)ლისა მ(იე)რ წ(მიდ)ისა • ყ(ოველ)ი ს(უ)ლი ცხ(ო)ველ იქმნების და სიწ(მ)იდით • ამ(ა)ღლდების და • გ(ა)ნბრწყ(ი)ნდების ს(ა)მ(ე)ბისა • მ(იე)რ ერთ არსებისა • ღ(მრ)თივ შუჱნიერად და საჲდუმლ(ო)დ ჻

Ⴂ(ა)ლ(ო)ბ(ა)ჲ ჻ : ͠Ⴁ (2):

Ⴈხ(ი)ლა რ(ა)ჲ ჻

Ⴖ(ა)ღ(ა)დ ვყ(ა)ვ შ(ე)ნდამი უ(ფალ)ო • სიღრმით გ(უ)ლისა ჩ(ე)მის(ა)ჲთა მჴურვალედ • და მექმნ(ე)ნ მორჩილ ყურნი შ(ე)ნნი საუფლონი • და ვნებ(ა)თა მ(ა)თ ჩ(ე)მთა • მძლ(ა)ვრებ(ა)ჲ დაჰჴსენ Ⴥ, კ(ა)ცთა მ(ო)ყ(უა)რე ჻

Ⴗ(ოველმა)ნ რ(ომელმა)ნ მოჲგოს • უ(ფლ)ისა ღ(მრთ)ისა მ(იმა)რთ ს(ა)სო(ე)ბ(ა)ჲ მჴურვ(ა)ლედ • უმაღლეს იქმნეს • იგი შემაწუხებ(ე)ლთა • ყ(ოველ)თა და ყ(ოველ)ნი ჭირნი მ(ა)დლ(ო)ბით მ(იი)თ(უა)ლნ(ე)ს ჻

დ(იდება)ჲ ჻

Ⴑ(უ)ლისა მ(იე)რ წ(მიდ)ისა • აღმოეცინებიან მდინარენი მ(ა)დლთ(ა)ნი • და მოჰრწყვენ მდიდრად • ყ(ოველ)თა დაბადებ(უ)ლთა • და გ(ა)ნაცხოველებნ • მომწყდ(ა)რთა ბრალთა სიმრ(ა)ვლისაგ(ა)ნ ჻

Ⴂ(ა)ლ(ო)ბ(ა)ჲ ͠Ⴂ (3): Ⴈხილა რ(ა)ჲ ჻

Ⴑ(უ)ლი, გ(უ)ლი და გონებ(ა)ჲ • ჩ(ემ)ი შ(ე)ნდა მ(იმა)რთ აღამ(ა)ღლენ მ(ეუ)ფ(ე)ო • და საშუჱბ(ე)ლნი • და გემონი ს(ო)ფლის(ა)ნი • არა რად შევჰრ(ა)ცხენ მე • ქუჱსკნელ(ა)დ შთამჴდელნი ამაონი ჻

Ⴓკ(ე)თუ სიყ(უა)რულსა დიდსა • მოჲგებენ ვიეთნიმე • დედისა მიმ(ა)რთ თ(ჳ)სისა • რაოდენ თ(ან)ა გუაც ფ(რია)დ უმჴურვ(ა)ლესისა • სიყ(უა)რ(უ)ლისა ძ(ა)ლსა ჩუჱნებ(ა)დ შემოქმედისა მ(იმა)რთ ჻

Ⴃ(იდე)Ⴁ(ა)ჲ ჻

Ⴑ(უ)ლისა მ(იე)რ წ(მიდ)ისა არს სიმდიდრე ღ(მრ)თისა მეცნიერ(ე)ბისა და ხედვისა • და სიბრძნის(ა)ჲ და • რ(ამეთუ) ყ(ოველ)თავე • მ(ა)მულთა ბრძ(ა)ნებ(ი)თა • სიტყ(უა)ჲ მის მ(იე)რ გამ(ო)ცხ(ა)დნების ჻

Ⴜ(ა)რდგ(ო)მ(ა)ჲ:

Ⴤ(მა)ჲ ͠Ⴃ (4): ჻

Ⴀღდეგ ღ(მერთ)ო შემეწიენ ჩ(უე)ნ და მიჴს ჻

Ⴖ(მერთ)ო ყურთა ჩ(უე)ნთა ჻

Ⴓგ(ა)ლ(ო)ბდითსა: Ⴆღჳსა მის მეწ[ამულისა] ჻

Ⴀჰმ(ა)ღლდი შ(ე)ნ ჯ(უარს)ა ზ(ედ)ა • მ(ა)ღ(ა)ლო ძელსა უბიწოსა • და აღამ(ა)ღლე დაცემაჲ ჩ(უე)ნი • და გ(ა)ნჰკურნე წყლულებ(ა)ჲ • ძელისა მ(იე)რი ს(ა)ხ(იე)რ ვ(ითარც)ა ღ(მერ)თ ხ(ა)რ ყ(ოვლა)დ ძლ(იე)რო ჻

Ⴑ(ა)ფლ(ა)ვად ჴ(ო)რცითა შეხუჱდ • უ(ფალ)ო და ჯ(ო)ჯ(ო)ხეთს ს(უ)ლითა • და სამოთხედ ავაზაკისა თ(ან)ა და • ს(ა)ყდ(ა)რთა მ(ა)მის(ა)თა • გ(ა)ნუშორებ(ე)ლ იყ(ა)ვ შ(ე)ნ • და შეუცავი ყ(ოველ)თა მცველ ხ(ა)რ ჻

Ⴓრწმუნო არს უღ(მრ)თოთაგ(ა)ნ • განგებ(ა)ჲ საჲდუმლ(ო)თა შ(ე)ნთ(ა)ჲ • ვ(ითა)რცა ღ(მერთმა)ნ ივნე კ(ა)ცთათ(ჳ)ს • და მკ(უ)დ(ა)რთა თ(ან)ა შეირაცხე • ხ(ოლო) აღდგომამ(ა)ნ შ(ე)ნმ(ა)ნ • ს(ა)რწმუნო ყო დღეს წყ(ა)ლ(ო)ბ(ა)ჲ შ(ე)ნი ჻ Ⴂ(ან)Ⴛ(ლიერდას)Ⴀ Ⴈხარებს ეკ[ლესიაჲ] ჻

Ⴅენაჴი გონიერი • ცხ(ო)რებისა გ(ა)მომღებ(ე)ლი ბაბილოჲ • ძელსა ზ(ედ)ა აჰმ(ა)ღლდი • და აღმოგჳცენე ჩ(უე)ნ უკდ(ა)ვებ(ა)ჲ ჻

ႤჀა ს(ა)ხ(იე)რებ(ა)ჲ შ(ე)ნი • ჯ(ო)ჯ(ო)ხ(ე)თისა დამთრგუნველო • რ(ომელ)ი მონ(ა)თათ(ჳ)ს • ს(ა)ფლ(ა)ვად შთაჰჴედ და აღდეგ მკ(უ)დრეთით ჻

Ⴅ(ითარც)ა მ(ეუ)ფემ(ა)ნ • დიდმ(ა)ნ და ს(ა)შინელმ(ა)ნ დაარღჳე • უძღები ჯ(ო)ჯ(ო)ხ(ე)თი • და აღდ(ე)გ ჴ(ო)რცითა გ(ა)ნუხრწნელად ჻

Ⴋ(ე)Ⴑ(მას)Ⴀ Ⴑიყ(უა)რ(უ)ლი ჻

Ⴑიტყ(უ)ამ(ა)ნ ჴ(ო)რცნი შეისხნა • ქ(ალ)წ(უ)ლისაგ(ა)ნ და ბო(უ)ნებ(ა)ჲ გ(ა)ნაღ(მრ)თო • ერთა გუამი ორითა • ბ(უ)ნებითა ვიხილეთ • ღ(მრ)თ(ა)დ და კ(ა)ც(ა)დ ვიცნობთ შ(ე)ნ ჻

Ⴁო(უ)ნებ(ა)ჲ ჩ(უე)ნი რ(ომელ)ი დაჰბადე ქ(რისტ)ე ურჩებითა გ(ა)ნიხრწნა • რ(ა)ჟ(ამ)ს შეიწყნ(ა)რა მ(ა)ნ • გ(ა)ნზრ(ა)ხვ(ა)ჲ მ(ა)ცთ(უ)რის(ა)ჲ • და ვნებითა უხრწნელ ჰყ(ა)ვ ჻

Ⴋენელს(ა)ცხებლ(ე)ნი იგი • რ(ომელ)ნი ცრემლით ეძ(ი)ებდ(ე)ს ქ(რისტეს)ა • მკ(უ)დ(ა)რთა თ(ან)ა ჰგონებდეს • იხილეს აღდგომილი • და სიხ(ა)რ(უ)ლითა აღივსნეს ჻

Ⴖ(ამით)Ⴂ(ანს)Ⴀ : Ⴘ(ე)ნ უ(ფალ)ო ნ(ა)თ[ელი] ჻

Ⴘ(ე)ნ უ(ფალ)ო • ზ(ე)ცით მ(ო)წყ(ა)ლებით გ(ა)რდამოჰჴედ • შ(ე)ნ ბო[უ]ნებ(ა)ჲ კ(ა)ც(ო)ბრივი • რ(ა)ჟ(ამ)ს ჯ(უა)რს ეცჳ ჴ(ო)რცითა • დაცემული აღადგინე ჻

Ⴘ(ე)ნ უ(ფალ)ო • მოსპე ც(ო)დვ(ა)თა ჩ(ე)მთა პატიჳი • შ(ე)ნ ძლევით სიკ(უ)დილი დაჰჴსენ აღდგ(ო)მით შ(ე)ნითა • ს(ა)ხ(იე)რ(ო) მრ(ა)ვ(ა)ლ მ(ო)წყ(ა)ლე ჻

Ⴖ(აღად)Ⴗ(ავს)Ⴀ Ⴂ(ა)ლ(ო)ბითა ჻

Ⴀჰმ(ა)ღლდი • ძელსა ზ(ედ)ა შემოსილი ძალითა • რ(ა)ჟ(ამ)ს ეწყვე მთ(ა)ვ(ა)რსა მ(ა)ს • ბნელის(ა)სა ქ(რისტ)ე • Ⴅ(ითარც)ა ღ(მერ)თ ხ(ა)რ • დააკუჱთე შ(ე)ნ და ადამ • დაცემ(უ)ლი აღადგინე ჻

ႡႰწყ(ი)ნვ(ა)ლე • მკ(უ)დრეთით აღსდეგ ქ(რისტ)ე ძლ(იე)რებით: და გ(ა)ნაბნიენ შ(ე)ნ მტ(ე)რნი • ს(ა)ღ(მრ)თ(ო)ჲთა ძ(ა)ლითა • და აღმივსენი • შ(ე)ნივე ვ(ითარც)ა ღ(მერ)თ ხ(ა)რ მხიარულ(ე)ბითა ჻

Ⴉ(ურთ)Ⴞ(ეულარს)Ⴀ : Ⴑ(ა)ჴ(უ)მ(ი)ლსა ჻

Ⴘეცვ(ა)ლე კ(ა)ცი • უხრწნელებ(ა)დ ს(ა)ხ(იე)რ კ(ა)ცთა მ(ო)ყ(უა)რე • რ(ა)ჟ(ამ)ს გ(ა)ნბანე სისხლითა • უბიწოჲთა • და მ(ა)დლ(ო)ბით გ(ი)ღ(ა)ღ(ა)დებდა შ(ე)ნ • კ(ურთხეულ) ხ(ა)რ უ(ფალ)ო ჻

Ⴅ(ითა)რ სამოთხე • ბრწყ(ი)ნვ(ა)ლე ცხ(ო)რ(ე)ბის მომცემელი • ღირსად უდიდებ(უ)ლეს(ა)დ • ყ(ოველ)ისავე გამოჩნდა დღეს ს(ა)ფლ(ა)ვი შ(ე)ნი • რ(ა)ჟ(ამ)ს გ(ა)მოხუჱდ მ(იე)რ ძლ(იე)რებით ქ(რისტ)ე ჻

Ⴌ(ა)თ(ე)ლისა მისგ(ა)ნ • შ(ე)ნისა დაუსაბამოჲსა მ(ა)მ(ა)ო • ნ(ა)თელი ვიხილეთ ს(უ)ლი • და ნ(ა)თ(ე)ლი • სიტყ(უა)ჲ მხ(ო)ლ(ო)ჲ დაუსაბამოჲ • და ს(ა)მ(ე)ბად წ(მი)დად ერთ არსებ(ა)დ • გ(ი)გ(ა)ლობთ და თ(ა)ყ(უა)ნისგცემთ ჻

ႠႩ(ურთხევდითს)Ⴀ Ⴤ(ე)ლთა გ(ა)ნ ჻

Ⴤ(ე)ლნი გ(ა)ნიპყრენ ჯ(უარს)ა ზ(ედ)ა • წ(ა)რმ(ა)რთნი შეჰკრიბენ ყ(ოვლ)ით კერძო ქ(რისტ)ე • ეკლესიაჲ შ(ე)ნდა რ(ომელ)ნი გ(ი)გ(ა)ლ(ო)ბენ შ(ე)ნ ქ(უე)ყ(ა)ნ(ა)სა ზ(ედ)ა • ც(ა)თა შ(ინ)ა დ(იდე)ბ(უ)ლ ჰყვენ • რ(ომელ)ნი იტყჳ(ი)ან • აკ(ურთ)ხ ჻

Ⴄჩუჱნა დედ(ა)თა ბრწყ(ი)ნვ(ა)ლე • ნ(ა)თლითა შემკული • ღ(მრ)თისა ანგ(ე)ლ(ო)ზი • და ესრეთ ეტყ(ო)და რ(ა)ჲსათ(ჳ)ს ეძიებთ ცხ(ო)ვ(ე)ლსა მ(ა)ს მკ(უ)დ(ა)რთა თა(ნა) • აღდგომილ არს ქ(რისტ)ე ღ(მერთ)ი • უთხ(ა)რით მ(ო)წ(ა)ფეთა • აკ(ურთ)ხ(ე)ვდით ყ(ოველ)ნი ს(ა)ქმ(ე)ნი უ(ფლის)ა ჻

Ⴀღდგ(ო)მ(ა)ჲ შ(ე)ნი ქ(რისტ)ე ღ(მერთ)ო • მ(ო)ც(ი)ქ(უ)ლთა მ(იე)რ • მიეთხრა ს(ო)ფელსა • და ჰრწმენა წ(ა)რმ(ა)რთთა ღ(მრ)თე(ე)ბ(ა)ჲ • შ(ე)ნი ჭ(ეშმარი)ტი ს(ა)ხ(იე)რ • რ(ომე)ლსა ჩ(უე)ნ მორწმ(უ)ნ(ე)ნი • ესრეთ უღ(ა)ღ(ა)დებთ • აკ(ურთ)ხ(ე)ვდით ყ(ოველ)ნი ს(ა)ქ[მენი] ჻

Ⴀ(დიდე)Ⴁ(დითს)Ⴀ Ⴊოდი საკიდ[ური] ჻

Ⴗ(ოველ)ითურთ შემიმოსე ქ(რისტ)ე • შეურევნელ(ა)დ შემიერთე • რ(აჲთ)ა ღ(მრ)თე(ე)ბრ მომცე ცხ(ო)რ(ე)ბ(ა)ჲ • ვნებითა შ(ე)ნითა რ(ომე)ლ თ(ა)ვს იდევ • ჴ(ო)რციელ(ა)დ ჯ(უარს)ა ზ(ედ)ა • ამისთ(ჳ)სცა ჩ(უე)ნ ღირს(ა)დ გ(ადი)დებთ ჻

Ⴅ(ითარც)ა მაგდ(ა)ნელსა ქ(რისტ)ე • მიუტევე კ(ა)დნიერებ(ა)ჲ • გიხილა რ(ა)ჲ შ(ე)ნ აღდგომილი • და სურვიელ(ა)დ მირბიოდა შ(ე)ნდამი • მეცა ეგრეთვე მომიტევე • კ(ა)დნ(იე)რებ(ა)ჲ • და ნუ დამსჯი მე ჻

Ⴋ(ო)წ(ა)ფეთა შ(ე)ნთა დღეს ქ(რისტ)ე • იხილეს ს(ა)ფლ(ა)ვ(ს)ა აღებული • და ს(ა)ღ(მრ)თ(ო)ნი იგი ტილონი • აღდგომისა შ(ე)ნისა საწამებ(ე)ლნი • და ანგ(ე)ლ(ო)ზი ბრწყ(ი)ნვ(ა)ლე • ახ(ა)რებდა მ(ა)თ • აღდგა უ(ფალ)ი ჻

Ⴆეგ(ა)რდამოჲ შეწევნ(ა)ჲ ქ(რისტ)ე • ეკლესიასა შ(ე)ნსა მოჰმ(ა)დლე • რ(ამეთუ) სხ(უა)ჲ არა ვინ იცის • ღ(მრ)თად და მჴსნელ(ა)დ თჳნიერ შ(ე)ნსა რ(ომელმა)ნ • და სდევ ს(უ)ლი შ(ენ)ი მისთ(ჳ)ს • და სიხ(ა)რ(უ)ლით გმონებს და გმ(ა)დლ(ო)ბს ჻

ႤႰთად ს(ა)ღ(მრ)თ(ო)სა ბ(უ)ნებ(ა)სა • ხ(ოლო) გუამოვნ(ე)ბით ს(ა)მებ(ა)სა • მ(ა)მისა ძისა და ს(უ)ლის(ა)სა • და უს(ა)ბამ(ო)დ ღ(მრ)თის ვმეტყუჱლებდეთ ერნო • და სიტყ(უა)სა ჴ(ო)რც შესხმულსა • ერთ ქებად ორითა ბო[უ]ნებითა ჻

Ⴂ(ა)ლ(ო)ბ(ა)ნი წ(მიდ)ისა ღ(მრთ)ისმშ(ო)ბლისანი

Ⴃაანთქენ ჻

Ⴘეირყ(ი)ვნეს ერნი • და შეძრწ(უ)ნდეს წ(ა)რმ(ა)რთნი • და მიდრკეს მ(ე)ფ(ე)ნი ძლ(იე)რნი უბიწო • ზარისაგ(ა)ნ ქ(რისტე)ს ღ(მრ)თისა • რ(ამეთუ) მოვიდა მჴსნელი • და დააკუჱთა მძლავრი • და იჴსნა ს(ო)ფ(ე)ლი ხრწნილებისაგ(ა)ნ ჻

Ⴋ(ა)ღ(ა)ლთა შ(ინ)ა მყოფ()ი • გ(ა)რდამოჴდა ქ(უე)ყნ(ა)დ ქ(რისტ)ე ღ(მერთ)ი და წ(მ)იდა-ყო ს(ო)ფელი თ(ჳ)სი • და შეუძრველ(ა)დ დაიცვა • რ(ამეთუ) მხოლ(ო)ჲ ქ(ალ)წ(უ)ლი • ქ(ალ)წ(უ)ლებისა საუნჯე • ეგო ქ(ალ)წ(უ)ლად შ(ემდგომა)დ შობისა ჻

Ⴕ(ა)ლ(ა)ქო ღ(მრთ)ის(ა)ო ჻

Ⴂ(ან)Ⴛ(ლიერდას)Ⴀ჻

Ⴋგ(ა)ლ(ო)ბ(ე)ლნი შ(ე)ნ ჻

Ⴓმ(ა)ღლესი ყ(ოველ)თა მთ(ა)ვრ(ო)ბ(ა)თ(ა)ჲ • ნეფსით გ(ა)რდამოჰყედ ქ(უე)ყ(ა)ნ(ა)დ • და ბ(უ)ნებ(ა)ჲ კ(ა)ცობრივი • დაცემული აღამ(ა)ღლე • უმ(ა)ღლეს ც(ა)თა მ(ა)ღ(ა)ლთა • ქ(ალ)წ(უ)ლის(ა)გ(ა)ნ ჴ(ო)რცთ შესხმითა ჻

Ⴜ(მ)იდა იქმნა ბ(უ)ნებ(ა)ჲ კ(ა)ცობრივი • შეეყო რაჲ ც(ე)ცხლსა ს(ა)ღ(მრ)თ(ო)სა • და ვ(ითარც)ა რ(ა)ჲ ყუჱრბეული • შეიცხო შ(ე)ნ შ(ორი)ს სძ(ა)ლო • ს(ა)მეფოჲ რ(ომელმა)ნ იგი • დაგმარხა წ(მ)იდად და უბიწოდ ჻

Ⴝ(ეშმარი)ტ(ა)დ შ(ე)ნ ხ(ა)რ მახლობელ ღ(მრ)თისა • და უმაღლეს წესთა ს(ა)ყდ(ა)რთა • და ქ(ალ)წ(უ)ლებისა ნ(ა)თ(ე)ლითა • და სიკეთითა უსაზღვროჲთა • ჰბრწყ(ი)ნავ ვ(ითარც)ა დედაჲ • ყ(ოველ)თა მპყრობელისაჲ ჻

Ⴋ(ე)Ⴑ(მას)Ⴀ Ⴈ(ესუ) მჯდომ[არე] ჻

Ⴂამოჩნდა ვ(ითარც)ა კ(ა)ცი • და კ(ა)ცთა შ(ო)რ(ი)ს აღიზარდა • უხილავი სიტყ(უა)ჲ • ხატი ღ(მრ)თისა დაუსაბამოჲსჲ • ქ(ალ)წ(უ)ლისაგ(ა)ნ დედისა • და მადიდებ(ე)ლთა შ(ე)ნთა აცხ(ო)ვნებს ღ(მრ)თისმშ(ო)ბ(ე)ლო • ყ(ოვლა)დ წ(მიდა)ო ჻

Ⴌივთიერმ(ა)ნ სძ(ა)ლმ(ა)ნ უნივთოჲ • ნივთისა ზიარებითა • გჳშვა ვ(ითარც)ა ჩჩჳლი • და ვიცნობთ მ(ა)ს ორითა ბ(უ)ნებითა • რ(ამეთუ) აწ მჯდომარე არს • ღ(მერ)თად ჴ(ო)რც შესხმულად • და კ(ა)ც(ა)დ უნივთოდ ს(ა)კჳ(ი)რვ(ე)ლ(ა)დ ზეშთა ცნობისა ჻

Ⴅ(თარც)ა შემოქმედმ(ა)ნ ღ(მერთმა)ნ ყ(ოველ)თა დამბადებ(ე)ლმ(ა)ნ • ქ(ალ)წ(უ)ლად დაგმ(ა)რხა • პ(ირვე)ლ შობისა და შობ(ა)საცა • რ(ა)ჟ(ამ)ს იგი ჯერ იჩინა • უთესლოდ დამკჳ(ი)დრებ(ა)ჲ ს(ა)შოსა შ(ე)ნსა წ(მიდ)ასა • ღ(მრ)თისა დედ(ა)ო ჻

Ⴖ(ამით)Ⴂ(ანს)Ⴀ ჻

Ⴃა ღავდგე თქ(უ)ა ჻

Ⴑ(ა)ხლად დ(იდე)ბისა • მთად წ(მ)იდად ს(ა)სძლოდ და ტ(ა)ძრად • და ს(ა)შუჱბლ(ა)დ სამოთხისად • გამოვაჩინა ძემ(ა)ნ ღ(მრ)თისამ(ა)ნ • ღ(მრ)თისა დედ(ა)ო • თ(ჳ)სთა მორწმ(უ)ნეთათ(ჳ)ს • რ(ა)ჟ(ამ)ს დაემკჳ(ი)დრა შ(ე)ნ თ(ან)ა ჻

Ⴇჳთ მფლობ(ე)ლნი და თჳთ ჴ(ე)ლმწიფენი • ჴ(ო)რცნი შეისხენ • უხრწნელად და უთესლოდ ქ(ალ)წ(უ)ლისა სისხლთაგ(ა)ნ ქ(რისტ)ე ღ(მერთ)ო • გუამოვნებითურთ • ს(უ)ლით და გონებით • მეტყუჱლნი მ(ო)ქმედნი და მნებებ(ე)ლნი ჻

ქ(ალ)წ(უ)ლისა ს(ა)შომ(ა)ნ არცხჳნა ს(უ)ლთა მომსრველსა • რ(ამეთუ) ჩჩჳლმ(ა)ნ ჴურელი ასპიტის(ა)ჲ ჴ(ე)ლითა გამოჲძია • და გ(ა)ნდგომილი • იგი მძლავრი დაამჴუა • ფერჴსთა ქუჱშე მ(ო)რწმ(უ)ნეთ(ა)სა ჻

Ⴖ(აღად)Ⴗ(ავს)Ⴀ Ⴘთავ(ა)რდი ჻

Ⴎ(ირვე)ლისა დედისა ევაჲს მ(იე)რ • მომკლა გუჱლმ(ა)ნ მზ(ა)კვარმ(ა)ნ • ხ(ოლო) შ(ე)ნ მ(იე)რ შემ(ო)ქმედმან ჩ(ე)მმ(ა)ნ • ღ(მრ)თისმშ(ო)ბ(ე)ლო • კ(უალა)დ გ(ა)ნმაცხოველა • და მიჴსნა მე ხრწნილებისაგ(ა)ნ ჻

Ⴓფსკრულმ(ა)ნ წყ(ა)ლთამ(ა)ნ სძ(ა)ლო • უფსკრულ(ა)დ ს(ა)სწ(აუ)ლთა • ს(ა)კჳრვ(ე)ლთა გამოგაჩინა და შ(ე)ნგ(ა)ნ • ელვისაგ(ა)ნ • ს(ა)ღ(მრ)თ(ო)ჲსა მ(ა)რგ(ა)ლიტად • ქ(რისტ)ე ღ(მერთ)ი გ(ა)მოგჳბრწყ(ი)ნდა ჻

Ⴈქმნა ს(ა)შოჲ ჻

Ⴉ(ურთ)Ⴞ(ეულარს)Ⴀ : Ⴁაბილონს ჻

Ⴚ(ე)ცხლი გულითადი წურვილისა შ(ე)ნის(ა)ჲ სძალო • აღმძრავს გ(ა)ლ(ო)ბად შ(ე)ნდა • დედისა და ქ(ალ)წ(უ)ლისა • Ⴥ, კ(ურთ)ხ(ეუ)ლო უ(ფალ)ი შ(ე)ნთ(ან)ა • ძ(ა)ლთა შემოქმედი ჻

Ⴗ(ოვე)ლთა დაბ(ა)დებულთა უაღრეს ხ(ა)რ ქ(ალ)წ(უ)ლო • რ(ომელმა)ნ ჰშ(ე)ვ მეუფე ყ(ოველ)თაჲ და შემ(ო)ქმედი • Ⴥ, კ(ურთ)ხ(ეუ)ლო • უ(ფალ)ი შ(ე)ნ თ(ან)ა •

ძ(ა)ლთა შემ(ო)ქმედი ჻

ႤႰთსა უფლებ(ა)სა სამითა სიწ(მი)დითა ვჰმონებ • ს(ა)მ(ე)ბით ერთ არსებით • სამ გ(უ)ამუანად ერთ უფლებ(ა)დ • და უღ(ა)ღ(ა)დებთ • კ(ურთხეულ) ხ(ა)რ ღ(მერთ)ო მ(ა)მ(ა)თა ჩ(უე)ნთ(ა)ო ჻

ႠႩ(ურთხევდითს)Ⴀ Ⴋჴსნ(ე)ლო ჻

Ⴐ(ომელმა)ნ ადამის გუჱრდით დაგბადა • შ(ე)ნ ქ(ალ)წ(უ)ლო ს(ა)შოჲთ • შ(ე)ნით გ(ა)ნკ(ა)ცნა • არსთა ყ(ოველ)თა მიზეზი • რ(ომე)ლსა უღ(ა)ღ(ა)დებთ • აკ(ურთ)ხ(ე)ვდით ყ(ოველ)ნი ს(ა)ქმ(ე)ნი უ(ფალს)ა უგ(ა)ლ(ო)ბდი ჻

Ⴀბრ(ა)ჰამ კ(ა)რ(ა)ვსა • შ(ინ)ა იხილვა • საჲდუმლოჲ შ(ე)ნი ღ(მრ)თისა დედ(ა)ო • რ(ა)ჟ(ამ)ს ძე შ(ენ)ი უჴ(ო)რცოჲ • შეიწყნარა და ღ(ა)ღ(ა)დყო • აკ(ურთ)ხ ჻

Ⴑ(ა)მ(ე)ბისა რიცხუნი • ყრმ(ა)ნი დაიცვნა • შობისა შ(ე)ნისა • საჲდუმლომ(ა)ნ • რ(ამეთუ) ქ(ალ)წ(უ)ლთა ჴ(ო)რცთა • მ(ა)თთა ც(ე)ცხლი დათრგუნეს დედ(ო)ფ(ა)ლო • და მ(ა)დლ(ო)ბით აკ(ურთ)ხ(ევ)დ(ე)ს ღ(მერთს)ა ჻

Ⴀ(დიდე)Ⴁ(დითს)Ⴀ ჻

Ⴘ(ე)ნ შ(ორი)ს აღ(ე)სრულა ჻

Ⴘროშნად ს(უ)ლნელ(ა)დ გიცნობთ • ძოწეულითა • ს(უ)ლისა წ(მიდ)ის(ა)ჲთა ღებ(უ)ლად უხრწნელ(ა)დ • და ეკ(ა)ლთა შ(ორი)ს გ(ა)მობრწყ(ი)ნვებ(უ)ლ(ა)დ ღ(მრ)თ(ი)სმშ(ო)ბ(ე)ლო • და გ(ა)ნმსულნებ(ე-ლ(ა)დ მგ(ა)ლ(ო)ბ(ე)ლთა შ(ე)ნთა ჻

Ⴞრწნილებითა დასჯილი • კ(ა)ცთა ბ(უ)ნებ(ა)ჲ ს(ა)შოჲსა შ(ე)ნისაგ(ა)ნ • შეიმოსა ღ(მერთმა)ნ • მ(ო)წყ(ა)ლებით • და შეერთებითა უხრწნელ ყო • ამისთ(ჳ)ს ვ(ითარც)ა ღ(მრ)თისმშ(ო)ბელ ხ(ა)რ გ(ა)დიდ(ე)ბთ ჻

Ⴃ(ედო)ფ(ა)ლო ყ(ოველ)თა მ(ო)რწმ(უ)ნეთაო • ერსა შ(ე)ნსა ძლევ(ა)ჲ უძლეველი მოჰმ(ა)დლე • და მოშურნე • და აკუჱთე ეკლესიისა წ(მიდ)ისა ქუჱშე • რ(აჲთ)ა ვ(ითარც)ა ღ(მრ)თ(ი)სმშ(ო)ბ(ე)ლსა გ(ადი)დებდეთ ჻

Ⴃღე ორშ(ა)ბ(ა)თი წ(მიდა)თა მთ(ა)ვ(ა)რანგ(ე)ლ(ო)ზთაჲ

Ⴋჴნეონი ჻

Ⴑ(ა)ღ(მრ)თ(ო)ჲსა ბრწყ(ი)ნვ(ა)ლებისა • შემწყნ(ა)რებ(ე)ლ(ა)დ სავანედ • და ჭურად პ(ა)ტ(ი)ოსნად დაჰბადენ • ბანაკნი ზ(ე)ცისა ძ(ე)ლთანი • და გუნდნი უნივთ(ო)ნი • ხილვ(ა)დ და ქებ(ა)დ შ(ე)ნ-

და • ს(ა)ყდ(ა)რთა წ(ინაშ)ე დგომად • და ბრძნებ(ა)თა • შ(ე)ნთა წადიერებით • და მოსწრაფედ • აღსრულებ(ა)დ კ(ა)ცთა მ(ო)ყ(უა)რე • და მს(ა)ხურად მცნებ(ა)თა შ(ე)ნთა ჻

Ⴓფსკრ(უ)ლსა წყ(ა)ლ(ო)ბ(ა)თა მ(ა)თ • შ(ე)ნთ(ა)სა გ(ა)მოჩინებ(ა)დ • გეცნობა უხილაო ღ(მერთ)ო და პ(ირვე)ლ დაჰბადენ • ს(ა)ღ(მრ)თ(ო)ჲთა მით წამის ყოფითა • და სიტყჳთა შ(ე)ნითა • ანგ(ე)ლ(ო)ზთა კრებ(უ)ლნი • და ძ(ა)ლთა წესნი წ(მიდა)ნი • და ჭ(ეშმარიტა)დ • ჯერ იყო გ(ა)ნმრ(ა)ვლებ(ა)ჲ • და გ(ა)ნფენაჲ • რ(აჲთ)ა უმრავლესნი იყუნენ • კეთილთა შ(ე)ნთა მიმღებელნი ჻

Ⴄქუს-ექუს ფრთენი ს(ე)რაბინნი • მრ(ა)ვ(ა)ლ თ(უა)ლნი ქერაბინნი • და ს(ა)ყდ(ა)რნი აღმ(ა)ტებ(უ)ლნი გიგ(ა)ლობენ • და ნ(ა)თ(ე)ლისა შ(ე)ნისა მ(იე)რ • მდიდრად აღივსებიან • მთ(ა)ვ(ა)რ ანგ(ე)ლ(ო)ზთა თ(ან)ა • უფლებ(ა)თა მთ(ა)ვრობ(ა)თა • და ჴ(ე)ლმწ(ი)ფებ(ა)თა • ანგ(ე)ლ(ო)ზთა და ძ(ა)ლთა • დ(იდე)ბ(ა)სა • შ(ე)ნდა შესწირვენ მ(აღა)ლო • და ჩ(უე)ნთ(ჳ)ს ითხ(ო)ვენ წყ(ა)ლ(ო)ბ(ა)სა ჻

Ⴑხ(უა)ნი: Ⴋოგიცემიეს ჻

Ⴎ(ირვე)ლ ს(აუ)კ(უ)ნეთა • დამბადებ(ე)ლმ(ა)ნ ყ(ოველ)თამ(ა)ნ • ნ(ა)თ(ე)ლად გამოგაჩინა შ(ე)ნ • გ(ა)ბრ(იე)ლ • და მის მ(იე)რ გ(ა)ნ(ა)ნ(ა)თლებ ს(ო)ფ(ე)ლსა • ყ(ოვლა)დ ქებ(უ)ლო • რ(ამეთუ) გამოუცხ(ა)დე დაფარული იგი საჲდუმლოჲ რ(ომელ)ი გ(ა)ნჴორც(ი)ელდა ს(ა)შოსა უბიწოჲსა ქ(ალ)წ(უ)ლისასა • და იშვა ვ(ითარც)ა კ(ა)ცი • ცხ(ო)რ(ე)ბისათ(ჳ)ს კ(ა)ცთ(ა)ჲსა ჻

Ⴋინდა ცრემლთა მ(იე)რ აღჴოცაჲ შეც(ო)დებ(ა)თა ჩ(ე)მთ(ა)ჲ • ჴ(ე)ლით წერილსა უ(ფალ)ო • და ნეშტსა ცხ(ო)რებისა ჩ(ე)მის(ა)სა • სინ(ა)ნულით ს(ა)თნო ყ(ო)ფ(ა)დ შ(ე)ნდა • ა(რამე)დ მტ(ე)რი მაცთუნებს • და ჰბრძავს ს(უ)ლსა ჩ(ემს)ა • უ(ფალ)ო ვ(იდრ)ე არა ს(რულია)დ წ(ა)რწყმედილ ვ(ა)რ მ(ა)ცხ(ო)ვნე მე ჻

Ⴐინ ღელვა გუჱმული მოჲვლტინ • ამ(ა)ს ნ(ა)ვთს(ა)ყუდელსა • და არ(ა)ჲ

გ(ა)ნერის • ანუ რ(ომელ)ი უძლური მოუჴდის ამ(ა)ს სამკურნალოსა • და არ(ა)ჲ გ(ა)ნ(ი)კურნის • დამბადებ(ე)ლო ყ(ოველ)თაო • და მკურნ(ა)ლო გ(ა)ნწირ(უ)ლთ(ა)ო • უ(ფალ)ო ვ(იდრ)ე არა ს(რულია)დ • წ(ა)რწყმედილ ვ(ა)რ მ(ა)ცხ(ო)ვნე მე ჻

Ⴂ(ა)Ⴌმბანე მე ცრემლითა ჩ(ე)მითა მ(ა)ცხ(ოვა)რ • რ(ამეთუ) შებღალულ ვ(ა)რ მრ(ა)ვ(ა)ლთა მ(იე)რ ც(ო)დვ(ა)თა • ამისთ(ჳ)ს შეგივრდები • შეგცოდე უ(ფალ)ო შ(ემიწყალ)ე მე • ვ(იდრ)ე არა ს(რულია)დ წ(ა)რ[წყმედილ] ჻

Ⴑტიქ(ა)რ(ო)ნი ჻

Ⴋოგიცემ(ი)ეს ჻

Ⴘ(ე)ნ ყ(ოვლა)დ უბიწოისა • პ(ა)ლ(ა)ტსა მ(ეუ)ფის(ა)სა გ(ე)ვ(ე)დრები დ(იდე)ბ(უ)ლო • გონებ(ა)ჲ ჩ(ემ)ი ყ(ოვლ)ითა ც(ო)დვ(ი)თა შეგინებ(უ)ლი გ(ა)ნწმიდე • და სავანედ ს(ა)ხ(ა)რულევ(ა)ნ(ა)დ • ს(ა)მ(ე)ბისა წ(მიდ)ისა გ(ა)მოაჩინე • რ(აჲთ)ა ძლ(იე)რებ(ა)სა შ(ე)ნსა და აურ(ა)ცხ(ე)ლსა წყ(ა)ლ(ო)ბ(ა)სა • ვ(ა)დიდებდე ცხოვნებ(უ)ლი • მე უღირსი მონ(ა)ჲ შ(ე)ნი ჻

Ⴋასხურე დედ(ო)ფ(ა)ლო • წყ(ა)ლ(ო)ბ(ა)თა შ(ე)ნთა უფსკრული • და ხუარშაკითა შემწუარი ვნებ(ა)თ(ა)ჲთა • გ(უ)ლი ჩ(ემ)ი ვ(ითარც)ა მ(ო)წყ(ა)ლემ(ა)ნ მორწყე ღ(მრთ)ისმშ(ო)ბ(ე)ლო • და სინ(ა)ნ(უ)ლისა მდინარეთა • აღმომაცენებ(ე)ლ ყ(ა)ვ გ(ე)ვედრ(ე)ბი • რ(ომელ)თა მ(იე)რ ს(ა)ღ(მრ)თ(ო)სა ნუგეშინის ცემ(ა)სა მივემთხჳო უხრწნელო • რ(ომლ)ისა ჰსურის მიმთხუჱვად • ჭ(ეშმარი)ტთა მოს(უ)რნეთა ჻

Ⴋსაჯული სიმ(ა)რთლის(ა)ჲ • შ(ე)ნგ(ა)ნ იშვა ყ(ოვლა)დ წ(მიდა)ო • ი(ეს)ჳ ქ(რისტ)ე ძე ღ(მრთისა)ჲ • მ(ა)ს ევედრე რ(აჲთ)ა თჳთ დასჯილი ესე და ულირსი არა დამსაჯოს • ს(ა)შინელსა მ(ა)ს სამსჯავროსა • ქ(ალ)წ(უ)ლო დედ(ო)ფ(ა)ლო უხრწნელო • ა(რამე)დ რ(აჲთ)ა შემრ(ა)ცხოს რჩეულთა მ(ა)თ თ(ან)ა • მ(ა)რჯ(უე)ნით მისსა მდგომარეთა • ს(ა)ხ(იე)რებითა თ(ჳ)სითა • და მრ(ა)ვლითა მ(ო)წყ(ა)ლებითა ჻

Ⴜ(ა)რდგ(ო)მაჲ ჻

Ⴇჳთი ჻

Ⴃაღონებულსა ამ(ა)სდა მოუძლურებ(უ)ლსა ს(უ)ლსა ჩ(ემის)ა ზ(ედ)ა • მოჲხილე ჩ(ე)მ ზ(ედ)ა და შ(ემიწყალ)ე მე • რ(ომელმა)ნ ც(ო)დვ(ა)სა შ(ინ)ა წ(ა)რვაგე ცხ(ო)რებ(ა)ჲ

ჩ(ემ)ი • მსგავსად მეძვისა მის შეგივრდები შემიწყნარე მ(ა)ცხ(ოვა)რ და მ(ა)ცხ(ო)ვნე მე Ⴜიაღ ვალმე ზღ(უა)სა ამ(ა)ს • ამის ცხ(ო)რების(ა)სა და • ვგონებ უფსკრულსა ურიცხუთა ც(ო)დვ(ა)თა ჩ(ე)მთ(ა)სა • რ(ამეთუ) არა მ(ა)ქ(უ)ს მენავეთ მოძღ(უა)რი გ(უ)ლის სიტყ(უა)თ(ა)ჲ • ამისთ(ჳ)სცა ჴ(მას)ა მ(ა)ს პ(ე)ტრესსა გ(ი)ღ(ა)ღ(ა)დებ • მ(ა)ცხ(ო)ვნე მე ქ(რისტ)ე მ(ა)ცხ(ო)ვნე მე • ღ(მერთ)ო და შ(ემიწყალ)ე ვ(ითარც)ა კ(ა)ცთმ(ო)ყ(უა)რე ხ(ა)რ ჻

Ⴀლმურსა ვნებ(ა)თ(ა)სა • და გემოთა ს(ო)ფლის(ა)თა • შეეთხზნა გონებ(ა)ჲ • უბ(ა)დრუკისა ს(უ)ლისა ჩ(ე)მის(ა)ჲ • და გ(უ)ლის სიტყ(უა)ჲ სინ(ა)ნ(უ)ლისაჲ არა არს ჩ(ე)მ თ(ან)ა • ა(რამე)დ შ(ემიწყალ)ე უ(ფალო) სიგლ(ა)ხ(ა)კე ჩ(ემ)ი • და მომეც გ(უ)ლის სიტყ(უა)ჲ სინ(ა)ნ(უ)ლის(ა)ჲ • რ(აჲთ)ა მეცა პ(ირვე)ლ აღს(ა)სრ(უ)ლისა უღ(ა)ღ(ა)დო წყ(ა)ლ(ო)ბ(ა)თა შ(ე)ნთა • ქ(რისტ)ე ღ(მერთ)ო მ(ა)ცხ(ოვა)რო ჩ(უე)ნო • ქ(რისტ)ე ღ(მერთ)ო გ(ა)ნწირ(უ)ლი ესე და უღირსი მ(ა)ცხ(ო)ვნე ვ(ითარც)ა კ(ა)ცთმ(ო)ყ(უა)რე ხ(ა)რ ჻

Ⴓგ(ა)ლ(ო)ბდითსა Ⴃაანთქენ ჻

Ⴋჴსნელო ჩ(ე)მო ქ(რისტ)ე რ(ომელ)მანცა აცხ(ო)ვნენ • უძღები იგი მეზუჱრე და მეძავი • ტირილითა და ს(უ)ლთქ(უ)მითა • მეცა ფ(რია)დ შეცოდებ(უ)ლი • მოქცეული შემიწყნარე • და მ(ა)ცხ(ო)ვნე წამის ყ(ო)ფითა შ(ე)ნ(ი)თა ჻

Ⴚ(ე)ცხლი გ(უ)ლის თქმ(ა)თ(ა)ჲ • მსგავსად ნავთისა გ(ა)ნჰლევს ს(უ)ლსა ჩ(ემს)ა და ჰყ(ო)ფს მ(ა)ს ნივთ გა(ე)ჰენი(ი)სა • ს(აუ)კ(უ)ნოჲსა უ(ფალ)ო • დაშრიტე იგი ცუარითა მოღ(უა)წებ(ა)თა შ(ე)ნთ(ა)ჲთა • და სინ(ა)ნ(უ)ლისა ცრემლნი მომმადლენ მე ჻

Ⴂუნდმ(ა)ნ მარტჳლთამ(ა)ნ • ბრძენმ(ა)ნ და გონიერმ(ა)ნ • უგ(უ)ლის ჴმოჲ ზრ(ა)ხვ(ა)ჲ და ველური გონებ(ა)ჲ • უსჯ(უ)ლოთა მ(ა)თ მ(ე)ფეთაჲ • გონიერად შეურაცხ-ყო • და სიბორგილედ შეერაცხა • და ნიჭთა ს(ა)ღ(მრ)თ(ო)თა და გჳრგჳნთა ღირს იქმნა ჻

Ⴐ(ომე)ლთა ს(ო)ფლისა • ს(ა)შუჱბელი გ(ა)ნაგდეთ • და ზეშთა ს(ო)ფლისა კ(ე)თილთა მიემთხჳენით • ყ(ოვლა)დ ქებ(უ)ლნო მ(ა)რტჳლნო • ყ(ოვლ)ისავე მსოფლი(ო)სა • ს(ი)ყუარული-

საგ(ა)ნ მიჴსენით • რ(ომელ)ი წადიერებით გნ(ა)ტრიდა გიგ(ა)ლ(ო)ბ ჻

Ⴋზისა სიმ(ა)რთლისა • ეტლო ღ(მრ)თ(ი)ვ ბრწყ(ი)ნვ(ა)ლეო • ს(უ)ლისა ჩ(ე)მისა ლამპარი დაშრეტილი • მცონარებითა აღანთე • და ს(ა)თნოებათა ზეთი • მდიდრად აღუგე ქ(ალ)წ(უ)ლო • რ(აჲთ)ა სარწმ(უ)ნ(ო)ებით მჴ(უ)რვ(ა)ლედ გადიდო ჻

Ⴂ(ან)Ⴛ(ლიერდას)Ⴀ Ⴋგ(ა)ლ(ო)ბ(ე)ლნი შ(ე)ნ ჻

Ⴁნელსა შ(ინ)ა ამის ს(ო)ფლის(ა)სა • წყუდიადი ვნებ(ა)თაჲ მეწია • ხ(ოლო) შ(ე)ნ ვ(ითარც)ა ღ(მერ)თ ხ(ა)რ • ნ(ა)თელი და უღამებელი • სინ(ა)ნ(უ)ლისა ნ(ა)თლითა • გ(ა)ნმაბრწყ(ი)ნვე და მ(ა)ცხ(ო)ვნე

Ⴌ(ა)წ(ი)ლსა მ(ა)ს მ(ა)რთ(ა)ლთ(ა)სა ღირს მყ(ა)ვ • დამ(ა)რცხენეთა მწყობრისაგ(ა)ნ • ქ(რისტ)ე ს(ა)ხ(იე)რო გ(ა)ნმყავ • და გ(ა)ნმწმიდე მე ცრემლითა • და მოწყ(ა)ლებითი რაჲთა • გ(ადი)დებდა გმ(ა)დლობდე შ(ე)ნ ჻

Ⴑისხლითა ღებულნი ფერჴნი თქ(უე)ნი • უმოსწრაფეს რბიოდეს ზ(ე)ცად • და ქ(უე)ყ(ა)ნ(ა)ჲ დაუტევეს • ც(ო)დვ(ი)თურთ და უსჯ(უ)ლ(ო)ებით • მ(ა)რტჳლნო ყ(ოვლა)დ ქებ(უ)ლნო • ზ(ე)ცისა ძ(ა)ლთა მობაძ(ავნო)

Ⴒ(ა)ნჯვ(ა)თა მ(იე)რ ს(ა)ხითა • და ჰჴს(ე)ნდებოდეს ასონი თქ(უე)ნნი • ხ(ოლო) ძ(ა)ლნი ს(უ)ლის(ა)ნი • გ(ა)ნმტკიცნებოდეს მ(ა)რტჳ(ი)ლნო • სიყ(უა)რულითა ღ(მრთისა)ჲთა • რ(ომელმა)ნ დაჰბ(ა)და ყ(ოველ)ი ჻

Ⴃ(ე)დ(ო)ფ(ა)ლო დაბადებ(უ)ლთ(ა)ო • რ(ომელმა)ნ გჳშევ ქ(რისტ)ე უ(ფალ)ი • უფლებული ვნებ(ა)თაგ(ა)ნ • და ც(ო)დვითა დაბნელებ(უ)ლი • ს(ულ)ი ჩ(ემ)ი გ(ა)ნაბრწყ(ი)ნვე • და გონებ(ა)ჲ თ(ა)ვ(ი)სუფალ ყავ ჻

Ⴋ(ე)Ⴑ(მას)Ⴀ Ⴈ(ეს)ჳ მჯდომ(ა)რე ჻

Ⴅ(ითარც)ა მს(ა)ჯულსა მ(ა)რთ(ა)ლსა • შეგივრდები მე დასჯილი და სასოწ(ა)რკუჱთილი • ს(ა)მ(ა)რთლად რისხვისა შ(ე)ნისაგ(ა)ნ • და გ(ა)ნბჭობისა მიჴსენ • და რჩეულთა შ(ე)ნთა თ(ან)ა დამადგინე Ⴥ, ს(ა)ხ(იე)რო და შ(ემიწყალ)ე ჻

Ⴀვ(ა)ზ(ა)კთა ყ(ოვლა)დ ბ(ო)როტთა • შთავრდომილი და მოწყლული • გ(ა)ნმკურნე ს(ა)ხ(იე)რ • და სინ(ა)ნ(უ)ლისა ზეთი და ღჳნოჲ • დამასხ და სამკაულითა • კ(ე)თ(ი)ლთა ს(ა)ქმეთ(ა)ჲთა შემამკვე • და შეხჳე წყლულ(ე)ბ[ანი]

Ⴂ(ა)Ⴌძარცუვითა მით ჴ(ო)რცთა თქ(უე)ნთ(ა)ჲთა • სამოსელი ცხ(ო)რ(ე)ბის(ა)ჲ • მ(ა)ღ(ა)ლთ შეიმოსეთ • ნეტ(ა)რნო მ(ა)რტჳლნო და მაცთური • გ(ა)ნაშიშულეთ და გ(ა)ნ(ა)ჰბძარეთ • რ(ომელმა)ნ იგი გ(ა)ნაშიშულა ადამ და ევა • და მოაკუდინეთ ჻

Ⴑიბრძნით მეტყუჱლებდ(ით) მ(ო)წამენო • უღ(მრ)თ(ო)თა მძლ(ა)ვრთა წ(ინაშ)ე • ქ(რისტე)ს ღ(მრ)თეებ(ა)სა • ჴ(ო)რც შესხმ(ა)სა და ვნებ(ა)სა მისსა • და არცხჳნეთ ბრძენთა რიტორთა • და სიბძნის მოძღ(უა)რსა უკ(ე)თ(უ)რსა • ს(ო)ფლისა მპყრობლებსა ჻

Ⴘ(ე)ნ ზ(ედ)ა უფსკრ(უ)ლი სიბრძნის(ა)ჲ • ვ(ითარც)ა წყმაჲ გ(ა)რდამოჴდა • დედ(ა)ო ღ(მრ)თის(ა)ო • რ(ამეთუ) გპოვა შ(ე)ნ გ(ა)ნწმედილი • და წ(ა)რღუნა უღ(მრ)თ(ო)ებისა • ღუარნი წ(ა)რმღუნელნი • მორწმ(უ)ნეთა ცხ(ო)რების(ა)ნი • კერპთა ბომონნი ჻

Ⴖ(ამით)Ⴂ(ანს)Ⴀ ႠႼ აღვ ჻

Ⴥ [ვითა]რ მეგულების წ(ა)რდგ(ო)მაჲ • წ(ინაშ)ე შ(ე)ნსა • მს(ა)ჯულისა და ღ(მრ)თისა ყ(ოველ)თაჲსა • და მხილებად ს(ა)ქმეთა ჩ(ე)მთათ(ჳ)ს • რ(ომელ)ნი ვცოდენ • და შეგინებულ ვიქმენ • და დასჯილ შენგ(ა)ნ გონებითა ჻

Ⴛუირთა მ(იე)რ მრ(ა)ვ(ა)ლთა აღვივსე • მიჴსნენ უ(ფალ)ო • და გ(ა)ნკურნენ ს(ა)ლმობ(ა)ნი ჩ(ე)მნი და წყლულებ(ა)ნი მრ(ა)ვ(ა)ლნი • და ნუ მიმიშუჱბ წარწყმედად უბადრუკსა • და ფ(რია)დ შეცოდებ(უ)ლსა ამ(ა)ს ჻

Ⴝ(ეშმარიტა)დ კ(ე)თილი აღს(ა)სრული • პოეს მარტჳლთა • და ღ(მრ)თისა დამდებელი ქ(რისტ)ე ადიდეს ასოთა თ(ჳ)სთა მ(იე)რ • რ(ამეთუ) მჴნეთა • ტანჯულნი ბრძოლაჲ • გ(ა)ნ(უ)სუჱნებ(ა)სა აღირჩ(ი)ეს ჻

Ⴘუჱბ(ა)ჲ ს(ა)ღ(მრ)თოჲ ს(ა)ხარულევანი • ზ(ე)ცთა შ(ინ)ა • გჳრგჳნი დაუჭნობელი და ნ(ა)თელი დაუღამებ(ე)ლი • და სავანენი ვრცელნი ჴ(ე)ლით უქმნელნი • ქ(რისტემა)ნ მ(ი)გცნა მ(ო)წ(ა)მენო ჻

Ⴜ(ინაჲს)წ(არმეტ)ყ(უე)ლთა ჴმამ(ა)ნ გქ(ა)დაგა • ღ(მრ)თისა დედაო • რ(ამეთუ) გიწოდეს შ(ე)ნ მთად და ბჭედ ზ(ე)ცისა • და სასანთლედ ბრწყ(ი)ნვ(ა)ლედ • რ(ომ)ლისა მ(იე)რ • გ(ა)მობრწყ(ი)ნდა ნ(ა)თელი • მნათობი ყ(ოვლ)ისა ს(ო)ფლის(ა)ჲ ჻ [ღაღადყავსა] Ⴘ[თავრდომილსა]

Ⴋომკ(უ)დ(ა)რ ვარ ს(უ)ლითა უბადრუკი • და ყ(ოვლა)დ არაჲ მრცხუჱნის • და გონებ(ა)ჲ მომაქუს შეგინებ(უ)ლი • უბადრუკსა • დამბადებ(ე)ლო ჩ(ე)მო • ნუ ს(რულია)დ უგ(უ)ლებელს მყოფ ჻

Ⴓძჳრეს მტარვ(ა)ლთა ბორ(ო)ტთაჲსა • ს(ა)ქმეთა ჩ(ე)მთა ჰნებავს წ(ინაშ)ე შენსა შესმენაჲ ჩ(ემ)ი • რ(ომე)ლთაგ(ა)ნ • მიჴსენ კ(ა)ცთა მ(ო)ყ(უა)რეო • და მომეც ს(ა)ღ(მრ)თ(ო)ჲ ლმობიერებაჲ ჻

Ⴘემუსრნა უსჯ(უ)ლ(ო)თა კრებ(უ)ლმ(ა)ნ • ძუალნი მოწ(ა)მეთ(ა)ნი • ხ(ოლო) ს(ა)რწმ(უ)ნ(ო)ებ(ა)ჲ მ(ა)თი ვერ შეძრა • ამისთ(ჳ)სცა • ღ(მრ)თისა თ(ან)ა მკჳდრ იქმნნეს • მ(ა)ცხ(ოვ)რისა ს(უ)ლ(ი)თა ჩ(უე)ნთ(ა)ჲსა ჻

Ⴅ(ითარც)ა ანთრაკნი კლდესა ზ(ედ)ა • მტკიცესა აღეშენნეს • ს(ა)რწმ(უ)ნ(ო)ებ(ა)სა ზ(ედ)ა მ(ა)რტჳლნი • და ვ(ითარც)ა ტაძარნი ს(უ)ლიერნი • ტაძ(ა)რსა ღ(მრ)თისასა დაემკჳ(ი)დრნეს ჻

Ⴃაბნელებული გონებ(ა)ჲ ჩ(ე)მი • ნისლითა ც(ო)დვის(ა)ჲთა • ნ(ა)თლითა შ(ე)ნითა ქ(რისტე)ს დედაო • გ(ა)ნ(ა)ნ(ა)თლე • რ(ამეთუ) გჳშევ ჩ(უე)ნ მზე • სიმ(ა)რთლის(ა)ჲ ც(ა)თა მფლობელი ჻

Ⴉ(ურთ)Ⴞ(ეულარს)Ⴀ Ⴀბრამიანთა ჻

Ⴥ, ვისმე მ(ი)ემსგ(ა)ვსე • ც(ო)დვილო ს(უ)ლო ჩ(ე)მო • რ(ამეთუ) გიყუარს უწესოებ(ა)ჲ • და ს(ა)ქმედ კ(ე)თილის(ა)დ • ყ(ოვლა)დვე არ(ა)ჲ გნებავს • გ(ა)ნ(ი)ფრთხვე უბადრუკო ჻

Ⴋომცენ ცრემლნი ს(ა)ხ(იე)რ • რ(აჲთ)ა ვტიროდი ჩ(ე)მთა • ც(ო)დვ(ა)თა სიმრ(ა)ვლესა ურიცხუსა • და ნუ მიმიშუჱბ მჴსნელო • წ(ა)რწყმედად უნანელსა • შეცოდებულსა ამ(ა)ს ჻

Ⴑიკუდილი ქ(რისტე)ს ღ(მრთისა)ჲ • ჴ(ო)რცთა შ(ინ)ა გეტჳრთა • და მტ(ე)რი მოაკუდინეთ მარტჳლნო • და ცხ(ო)ველ ხ(ა)რთ შ(ემდგომა)დ • სიკ(უ)დილისა და მომკ(უ)დ(ა)რთა ც(ო)დვ(ა)თაგ(ა)ნ აღ(ა)დგ(ი)ნებთ ჻

Ⴐ(ომე)ლსამე ადგ(ი)ლსა • არა ჰყ(ა)ვთ თქ(უე)ნ მნ(ა)თობად • რ(ომე)ლი ს(ო)ფელი არა ბრწყ(ი)ნავს • ღ(უა)წლთა თქ(უე)ნთა ელვითა • და აღმოს(ა)ვ(ა)ლთ(ა)ჲთ • ს(ასწაუ)ლთა მჴნენო ჻

Ⴘ(ე)ნ მხ(ო)ლოჲ ჰბრწყ(ი)ნავ სძ(ა)ლო • შ(ემდგომა)დ შობისაცა • სიკეთითა ქ(ალ)წ(უ)ლების(ა)ჲთა • შ(ე)ნ მხ(ო)ლ(ო)ჲ თანაწ(ა)რჴედ • დედობრივთა მ(ა)თ წესთა • ქ(რისტე)ს ღ(მრ)თისა შობითა ჻

ႠႩ(ურთხევდითს)Ⴀ: Ⴋჴსნ(ე)ლო ყ(ოველ)თა ჻

Ⴅჰბაძევდ მე პირუტყუთა • უგულის ჴმოთა • და მივემსგავსე მ(ა)თ • საწყალობელი • რ(ამეთუ) პირუტყუთ ს(ა)ხეთა • ვნებათა დავამონე თ(ა)ვი ჩ(ემ)ი • მჴსნ(ე)ლო მომაქც(ი)ე და მ(ა)ცხ(ო)ვნე მე ჻

Ⴄშუმ(ა)ნ მძჳ(ი)ნვარემ(ა)ნ • გ(ა)ნმრყუნა მ(ა)ცხ(ოვა)რ • და ბნარგუომ(ა)ნ ბორ(ო)ტმ(ა)ნ • აღმიოჴრა მე • ვენ(ა)ჴი ღ(უ)წ(ი)ლი ს(უ)ლისაჲ • რ(ომე)ლთა გ(ა)ნმიჴსენ და ნ(ა)ყ(ო)ფიერ მყ(ა)ვ • ს(ა)თნოებ(ა)თა მ(იე)რ კ(ე)თილთა ჻

Ⴑისხლთა მეწამულმ(ა)ნ • შეგღება თქ(უე)ნ • პორფირი ბრწყ(ი)ნვალე • ღ(მრ)თივ მოქსოილი • და მით შემოსილნი მ(ა)რტჳლნო • და ძლევით გჳრგჳნოს(ა)ნნი მ(ა)ღ(ა)ლთა შ(ინ)ა • წ(ინაშ)ე ს(ა)მ(ე)ბისა იხ(ა)რებთ ჻

Ⴂუნდმ(ა)ნ მარტჳლთა მ(ა)ნ • ღ(მრ)თივ შემკობილმ(ა)ნ • უსჯ(უ)ლოჲ კრებ(უ)ლი • მტ(ე)რთაჲ დაამჴუა • და სჯ(უ)ლიერად ღუაწეთ • და წ(ინაშ)ე ყ(ოველ)თა მ(ეუ)ფისა • ღ(მრ)თ(ი)ს(ა)გ(ა)ნ გჳრგჳნოსან იქმნნეს ჻

Ⴀკ(ურთ)ხ(ე)ვს ს(ო)ფ(ე)ლი • შობასა შ(ე)ნსა • რ(ომელმა)ნ კ(ურთ)ხ(ე)ვით გჳრგჳნოს(ა)ნ გყუნა • და წყევაჲ იგი ახჴოცა • ყ(ოვლა)დ დიდ(ე)ბ(უ)ლო კ(ურთ)ხ(ეუ)ლო სამკაულო ადამიანთაო ჻

Ⴀ(დიდე)Ⴁ(დითს)Ⴀ: Ⴄვა ოდესმე ჻

Ⴄჰა ჟ(ამ)ი სინანულის(ა)ჲ • რ(აჲ)სა და ჴსნილ ვართ ძილითა • გ(ა)ნვეშორნეთ უდებებისაგ(ა)ნ ძმ(ა)ნო • და გ(ა)ნვ(ი)ბრწყ(ი)ნვნეთ ლამპარნი წერილისაებრ • ქველის ს(ა)ქმითა • და ნუ დავშთებით გარე • კარისა მის • ს(ა)ლმობიერნი ჻

Ⴅ(იდრ)ე გ(უა)ქუს ჟ(ამ)ი მოკცევად • მოჲქეც ბორ(ო)ტთაგ(ა)ნ Ⴥ, ს(უ)ლო ჩ(ე)მო • მეცნიერებით და უმეცრებით ქმნილთა • და ყ(ოვლ)ისავე მხედველსა უღ(ა)ღადე • შეგცოდე შემინდვენ Ⴥ, ს(ა)ხ(იე)რო • და ნუ მომიძაგებ უღირსს(ა) [ამას]

Ⴉრებ(უ)ლი მ(ა)რტჳლთ(ა)ჲ შუჱნიერი • შეკრიბა ღ(მერთმა)ნ ყ(ოვლ)ისა ქ(უე)ყ(ა)ნისაგ(ა)ნ • ადგილთა დიდებ(უ)ლთა ც(ა)თა შ(ინ)ა • პ(ა)ტი(ო)ს(ა)ნსა გ(ა)ნს(ა)სუჱნებ(ე)ლსა • ეკლეს(ი)ასა პ(ი)რმ-

შობსა შემამკობელად • სადა იგი გებრწყ(ი)ნვენ ს(აუ)კ(უ)ნ(ო)დ ჻

Ⴑ(ა)მარხვაჲ მ(ო)წ(ა)მეთა შ(ე)ნთ(ა)ჲ • მ(ა)დლითა ს(უ)ლისა წ(მიდ)ის(ა)ჲთა აღვსებ(უ)ლი • ბრწყ(ი)ნვ(ა)ლებ(ა)სა ს(ა)სწ(აუ)ლთ(ა)სა • და კურნებ(ა)თა წყ(ა)როსა აღმოდის • და დაჰჴსნის ს(ა)ლმობ(ა)თა • და სენთა წყუდიადსა • ქ(რისტ)ე ღ(მერთ)ო ყ(ოვლა)დ ძლიერო ჻

Ⴌ(ა)თელთა შ(ე)ნთა ელვარეთა • ბრწყ(ი)ნვ(ა)ლებითა ს(უ)ლი ჩ(ემ)ი გ(ა)ნაბრწყ(ი)ნვე • დანთქმული მთხრებლსა წყუდიადის(ა)სა • და აღჭურე იგი დაცემად მტ(ე)რთა • რ(ომე)ლნი აჭ(ი)რვებენ გონებ(ა)სა ჩ(ემს)ა • ღ(მრ)თის მშ(ო)ბ(ე)ლო ყ(ოვლა)დ წ(მიდა)ო ჻

Ⴓრშ(ა)ბ(ა)თისა გ(ა)ლ(ო)ბ(ა)ნი ზ(ე)ცისა ძ(ა)ლთ(ა)ნი

Ⴆღ(უა)ჲ უვალი ჻

Ⴑ(ა)ღ(მრ)თ(ო)ჲსაგ(ა)ნ ნ(ა)თლისა • თჳნიერ შუა მდგუმელისა • აღ(ი)ვსებიან დიდნი სერაბინ ქერაბინი • და იქმნებიან • ნ(ა)თელ ს(ა)ღ(მრ)თო მეორე • და მ(ა)დლით გ(ა)ნღ(მრ)თობილნი ჰმონებენ ს(ა)მ(ე)ბ(ა)სა ჻

Ⴑ(ა)შინელ(ა)დ მჯდომარე • ს(ა)ყდ(ა)რსა მ(ა)ს ზ(ედ)ა მ(ა)ღ(ა)ლსა • ს(ა)ყდ(ა)რთა გონიერთა გ(ა)ნისუჱნებ უ(ფალ)ო • რ(ომელ)თა მ(იე)რ • გ(ა)ნწმიდე გ(უ)ლი ჩ(ემ)ი • რ(აჲთ)ა იქმნას იგი საყდარ გ(უ)ლის ჴმის ყ(ო)ფისა ჻

Ⴋჴურვ(ა)ლედ წოდებულ ხ(ა)რთ • სერ(ა)ბინნო და მოტყ(ი)ნარედ • გ(ა)ნატფეთ გ(უ)ლი ჩ(ემ)ი • გრილი და ულმობ(ე)ლი • სიყუარ(უ)ლითა ღ(მრ)თისა მ(ეუ)ფის(ა)ჲთა ჻

Ⴕ(ალ)წ(უ)ლ პ(ირვე)ლ შობისა • და ქ(ალ)წ(უ)ლო შ(ემდგომა)დ შობისა • ეგე ზეშთა ცნობისა • ჰშევ რ(ა)ჲ ქ(რისტ)ე ქ(ალ)წ(უ)ლო • რ(ომელმა)ნ იგი • არა რ(ა)ჲსაგ(ა)ნ არსად • სიტყჳთ მოჲყვანნა კრებ(უ)ლნი ანგ(ე)ლ(ო)ზთ(ა)ნი ჻

Ⴂ(ან)Ⴛ(ლიერდას)Ⴀ ჻

Ⴁო(უ)ნებით ლმობ[იერ] ჻

Ⴍთხ ხატედნო წ(მიდა)ნო ქერაბინნო • მრ(ა)ვ(ა)ლ ს(ა)ხეთა ვნებ(ა)თაგ(ა)ნ • გჳჴსნენით მ(ეო)ხებითა • თქ(უე)ნითა მჴსნელისა მ(იმა)რთ • რ(ომელმა)ნ ს(ა)ხ(იე)რ(ე)ბით • ხატი კ(ა)ცობრივი შთაიცუა ჻

Ⴑ(უ)ლისა ჩ(ე)მისა მრ(ი)სხ(ა)ნებ(ა)ჲ • აღძართ გუჱლისა მ(იმა)რთ ხ(ოლო) • სიყუარ(უ)ლი და გ(უ)ლის თქმ(ა)ჲ • ღ(მრ)თისა მ(იმა)რთ და კ(ე)თილთა • ს(აუ)კუნეთა აღლესეთ • Ⴥ, ქ(ე)რაბინნო დ(იდე)ბ(უ)ლნო ჻

Ⴂონებანო წ(მიდა)ნო გონებისა • პ(ირვე)ლისა ბრწყ(ი)ნვ(ა)ლებისა • ნივთიერი გონებ(ა)ჲ ჩ(ემ)ი • ეკლუანთა ვნებ(ა)თაგ(ა)ნ • გ(ა)ნწმიდეთ და გ(ა)ნმინ(ა)თლეთ • ს(ა)ღ(მრ)თ(ო)თა მ(ა)დლთა მოფენითა ჻

Ⴆეშთა ბო(უ)ნებისა შობაჲ შ(ე)ნი • გამოუკლეველ არს ქ(ალ)წ(უ)ლო • ძ(ა)ლთაგ(ა)ნცა ზ(ე)ცის(ა)თა • რ(ამეთუ) პ(ირვე)ლისა მის • გონებისა სიტყ(უა)ჲ გჳშევ • სიტყჳთ ყ(ოვლ)ისა გ(ა)ნმგ(ე)ბ(ე)ლი ჻

Ⴋ(ე)Ⴑ(მას)Ⴀ Ⴂ(ა)ნზრ(ა)ხვ(ა)ჲ ჻

Ⴓფლებ(ა)ნო წ(მიდა)ნო • უფლებისა • ს(ა)ღ(მრ)თ(ო)ჲსა ხატნო გონებ(ა)ჲ ჩ(ემ)ი • მტ(ე)რისა მ(იე)რ • უფლებული იჴსენით • და უფალ და მფლობ(ე)ლ მყავთ მის(ი)სა • და თჳთმპყრობელ ჴ(ო)რცთა ნებისა ჻

Ⴑეხნად სახელისა და • წოდებისა • თქ(უე)ნისა ჴ(ე)ლმწიფებ(ა)ნო ჰგიეთ • ჴ(ე)ლმწიფებ(ა)სა • ზ(ედ)ა უცვ(ა)ლებ(ე)ლსა • მტ(ე)რისა ჴ(ე)ლმწიფებისაგ(ა)ნ • აზნაურ მყ(ა)ვთ და გ(ა)ნმარინეთ მე ჻

Ⴥ, ძ(ა)ლნო უძლეველნო • ს(ა)ღ(მრ)თ(ო)ჲსა მის • ძლიერებისა ხატნო მეტყუჱლნო • ყ(ოვლა)დ დაჴსნილისა • ვნებულსა და ძლეულსა • ვნებ(ა)თა მძლ(ა)ვრებისაგ(ა)ნ • ს(ა)ღ(მრ)თ(ო)ჲ ძლ(იერე)ბ(ა)ჲ შემმოსეთ ჻

Ⴖ(მრ)თის მშ(ო)ბ(ე)ლო ქ(ალ)წ(უ)ლო • და დედაო • ანგ(ე)ლ(ო)ზთაგ(ა)ნ ქებ(უ)ლო სძ(ა)ლო • და მორწმ(უ)ნეთა • მჴსნელო და მ(ა)ცხ(ოვა)რო • ევედრე მჴსნელსა მ(ეუ)ფესა • რ(აჲთ)ა მ(ა)ცხ(ო)ვნოს ოხითა შ(ე)ნთა ჻

Ⴖ(ამით)Ⴂ(ანს)Ⴀ: Ⴌაწილ ჩ(ე)მ ჻

Ⴜესნო მიუდრეკ(ე)ლნო • მთ(ა)ვრობისა ს(ა)ღ(მრ)თ(ო)ჲსა ს(ა)ხენო და მთავრობ(ა)დ დღისა წოდებულნო • გონებ(ა)ჲ ჩ(ე)მი მტკიცე ყავთ და გ(ა)ნაძლ(იე)რეთ • რ(აჲთ)ა ბილწთა ვნებ(ა)თა მ(იე)რ • გ(ა)ნმხრწნ(ე)ლთა ს(უ)ლის(ა)თა • არ(ა)ჲ მიდრკეს ყ(ოვლა)დვე ჻

Ⴀნგ(ე)ლ(ო)ზთა მთ(ა)ვ(ა)რო • მიქ(აე)ლ ყ(ოვლა)დ ს(ა)ნ(ა)ტრელო •

და გ(ა)ბრ(იე)ლ წესთა წინამძღ(უა)რო • ნ(ა)თლისა ს(ა)ღ(მრ)თ(ო)ჲსა უნივთონო ელვანო • წყუდიადი ბნელი გ(უ)ლისა ჩ(ემ)ისაჲ • უნივთოჲ დაჰჴსენით • და ბრწყ(ი)ნვ(ა)ლედ გ(ა)ნმან(ა)თლეთ მე ჻

Ⴐ(ა)ჟ(ამ)ს გეგულებოდის • ს(ო)ფლით გაყვ(ა)ნებ(ა)ჲ ჩ(ემ)ი ქ(რისტ)ე • ფ(რია)დ შეცოდებ(უ)ლისა ამის • ანგ(ე)ლ(ო)ზი ს(ა)ხიერი მომივლინე მჴსნელო • ს(ა)ხიერებითა შ(ე)ნითა • რ(აჲთ)ა შეივედროს ს(უ)ლი ჩ(ემ)ი ჻

Ⴜ(მიდა)ო დედ(ო)ფ(ა)ლო • ზ(ე)ცისა ძ(ა)ლთა სიხ(ა)რულო • და კ(ა)ცთა სიქ(ა)დულო და შემწეო • ისწრაფე შეწევნად ჩ(ე)მდა რ(ომელ)ი ესე • ღელვ(ა)თა შ(ინ)ა ც(ო)დვის(ა)თა • მ(არა)დის ვიღელვები და დავინთქმი საწყ(ა)ლობელი(ა)დ ჻

Ⴖ(აღად)Ⴗ(ავს)Ⴀ ჻

Ⴘთავვარდი ჻

Ⴐ(ა)ჟ(ამ)ს დასცე ს(ა)ყჳ(ი)რსა ს(ა)შინელსა • Ⴥ, მთ(ა)ვ(ა)რანგ(ე)ლ(ო)ზნო • და აღადგინნე გ(ა)ნსჯად დაბადებ(უ)ლნი • ქ(რისტე)ს მ(იმა)რთ • შემწე ს(ა)ხიერ მექმენ • და დაატკბე იგი ჩ(ე)მ ზ(ედ)ა ჻

Ⴑ(ა)მ(ე)ბ(ა)ო წ(მიდა)ო დიდ(ებუ)ლო • ანგ(ე)ლ(ო)ზთა წესთაგ(ა)ნ • რ(ომელ)ნი იგი გ(იგა)ლობენ შ(ე)ნ • ძრწოლით სიწმიდით • გ(ა)ლ(ო)ბითა წ(მ)იდა ყავ • ბრ(ა)ლთა მ(ა)თ მ(იე)რ ს(უ)ლი ჩ(ემ)ი ჻

Ⴋრ(ა)ვ(ა)ლთა ბრ(ა)ლთა ჩ(ე)მთა ს(ა)სწორნი • წ(მიდა)ნო აღმწონელნო • ანგ(ე)ლ(ო)ზნო აღასუბუქენით • და ღირს მყავთ მე • ცხ(ო)ვნებულთა ნაწილსა • და უქმ ქმნენით მტ(ე)რთა ს(ა)სწუ(ო)რნი ჻

Ⴀღემატე ანგ(ე)ლ(ო)ზთა კრებულსა • ჰშევ რ(ა)ჲ ღ(მერთ)ი ჴ(ო)რცთა ქ(ალ)წ(უ)ლო ყ(ოვლა)დ ს(ა)გ(ა)ლობელო • მ(ეო)ხ გ(უე)ყ(ა)ვ • მ(ა)თ თ(ან)ა მონიჭებად მგ(ა)ლობ(ე)ლთა შ(ე)ნთა წყ(ა)ლ(ო)ბ(ა)ჲ ჻

Ⴉ(ურთ)Ⴞ(ეულარს)Ⴀ: Ⴀრ(ა)ჲ ჰმს(ა)ხ(უ)რეს ჻

Ⴋს(ა)ხურნო დ(იდე)ბისა ღ(მრ)თის(ა)ნო • გ(ა)ლ(ო)ბ(ა)დ ლ(ო)ცვად და მს(ა)ხურებ(ა)დ ღ(მრ)თისა • ს(ა)მ(ა)რადისოდ • გ(უ)ლსმოდგინე ყ(ა)ვთ მედგარი ესე გონებ(ა)ჲ ჩ(ემ)ი • რ(ომელ)ი დაემონა • ძილსა და უდებებ(ა)სა • მცონარებითა ჻

Ⴚ(ა)თა და ჰაერთა შ(ინ)ა მსრბოლნო • მსწრ(ა)ფლნო და სუბუქნო მს(ა)ხ(უ)რნო ღ(მრ)თის(ა)ნო • ყ(ოვლა)დ წ(მიდა)ნო ჴ(ო)რცთა ვნებითა დამძიმებ(უ)ლი ს(უ)ლი ჩ(ემ)ი • ვედრებითა თქ(უე)ნითა • და ლ(ო)ცვითა აღასუბუქეთ • Ⴥ, ანგ(ე)ლ(ო)ზნო ჻

Ⴑ(ა)ღ(მრ)თოდ ნავად და მენავეთ მოძღ(უ)-

რად • წოდებ(უ)ლ ხ(ა)რთ დიდნო ანგ(ე)ლ(ო)ზთა გუნდნო • ნავი ს(უ)ლისა: ჩ(ე)მის(ა)ჲ წ(ა)რჰმ(ა)რთეთ ნავთს(ა)ყუდელსა ცხ(ო)რებისასა • და ღელვა ტეხისაგ(ა)ნ • ვნებ(ა)თა და ჭირთაჲსა მიჴსენით • ღ(მრ)თივ გჳრგჳნნო ჻

Ⴀნგ(ე)ლ(ო)ზთა და კ(ა)ცთა ბო(უ)ნებ(ა)ჲ • ერთობით გ(ა)დიდებს დედაო ღ(მრ)თის(ა)ო • რ(ამეთუ) ზეშთა ბო(უ)ნებითა ჰშევ ღ(მერთ)ი დამბადებ(ე)ლი • ამისთ(ჳ)ს გევედრებით • შეცოდებ(უ)ლი ს(უ)ლი ჩ(ემ)ი • იჴსენ ქ(ალ)წ(უ)ლო ჻

ႠႩ(ურთხევდითს)Ⴀ: Ⴋჴსნელო ყ(ოვე)ლ ჻

Ⴑ(ა)ხიერებისა • შ(ე)ნისა მ(იმა)რთ • რ(ომელმა)ნ ჴ(ე)ლითა შ(ე)ნითა შეჰქმნენ • აღვიპყრობ მე ჴ(ე)ლთა ჩ(ე)მთა • ჴ(ე)ლთაგ(ა)ნ მტრის(ა)თა მ(ი)ჴსენ ქ(რისტ)ე • მთ(ა)ვ(ა)რანგ(ე)ლ(ო)ზთა შ(ე)ნთა ოხითა ჻

Ⴐ(ა)ჟ(ამ)ს დაჯდეს ღ(მერ)თი • გ(ა)ნსჯად ს(ო)ფლისა • და წ(ინაშ)ე სდგეთ თქ(უე)ნ • ღ(მრ)თივ შუჱნი(ე)რნი • დ(იდე)ბ(უ)ლნო ანგ(ე)ლ(ო)ზნო • მ(ა)ს ჟ(ამს)ა დაუსჯელად დამ(ი)ფარეთ მე • ვედრებითა თქ(უე)ნითა წ(მიდ)ითა ჻

Ⴂ(ა)ნვარისხებ ღ(მერთს)ა • ც(ო)დვ(ა)თა მ(იე)რ • ხ(ოლო) ანგ(ე)ლ(ო)ზსა მფ(ა)რვ(ე)ლსა ჩ(ემს)ა • მწუხარებითა აღვავსებ • და შორად წ(ა)რვსდევნი მე უბადრუკი • დაღათუ ვ(ა)კ(ურთ)ხევ შემოქმედსა ჻

Ⴋთაო საჩინო • ქ(რისტე)ს ღ(მრ)თის(ა)ო • ქ(ალ)წ(უ)ლო უხრწნელო • მე შეცთომილი • მთათა და ჴევნებსა შ(ინ)ა • ბორ(ო)ტთა ს(ა)ქმეთასა მომაქციე • და მ(ა)ცხ(ო)ვნე ყ(ოვლა)დ ს(ა)ხ(იე)რო ჻

Ⴀ(დიდე)Ⴁ(დითს)Ⴀ: ყ(ოველ)ნი ტომნი ჻

Ⴎ(ირვე)ლ ყ(ოვე)ლთა • ნ(ა)თლითა ს(ა)ღ(მრ)თ(ო)ჲთა ბრწყ(ი)ნვენ ს(ე)რაბინნი • რ(ამეთუ) უზეშთაეს • ყ(ოვე)ლთა წესთაჲსა მდგომარე არიან • და მ(ა)თ თ(ან)ა ქ(ე)რაბინნი • მრ(ა)ვ(ა)ლთ(უა)ლნი წ(მიდა)ნი • და შუჱნ(ი)ერნი • შემამკუბელნი გუნდნი • ზ(ე)ცისა წესთანი • ღ(მრ)თივ გჳრგჳნოსანნი ჻

Ⴄჰა ს(ა)ყდ(ა)რნო ღ(მრ)თის(ა)ნო ს(ა)შ(ი)ნ(ე)ლნო მთ(ა)ვ(ა)რ ანგ(ე)ლ(ო)ზნო • ჴ(ე)ლმწიფებ(ა)თა გუნდნო • უფლებ(ა)ნო დ(იდე)ბ(უ)ლნო და ძ(ა)ლნო • ბორ(ო)ტთაგ(ა)ნ ც(ო)დვ(ა)თა • და ჴსნილი გ(უ)ლი ჩ(ემ)ი • ძლ(ი)ერებითა ს(ა)ღ(მრ)თ(ო)ჲთა გ(ა)ნამტკიცეთ • და გა(ე)ჰენისა მისგ(ა)ნ მიჴსენით ჻

Ⴑ(ა)ყდ(ა)რთა ზ(ედ)ა • ს(ა)შ(ი)ნელთა

მჯდომარეო ქ(რისტ)ე მ(ეუ)ფ(ე)ო • და ბევრის ბევრეულთა • ძ(ა)ლთაგ(ა)ნ ზ(ე)ცის(ა)თა გ(ა)რე შეცვულო • ს(უ)ლთაგ(ა)ნ არა წ(მიდა)თა • მწარედ გ(ა)რე შეცვული მიჴსენ ს(ა)ხ(იე)რ • და გ(ა)ნმათ(ა)ვისუფლე • რ(აჲთ)ა გიგ(ა)ლ(ო)ბდე • კ(ა)ცთა მ(ო)ყ(უა)რეო ჻

Ⴖ(მრ)თისა მ(ა)ღლისა • პ(ა)ლატო შუჱნიერო ყ(ოვლა)დ წ(მიდა)ო • დედ(ა)ო და ქ(ალ)წ(უ)ლო • ზ(ე)ცისა ძ(ა)ლთა თ(ან)ა ითხოვე მისგ(ა)ნ ბარბაროზთა წყობისაგ(ა)ნ • დაცვად ქ(ა)ლ(ა)ქი შ(ე)ნი • და ყ(ოვე)ლსავე • ვნებ(ა)თა კუჱთებისა • გ(ა)ნთ(ა)ვისუფლებ(ა)დ • სამწყსოთა შ(ე)ნთა ჻

Ⴃღე ს(ა)მშ(ა)ბ(ა)თი წ(მიდ)ისა ი(ო)ვ(ა)ნე ნ(ა)თლისმცემელ(ი)ს(ა)ჲ

Ⴋჴნეონი ჻

Ⴤმაო სიტყჳსა ღ(მრ)თის(ა)ო • ნ(ა)თლისმცემ(ე)ლო ქ(რისტე)სო • და ს(ა)ნთელო ს(ა)ღ(მრ)თ(ო)ჲსა მის ნ(ა)თლის(ა)ო • წინა მორბედო უ(ფლ)ისაო • ბნელი ესე წყუდიადი • შეცოდებ(ა)თა ჩ(ე)მთ(ა)ჲ • ნ(ა)თლითა შ(ე)ნითა იოტე • და ბრწყ(ი)ნვ(ა)ლებ(ა)ჲ • ს(უ)ლიერი მომადლე • რ(აჲთ)ა ღირსად • გ(ა)დიდებდე ს(ა)ნ(ა)ტრელო • მვედრებ(ე)ლთა შ(ე)ნთა მეოხო ჻

Ⴅინმცა უძლო ქებ(ა)დ შ(ე)ნდა • ჯერისაებრ ს(ა)ნ(ა)ტრელო • წინა მორბ(ე)დო რ(ომლ)ის(ა)ჲ თქ(უ)ა უ(ფალმა)ნ • უმეტესობ(ა)ჲ ყ(ოველ)თავე • ნ(ა)შობთა დედ(ა)თ(ა)ჲსა • და წ(ინაჲს)წ(არმეტ)ყ(უე)ლთა • უაღრეს ს(ა)ხელ გდვა შ(ე)ნ მ(ეუ)ფემ(ა)ნ • რ(ომე)ლსა ევედრე • ჴსნ(ა)დ ჩ(უე)ნდა ყ(ოვლ)ისაგ(ა)ნ ბორ(ო)ტისა ჻

Ⴞე ვარი მე უნაყოფოჲ • და ვხედავ ცულსა მდებარედ • ძირთა თ(ან)ა გ(ა)ნმზადებულსა მოკუჱთად • და მიცემად ჩ(ე)მდა ც(ე)ცხლსა მ(ა)ს • ს(აუ)კუნ(ო)დ უშრეტად • ა(რამე)დ შ(ე)ნ წ(მიდა)ო • ნ(ა)თლისმცემ(ე)ლო უ(ფლ)ის(ა)ო • ნ(ა)ყ(ო)ფიერებ(ა)ჲ • ს(უ)ლიერი მომმადლე • და მიჴსენ მე • გ(ა)ნმზადებულისა მისგ(ა)ნ • პ(ა)ტიჯ(ჟ)ისა ბრ(ა)ლთა ჩ(ე)მთ(ა)ჲსა ჻

Ⴚ(ე)ცხლის ს(ა)ხენი ს(ა)ცთურნი • გ(ა)ნს(ა)ცდელთა და ჭირთანი • ვ(ითარც)ა წყ(ა)ლთა მ(იე)რ იორდანის(ა)თა • დაჰშრიტენ წინა მორბედო • ვედრებ(ა)თა შ(ე)ნთა • და მვედრებ(ე)ლნი შ(ე)ნნი • შეაცურენ ს(ა)ცნაურად • და სიხ(ა)რ(უ)ლი ს(აუ)კ(უ)ნოჲ მიჰფინე • და ითხოვე გამოჴსნაჲ ხრწნილებისაგ(ა)ნ • სურველით მგ(ა)ლო-

ბ(ე)ლთა შ(ე)ნთ(ა)ჲ ჻

Ⴑ(ა)ღ(მრ)თ(ო)თა ს(ა)ქმეთა მ(იე)რ • ნ(ა)ყ(ო)ფიერ ყვენ ნეტ(ა)რო • პ(ა)ტი(ო)სნითა მით ვედრებითა შ(ე)ნითა • უნ(ა)ყოფონი გონებ(ა)ნი • ვ(ითა)რ იგი უდაბნოს • თესლი ს(ა)ღ(მრ)თ(ო)ჲ დასთესე • ქ(ა)დ(ა)გებისა შ(ე)ნის(ა)ჲ • და მრ(ა)ვ(ა)ლი წილი • ნ(ა)ყ(ო)ფი ს(უ)ლ(იე)რი • მ(ი)ჰმ(ა)დლე მ(ა)თ • მ(ეო)ხ(ე)ბითა შ(ე)ნითა • რ(აჲთ)ა ჰმონებდენ ქ(რისტეს)ა ღ(მერთს)ა ჻

Ⴐ(აჲთ)ა ეუწყოს ყ(ოველ)თა • სიმრ(ა)ვლე მოწყ(ა)ლებ(ა)თა • შ(ე)ნთ(ა)ჲ ქ(ალ)წ(უ)ლო • და ს(ა)ხ(იე)რებ(ა)ჲ შ(ე)ნი • და ც(ო)დვანი მონ(ა)თა შ(ე)ნთანი • ყ(ოველ)ნივე აღუჴოცენ • რ(ამეთუ) ჴ(ე)ლმ(ი)წ(ა)ფებ(ა)ჲ • გ(ა)ქ(უ)ს შ(ე)ნ დედაო ღ(მრ)თის(ა)ო • და ყ(ოვე)ლსავე • იქმ ვ(ითარც)ა გენებოს • შეწევნითა წ(მიდ)ისა ს(ა)მ(ე)ბის(ა)ჲთა • რ(ომელ)ი იგი მკჳდრ (არ)ს შ(ე)ნ თ(ან)ა ჻

Ⴑხ(უა)ნი :: თჳთი Ⴚხოვარი ვარ პირმეტყუჱლი სამწყსოჲსა შ(ე)ნის(ა)ჲ • შ(ე)ნდა მომ(ა)რთ მოვივლტი • მწყემსისა მაგის ს(ა)ხ(იე)რისა • მომიძიე შეცთომილი ღ(მერთ)ო და შ(ემიწყალ)ე მე ჻

Ⴖელვასა ც(ო)დვ(ა)თასა გ(ა)რე მოუცავ მ(ა)ცხ(ოვა)რ • და ვერღა-რა ვიტჳრთავ • შ(ე)ნ გ(ე)ვ(ე)დრები მხ(ო)ლოსა ნ(ა)ვთს(ა)ყუდელსა • ვ(ითარც)ა პ(ე)ტრ(ე)ს ჴ(ე)ლი აღმიპყარ • კ(ა)ცთა მ(ო)ყ(უა)რ(ე)ბისა შ(ე)ნის(ა)ჲ • და მ(ა)ცხ(ო)ვნე მე ჻

Ⴑტიქ(ა)რ(ო)ნი ჻

Ⴋჴნეონი ჻

Ⴋ(ა)დლთა მ(ა)თგ(ა)ნ ს(უ)ლ(იე)რთა • მასხურე წყალი ცხოველი • და გონებ(ა)ჲ ჩ(ემ)ი გ(ა)ნაბრწყ(ი)ნვე • რ(ომელმა)ნ ქ(რისტ)ე • გჳშევ უფსკრული წყ(ა)ლობის(ა)ჲ • კ(ა)ცთა შეცოდებ(ა)თა • სიტკბოებით წ(ა)რმღუნელი • დააცხრვენ ღუარნი იგი • ბრ(ა)ლთა ჩ(ე)მთ(ა)ნი • და წყ(ა)რო ცხ(ო)რ(ე)ბის(ა)ჲ • მომმადლე მე • ცხ(ო)ველითა ვედრებითა • შ(ე)ნ(ი)თა დედ(ა)ო ღ(მრთ)ის(ა)ო ჻

Ⴑ(ა)ფლ(ა)ვსა შ(ინ)ა დაფლულ არს • ც(ო)დვ(ა)თა მ(იე)რ მომკუდ(ა)რი • და კ(ე)თილთა ს(ა)ქმეთაგ(ა)ნ უქმ ქმნილი ს(უ)ლი ჩ(ემ)ი • ვინ(ა)ჲცა ბნელი დამფარავს მე • სასოწ(ა)რკუჱთილების(ა)ჲ • ა(რამე)დ აღმადგინე • და ცხ(ო)რებ(ა)დ ს(აუ)კ(უ)ნოჲ • წ(ა)რმიმ(ა)რთე მე • დედ(ო)ფ(ა)ლო წ(მიდა)ო • სადა უ(ო)ხრის ჴ(მა)ჲ წ(მიდა)ჲ ზატიკობის(ა)ჲ • სადა ბრწყ(ი)ნავს ნ(ა)თელი ს(ა)ღ(მრ)თ(ო)ჲ ჻

Ⴃა Ⴑ(უ)ლი და ჴ(ო)რცნი ჩ(ე)მნი • და გონებ(ა)ჲ გ(უ)ლსა თ(ან)ა • შ(ე)ნდა მომ(ა)რთ აღმიპყრიან ღ(მრ)თისა დედ(ა)ო • ს(უ)ლსა გ(ა)ნ(ა)თლებ(ა)ჲ უთხოვე • ხ(ოლო) ჴ(ო)რცთა აღძრვანი • მოაკუდინენ და გ(უ)ლსა • გ(ა)ნ(ა)თლებ(ა)ჲ მოეც სძალო • ხ(ოლო) გონებ(ა)ჲ გ(უ)ლის თქმ(ა)თაგ(ა)ნ იჴსენ • უხილ(ა)ვად • და აყუდენ და წ(მ)იდა ყ(ა)ვ • და მოგუმადლე ბრ(ა)ლთა შენდ(ო)ბ(ა)ჲ ჻

Ⴜ(ა)რდგ(ო)მ(ა)ჲ ჻

Ⴂ(უ)ლის ჴ(მ)ა ყ(ა)ვ ს(უ)ლო ჩ(ე)მო • რ(ა)ჟ(ამ)ს დაიდგნენ ს(ა)ყდ(ა)რნი შესაძრწ(უ)ნვებ(ე)ლნი • ვ(ითა)რმე წ(ა)რვდგეთ წ(ინაშ)ე მს(ა)ჯულისა • ჟ(ამს)ა მ(ა)ს ს(ა)შინელსა • და თჳთეულსა ს(ა)ქმ(ე)ნი მ(ა)თნი ემხილნენ • რ(ამეთუ) მ(ა)შინ მს(ა)ჯული უვედრებ(ე)ლ არს • და ც(ე)ცხლი უწყ(ა)ლოდ შემჭ(ა)მელ • რ(ა)ჟ(ამ)ს ვ(ითარც)ა გ(ა)ნძჳნებულ ზღ(უა)ჲ უ(ო)ხრიდეს • და აღ(ე)ტყ(ი)ნებოდის დაფარვად ყ(ოველ)თავე • ესე ყ(ოველ)ნი გ(ა)ნიცადენ ს(უ)ლო • და პირველ სიკ(უ)დილისა ს(უ)ლთ ითქუჱმდ • და ცრემლო(ო)დე ჻

Ⴅისწრაფოთ შესლვად ს(ა)სძლოსა ქ(რისტ)ესსა • რ(აჲთ)ა ღირს ვიქმნეთ სმენად • ს(ა)ნ(ა)ტრ(ე)ლსა მ(ა)ს ჴ(მ)ა(სა) ქ(რისტ)ე ღ(მრ)თის(ა)სა • მო(ვე)დით რ(ომე)ლთა შეიყ(უა)რეთ ზ(ე)ცისა დ(იდე)ბ(ა)ჲ • მსგავსად ბრძენთა მ(ა)თ ქ(ალ)წ(უ)ლთა • გ(ა)ნ(ა)ბრწყ(ი)ნვენით ლამპარნი თქ(უე)ნნი • ს(ა)რწმ(უ)ნ(ო)ებითა • და წყ(ა)ლ(ო)ბითა ჻

Ⴋ(ა)ცხ(ოვა)რო ს(ა)ხ(იე)რო რ(ომელ)ი მოხუჱდ ს(ო)ფლ(ა)დ • ჴსნად კ(ა)ცთა ნ(ა)თეს(ა)ვისა ხრწნილებისაგ(ა)ნ • და მძლ(ა)ვრებისაგ(ა)ნ მტ(ე)რისა • პ(ირვე)ლ აღს(ა)სრ(უ)ლისა მრ(ა)ვ(ა)ლთა ც(ო)დვ(ა)თა ჩ(ე)მთა • შენდ(ო)ბ(ა)ჲ მომადლე გ(ე)ვ(ე)დრები • რ(ომელ)ნი იგი მიქმნიან სიტყჳთ და ს(ა)ქმით • რ(ამეთუ) გნებ(ა)ვს ყ(ოველ)თა ცხ(ო)რ(ე)ბ(ა)ჲ ვ(ითარც)ა კ(ა)ცთ მ(ო)ყ(უა)რე ხ(ა)რ ჻

Ⴓგ(ა)ლობ(დით)სა: Ⴃაანთქენ ჻

Ⴅ(ითარც)ა რ(ა)ჲ დიდი • მთ(ი)ები ჰრბიოდე შ(ე)ნ • წ(ინაშ)ე მ(ეუ)ფისა და გ(ა)ნ(ა)ნ(ა)თლე ქ(უე)ყ(ა)ნ(ა)ჲ ბრწყ(ი)ნვ(ა)ლ(ე)ბითა შ(ე)ნითა • ნ(ა)თლის მცემ(ე)ლო ქ(რისტე)სო • მეცა ურ(ი)ცხუთა ც(ო)დვ(ა)თაგ(ა)ნ • დაბნელებ(უ)ლი გ(ა)ნმან(ა)თლეთ ნ(ე)ტ(ა)რნო ჻

Ⴓდესმე ბერწობ(ა)სა •

დამჴსნელ იქმენ შობითა • ამისთ(ჳ)ს გ(ე)ვ(ე)დრები ბერწ ქმნილი ს(უ)ლი ჩ(ემ)ი • კუჱთებითა ვნებ(ა)თაჲთა • მ(ეო)ხებითა შ(ე)ნითა • ნ(ა)ყ(ო)ფიერ ყ(ა)ვ ნეტ(ა)რო • და შვილ მრ(ა)ვ(ა)ლ სათნ(ო)ებ(ა)თა მ(იე)რ ჻

Ⴛ(ა)ლითა და ს(უ)ლითა • ელიაჲსითა იქმენ • გ(ა)ნმზადებ(უ)ლ გზ(ა)თა ქ(რისტე)ს მ(ეუ)ფის(ა)თა • რ(ომლ)ისა მ(იმა)რთ წ(ა)რჰმ(ა)რთენ • ს(უ)ლისა ჩ(ე)მისა კუალნი • დ(იდე)ბ(უ)ლო ი(ოვა)ნე • და მოსპე ჩ(ე)მგ(ა)ნ გულარძნილინებ(ა)ჲ ვნებ(ა)თაჲ ჻

Ⴌ(ა)თლისა ღრუბ(ე)ლო • ბნელნი იგი ღრუბ(ე)ლნი • ს(უ)ლისა ჩ(ე)მის(ა)ნი ბრწყ(ი)ნვ(ა)ლითა ოხითა • შ(ე)ნითა გ(ა)ნდევნენ ჩ(ე)მგ(ა)ნ • რ(აჲთ)ა ვიხილო ნ(ა)თელი • შ(ე)ნგ(ა)ნ შობილისა ღ(მრთისა)ჲ • და ნ(ა)თ(ე)ლი ს(ა)ღ(მრ)თ(ო)ჲ ნ(ა)თლითა მოვიღო ჻

Ⴂ(ან)Ⴛ(ლიერდას)Ⴀ Ⴋშჳლდი ძლ[იერთაჲ] ჻

Ⴗ(ოვე)ლივე ს(ა)თნო(ე)ბ(ა)ჲ წ(ა)რჰმ(ა)რთე • და ყ(ოველ)ივე ც(ო)დვ(ა)ჲ გ(უ)ლითად • მო(ი)ძულე შ(ე)ნ • ხ(ოლო) სინ(ა)ნულისა გზ(ა)ნი • ნეტ(ა)რო ყ(ოვე)ლთა უჩუჱნენ ჻

Ⴃიდად წინა მსრბოლად გამ(ო)სჩნდი • სიტყჳსა ჴ(ო)რც(შე)სხმულისა • ამისთ(ჳ)ს გ(ე)ვედრები • მიჴსენ ვნ(ე)ბ(ა)თა ბორ(ო)ტთაგ(ა)ნ • და უვნებლობ(ა)დ მიმიძეღუ ჻

Ⴅ(იდრე)ღა იყ(ა)ვ ჴ(ო)რცთა შ(ინ)ავე • უჴ(ო)რც(ო)თა ცხ(ო)რ(ე)ბ(ა)ჲ აჩუჱნე წინამორბედო • რ(ომლ)ისა ბაძვად ღირს გ(უ)ყვენ ღირსო • გ(ე)ვ(ე)დრებით ლ(ო)ც(ვ)ითა შ(ე)ნითა ჻

Ⴚხოვნდა შ(ე)ნგ(ა)ნ სძალო ს(ო)ფელი • გ(ა)რდასლვისა მ(იე)რ წ(ა)რწყმედილი • და უჴმარ ქმნილი • ამისთ(ჳ)ს შესხმითა ს(ა)ღ(მრ)თ(ო)ჲთა • ჯეროვნად გნ(ა)ტრის და გ(ა)დიდებს ჻

Ⴋ(ე)Ⴑ(მას)Ⴀ Ⴑიყ(უა)რ(უ)ლი წყ[ალობისაჲ] ჻

Ⴅ(ითარც)ა გურიტი უმანკოჲ • ჰქ(ა)დ(ა)გებდი შ(ე)ნ არესა ცხ(ო)რ(ე)ბის(ა)სა • ჭ(ეშმარი)ტსა სიტყჳთა • ჭ(ეშმარი)ტ(ე)ბის(ა)ჲთა • ქ(რისტე)ს წინამორბ(ე)დო ჻

Ⴅ(ითარც)ა შუამდგომელმ(ა)ნ • დიდმ(ა)ნ ძუჱლისა და ახლისა სჯ(უ)ლისამ(ა)ნ • და ძუჱლებ(უ)ლი ესე ც(ო)დვითა გ(ა)ნმა(ა)ხლე • ქ(რისტე)ს წინამორბედო ჻

Ⴋჴსნელ და მ(ა)ცხ(ოვა)რ გუექმნა ჩ(უე)ნ • ძე შ(ე)ნი ქ(ალ)წ(უ)ლო უბიწო • მ(ა)ს ევ(ე)დრე ჴსნ(ა)დ ჩ(უე)ნდა • რ(ომელ)ნი წადიერ(ე)ბით • და სურვ(ი)ლით გნ(ა)ტრით, შ(ე)ნ ჻

Ⴐ(ომელმა)ნ უბრ(ა)ლოჲთა მით • ცხ(ო)რებითა უდაბნოჲ გ(ა)ნაშუენე • უქმი გონებ(ა)ჲ ჩ(ემ)ი • აღავსე ნ(ა)ყ(ო)ფითა ქ(რისტე)ს წინა მორბედო ჻

Ⴖ(ამით)Ⴂ(ანს)Ⴀ : Ⴌ(ა)თელი შ(ენ)ი უ(ფალ)ო ჻

Ⴐნებ(ა)თა ოჴრებისა ნ(ა)კუჱრცხ(ა)ლთა მ(იე)რ • აღტყინებ(უ)ლი ვნებ(ა)თა შ(ე)ნთა • ცუარითა დიდო წინამორბ(ე)დო • შეუწველ(ა)დ მიჴსენ მ(ა)თგ(ა)ნ ჻

Ⴑიბრძნემ(ა)ნ და ძ(ა)ლმ(ა)ნ და მ(ა)რჯ(უე)ნამ(ა)ნ მ(ა)მისამ(ა)ნ • მ(ა)რჯ(უე)ნისა შ(ე)ნისაგ(ა)ნ ნ(ა)თელს (ი)ღო • და მტ(ე)რისა ჴ(ე)ლთაგ(ა)ნ მიჴსნნა ჩ(უე)ნ • მ(ეო)ხ(ე)ბითა შ(ე)ნითა ჻

Ⴑიმტკიცედ შეს(ა)ვედრ(ე)ბ(ე)ლ(ა)დ და ჴ(ე)ლის აღმპყრობელ(ა)დ • ყ(ოველ)ი ს(ო)ფელი გიცნობს ი(ოვან)ე • მიჴსნენ ჩ(უე)ნცა ყ(ოველ)თა ჭირთაგ(ა)ნ • მ(ეო)ხ(ე)ბითა შ(ე)ნითა ჻

Ⴘუჱნიერებ(ა)ჲ ეგე ი(ა)კ(ო)ბისი ღ(მერთმა)ნ • შეგიყ(უა)რა ქ(ალ)წ(უ)ლო ღ(მრთ)ისმშობ(ე)ლო • და უშუჱრებ(ა)ჲ ადამიანთაჲ • შ(ე)ნ მ(იე)რ კ(უალა)დ გ(ა)ნაშუჱნა ჻

Ⴖ(აღად)Ⴗ(ავს)Ⴀ ჻

Ⴘთავარდი ჻

Ⴃასდეგ და ნ(ა)თელს ეც წყ(ა)ლთა შ(ინ)ა • მ(ეუ)ფესა რ(ომელმა)ნ • ა(ი)ხუნა ც(ო)დვ(ა)ნი ს(ო)ფლის(ა)ნი • მ(ა)ს ევედრე • ჩ(უე)ნთ(ჳ)ს წინა მორბედო • რ(აჲთ)ა აცხ(ო)ვნნეს ს(უ)ლნი ჩ(უე)ნნი ჻

Ⴈქმენ შ(ე)ნ ქად(ა)გ სინ(ა)ნ(უ)ლისა • რ(ომლ)ითა დამამტკიცე • შებღალული ც(ო)დვ(ი)თა გ(უ)ლი ჩ(ემ)ი • ი(ოვან)ე და • გ(ა)ნაღჳძე იგი • და აღჭურე ს(ა)ქმედ კ(ე)თილისა ჻

ჴმა ყ(ა)ვ შ(ე)ნ ს(უ)ლთა მ(იმა)რთ უალთა • მოსლვაჲ სიტყჳსა ღ(მრთისა)ჲ • და დამკჳ(ი)დრებ(ა)ჲ მ(ა)თ შ(ორი)ს ი(ოვან)ე • ამისთ(ჳ)სცა ჴმითა გ(ა)ლ(ო)ბის(ა)ჲთა • მ(ა)რ(ა)დის გნ(ა)ტრის ეკლესიაჲ ჻

Ⴑჯ(უ)ლისა სახეთა გამოსახეს • შობ(ა)ჲ შ(ე)ნი ქ(ალ)წ(უ)ლო • რ(აჲ)თა იგი აწ აღსრულებ(ა)სა • გ(ა)ნვიცდით ჩ(უე)ნ • უხრწნელო ღ(მრთ)ისმშობ(ე)ლო • ჯეროვნ(ა)დ და ღირსად გ(ა)დ(იდე)ბთ: Ⴉ(ურთ)Ⴞ(ეულარს)Ⴀ ჻

Ⴀბრ(ა)ჰ(ა)მი(ა)ნთ(ა) ყრ[მათა] ჻

Ⴗ(ოველ)თავე ნაშობთა • უზეშთ(ა)ეს გ(ა)მოსჩნდი • წ(ინაჲს)წ(არმეტ)ყ(უე)ლო დ(იდე)ბ(უ)ლო • დიდად შეცოდებ(უ)ლი • ვედრებითა შ(ე)ნითა • მიჴსენ ც(ე)ცხლით უშრეტით ჻

Ⴊეღუსა უნაყოფ(ო)სა • ყ(ოვლ)ითურთ მივე-

მსგ(ა)ვსე • და მეშინის მოკუჱთისაგ(ა)ნ • ვედრებითა შ(ე)ნითა • ნ(ა)ყ(ო)ფიერ მყავ ბრძენო • ქ(რისტე)ს წინამორბედო ჻

Ⴃააყუდენ აღძრვანი • და წყობანი მტ(ე)რთანი • მოს(ა)ვთა შ(ე)ნთა ზ(ედ)ა აღძრულნი • ვედრ(ე)ბითა შ(ე)ნითა • დიდო წინა-მორბედო • ქ(რისტე)ს მ(ეუ)ფისაო ჻

Ⴈავ(ა)რყ(ო)ფისაგ(ა)ნ • და აღდგომისა • და მონებისა მტ(ე)რთა ბორ(ო)ტთაჲსა • იჴსნენ მოსავნი შ(ე)ნნი • ენითა და ს(უ)ლითა • მაქებ(ე)ლნი ქ(ალ)წ(უ)ლო ჻

ႠႩ(ურთხევდითს)Ⴀ : Ⴋჴსნელო ჻

Ⴃანთქმული ძ(ი)ლითა • და მედგრობითა • და დაბნეული სიბორ(ო)ტითა • ლ(ო)ცვ(ა)თა შ(ე)ნთა ნ(ა)თლითა • გ(ა)ნმ(ა)ნ(ა)თლე რ(აჲთ)ა ს(ა)თნ(ო)ებ(ა)თა • დღესა შ(ინ)ა შუჱნიერ(ა)დ ვიდოდი ჻

Ⴂ(ა)ნსაცდელთა ღელვაჲ • დამნთქამს უწყალო დ • და ს(ი)ღრმე ღელვ(ა)თ(ა)ჲ • შემაშფოთებს მწარედ • მიპყარ ჴ(ე)ლი წინა მორბ(ე)დო • და სინ(ა)ნ(უ)ლისა ნავთს(ა)ყუდელსა • შეიყვანე ნავი ს(უ)ლისა ჩ(ე)მის(ა)ჲ ჻

Ⴐ(ომელმა)ნ ს(ო)ფლისა • ბრ(ა)ლთა ამხუმელსა • მდინარესა წყ(ა)ლთა შ(ინ)ა ნ(ა)თელ ეც • ბორ(ო)ტთა ჩ(ე)მთა უფსკრული • გ(ა)ნაჴმე წყ(ა)როჲთა მ(ა)დლ(თა შ(ე)ნთ(ა)ჲთა • ი(ოვან)ე ქ(რისტე)ს წინა მორბ(ე)დო ჻

Ⴈხილე თ(უა)ლითა • ს(უ)ლი ცხოველი • ისმინე ყურითა • ჴ(მა)ჲ მშობელის(ა)ჲ • წამებდა რ(ა)ჲ ს(ა)შ(ი)ნელ(ა)დ • შ(ე)ნ მ(იე)რ ნ(ა)თელ ღებულსა • ქ(რისტეს)ა მ(ა)ს ევედრე ჩ(უე)ნთ(ჳ)ს ი(ოვან)ე ჻

Ⴅ(ითარც)ა ხ(ა)რ წყ(ა)როჲ • გ(ა)ნახლების(ა)ჲ • მტ(ე)რისა ბრძოლითა • გ(ა)ნხრწნილი ესე გ(ა)ნმახლე მე ქ(ალ)წ(უ)ლო • რ(აჲთ)ა ს(ა)რწმ(უ)ნ(ო)ებით და სურვილით • გ(ა)დი(დე)ბდე ყ(ოვლა)დ ს(ა)გ(ა)ლ(ო)ბ(ე)ლო ჻

Ⴀ(დიდე)Ⴁ(დითს)Ⴀ: Ⴄვა უ(ო)დესმე უ ჻

Ⴛ(ა)ლ ჩ(ე)მდა და ს(ა)გ(ა)ლობელ ქ(რისტ)ე • რ(ომე)ლსა ევედრე ნ(ე)ტ(ა)რო წინამორბ(ე)დო რ(აჲთ)ა მომცეს მე ძლ(ე)ვაჲ ვნებ(ა)თ(ა)ჲ • და ყ(ოვლ)ისავე მტ(ე)რთა კუჱთებისა • და აღსრულებ(ა)ჲ ს(ა)ღ(მრ)თ(ო)თა მცნებ(ა)თ(ა)ჲ • რ(აჲთ)ა ჴსნილი ქ(ე)ბით გ(ა)დ(იდე)ბდე ჻

Ⴘუჱნიერი გურიტი და მერ(ც)ხალი • ტკბილად მჴმობელი გ(ა)მოსჩნდი • წინამორბედო • მაუწყებლად ს(ა)ღ(მრ)თ(ო)სა არესა • რ(ომლ)ისაგ(ა)ნ ითხოვე • რ(აჲთ)ა მიჴსნნ(ე)ს ჩ(უე)ნ • ზამთრისაგ(ა)ნ და ღელვისა • ს(უ)ლთა მომსრველისა • რ(ომე)ლ არს სიბოროტე ჻

Ⴀღიმღერენ საშოჲთ დედის(ა)ჲთ • და ჰქ(ა)დ(ა)გე ქ(ალ)წ(უ)ლისა მ(იე)რ შობილი • რ(ომე)ლსა ევედრე ჴ(ო)რცთა ჩ(უე)ნთა • აღძრვისა მომკლველისა მოკუდინებ(ა)დ • და აღვსებ(ა)დ სიხ(ა)რ(უ)ლითა გ(უ)ლი ჩ(ემ)ი • რ(აჲთ)ა გ(ა)ქ(ე)ბდე წინა მორბ(ე)დო ჻

Ⴑ(ა)სჯელი უწყალო არს ს(უ)ლო • მ(ა)თთ(ჳ)ს რ(აჲ)თა იგი არა ყონ წყ(ა)ლ(ო)ბ(ა)ჲ • ეკრძალე შ(ე)ნ და აღიღე ზეთი • რ(აჲთ)ა არა დაშრტენ ლამპარნი შ(ე)ნნი • სიძე მოახლებ(უ)ლ (ა)რს • გ(ა)ნიღჳ(ი)ძე რ(აჲთ)ა • არა ნებ(ა)ჲ • დაშრეტილი გ(ა)ქონდეს ჻

Ⴉ(ე)თილის მ(ო)ყ(უა)რე ღ(მერთ)ი ჰშ(ე)ვ • კ(ე)თილის მ(ო)ყ(უა)რ(ე)ო ღ(მრ)თისმშ(ო)ბ(ე)ლო • მ(ა)ს ევ(ე)დრე რ(აჲთ)ა მიჴსნეს მე ყ(ოვლ)ისავე სიბ(ო)რ(ო)ტის(ა)გ(ა)ნ სძ(ა)ლო • და დაჰნერგოს ჩ(ე)მ შ(ორი)ს სიყ(უა)რ(უ)ლი თ(ჳ)სი • და აღმძრას მე ჴ(ო)რცთა სიძულილად ჻

Ⴃღე ჻ Ⴍთხშ(ა)ბ(ა)თი წ(მიდ)ისა [ღმრთისმშობელისა]

Ⴋჴნეონი ჻

Ⴋ(ა)დლ(ი)თა მ(ა)თგ(ა)ნ ს(უ)ლის(ა)თა • მასხურე წყ(ა)ლი ცხოველი • და გონებ(ა)ჲ ჩ(ემ)ი გ(ა)ნ(ა)ბრწყ(ი)ნვე რ(ომელმა)ნ ქ(რისტ)ე • გჳშ(ე)ვ უფსკრ(უ)ლი წყ(ა)ლ(ო)ბის(ა)ჲ • კ(ა)ცთა შეც(ო)დებ(ა)სა • ს(ი)ტკბ(ოე)ბ(ი)თ წ(ა)რმრღუნელი • დააცხრვენ ღუარნი იგი • ბრ(ა)ლთა ჩ(ე)მთ(ა)ნი • და წყ(ა)როჲ ცხ(ო)რების(ა)ჲ • მომადლე მე • ძლ(იე)რითა შეწევნითა • შ(ე)ნითა დედ(ა)ო ღ(მრ)თისაო ჻

Ⴋოვისწრ(ა)ფოთ მორწმ(უ)ნენო • ტ(ა)ძრად უ(ფლ)ისა დედისა • და მ(ა)ს შ(ინ)ა გ(ა)ნვმზადოთ დღე ს(ა)სწ(აუ)ლი • სიხ(ა)რ(უ)ლის(ა)ჲ გ(ა)ლ(ო)ბითა • და შესხმითა ს(ა)ღ(მრ)თ(ო)ჲთა • ქ(ე)ბით ვ(ა)დიდ(ე)ბდეთ და ესრეთ უღ(ა)ღ(ა)დებდეთ • გ(ი)ხ(აროდე)ნ შ(ე)ნ: რ(ომელმა)ნ ჰშ(ე)ვ ჴ(ო)რცითა • მ(ა)ცხ(ოვა)რი • და მჴსნელი ადამიანთაჲ • მ(ა)ს ევედრე ს(უ)ლთა ჩ(უე)ნთათ(ჳ)ს ჻

Ⴀღესრ-

ულა თქმული შ(ემიწყალ)ე ღ(მრ)თისმეტყუჱლო ესაია • აჰა ესერა ქ(ალ)წ(უ)ლმ(ა)ნ მუცლად იღო • და გჳშვა ჩ(უე)ნ ევმანუელ • მთ(ა)ვ(ა)რი მშჳდობის(ა)ჲ • და მისგ(ა)ნ გ(ა)ნიხ(ა)რნა • ყ(ოვე)ლმ(ა)ნ დაბადებ(უ)ლმ(ა)ნ • ამისთ(ჳ)სცა ჩ(უე)ნ • აღვიარებთ ყ(ოველ)ნი • დედად ღ(მრთ)ისა • რ(ომლ)ისათ(ჳ)სცა მ(ეო)ხ ვ(ი)ყოფთ • რ(აჲთ)ა ვიჴსნნეთ გ(ა)ნს(ა)ცდელთ(ა)გ(ა)ნ ჻

Ⴐ(ომელ)ი გ(ა)ლ(ო)ბ(ა)ჲ ჯერ არს • შესხმ(ა)დ შ(ე)ნდა ჩ(უე)ნ მ(იე)რ დღეს • უბიწო ს(ა)ყდ(ა)რო ღ(მრ)თისა მ(ა)ღლის(ა)ო • რ(ამეთუ) შ(ე)ნ მხ(ო)ლოჲ ღირს იქმენ • ყ(ოველ)თა ტომთა შ(ორი)ს • მიწევნად უზეშთაეს • ბუნებ(ა)სა კ(ა)ცობრივსა • რ(ამეთუ) ღ(მერთ)ი ჰშ(ე)ვ: პ(ირვე)ლ ჟ(ა)მთა უშობელი • თ(ან)ა სწორი • უხ(ი)ლ(ა)ვისა მ(ა)მის(ა)ჲ • ს(უ)ლით წ(მიდი)თურთ დ(იდე)ბ(უ)ლი ჻

Ⴟ(უა)რისნი ჻ | თჳთი Ⴑ(ა)ჭურვ(ე)ლადუძ(ლ)ეველ(ა)დ ქ(რისტ)ე • ჯ(უარ)ი შ(ე)ნი მოგუჱცა • და მით ვსძლევთ ბრძოლთა მტრის(ა)თა ჻

Ⴗ(ოვლა)დვე გუაქ(უ)ს ქ(რისტ)ე • ჯ(უარ)ი შ(ე)ნი შემწედ ჩ(უე)ნდა • და ს(ა)ფერჴეთა მტრის(ა)თა • უჭ(ი)რველ(ა)დ დავსთრგუნ(ა)ვთ ჻

Ⴑტიქ(ა)რ(ო)ნი ჻

Ⴋჴნეონი ჻

Ⴃაცემ(უ)ლთა აღმმართებ(ე)ლ • მომკუდ(ა)რთა აღმ(ა)დგ(ი)ნებელ • გ(ა)მოსჩნდი შ(ე)ნ ქ(ალ)წ(უ)ლო • ჰშ(ე)ვ რ(ა)ჲ ქ(რისტ)ე ძე ღ(მრთისა)ჲ • მ(ა)მისა თ(ან)ა დ(იდე)ბ(უ)ლი • რ(ომელმა)ნ ს(ა)თნო იყო • შ(ე)ნგ(ა)ნ შობ(ა)ჲ სიწმიდით • გუამოვნებითა ჴ(ო)რცთაჲთა • რ(ომე)ლსა ევედრე • გ(ა)ნს(ა)ცდელთ(ა)გ(ა)ნ და ყ(ოველთ)ი ჭირთა • გ(ა)მოჴსნად ჩ(უე)ნდა რ(ომელ)ნი გ(ა)დიდ(ე)ბთ შ(ე)ნ წადიერ(ე)ბით:

Ⴋ(ა)მისა თ(ან)ა არსი და ს(უ)ლისა თ(ან)ა მოს(ა)ყდრე • უბიწოთა სისხლთა შ(ე)ნთაგ(ა)ნ გ(ა)ნკ(ა)ცებ(უ)ლი • ზეშთა სიტყჳსა ჰშ(ე)ვ ქ(ალ)წ(უ)ლო • ორითა ბო(უ)ნებითა • და ორითა ნებითა • და ორ(ი)თა ს(ა)ქმითა ჭ(ეშმარიტა)დ რ(ომე)ლსა ევ(ე)დრე • უბიწოო ქ(ალ)წ(უ)ლო • ვ(ითა)რ ძესა შ(ე)ნსა ჴსნ(ა)დ ჩ(უე)ნდა რ(ომელ)ნი • ღ(მრ)თისმშ(ო)ბ(ე)ლ(ა)დ აღგიარებთ შ(ე)ნ ჻

Ⴐ(ა)ჟ(ა)მს მ[ოწყალე] ჻

Ⴘ(ე)ნ ხ(ა)რ მფ(ა)რველი და შემწე ჩ(უე)ნი სძ(ა)ლო • ს(ა)სოებ(ა)ჲ და სიმტკიცე • და ს(ა)ჭურველი • მტკიცე და შურის მეძიებ(ე)ლი •

და ჭირთაგ(ა)ნ გ(ა)მომჴსნელი • და ძჳრთა დამჴსნელი • შ(ე)ნ ხ(ა)რ ნავთს(ა)ყუდელი და შესავედრებ(ე)ლი • და ჴ(ე)ლის აპყრ(ო)ბ(ა)ჲ და ლხინებ(ა)ჲ • და ცემისაგ(ა)ნ აღმადგინებ(ე)ლი • და აწცა მიჴსნენ გ(ა)ნს(ა)ცდელთაგ(ა)ნ • და შეცვ(ა)ლენ გლოვანი და მწ[უხა]რებ(ა)ნი • სიხ(ა)რ(უ)ლად გამოუთქმელად • და მხ[...]ბდ ქ(ალ)წ(უ)ლო ჻

Ⴜ(ა)რ(დ)გ(ო)მ(ა)ჲ Ⴇჳთი ჻

Ⴋომიყ[იდენ] ჩ(უე)ნ წყევისაგ(ა)ნ სჯ(უ)ლისა • პ(ა)ტ(იო)სნითა სისხლითა შენითა • ჯ(უარს)ა რ(ა)ჲ დაემსჭუალე ქ(რისტ)ე • და ლ(ა)ხურითა გ(ა)ნ(ი)გ[უ]რიმე • ა(რამე)დ უკდ(ა)ვებ(ა)ჲ აღმოგჳც(ე)ნე კ(ა)ცთა • მ(ა)ცხ(ო)ვ(ა)რო ჩ(უე)ნო დ(იდე)ბ(ა)ჲ შ(ე)ნდა ჻

Ⴐ(ომელ)ი აჰმ(ა)ღლდი ჯ(უარს)ა ზ(ედ)ა ნებსით • მოსახ(ე)ლესა შ(ე)ნსა ახალსა მოქ(ა)ლ(ა)ქობ(ა)სა • წყ(ა)ლ(ო)ბ(ა)ჲ შ(ე)ნი მოჰმ(ა)დლე ქ(რისტ)ე • [ღმერთ]ო • ახარე ძ(ა)ლითა შ(ე)ნითა • მორწმ(უ)ნეთა მ(ე)ფეთა ჩ(უე)ნთა • ძ[ლევაჲ] მოანიჭე მ(ა)თ მბრძოლთა ზ(ედ)ა მ(არა)დის • თ(ან)ა მბრძ(ო)ლებისა შ(ე)ნისა [მპყ]რობელთა • ს(ა)ჭურვ(ე)ლ(ა)დ მშჳდობისა • უძლევ(ე)ლად მბძოლ(ა)დ ჻ Ⴍ : გ(ალო)ბ(დითსა)

Ⴆღჳსა მის მეწ[ამულისა] ჻

Ⴐ(ომელმა)ნ გ(ა)რდაართხენ ც(ა)ნი • გ(ა)ნიპყრენ ჴ(ე)ლნი ჯ(უარს)ა ზ(ედ)ა და წ(ა)რმ(ა)რთნი შორად გ(ა)ნშ[ორებულ]ნი: ვ(ითარ)ცა ს(ა)ხ(იე)რმ(ა)ნ • და მრ(ა)ვ(ა)ლ მ(ო)წყ(ა)ლემ(ა)ნ ღ(მერთმა)ნ • წიაღთა შ(ე)ნ შეიტკბ(ე)ნ მჴსნ(ე)ლო • ჯ(უარ)ითა შ(ე)ნითა ქ(რისტ)ე • შე[ზღუდე] რ(აჲთ)ა არა ვიქმნე • შესა[ჭმელ] მგელისა ბორ(ო)ტისა • რ(ომელ)ი • დ[ღითი] დღე • ს(ა)[ფრჴეთა] და მ(ა)ხეთა დამირწყავს • შემურე იგი ძლ(იე)რებითა ჻

Ⴃა[ე]მსჭუალე ჯ[უარსა] ზ(ედ)ა • მჴსნელო შეჰკარ [მტერი] მაცთ(უ)რი • და ნეფსით ვნებითა მით შ(ე)ნითა • გ(ა)მომ(ი)ჴსნენ ჩ(უე)ნ ვნებ(ა)თაგ(ა)ნ • შუათა მისთა მძჳნვარეთაგ(ა)ნ • მრ(ა)ვ(ა)ლ მ(ო)წყ(ა)ლე და კ(ა)ცთა მ(ო)ყ(უა)რე ჻

Ⴞ(ოლო) ბორ(ო)ტთა ყ(ოველ)თა მიზეზი • ტკივ(ი)ლ(ი)თა დათმენი